Сейітқазы Матаев БАҚ цензурасы үшін шенеуніктер жауап беруге тиіс екенін айтты
⠀
Журналистер одағының төрағасы соңғы уақытта тілшілер мен операторлардың жұмысына кедергі келтіру жиіліп кеткенін тілге тиек етті.
⠀
Сөзінше, базарлардың, сауда орталықтарының, тіпті кейде мемлекеттік мекемелердің күзетшілері өздерін журналистерге шабуыл жасауға, камераларды жабуға немесе тіпті сындыруға құқылы деп санайды.
⠀
Ал шенеуніктер журналистерден қашады, жауап беруден бас тартады, ресми өтінімге жауап бермейді, түсірілімге, оның ішінде қоғамдық орындардағы түсірілімдерге де рұқсат талап етеді. Осының барлығын ескерген Сейітқазы Матаев журналистердің ерекше мәртебеге ие болуы керек екеніне сенімді.
⠀
"Егер БАҚ төртінші билік болса, онда журналистердің тиісті мәртебесі болуы керек. Судьялар — сот билігінің өкілдері. Олардың ерекше мәртебесі бар. Құқық қорғау органдары —атқарушы билік. Олардың ерекше мәртебесі бар. Депутаттар — заң шығарушы биліктің өкілдері. Олардың да мәртебесі бар. Ал журналистерде жоқ.
⠀
Менің ойымша, журналистердің заңнамалық деңгейде бекітілген ерекше мәртебесі болуы керек және олардың жұмысына кедергі келтіргені үшін, цензура енгізгені үшін, сөз бостандығын бұзғаны үшін жазаны күшейту керек. Міне, сол кезде біздің еліміздегі журналистика төртінші билік болады", – деді ол.

https://t.me/nehabarkaz

Бүгін қазақтың "Қыз Жібегі" Мерует Өтекешева 72 жасқа толды

Ол Алматыда мектеп бітіргеннен кейін бірден аты аңызға айналған фильмде ойнады. Ал тойын "Қазақстан" кинотеатрында "Қыз Жібек" фильмінің көрсетілімі басталған күні өткізді. Актриса осы фильмде басты рөлдердің бірін сомдаған актер Құман Тастанбековке тұрмысқа шықты.

Айтпақшы, ерлі-зайыпты тұңғыш қызының есімін Жібек деп қойған.

Фото: kazakhfilm_official

@sputnik_aitady

Қазақстан Республикасы мемлекеттік сыйлығының лауреаты, танымал жазушы Төлен Әбдіктің ұлы Дархан Әбдік руға бөліну туралы.
⠀
Асылдың сынығы, журналист ұлт боламыз десек рулық санадан арылуымыз керек дейді.
⠀
Келісесіз бе?
⠀
🎥: TT-acc #dopesoz
⠀
https://t.me/nehabarkaz

Түнде кішкентай баласына шоколад сатқызып қойған әке желі қолданушыларының ашуына тиді.
⠀
Видеоның әзірге қай қалада түсірілгені белгісіз. Бірақ видео авторының сөзінше, бала түнгі 23:51-де шоколад сатып жүр, ал әкесі оны көліктің ішінде күтіп отыр.
⠀
Видео авторы көліктегі кісіге баланың құқықтары бұзылып жатқанын, баланы ақша табу мақсатында пайдалануға болмайтынын түсіндіруге тырысты. Бірақ ер кісі мұнда тұрған ешнәрсе жоқ деген пікірінен айнымады.
⠀
🎥: IG-acc #korea_komek
⠀
https://t.me/nehabarkaz

Көктемнің алғашқы күні журналист Асқар Жалдинов үшін жеңістен басталды.
⠀
Ол "5:32" сериалы бойынша сотта жеңіп шықты.
⠀
"Протоколдан тыс. Қазақстандағы атышулы қылмыстар құпиясы" кітабының авторы мен "5:32" сериалын түсірушілер арасында қозғалған іс бойынша сот шешімі шықты.
⠀
Жауапкерлер автордың құқығын бұзбағандығын дәлелдей алмады.
⠀
Енді жауапкерлерден талапкер пайдасына 1 000 АЕК (3 млн 450 мың теңге, 1 АЕК – 3 450 теңге) көлемінде өтемақы және 1 млн теңге моральдық залал әрі сот шығындары алынады.
⠀
https://t.me/nehabarkaz

1 Наурыз - Алғыс айту күні!

Айтулы мерекемен құттықтаймыз! Жақсылық істеріміз бен айтар алғысымыз көп болсын!

@ptrkkz

Louis Vuitton киіз үй түрінде сөмке шығаруы мүмкін
⠀
Брендтің киіз үй түріндегі тау арасында ашылған бутигі есіңізде ме? Сол жаңалықтан кейін қазақстандық студент Айнұр Полатова компанияға киіз үй түрінде сөмке шығару туралы ұсыныс жасаған.
⠀
Louis Vuitton қазақстандық бойжеткеннің ұсынысына қызығып, оны Парижге кездесуге шақырды.

📸: ЕҰУ
⠀
https://t.me/nehabarkaz

UFC 285 турниріне орай ұйымдастырылған конференцияда алғаш рет қазақ тілі естілді
⠀
Наурыздың 5-і, Лас-Вегас қаласында шамамен сағат 09:00-де Шавкат Рахмонов пен америкалық жауынгер Джефф Нилмен жекпе-жегі өтеді.

Конференцияда отандасымыз бәріне дайын екенін, тезірек жеңуге үміттенетінін айтты.
⠀
Бұл жекпе-жек Шавкат Рахмонов үшін өте маңызды. Себебі UFC президенті Дэйна Уайт Рахмонов жеңіске жетсе, орта салмақтағы чемпион титулына дәмелі бола алатынын мәлімдеді.
⠀
🎥: IG-acc #sportilinet
⠀
https://t.me/nehabarkaz

"АМАNAT" партиясының бағдарламасын "Ауыл" партиясының өкілдері де қолдайды.

Қазақстанның ауыл-аймақтарын дамыту мәселесі еліміздегі өзекті тақырыптардың бірі. Видеода "Ауыл" және "AMANAT" партияларының мүшелері аграрлық ғылым, тұқым шаруашылығы туралы пікір алмасып, бір-біріне сәттілік тіледі.
⠀
"Ауыл" партиясы "Ауыл төреге шықсын" деген ұранды ұстанып келеді. Бұл мақсатқа "Ауылдастар" "AMANAT" партиясы арқылы жетуге болатынын сезінген секілді.
⠀
https://t.me/nehabarkaz

Шавкат Рахмонов жекпе-жекті жеңіп қана қоймай, тымақты сәнге енгізіп жатыр ☺️
⠀
Отандасымыз танымал америкалық спорт комментаторы, жауынгерлік өнер шебері Джо Роганға тымақ сыйлады.
⠀
Өзіне жарасып кеткен сияқты.
⠀
https://t.me/nehabarkaz

Ақтөбе облысында кәмелеттік жасқа толмаған балалар жол талғамайтын көлікті айдап, аварияға түсті
⠀
Оқиға наурыздың 4-і, шамамен сағат 20:55-те орын алды. Шалқар - База жолының төртінші шақырымында джип аударылып, салдарынан кәмелеттік жасқа толмаған бір қыз қаза тапты. Қалған төртеуі ауруханаға жеткізілді. Бұл туралы "Диапазон" басылымы хабарлады.
⠀
Көлік жүргізуші де кәмелеттік жасқа толмаған.
⠀
Балалар Шалқардың №8 мектебінде оқиды.

🎥: Diapazon.kz
⠀
https://t.me/nehabarkaz