🔬 Болалар миллий тиббиёт марказида ёш олимлар сафи яна биттага кўпайди!
••••

🎓 Болалар миллий тиббиёт маркази нефрология бўлими шифокори Мурталибова Нодира Мирмақсудовна тиббиёт фанлари бўйича фалсафа доктори (PhD) илмий даражасига муносиб деб топилди!

-
🔹 Шу муносабат билан Болалар миллий тиббиёт маркази директори Бахтиёржон Умаров Нодира Мурталибовани самимий табриклаб, мазкур илмий унвон марказ жамоаси учун ҳам катта ютуқ эканини таъкидлади.
-
🔘 Нодира Мирмақсудовнага марказ жамоаси номидан келгуси фаолиятида ҳам улкан ютуқларга эришишини тилаймиз.

bmtm.uz | telegram | instagram | facebook | youtube | x

🧬 Қариндош-уруғлар никоҳи — фарзанд саломатлиги учун хавфли!

👪 Баъзи оилаларда яқин қариндошлар — аммавачча, тоғавачча, холавачча, жиянлар ўртасидаги никоҳ анъанавий деб қаралади. Аммо тиббиёт нуқтаи назаридан бундай никоҳлар фарзандлар саломатлиги учун жиддий хавф туғдиради.

📉 Нега хавфли?
Яқин қариндошлар ўртасида никоҳ тузилса, уларда ўхшаш генлар мавжуд бўлади. Агар шу генларда ирсий касаллик "пинҳон" ҳолатда сақланаётган бўлса, бола бу касалликни икки томондан ҳам олиб, оғир ҳолатда туғилиши мумкин.

❗️Бундай никоҳлар натижасида туғиладиган фарзандларда:

🔹туғма нуқсонлар;

🔹ирсий касалликлар (масалан, талассемия, фенилкетонурия);

🔹жисмоний ва руҳий ривожланишда орқада қолиш;

🔹кўзи ожизлик, карлик, аутизм ва бошқа неврологик бузилишлар;

🔹иммунитет пастлиги;

🔹эрта ёки оғир касалликлар билан вафот этиш хавфи юқори бўлиши мумкин.

Батафсил...

bmtm.uz | telegram | instagram | facebook | youtube | x

🔴🟦🟦🟦

❓Болалар оромгоҳларига бориш учун қандай тиббий маълумотнома талаб этилади?

☀️ Cаноқли кунлардан кейин болажонларнинг ёзги таътил мавсуми бошланади. Бу даврда улар соғломлаштириш оромгоҳларида ҳордиқ чиқаришни хуш кўради. Айни пайтда ушбу дам олиш масканлари мавсумга шай ҳолатга келтириляпти.

❓ Хўш, мактаб ўқувчилари соғломлаштириш оромгоҳларига бориши учун қандай тиббий маълумотнома талаб этилади?

💬 — Аввало, ушбу масканларга 7-14 ёшли болалар қамраб олинишини айтиш жоиз, — дейди Соғлиқни сақлаш вазирлиги Болаликни муҳофаза қилиш бўлими бош мутахассиси Нилуфар Мансурова. — Улар кетишдан бир неча кун олдин ҳудудий оилавий поликлиника ёки оилавий шифокор пункти ёхуд оилавий поликлиникада шифокор кўригидан ўтказилади ҳамда шундан кейин боланинг соғлиғи тўғрисида 079 шаклдаги маълумотнома тўлдирилади.

🩺 Тиббий кўрик вақтида боланинг умумий аҳволи баҳоланади. У соғлом бўлса, яъни оромгоҳга боришига тўсқинлик қиладиган ҳеч қандай монелик аниқланмаса, маълумотнома расмийлаштирилади.

📋 Мазкур ҳужжатда боланинг исм-шарифи, ёши, яшаш манзили, ота-онасининг телефон рақами, таълим олаётган мактаби ва синфи ҳамда қайси ҳудудий поликлиникага қарашлилиги кўрсатилади.

⬇️ Шунингдек, маълумотномада қуйидагилар бўлиши керак:

➡️ соғлиғи тўғрисидаги маълумот, яъни ташхиси (“Д” назоратида турган бўлса, ўша ҳолатдаги ташхиси);

➡️ умумий аллергик ҳолати (бирон бир нарсага аллергияси мавжудлиги);

➡️ шу пайтга қадар қайси касалликларни ўтказгани (қизамиқ, кўкйўтал, тепки, гепатит ва ҳоказо);

➡️ қоқшол ҳамда қизамиққа қарши охирги эмланган санаси;

➡️ жисмоний ривожланиши ва жисмоний гуруҳи (тавсия этилган тартиби кўрсатилган ҳолда).

🔬 Ҳар бир бола ҳамшира томонидан педикулёз бўйича ҳам текширувдан ўтказилади.

🔎 Соғлиқни сақлаш тизими рақамлаштирилаётган ҳозирги даврда тиббий маълумотнома олиш ҳеч қандай қийинчилик туғдирмайди.

📌 Эслатиб ўтамиз, болажонларимиз оромгоҳларда ҳам тиббиёт ходимлари назоратида бўлади. Барча дам олиш масканларида тиббий пунктлар ташкил этилиб, улар малакали шифокор ва ҳамширалар ҳамда зарур дори-дармонлар билан тўлиқ таъминланади.

Соғлиқни сақлаш вазирлиги
Матбуот хизмати.

📱 @ssvuz  |📱 @ssvmatbuotkotibi | 📱 Facebook |📱 Instagram

🫀 Болаларда юрак пороки: барвақт аниқлаш ҳаётни сақлаб қолади!

Болаларда учрайдиган юрак пороклари туғма ва орттирилган бўлиши мумкин. Айрим ҳолларда касаллик белгисиз кечади ва бола ўсиб-улғайганидагина аниқланади. Аммо шифокорлар таъкидлайди: касалликни барвақт аниқлаш – муолажанинг энг самарали йўли!

🔹 Нимага эътибор бериш керак?

▪️Боланинг кўкрагида “шовқин” ёки “шифиллаш” эшитилиши

▪️Тез чарчаш, оғир нафас олиш

▪️Қўл-оёқларда кўкариш

▪️Эмизишда ёки ҳаракатда тинимсизлик, қийналиш

▪️Ўсишда ортда қолиш

🔹 Қачон шифокорга мурожаат қилиш керак?
Агар юқоридаги белгилардидан камида бири кузатилса, болани кардиолог кўригидан ўтказиш зарур.

🔹 Қандай текширувлар керак бўлади?

▪️ЭхоКГ (юрак УЗИ)

▪️ЭКГ

▪️Қон таҳлиллари

📍 Эслатма: Болалар Миллий Тиббиёт Маркази кардиология ва кардиохирургия бўлимларида юрак пороклари аниқлаш ва даволаш бўйича юқори малакали мутахассислар фаолият юритмоқда.

🧒 Фарзанингиз юрагидаги ҳаёт — сизнинг эътиборингизга боғлиқ!

bmtm.uz | telegram | instagram | facebook | youtube

👁 Болалар глаукомаси — кўриш қобилияти учун яширин таҳдид!

Глаукома — бу кўз ичи босимининг кўтарилиши туфайли кўриш нерви шикастланадиган оғир ва даволанмаса, кўрликка олиб келувчи касалликдир. Болаларда бу ҳолат туғма ёки болалик даврида орттирилган бўлиши мумкин.

📌 Келиб чиқиш сабаблари:

🧬 Туғма нуқсонлар — кўздаги суюқлик чиқишига жавобгар каналларнинг нотўғри ривожланиши

👶 Ирсий омиллар — ота-онада ёки яқин қариндошларда глаукома бўлса, хавф юқори

🦠 Иллатлар, жароҳатлар — кўзнинг ярадори бўлиши ёки ўтказилган жарроҳлик амалиётлари

🧫 Бошқа касалликлар фонида — ретинобластома, иридоциклит каби касалликлардан сўнг

⚠️ Аҳамият беринг! Болаларда глаукома белгилари:
▪️Кўз катта ва шишган кўринади

▪️Ёруғликка қараганда кўзни қисади, безовталанади

▪️Доимий равишда кўз ёш оқади

▪️Қора кўзчада оқшомлик ёки хиралик

▪️Бола жисмларга яқинлашиб қарашга ҳаракат қилади

✅ Олдини олиш бўйича тавсиялар:
-
Батафсил...

bmtm.uz | telegram | instagram | facebook | youtube

🔴 🟦🟦🟦🟦

✅ Инсон умрини узайтирувчи омилларнинг аксарияти соғлом турмуш тарзи билан боғлиқ. Ўз навбатида, қатор зарарли одатлар ҳам борки, улар умр қисқаришига олиб келиши мумкин?

❓Хўш, булар қайсилар?

📹 Юқоридаги видеоролик орқали тадқиқотчиларнинг шу хусусдаги хулосалари билан танишасиз.

📱 @ssvuz  |📱 @ssvmatbuotkotibi | 📱 Facebook |📱 Instagram

☑️ Якунланган ҳафтада каналимизда эълон қилинган материаллар дайжести.

📌 Болаларни жисмоний фаолликка ўргатишнинг фойдали усуллари

🇺🇿🤝🇰🇷 Ўзбекистон – Жанубий Корея: болалар саломатлиги йўлида барқарор ҳамкорлик

🖥 Соғлиқни сақлаш вазирининг тегишли буйруғига асосан Хомидов Феруз Қосимович Болалар миллий тиббиёт маркази директорининг ҳудудлар билан ишлаш бўйича ўринбосари этиб тайинланди.

⁉️ Болаларга қўл ювиш одатлари ва тоза овқатланишни ўргатиш орқали нималарга эришиш мумкин?

📍Болалар миллий тиббиёт марказида ҳафталик ҳисобот йиғилиши

🔬 Болалар миллий тиббиёт марказида ёш олимлар сафи яна биттага кўпайди!

🧬 Қариндош-уруғлар никоҳи — фарзанд саломатлиги учун хавфли!

❓Болалар оромгоҳларига бориш учун қандай тиббий маълумотнома талаб этилади?

🫀 Болаларда юрак пороки: барвақт аниқлаш ҳаётни сақлаб қолади!

👁 Болалар глаукомаси — кўриш қобилияти учун яширин таҳдид!

bmtm.uz | telegram | instagram | facebook | youtube

🩸 Болаларда гематологик касаллик: барвақт аниқланса — ҳаёт сақланади!

👶 Гематологик касалликлар — бу қон ва қон ясалиш органларининг (суюк илиги, лимфа тугунлари) туғма ёки орттирилган касалликларидир. Уларга анемия, лейкоз, гемофилия, тромбоцитопения каби жиддий хасталиклар киради.

📍 Нега барвақт ташхис қўйиш муҳим?

🔬 Барвақт аниқланган касаллик:

▪️Даволашда юксак самара беради

▪️Касаллик оғир босқичга ўтмайди

▪️Бола тўлиқ ҳаёт тарзига қайтади

▪️Ривожланишда ортда қолмайди

▪️Асоратлар олди олинади

❗️ Агар болада қуйидаги белгилар кузатилса — шошилинч гематологга мурожаат қилинг:
✔️ Доимий чарчоқ ва рангсизлик
✔️ Кўп қон кетиши, кўкариқлар
✔️ Тез-тез шамоллаш
✔️ Иммунитет пастлиги
✔️ Суяк ёки бўғимларда оғриқлар
✔️ Бўйи ва вазни ёшига нисбатан кам

🛡 Касаллик кучаймаслиги учун нима қилиш керак?
✅ Вақти-вақти билан профилактик қон таҳлиллари олиб бориш
✅ Ҳар қандай шубҳали аломатда дарров шифокорга мурожаат қилиш

Батафсил...

bmtm.uz | telegram | instagram | facebook | youtube

🎓 Илмий даража муборак!
••••
☑️ Болалар миллий тиббиёт маркази директори Умаров Бахтиёржон Ятгарович Тиббиёт фанлари доктори (DSc) илмий даражасини муваффақиятли ҳимоя қилганларини мамнуният билан маълум қиламиз.
-

Ушбу юксак илмий ютуқ — соғлиқни сақлаш тизими, айниқса болалар тиббиётини ривожлантириш йўлида олиб борилган изчил тадқиқотлар, фидокорона меҳнат ва катта тажрибанинг амалий натижасидир.

-
🔘 Болалар миллий тиббиёт маркази жамоаси марказимиз раҳбари Бахтиёржон Умаровни ушбу масъулиятли ва шарафли ютуқ билан самимий табриклайди. Уларга соғлиқ, илмий ва амалий фаолиятларида янада катта муваффақиятлар ва халқаро миқёсда янги ютуқлар тилаймиз.

bmtm.uz | telegram | instagram | facebook | youtube | x

🧒 Болаларда сийдикда туз тўпланиши — нимаси билан хатарли?

Соғлом болада сийдик чиқариш муаммосиз, оғриқсиз ва одатий тарзда кечиши керак. Аммо баъзан болаларда сийдикда туз (оксалат, урат, фосфат ва бошқа кристалллар) тўпланиши кузатилади. Бу ҳолат шунчаки аломат эмас — балки бошланғич нефрологик муаммо белгиси бўлиши мумкин.

❓ Туз тўпланиши нима?
Сийдикдаги тузлар — бу организмдаги моддалар алмашинуви (метаболизм) натижасида шаклланадиган кристалллар. Болалар организми бу тузларни баъзан тўлиқ фильтрлай олмайди ва натижада улар буйрак ва сийдик йўлларида тўпланади.

⚠️ Сабаблари:
1.🥤 Кам сув ичиш

2.🧂 Тузли, аччиқ, ёғли ва газли таомларни истеъмол қилиш

3. 🍭 Ортиқча ширинликлар ва фастфудлар

4. 🧬 Ирсий омиллар (она-отада буйрак ташвишлари бўлса)

5. 🤒 Буйракдаги яллиғланишлар (пиелонефрит, цистит)

6. 🧪 Организмда моддалар алмашинувининг бузилиши

🔍 Аниқ белгилари:
▪️Сийиш пайтида оғриқ, безовталик

▪️Белда, қорин пастида оғриқ

Батафсил...

bmtm.uz | telegram | instagram | facebook | youtube

❗️Семизлик болаларда жиддий эндокрин касалликларни келтириб чиқариши мумкин

📊 Болаларда кузатиладиган семизлик — дунё эндокринологларини хавотирга солаётган муаммолардан бири. ЖССТ маълумотларига кўра, айни пайтда сайёрамизда 7 ёшдан 9 ёшгача бўлган ўғил-қизларнинг 29 фоизи ортиқча вазнга эга.

👩🏻‍⚕️ Биз бу мавзуда батафсил маълумот олиш учун Республика ихтисослаштирилган эндокринология илмий-амалий тиббиёт маркази Болалар эндокринологияси бўлими мудири, тиббиёт фанлари номзоди Мухлиса Шарихсиевага мурожаат қилдик.

💬 — Агар ота-оналар фарзандлари ривожланишида бўй ўсишининг секинлашиши, ортиқча вазн ёки аксинча, вазн етишмаслиги, ҳорғинлик, заифлик каби ҳолатларни сезсалар, дарҳол болалар эндокринологига мурожаат қилишлари керак, — дейди мутахассис.

🍔 Бу, асосан носоғлом овқатланиш, яъни фастфудлар, тез тайёрланувчи маҳсулотлар, ширинликлар, шоколад ва газланган ичимликларни ҳаддан зиёд кўп истеъмол қилиш билан боғлиқ.

🧒🏻 Болаларда семириш беш ёшдан кузатила бошлайди. Бунга кўпинча мактабга чиқишдан олдин ўғил-қизлар турмуш тарзининг кескин ўзгариши, овқатланиш тартибининг бузилиши сабаб бўлади.

🥗 Семизликдан сақланишнинг асосий йўли мувозанатли таомланишдир. Айниқса, нонушта қилишни канда қилмаслик керак. Чунки бола кун давомида қувват берадиган калория ва углеводларнинг асосий миқдорини эрталабки танаввул пайтида олади. Нонушта бўтқа, тухум, творог ва мевалардан иборат бўлиши мумкин.

🍛 Тушлик ва кечки овқат ҳам вақтида қилиниши керак. Шунингдек, кун давомида зарур миқдорда суюқлик ичишни ҳам унутмаслик зарур.

🍝 Боланинг рационида ортиқча углеводлар бўлмаслиги муҳим. Уларни истеъмол қилиш турмуш тарзига боғлиқ. Чунки бундай моддалар танадаги энергия манбаи ҳисобланади. Шунинг учун, агар бола кўп ҳаракатланса ва спорт билан шуғулланса, кўпроқ углеводларга муҳтож ва аксинча, ҳаракати кам бўлса, углеводни камайтирган афзал.

✅ Бундан ташқари, истеъмол қилинадиган овқат ҳажмига ҳам эътиборли бўлиш лозим. Болага катталар ейдиган порцияни бермаслик керак.

📌 Ўғил-қизлардаги семизликнинг асосий хавфи кейинчалик уларда 2-тоифа қандли диабет ривожланиши мумкин. Ушбу касалликнинг дастлабки белгилари тез-тез пешоб қилиш, ташналик ва сабабсиз вазн йўқотишдир. Фарзандингизда бундай белгиларни сезсангиз, дарҳол эндокринологга мурожаат қилишинг.

Соғлиқни сақлаш вазирлиги
Матбуот хизмати.

📱 @ssvuz  |📱 @ssvmatbuotkotibi | 📱 Facebook |📱 Instagram

📌 Саратон касаллигини барвақт аниқлаш ва олдини олиш – бола ҳаётини сақлаб қолишда муҳим қадам!

🎗 Саратон (онкология) касалликлари фақат катталарда эмас, балки болаларда ҳам учрайдиган жиддий муаммолардан бири ҳисобланади. Аммо бу касалликни барвақт аниқлаш ва олдини олиш орқали фарзандларимизни соғлом сақлаш мумкин.

🛡 Нималарга эътибор қаратиш керак?
🔍 Барвақт аниқлаш учун:

🔹Қон таҳлилларини мунтазам қилиб туринг (гемоглобин, лейкоцитлар, тромбоцитлар)

🔹Узоқ давом этувчи иситма, чарчоқ, лимфа безларининг катталашиши, терида доғлар бўлса – шифокорга мурожаат қилинг

🔹Скрининг текширувларини ўтказинг

🥦 Олдини олишда табиий ёрдамчилар:

🔹Кўк чой, брокколи, сабзи, саримсоқ, мевалар (антиоксидантларга бой)

🔹Кам қайта ишланган ва қовурилган озуқа истеъмоли

🔹Иммунитетни ошириш – соғлом турмуш тарзи, уйқу, фаол ҳаракат

👨‍👩‍👧 Ота-оналарга тавсиялар:

🔹Боладаги ўзгаришларга эътиборли бўлинг

🔹Шифокор кўриги ва маслаҳатларини инкор қилманг

Батафсил...

bmtm.uz | telegram | instagram | facebook | youtube | x

📍 Болаларга беринг дунёни!
Саломатлик акцияси Қорақалпоғистонда
••••
🔘 Болалар миллий тиббиёт маркази директори Бахтиёржон Умаров бошчилигидаги етакчи шифокорлар жамоаси Қорақалпоғистон Республикасига хизмат сафари билан етиб борди.
-

🩺 «Болаларга беринг дунёни!» саломатлик акцияси доирасида марказнинг қуйидаги мутахассислари иштирокида тиббий тадбирлар ўтказилиши режалаштирилган:

-
• кардиолог
• кардиожарроҳ
• ЛОР мутахассис
• педиатр
• болалар хирурги
• уролог
• пластик хирург
• гастроэнтеролог
• невролог

📌 Акция доирасида Қорақалпоғистон Республикаси болалар кўп тармоқли тиббиёт маркази ҳамда Қорақалпоғистон Республикаси тиббиёт институти клиникасида тиббий кўриклар, жарроҳлик амалиётлари ва мастер-класслар ўтказилиши белгиланган.

👥 Ушбу ташриф аҳолига малакали тиббий ёрдам кўрсатиш, ҳудудий тиббиёт муассасалари мутахассислари билан тажриба алмашиш ва болалар соғлиғини янада мустаҳкамлашга қаратилган.

bmtm.uz | telegram | instagram | facebook | youtube | x

🎉 75 йил – шонли ҳаёт ва фаолият йўли!
••••
☑️ Бугун юртимиз тиббиётининг етук вакилларидан бири, буюк устоз, салоҳиятли жарроҳ ва меҳнатсиевар олим – академик Назирoв Феруз Ғафуровичнинг 75 йиллик юбилейи кенг нишонланмоқда.
-

Феруз Ғафурович бутун меҳнат фаолиятини инсон саломатлигига бағишлаган, юксак билим ва маҳоратни эъзозлаган, минглаб беморларни соғайтира олган юракли шифокордир. Бундан ташқари, юзлаб шифокор мутахассисларни тарбиялаб, уларнинг профессионал шаклланишига улкан ҳисса қўшган.

-
🔘 Феруз Ғафурович замонавий жарроҳлик усулларини жорий этиш, халқаро илмий доиралар билан ҳамкорликни кучайтириш ва илм-фан салоҳиятини ошириш йўлида тинимсиз меҳнат қилган.

🔹 Болалар миллий тиббиёт маркази жамоаси номидан Феруз Гафуровичнинг шу қутлуғ сана билан табриклаймиз!
Сизга мустаҳкам соғлик, тинч ва файзли ҳаёт, яқинларингиз бағрида бахт ва келгусидаги саъй-ҳаракатларингизда янада юқори муваффақиятлар тилаймиз!

bmtm.uz | telegram | instagram | facebook | youtube | x