Egoistlik aslida o’ziga qulay pozitsiyani tanlash emas, balki o’zini rivojlantiradigan tanlovni qilish.

#mindset

@nasullaevblog

Yaxshi menejer boshqarmaydi, balki o'zi ishlaydigan tizim (boshqaruv modeli) yaratadi deb hisoblayman.

Bu nafaqat xodimlarni boshqarish uchun balki inson o'z-o'zini va o'ziga aloqador loyihalarni boshqarish uchun ham amal qiladi

Hayotiy bir voqeani bo'lishmoqchiman

Turkiya safarimizdan keyin (25.10-01.11) ishimda samaradorlik tushib ketdi va salomatligimda salbiy o'zgarishlar sezildi. Shu sababdan davolanish va qayta tiklanishga deyarli 1 oy vaqtim ketdi. Hozir yana aktiv mode'ga qaytayapman

Bu davr ichida ishlar to'xtab qolmadi, lekin o'sish ham bo'lmadi

Hozir hozirgacha bo'lgan barcha jarayonlarni qayta nazoratga oldim va sizlar bilan bo'lishmoqchi bo'lgan boshqaruv modelini ishlab chiqdim

Sprinter modeli.

1. Men doimiy ishlaydigan eng asosiy 3 loyihani tanladim (Bundan boshqa biror loyiha bilan ishlamayman degan talab qo'ydim o'zimga).

2. U loyihaga aloqador muhim ma'lumotlarni ajratib oldim, ular:

Maqsad. Deadline. Reja. Budjet. Jamoa. Monitoring. Fact.

Yuqoridagi ma'lumotlarni loyihalar kesimida boshqarish oson bo'lishi uchun jadvalga joylashtirdim.

*** Jadvaldagi ma'lumotlar harakatga o'tish uchun yetarli emas. Ular shunchaki darak gap - ma'lumot beradi xolos. Endi ularni harakatga o'tishga oson qiluvchi boshqarish modeliga o'tkazishimiz kerak

3. Dunyoning lider milliard dollarlik kompaniyalari ishlatadigan Management modellarini o'rganib chiqib, mening modelim bilan sinxronlashtirish mumkin bo'lganini tanladim:

1 kun = 1 katta progress + 3 muhim vazifa + KPI tekshirish + % baholash

Bu model Amazon (WBR), Intel (OKR), Scrum, 4DX, High-Output Management, One-Thing Rule uslublarining eng samarali qismlarini birlashtiradi

Ana endi bizdagi shunchaki ma'lumot emas, balki ertalab ko'zimizni ochganimizda harakatga undovchi, aniq o'lchanadigan topshiriqlar jamlanmasi shakllandi

Eng zo'r tomoni, bu shunday ishlab chiqilganki, multi-tasking bo'lib, focus tarqalib ketmaydi, balki ish kamayadi va samaradorlik oshadi.

P.s.: Agar oxirigacha kelgan bo'lsangiz va foyda olgan bo'lsangiz, xursandman. Kanalda bunday og'ir post yozishga odatlanmaganman. Eksperiment qilib ko'ramiz.

@nasullaevblog

Baraka omili - rozilikda

Bir do'stim bilan gaplashib qoldim, juda yaxshi yigit, inomarkada yuradi, yilida 3-4 marta oilaviy sayohatlarga chiqadi, uzoq yillardan beri xizmatini sotib keladi, o'z bozorida yetakchilardan.

"Yangi ekspertlar kelib manga qimmat sotish haqida "ponyatka" berishadi, xuddiki man bu haqida bilmaydigandek. Aslida man hammasini yaxshi bilaman. Hozirgi ishimni qimmat sotishni bilmaganim uchun emas, rozilik uchun ishlaganimdan shu narxda sotaman. Mijozim va o'zim rozi bo'lib ishlaydigan narx belgilayman. Natijada mani doimiy 20+ mijozlarim bor. Lekin manga qimmat sotishni o'rgatadiganlar nechi yildan beri mashinasini ham ololgani yo'q..."

Shu gap manga juda qattiq ta'sir qildi, deyarli bir oydan beri esimdan chiqmaydi

Shu suhbatdan keyin atrofimdagi ko'plarni kuzatdim

Hamkorlikda o'zidan oldin ikkinchi tomonni roziligini qo'ygan hamma tanishlarimda doim ishlari sokin, xotirjam va doimiy ekanini sezdim

Keyin yana chuqurlashdim - qachon odam o'zidan ko'ra ko'proq ikkinchi insonni roziligini o'ylaydi - qachonki rizq belgilanganiga ich-ichidan iymon keltirsa.

Qachon bu holatga kelinadi? Qachonki bir ishni nafs yo'lida emas, niyat yo'lida qilinsa.

Niyat yo'lida qilingan ishda qo'rquv ketadi, ishonch keladi. Aniqlik ortib, baraka ko'payadi.

*** Baraka faqat pulda emas, ishda, vaqtda, samaradorlikda va yana ko'plab hayotiy nuqtalarda uchraydi

Bugungi xulosalar shu yerda to'xtadi, shu yerda qoldiraman. Biror yangilik bo'lsa yana qaytaman

@nasullaevblog

Получай дофамин от того, что создаёшь, а не потребляешь.

#Понравилось

Avval biznes qil, keyin ijod.

Ijod qaytishi kafolatlanmagan xarajatni yaxshi ko'radi, bu davrda yashab qolish uchun davomli pul bilan ta'minlovchi kanal bo'lishi shart

Ijod - restoran
Biznes - fast food yoki milliy taomlar

Har qanday noyob turdagi, o'z tasdig'ini topmagan modeldagi biznes - ijod

Chunki siz bu ishni "yaxshi soqqa ko'tarish" uchun emas, xohlaganingiz uchun qilasiz

Aniq shablonlar asosida, doimiy daromadni ta'minlayotgan model esa biznes.

@nasullaevblog

🧠 Aqlimiz nafaqat himoya qiladi, balki to‘sqinlik ham qiladi.

Biz qilgan xatolarimizdan tez o‘rganamiz.
Ammo qilmay qo‘ygan xatolarimizning narxini deyarli hech qachon his qilmaymiz.

Gapirib muvaffaqiyatsizlikka uchrash — iz qoldiradi.
Hech qachon gapirmaslik esa ko‘rsatib bo‘ladigan iz qoldirmaydi.

Shu sabab odamlar yillar davomida noto‘g‘ri ishda, noto‘g‘ri munosabatda, o‘zlarining noto‘g‘ri versiyasida qolib ketishadi.

Bilmagani uchun emas.
Balki harakat oldindan mashq qilinmagan kelajakka qadam qo‘yishni talab qilgani uchun.

Aslida, haqiqiy dushman — noaniqlik.

Og‘riq ham emas, mehnat ham emas — noma’lumlik.

📌 Aql tanish azobni notanish erkinlikdan afzal ko‘radi.

Odamlar bir necha kunlik og‘riq xavfiga qaraganda, yillar davomida azob chekishni afzal ko‘radi.

Shuning uchun zamonaviy hayot, tarixdagi eng xavfsiz davr bo‘lishiga qaramay, ko‘pincha falajlovchidek tuyuladi.

🐆 Asab tizimimiz o‘limdan va sherlar hujumidan qochish uchun rivojlangan edi, endi esa biz uni sharmandalikdan, noto‘g‘ri bahodan, obro‘ga putur yetishidan va shaxsiyatning parchalanishidan qochish uchun ishlatyapmiz.

Bu ma’lumotlar asosida keladigan noqulay xulosa:
o‘zini anglash mutlaq yaxshilikka emas.

Ma’lum bir chegaradan keyin u harakat qobiliyatini bostiradi.

Kamroq mulohaza — ko‘proq xotirjamlik bo‘lishi mumkin.
Kamroq aniqlik — ko‘proq harakat bo‘lishi mumkin.
Kamroq “vijdon” — ba’zan ko‘proq hayot bo‘lishi mumkin.

Jasorat — aniq o‘ylash emas.

‼️ Jasorat — hamon noaniqlik bor paytda harakat qilishdir.

Hayot chuqur tahlil qilingan bo‘lishi mumkin, lekin baribir hech qachon yashalmagan bo‘lishi barcha tahlillarni yo’q qiladi.

Amalga oshirmagan ishlarimiz uchun xulosa chiqarib qaror qilishimiz, bizni biz xohlagan natijadan to’sib turadi

Nega unda hali bo’lmagan ish uchun xulosa qilamiz?

Chunki — keragidan ko’p aqllimiz!

Post Chris Williams’ning twitterdagi maqolasidan ilhomlanib yozildi

@nasullaevblog

Having a strong opinion is the mark of intellect, having an ability to change it is the true mark of intelligence

Tarjimasi: Kuchli shaxsiy fikrga ega bo’lish intellekt belgisi, lekin o’z fikrini o’zgartira olish haqiqiy intellekt

Inson rivojlanishning birinchi bosqichidan keyin o’sishdan to’xtaydi

Asosiy sabab endi tashqi sabablar emas, balki o’nlab yillardan buyon o’zgarmasdan kelayotgan fikrlarimiz bo’ladi

Inson o’z fikrini o’zgartira olishi uchun vaziyatga boshqa ko’z bilan qaray olishi kerak

Vaziyatni boshqa ko’z bilan ko’ra olishi uchun yoki yonida shunday inson bo’lishi kerak (sherik, do’stlar, ustoz) yoki o’zi doimiy ilm olib, o’z fikrlarini “o’ldirishi” kerak

Bunday o’zgarishlar bo’lmasligiga asosiy muammo egomiz yo’l qo’ymasligida

Inson umri oxirigacha ana shu jangda yutish yoki yutqazish uchun jang qiladi

@nasullaevblog

Biz dunyoni (narsalar & odamlarni) boricha emas, o'zimiz ko'ra bilganimizcha ko'ramiz.

O'sish nuqtasi "tashqarida" emas, "o'zimizda".

@nasullaevblog

Biznes egasi 2 ishni zo’r qilsa bo’ldi:

1. Marketing - mijozlarni muammosini tushungan holda ularga iqtisodiy effektiv bo’lgan product ishlab chiqish.

2. Rekruiting - maqsad qilingan productni bozorga olib kirib, ishlab chiqarish jarayonini realizatsiya qila oladigan kuchli jamoa yig’ish.

Agar to’g’ri jamoa yig’ilsa ularni boshqarish kerak emas, o’z o’zini boshqaradi ular

Sotuvdan qo’rqilmaydi, kuchli product o’z o’zini sotadi

Biznesdagi istalgan muammoning ildizi aynan shu 2 bo’limdan bittasiga borib taqaladi

@nasullaevblog

❌ Avval quray, keyin sotamiz

Bu model qurilish bozorida hozir ishlamaydi

Hozir eng qimmat resurs - YER

Sizda bo'sh yer bo'lsa, tabriklayman.

Agar bu bo'sh yerning hududi katta va joylashuv qulay bo'lsa 2x tabriklayman.

Lekin bu faktlar hoziroq qurilish boshlasangiz boyib ketishingizni anglatmaydi.

Qurilish qilib, yaxshi daromad olishni xohlasangiz, quyida ba'zi foydali lifehack'larni beraman

1. Iloji bo'lsa, o'zingiz qurilish qilmang, sherikchilikda qiling. Faqat hujjat ishlariga e'tiborli bo'ling

2. Qurilishni "o'z hayollaringizga" ishonib emas, bozorni aniq o'rganib boshlang. Sizni yeringiz atrofida qanday loyihani qanaqa uslubda qursa oson va tez sotiladi

3. Agar qurilishingiz sotilishi qiyin bo'lib, xarajatlarni yopishga qiynalishni xohlamasangiz kiimningdir maslahati, buyrug'i yoki o'z tahminlaringizga ishonib qurilish boshlamang. Bozorni o'rganib, aniq konsepsiya bilan ish boshlaganlargina yaxshi daromad qilishmoqda

Bu oxirgi bir necha kundagi bozor analizi asosida chiqargan xulosalarim. Lifehack'lar maksimal darajada qisqa, lekin juda qimmat.

Obuna bo'ling: @nasullaevblog

Maqtov

Inson harakatining eng asosiy drayverlardan biri

Maqtov = Isbot

Menimcha u 2 xil bo'ladi:

1. Arzon maqtov. Gapda - faqatgina gapirib, doim isbotlab yurishingiz kerak
2. Qimmat maqtov. Amalda - uni ko'rib turasiz. Xohlasangiz ham rad etolmaysiz

Men yoshligimdan ikkinchisini qurishga harakat qilib kelaman. (Gapirishni atrofimdagilar darajasida eplolmaganman)

Maqsad: Yakunda, o'zim xohlasam ham rad etolmaydigan darajada kuchli isbot bo'lsin. Shunda gapirishga ehtiyoj qolmaydi.

Let your results speak for you.

Obuna bo'ling: @nasullaevblog

Tadbirkor 2 ta masala ustida qancha ko’p bosh qotirsa, shuncha yutishda davom etaverar ekan.


Birinchisi, “qanday qilib hodimlarimni boyitsam bo’ladi?”

Ikkinchisi, “qanday qilib mijozlarimni boyitsam bo’ladi?”

Tamom…

Rahbar, yotsayam tursayam shu savollarni o’ziga berib yursa bo’ldi.

Hodimlarni boyitish deganda birinchi pul tushuniladi. Keyin shahar markazidagi ofis, ahil jamoa, shirin kofe, play station keladi.

Mijozlarni boyitish degandayam birinchi moliyaviy qiymat tushuniladi. Undan keyin, xushmuomala bo’lish, vaqtida javob berish, kabilar keladi.

Ikkisi ham boy bo’lsa, siz avtomatik boysiz.

@shahadolimov

Daromad ko’payganidan keyin, puldorlarning aksariga hurmatingiz kamayadi.

Obunchalilar ko’payganidan keyin, mashhurlarning aksariga hurmatingiz kamayadi.

Ilmiy ish qila boshlasangiz, professorlarning aksariga hurmatingiz kamayadi.

Mansab zinalaridan chiqa boshlasangiz, rahbarlarning aksariga hurmatingiz kamayadi.

Bir tarafdan tushunarli.

Odam o’zida yo’q narsaga ko’proq qoyil qoladi.

Boshqa tarafdan, yuqoridagi yutuqlar, oddiy ishlar + omadning natijasi ekanligini tushuna boshlaysiz.

Bitta holat bundan mustasno ekan.

Nafsingiz bilan kurash ko’payganidan keyin, nafsidan g’olib kelganlarga hurmatingiz kamayib qolmaydi. Ko’payib boradi.

Jarayonga kirishmaguncha bu ishni oddiy deb o’ylagan edingiz.

Kirishganingizdan keyin, oddiy ko'ringan odamlarning buyukligi bilinib qoladi.

Katta o’sish katta o’zgarish talab qiladi

Katta o’zgarish esa voz kechish va mas’uliyat talab qiladi.

Voz kechish va mas’uliyat olish nimani talab qiladi? O’zlikni va real xohishlarni anglashni talab qiladi!

Eski fikrlash modelidan voz kechish va yangi mas’uliyatlarni olish yangi daraja va masshtab beradi.

Chumchuq inida ko'rganini qiladi

Bola uyida ko'rganini qiladi

Xodim rahbarida ko'rganini qiladi

Rahbar esa o'ziga o'xshagan xodim oladi

Atrofimizdagi hamma narsa aslida bizning ichki olamimizning aksi

Juda kichik qismi esa maqsadlarimiz yo'lida yengishimiz kerak bo'lgan muammolar

Muammolar aslida hayotimizning juda kichik foizini tashkil qiladi, ularga emotsional tus berish orqali ahamiyatini oshirib yuboramiz xolos

Hayotimizning asosiy qismi esa biz uchun qachonlardir muammo bo'lgan yechimlarning avtomatlashgan ko'rinishidan iborat

Xulosa: Atrofingizda sizga yoqmayotgan holatlar yoki sizning ichki olamingiz, yoki yangi darajaga chiqishingiz yo'lidagi to'siqchalar. Har bir to'siq yangi level uchun kalit. Kalitni topish uchun esa ratsional fikrlashimiz kerak bo'ladi (qaysiki, har doim ham oson bo'lmagan ish)

O'zing o'zgarmasang, olam o'zgarmas

@nasullaevblog

⏰ Soat tungi 00:05

📆 28-maydan 29-mayga o’tish kechasi

Davlat 5 kunlik dam olish e’lon qilgan

2021-yildan beri o’z vaqtimni o’zim nazorat qiloladigan imkoniyatga egaman, lekin shunga qaramay hayotimning 80% qismi shu ko’rinishda o’tib keladi

Eng qizig’i, men tanigan o’nlab millionerlarning deyarli hammasi xuddi shu vaqtda aloqaga chiqsangiz ham siz bilan gaplashishadi (uyqusiragan ovozda emas!)

📌 Muhim to’ldirish: “Temshik” va Tadbirkorlar adashtirilmasin

🤔 Nega tepasida rahbari yo’q insonlar ish vaqti belgilangan xodimlarga qaraganda ko’proq ishlashadi?

Nega standartdagidan ozgina ko’p ishlagan xodimlar qo’shimcha haq yoki e’tirof talab qilib qoladi?

Meni xulosam, harakat fundamenti ichkaridan bo’lgan insonlarga tashqaridan ta’sir kerak emas, ular bu ishni o’zlariga yoqqani uchun qilishadi. Ikkinchi toifa majbur bo’lganidan qiladi.

🐣 Oddiy lekin ideal o’xshatish: Tuxum ichkaridan sinsa yangi hayot, tashqaridan sinsa o’lim.

O’ylab ko’ring, harakatlaringizni xohlab qilyapsizmi yoki majburlikdan?

@nasullaevblog