شعوري ورا حلمي وانا اصايده واخطيه
اخاف انه احلى من شعوري لا حققته

تعالوا قناتي هاذي ؟

خوفي اني اسمح خطاك بعد سواياك
او خوفي اني ما اسمح وما اشوف حنانك

يشينها

والله اشعل الروح شموع لو جيت !

ما ندمان بسَ صدگني مقهور
عمر كامل يخلص بالخسارات
عشرتي وياك چنها لعبة قمار
اربح مرة واخسر عشر مرات

چَا هيَ هِيچ بِساع تِنساني وِ تروح
مُو چنه أنا وياك رُوح بوَسط رُوح ؟

أول ماشفت طوُلك ع الباب
وأول مـا اجت عينك بعيني
جنن تكول اعرفك صارلي سنين
وچن عشرة عُمر بينك وبيني
عشت مطلوب عمري لشوفتك دين
وهسه بشوفتك وفيت ديني
اذا تشعل حبيبي لجيتي شموع
الك كلي اشتعل لمن تجيني .

عادل محسن

_

ما سألت الليل عن نور القمر
ولا طلبت الشمس تمهل بالرحيل

وما رجيت الوقت يقبل لي عذر
والعوض والعذر في حقي قليل

والعطا من كفي الأيمن بحر
وما قبلت أخذ ولو ردّ الجميل

من لقى قربي لقى كل العُمر
ومن لقى فرقاي ما يلقى بديل

غيمتي تهطل على أرضه مطر
ولا تشح إن سال من جاله مسيل

ولو يقول اليوم أنا عندي نهر
قلت جعله في مذاقه سلسبيل

لو اغيب أترك من الذكرى أثر
ما يطيقه قلب لو صبره جميل

وإن رحلت اكسر مع الخاطر ظهر
ورجعتي عدّت حدود المستحيل

- عبدالله السرحاني

يجذبني الشخص الواعي والناضج فكريًا، الوسيم بعقله، الحكيم بتصرفاته، العذب بكلامه، المثقف والرزين بطبعه وسواليفه
وقيل على هذا السياق :

يطيب لي حكي الفهيم المستوي
ذرّب ليا سولف جاه عقلي و اندمج

يجذبني الكايد اللي ماله أشباه
اللي مثل عقلي و ثقلي و أنطباعي

- سعد علوش

لا اسأت الظن فيني ؟ ما الومك
كنت انا الشي النظيف الي بحياتك

مشاري مبتدا احلامي خبرها سخرية الاقدار
انا مجرور بالكسره واحسب الحلم يرفعني

انا يوجعني اني في روايتْك المحِ التكرار
وتكرار"المشاهد"بالروايه شي يوجعني

لا يخدعْك الطريق وتحسب انّك من حمام الدار
ترا نفس الطريق الي تشوفه ضي..!ضيعني

وهذا واقع الدنيا"نديم الصيّب المدرار"
احاول ارسم بدمعي مكانٍ معْه يجمعني

واحاول ازرعه ورده ! وتنبت وردتي صبّار"
كذا طبع الوهم دايم بـ دار الزيف يزرعني

واحاول اقتنع انّه [مناره] وانّي"البحّار"
ولكن اكتشفت انها لواعج فقد تخدعني

على التذكار ياخالد [انا عايش على التذكار]
ولا تكْفيني الذكرى، [لشوفه شوق يدفعني]

ولو"بانت سعاد"الروح منهلكه من الأعذار
ولا لك عذر يوم انّك : بميلادي تودّعني !

رثيتك حي"يامشهد"تمنيته لكنْ ماصار..
وليا سجّيته ف بالي كفوف الصدق تصفعني

عزيز النفس مايقبل دموعه تلفت الأنظار
ليا مني بغيت ابوح " نظرة عطف تمنعني"

مسنّدها على قمرا وقمرا تكتم الاسرار
اراودها تراودني ، واسمّعها وتسْمَعني

وفي"قمرا"انا ويّاك نتبادل [سلامٍ حار ]
ولا جيت اقتنع انّي وريثك شيّ يردعني

طلبتك لا تخيّرني مابين [يمين ولا يسار]
ليا منّي نزعت القلب عقلي وش ينفعني ؟

انا متشتت وضايع وانا واقف بـ خط النار
دخيلك لملم الباقى من شتاتي وجمّعني

غريب بواديٍ هايم م هاموا وسطه الشعّار
تملكته !"الين الغصن عالوادي يبايعني"

ولمحت الحزْن بالوادي ولا حسّيت باستنكار
نزحت ستار وجهه واكتشفت اني اطالعني!

- دغيم

«سرا الليل وش غير الحماسه وأبو تمام
نديم الورق، والحبر، والقهوه الساده

بـ صدري كلام وفي خيالي وصل وأوهام
لو اخير منها دمعة .. فوق سجاده

أنا أكثر بشر تغريه الأحلام .. والأحلام
يموت الولد من دونها ما أدرك مراده

ما عاد أدري شلوني ​​من الفقد والآلام
قعدت أتجنب سطوة الوقت وعناده

يا الأيام .. وش باقي تخبين يا الأيام ؟
عسى باقيٍ من ديرة الوصل.. نشاده

مضى عام عقبه عام واليوم ثالث عام
ولا زلت بـ قدام الطوارق .. وجداده

يا معذبك وأنت تهب حتى مع الأنسام
ويا مقساك وأنت تغربّ الشخص بـ بلاده

تكلم .. تحرك .. سو لي شي أنا منضام
غدا السهر مهنه .. والتملل غدا عده

أحبك بشر .. مانيب أحبك من الأصنام
علامك تضيم إنسان تقدر على أسعاده !

تشوف الغريب اللي عدالك وطاح وقام
سؤاله وش اللي ينفعك من توجاده؟

تحسب القصيد ألهام؟ والله مهوب ألهام
قصيدي شعورٍ .. ما أعرف وش هي أبعاده

كتبت ومليت الأرض شعر ووله وهيام
ولا طعت فيك الناس .. والناس نقاده

مثل من ملا الدنيا لحون وصدى وأنغام
لو إنه تشتت بين ورده .. ومياده

من الشعر ما خلد بشر .. وأستمر ودام
لولا شعر أبن زيدون وش حجم ولاده

لو أضيع بك من ضاع فيك أنت ما ينلام
وش العلوم .. ونفوس المحبين منقاده

يا كم من صحيحٍ يقتله منك السلهام
ويا كم من مريضٍ منك والصبر ما فاده

لك قلاده إن حبيت صارت عليك حزام
ولي الصبر .. لو نارك على الكبد وقاده

يا كثر الفتن من غرتك لـ أسفل الأقدام
وجهاد الفتى نفسه عليك أعظم جهاده

أشوفك وطن وتشوفني رحلة أستجمام
وأشوفك عمر .. وسنين ماهيب منعاده

معي قلب واحد لو تقسمه خمس أقسام
بحبك بـ كل أقسامه الخمس .. وزياده »

- محمد المقحم

"انا اللي مخليني ما ادقق على الرديان
اخاف اتحرص واتردى مع الطيب"