[English Below]
នៅថ្ងៃទី០៤ ខែមេសា ឆ្នាំ២០២៣ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) សហព័ន្ធនិយោជក និងសមាគមពាណិជ្ជកម្មកម្ពុជា (CAMFEBA) និងក្រុមប្រឹក្សាអាជ្ញាកណ្ដាល (AC) បានសហការរៀបចំវេទិកាពិភាក្សាមួយក្រោមប្រធានបទស្ដីពី “តួនាទី និងប្រសិទ្ធភាពរបស់មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម និងក្រុមប្រឹក្សាអាជ្ញាកណ្ដាល ក្នុងយន្តការដោះស្រាយវិវាទក្រៅប្រព័ន្ធតុលាការ” ។ វេទិកាពិភាក្សានេះផងដែរ មានការអញ្ជើញចូលរួម ដោយលោកមជ្ឈត្តករ សាន គីរី ប្រធាន ម.ជ.ម. លោក សុខ ឡោ អនុប្រធាន សហព័ន្ធនិយោជក និងសមាគមពាណិជ្ជកម្មកម្ពុជា លោកអាជ្ញាកណ្ដាល ម៉ែន និម្មិត នាយកប្រតិបត្តិមូលនិធិក្រុមប្រឹក្សាអាជ្ញាកណ្តាល និងលោកស្រី វ៉ាន់ ប៉ភីន សមាជិកក្រុមប្រឹក្សាភិបាលរបស់ សហព័ន្ធនិយោជក និងសមាគមពាណិជ្ជកម្មកម្ពុជា។ ក្រៅអំពីវេទិកាពិភាក្សានេះ លោកប្រធាន សាន គីរី ក៏បានធ្វើបទបង្ហាញអំពី បេសកកម្ម និងដំណើរការមជ្ឈត្តការ របស់ ម.ជ.ម. ដើម្បីជំរុញឱ្យមានការយល់ដឹងកាន់តែទូលាយអំពី សេវាកម្មរបស់ ម.ជ.ម. និងវិស័យមជ្ឈត្តការពាណិជ្ជកម្ម ជូនដល់សមាជិករបស់សហព័ន្ធនិយោជក និងសមាគមពាណិជ្ជកម្មកម្ពុជា (CAMFEBA)។
នៅថ្ងៃទី០៤ ខែមេសា ឆ្នាំ២០២៣ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) សហព័ន្ធនិយោជក និងសមាគមពាណិជ្ជកម្មកម្ពុជា (CAMFEBA) និងក្រុមប្រឹក្សាអាជ្ញាកណ្ដាល (AC) បានសហការរៀបចំវេទិកាពិភាក្សាមួយក្រោមប្រធានបទស្ដីពី “តួនាទី និងប្រសិទ្ធភាពរបស់មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម និងក្រុមប្រឹក្សាអាជ្ញាកណ្ដាល ក្នុងយន្តការដោះស្រាយវិវាទក្រៅប្រព័ន្ធតុលាការ” ។ វេទិកាពិភាក្សានេះផងដែរ មានការអញ្ជើញចូលរួម ដោយលោកមជ្ឈត្តករ សាន គីរី ប្រធាន ម.ជ.ម. លោក សុខ ឡោ អនុប្រធាន សហព័ន្ធនិយោជក និងសមាគមពាណិជ្ជកម្មកម្ពុជា លោកអាជ្ញាកណ្ដាល ម៉ែន និម្មិត នាយកប្រតិបត្តិមូលនិធិក្រុមប្រឹក្សាអាជ្ញាកណ្តាល និងលោកស្រី វ៉ាន់ ប៉ភីន សមាជិកក្រុមប្រឹក្សាភិបាលរបស់ សហព័ន្ធនិយោជក និងសមាគមពាណិជ្ជកម្មកម្ពុជា។ ក្រៅអំពីវេទិកាពិភាក្សានេះ លោកប្រធាន សាន គីរី ក៏បានធ្វើបទបង្ហាញអំពី បេសកកម្ម និងដំណើរការមជ្ឈត្តការ របស់ ម.ជ.ម. ដើម្បីជំរុញឱ្យមានការយល់ដឹងកាន់តែទូលាយអំពី សេវាកម្មរបស់ ម.ជ.ម. និងវិស័យមជ្ឈត្តការពាណិជ្ជកម្ម ជូនដល់សមាជិករបស់សហព័ន្ធនិយោជក និងសមាគមពាណិជ្ជកម្មកម្ពុជា (CAMFEBA)។
On April 4, 2023, National Commercial Arbitration Centre (NCAC), Cambodian Federation of Employers and Business Associations (CAMFEBA) and the Arbitration Council (AC) co-organized a forum on "The Role and Effectiveness of the NCAC and AC in Alternative Dispute Resolution Mechanism in Cambodia". There was a panel discussion joined by Arbitrator SAN Kiri, President of the NCAC, Mr. SOK Lor, Vice President of CAMFEBA, Arbitrator MEN Nimeth, Executive Director of Arbitration Council Foundation (ACF) and Ms. VAN Porphin, BOD Member of CAMFEBA and TAFTAC. In addition to this panel discussion, President SAN Kiri had also delivered a presentation on the NCAC mission and its arbitration proceeding to promote a broader understanding of the NCAC services and commercial arbitration sector to CAMFEBA’s members.
សិក្ខាសាលា៖
នៅថ្ងៃព្រហស្បត្តិ៍ ១រោច ខែចេត្រ ចត្វាស័ក ព.ស ២៥៦៦ ត្រូវនឹងថ្ងៃទី០៦ ខែមេសា ឆ្នាំ២០២៣ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) និងវិទ្យាស្ថានបណ្ដុះបណ្ដាលពាណិជ្ជកម្ម និងស្រាវជ្រាវនៃក្រសួងពាណិជ្ជកម្ម បានសហការរៀបចំសិក្ខាសាសាស្ដីពី “សេចក្ដីណែនាំអំពីមជ្ឈត្តការផ្នែកពាណិជ្ជកម្មនៅកម្ពុជា” ។
លោកមជ្ឈត្តករ គឹម សាន អនុប្រធាន ម.ជ.ម. បានផ្ដល់កិត្តិយសក្នុងការថ្លែងសន្ទរកថាស្វាគមន៍ដល់អង្គសិក្ខាសាលាទាំងមូល ព្រមជាមួយមានវត្តមាន លោកជំទាវ គង់ សិទ្ធិកា អនុរដ្ឋលេខាធិការក្រសួងពាណិជ្ជកម្ម និងជាតំណាងដ៍ខ្ពង់ខ្ពស់របស់ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានអញ្ជើញជាអធិបតីភាពក្នុងពិធីបើកសិក្ខាសាលានេះផងដែរ។
លោកជំទាវបានថ្លែងថា៖ “ការបង្កើតឱ្យមាននូវច្បាប់ស្តីពី មជ្ឈត្តការផ្នែកពាណិជ្ជកម្មដែលអនុម័តកាលពីថ្ងៃទី០៦ ខែមីនា ឆ្នាំ២០០៦ ក្នុងនីតិកាលទី៣នៃរដ្ឋសភា គឺជាសក្ខីភាពមួយ ដែលបង្ហាញពីការប្តេជ្ញាចិត្តយ៉ាងមុតមាំរបស់រាជរដ្ឋាភិបាលកម្ពុជា ក្នុងការអនុវត្តកាតព្វកិច្ចអន្តរជាតិដើម្បីទាក់ទាញការវិនិយោគ តាមរយៈការបង្កើតឱ្យមានយន្តការដោះស្រាយវិវាទពាណិជ្ជកម្ម ស្របតាមវិធានពាណិជ្ជកម្មអន្តរជាតិ ដែលផ្តល់ភាពងាយស្រួលដល់វិស័យឯកជនមកពីគ្រប់ជាតិសាសន៍អាចធ្វើការប្រកួតប្រជែងយ៉ាងមានទំនុកចិត្ត និងមានតម្លាភាព។ ក្រៅពីប្រព័ន្ធតុលាការ យើងមើលឃើញពីតួនាទីយ៉ាងសំខាន់របស់មជ្ឈត្តការពាណិជ្ជកម្មនៅក្នុងការសម្របសម្រួល ផ្សះផ្សារ និងផ្តល់នូវដំណោះស្រាយដល់ភាគីវិវាទ ដែលជួយឱ្យធុរជនបរទេសមកវិនិយោគនៅប្រទេសកម្ពុជា និងធុរជនក្នុងស្រុក ងាយដោះស្រាយវិវាទពាណិជ្ជកម្មបានលឿនរហ័ស ប្រកបដោយទំនុកចិត្ត។”
ទន្ទឹមនឹងនេះផងដែរ ម.ជ.ម. ប្តេជ្ញានៅតែបន្តបេសកម្មរបស់ខ្លួនក្នុងការលើកកម្ពស់ការដោះស្រាយវិវាទពាណិជ្ជកម្មតាមរយៈមជ្ឈត្តការ ក៏ដូចជាការធានាការរក្សាគុណភាពស្តង់ដារខ្ពស់នៃមជ្ឈត្តការនៅកម្ពុជា។
ម.ជ.ម. បានធ្វើការអញ្ជើញ លោកមជ្ឈត្តករ សាន គិរី ប្រធាន ម.ជ.ម. និងលោកស្រីមជ្ឈត្តករ ស៊ីន គីមស៊ាន ជាគ្រូឧទ្ទេស ក្នុងការធ្វើបទបង្ហាញស្ដីពីសេចក្ដីណែនាំអំពីមជ្ឈត្តការផ្នែកពាណិជ្ជកម្មនៅកម្ពុជា ព្រមទាំងដំណើរការមជ្ឈត្តការ ចាប់តាំងពីការចាប់ផ្ដើមមជ្ឈត្តកម្ម រហូតដល់ការចេញមជ្ឈត្តវិនិច្ឆ័យ ព្រមទាំងការដាក់សុំអនុវត្ត និងទទួលស្គាល់មជ្ឈត្តវិនិច្ឆ័យដោយតុលាការមានសមត្ថកិច ជូនដល់សិក្ខាកាមដែលអញ្ជើញចូលរួមដោយមន្រ្តីរាជការនៃក្រសួងពាណិជ្ជកម្ម មន្ទីរពាណិជ្ជកម្មរាជធានីខេត្ត និងវិស័យឯកជនពាក់ព័ន្ធសរុបចំនួន ៧០ រូប។
សិក្ខាសាលាត្រូវបានបញ្ចប់ដោយការថ្លែងសន្ទរកថាបិទដោយ លោក ហោ អៀងឆាយ ប្រធាន វិទ្យាស្ថានបណ្ដុះបណ្ដាលពាណិជ្ជកម្ម និងស្រាវជ្រាវនៃក្រសួងពាណិជ្ជកម្ម ដោយលោកបានកត់សម្គាល់ផងដែរថា៖ វិទ្យាស្ថានបណ្តុះបណ្តាលពាណិជ្ជកម្មនិងស្រាវជ្រាវ នៃក្រសួងពាណិជ្ជកម្ម និងមជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម បានសហការគ្នារៀបចំសិក្ខាសាលាស្តីពីមជ្ឈត្តការផ្នែកពាណិជ្ជកម្មដើម្បីបញ្ជ្រាបការយល់ដឹងអំពីយន្តការដោះស្រាយវិវាទពាណិជ្ជកម្មក្រៅប្រព័ន្ធតុលាការជូនមន្រ្តីរាជការ និងវិស័យឯកជន បានចំនួន ៤ដងរួចមកហើយ។
នៅថ្ងៃព្រហស្បត្តិ៍ ១រោច ខែចេត្រ ចត្វាស័ក ព.ស ២៥៦៦ ត្រូវនឹងថ្ងៃទី០៦ ខែមេសា ឆ្នាំ២០២៣ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) និងវិទ្យាស្ថានបណ្ដុះបណ្ដាលពាណិជ្ជកម្ម និងស្រាវជ្រាវនៃក្រសួងពាណិជ្ជកម្ម បានសហការរៀបចំសិក្ខាសាសាស្ដីពី “សេចក្ដីណែនាំអំពីមជ្ឈត្តការផ្នែកពាណិជ្ជកម្មនៅកម្ពុជា” ។
លោកមជ្ឈត្តករ គឹម សាន អនុប្រធាន ម.ជ.ម. បានផ្ដល់កិត្តិយសក្នុងការថ្លែងសន្ទរកថាស្វាគមន៍ដល់អង្គសិក្ខាសាលាទាំងមូល ព្រមជាមួយមានវត្តមាន លោកជំទាវ គង់ សិទ្ធិកា អនុរដ្ឋលេខាធិការក្រសួងពាណិជ្ជកម្ម និងជាតំណាងដ៍ខ្ពង់ខ្ពស់របស់ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានអញ្ជើញជាអធិបតីភាពក្នុងពិធីបើកសិក្ខាសាលានេះផងដែរ។
លោកជំទាវបានថ្លែងថា៖ “ការបង្កើតឱ្យមាននូវច្បាប់ស្តីពី មជ្ឈត្តការផ្នែកពាណិជ្ជកម្មដែលអនុម័តកាលពីថ្ងៃទី០៦ ខែមីនា ឆ្នាំ២០០៦ ក្នុងនីតិកាលទី៣នៃរដ្ឋសភា គឺជាសក្ខីភាពមួយ ដែលបង្ហាញពីការប្តេជ្ញាចិត្តយ៉ាងមុតមាំរបស់រាជរដ្ឋាភិបាលកម្ពុជា ក្នុងការអនុវត្តកាតព្វកិច្ចអន្តរជាតិដើម្បីទាក់ទាញការវិនិយោគ តាមរយៈការបង្កើតឱ្យមានយន្តការដោះស្រាយវិវាទពាណិជ្ជកម្ម ស្របតាមវិធានពាណិជ្ជកម្មអន្តរជាតិ ដែលផ្តល់ភាពងាយស្រួលដល់វិស័យឯកជនមកពីគ្រប់ជាតិសាសន៍អាចធ្វើការប្រកួតប្រជែងយ៉ាងមានទំនុកចិត្ត និងមានតម្លាភាព។ ក្រៅពីប្រព័ន្ធតុលាការ យើងមើលឃើញពីតួនាទីយ៉ាងសំខាន់របស់មជ្ឈត្តការពាណិជ្ជកម្មនៅក្នុងការសម្របសម្រួល ផ្សះផ្សារ និងផ្តល់នូវដំណោះស្រាយដល់ភាគីវិវាទ ដែលជួយឱ្យធុរជនបរទេសមកវិនិយោគនៅប្រទេសកម្ពុជា និងធុរជនក្នុងស្រុក ងាយដោះស្រាយវិវាទពាណិជ្ជកម្មបានលឿនរហ័ស ប្រកបដោយទំនុកចិត្ត។”
ទន្ទឹមនឹងនេះផងដែរ ម.ជ.ម. ប្តេជ្ញានៅតែបន្តបេសកម្មរបស់ខ្លួនក្នុងការលើកកម្ពស់ការដោះស្រាយវិវាទពាណិជ្ជកម្មតាមរយៈមជ្ឈត្តការ ក៏ដូចជាការធានាការរក្សាគុណភាពស្តង់ដារខ្ពស់នៃមជ្ឈត្តការនៅកម្ពុជា។
ម.ជ.ម. បានធ្វើការអញ្ជើញ លោកមជ្ឈត្តករ សាន គិរី ប្រធាន ម.ជ.ម. និងលោកស្រីមជ្ឈត្តករ ស៊ីន គីមស៊ាន ជាគ្រូឧទ្ទេស ក្នុងការធ្វើបទបង្ហាញស្ដីពីសេចក្ដីណែនាំអំពីមជ្ឈត្តការផ្នែកពាណិជ្ជកម្មនៅកម្ពុជា ព្រមទាំងដំណើរការមជ្ឈត្តការ ចាប់តាំងពីការចាប់ផ្ដើមមជ្ឈត្តកម្ម រហូតដល់ការចេញមជ្ឈត្តវិនិច្ឆ័យ ព្រមទាំងការដាក់សុំអនុវត្ត និងទទួលស្គាល់មជ្ឈត្តវិនិច្ឆ័យដោយតុលាការមានសមត្ថកិច ជូនដល់សិក្ខាកាមដែលអញ្ជើញចូលរួមដោយមន្រ្តីរាជការនៃក្រសួងពាណិជ្ជកម្ម មន្ទីរពាណិជ្ជកម្មរាជធានីខេត្ត និងវិស័យឯកជនពាក់ព័ន្ធសរុបចំនួន ៧០ រូប។
សិក្ខាសាលាត្រូវបានបញ្ចប់ដោយការថ្លែងសន្ទរកថាបិទដោយ លោក ហោ អៀងឆាយ ប្រធាន វិទ្យាស្ថានបណ្ដុះបណ្ដាលពាណិជ្ជកម្ម និងស្រាវជ្រាវនៃក្រសួងពាណិជ្ជកម្ម ដោយលោកបានកត់សម្គាល់ផងដែរថា៖ វិទ្យាស្ថានបណ្តុះបណ្តាលពាណិជ្ជកម្មនិងស្រាវជ្រាវ នៃក្រសួងពាណិជ្ជកម្ម និងមជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម បានសហការគ្នារៀបចំសិក្ខាសាលាស្តីពីមជ្ឈត្តការផ្នែកពាណិជ្ជកម្មដើម្បីបញ្ជ្រាបការយល់ដឹងអំពីយន្តការដោះស្រាយវិវាទពាណិជ្ជកម្មក្រៅប្រព័ន្ធតុលាការជូនមន្រ្តីរាជការ និងវិស័យឯកជន បានចំនួន ៤ដងរួចមកហើយ។
ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំថោះ បញ្ចស័ក ព.ស.២៥៦៦ ឈានចូល ព.ស. ២៥៦៧ គ.ស.២០២៣
សូមគោរពជូនពរ សមាជិក បុគ្គលិក ម.ជ.ម. និងប្រជាជនកម្ពុជាទាំងអស់ឱ្យទទួលបាននូវសុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ ព្រមទាំងក្រុមគ្រួសារពោរពេញដោយសេចក្តីសុខ និងសុភមង្គល ធ្វើដំណើរទីជិតឆ្ងាយប្រកបដោយសុខសុវត្ថិភាព។
សូមគោរពជូនពរ សមាជិក បុគ្គលិក ម.ជ.ម. និងប្រជាជនកម្ពុជាទាំងអស់ឱ្យទទួលបាននូវសុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ ព្រមទាំងក្រុមគ្រួសារពោរពេញដោយសេចក្តីសុខ និងសុភមង្គល ធ្វើដំណើរទីជិតឆ្ងាយប្រកបដោយសុខសុវត្ថិភាព។