លោកប្រធានក៏បានបន្ថែមផងដែរថា "បច្ចុប្បន្នសំណុំរឿងសរុបមានចំនួន ២៥ ដែលមានទំហំវិវាទសរុបច្រើនជាង ៧២ លានដុល្លារអាមេរិក ដែលជាវិវាទពាក់ព័ន្ធនឹងវិស័យ ពាណិជ្ជកម្មអន្តរជាតិ ធនាគារ&ហិរញ្ញវត្ថុ សាជីវកម្ម អចលនទ្រព្យ និងសំណង់។ ចំណុចសំខាន់មួយទៀតគឺ មិនមានមជ្ឈត្តវិនិច្ឆ័យរបស់ ម.ជ.ម. ត្រូវបានបដិសេដទទួលស្គាល់ ឬអនុវត្ត ដោយតុលាការមានសមត្ថកិច្ចនោះទេ ដែលនេះជាចំណុចវិជ្ជមានដ៏សំខាន់មួយ។ ក្រៅពីទទួលបានការទទួលស្គាល់ដោយតុលាការក្នុងស្រុក មជ្ឈត្តវិនិច្ឆ័យមួយរបស់ ម.ជ.ម. ក៏ត្រូវបានទទួលស្គាល់ដោយតុលាការសឹង្ហបុរី ផងដែរ"។

https://www.facebook.com/media/set?vanity=ncackh&set=a.2749043115347747

កម្រងរូបភាពបន្ថែម ក្នុងពិធីបើកវគ្គបណ្តុះបណ្តាលជំនាញមជ្ឈត្តការ ជំនាន់៣ និងពិធីប្រគលវិញ្ញាបនបត្រដល់បេក្ខជនដែលបានប្រលងជាប់ជាស្ថាពរទទួលបានលក្ខណៈសម្បត្តិដូចមានចែងក្នុង មាត្រា ១២.១(ឃ) នៃបទបញ្ជាផ្ទៃក្នុងរបស់ ម.ជ.ម. ។

https://www.facebook.com/media/set/?vanity=ncackh&set=a.2749043115347747

មហាសន្និបាតប្រចាំឆ្នាំលើកទី៧របស់ ម.ជ.ម.

កាលពីថ្ងៃទី១៥ កើត ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៨ ខែមីនា ឆ្នាំ២០២១ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) បានរៀបចំកិច្ចប្រជុំមហាសន្និបាតប្រចាំឆ្នាំលើកទី៧ តាមរយៈប្រព័ន្ធអនឡាញ ក្រោមអធិបតីភាពរបស់លោក មជ្ឈត្តករប៊ុន យូឌី ប្រធាន ម.ជ.ម. ដោយមានការចូលរួមពីសមាជិក សមាជិកា ជាមជ្ឈត្តករ បណ្តាសមាគមពាណិជ្ជកម្ម និងវិជ្ជាជីវៈ ។ ក្នុងនោះផងដែរ មហាសន្និបាតបានពិភាក្សា និងផ្តល់ធាតុចូលល្អៗជាច្រើន ដើម្បីចូលរួមក្នុងការអភិវឌ្ឈ ម.ជ.ម. ឲ្យកាន់តែមានការរីកចំរើនប្រកបដោយនិរន្តរភាពបន្ថែមទៀត ។ ម.ជ.ម. សូមថ្លែងអំណរគុណយ៉ាងជ្រាលជ្រៅចំពោះសមាជិក សមាជិកា ទាំងអស់ដែលបានចំណាយពេលដ៏មានតម្លៃដើម្បីចូលរួមមហាសន្និបាតនេះតាំងពីដើមរហូតដល់ចប់ ។