ليت لي شبيهً يدوام بدالي
بس البلا باللي نادره وصوفه

"حتى عيوبك ما تليق الا عليك
لو هي بغيرك كان ما حبيتها"

١١:١١

يا ابو جديلٍ اشقر على الردايف شروع
لا شفت لونه تقول من الذهب قاطعه

وراك تسرف بـ حالي "يا الغزال الدّلوع"
نـظـرات عينك لــ قلبي كهرب لاطعه

والله ما شفت لك في كل الازوال نوع
كانك تبي الصدق خذ هالوردة الناطعه

وراك تجي الحفر مـا جيتني يالقطوع
وانا تـرا ميزتي مـا ادانـي الـقـاطعه

ولوك تعذرت انا ماني لـ عذرك قنوع
خطاك تقول شمس بالسماء ساطعه

خذ الحقايق يـاعلك مـا تهل الدموع
وقـلـب يـودك حـرام تصد وتقاطعه

يوم إن الشاعرة مرام القحطاني
عطت كل ما تقدر لـ شخص طلع (ردي) وما يثمر فيه الطيب، ووصلت لمرحلة انها تحاول تستر عيوبه وهو يطعن في ظهرها لين طاح من عينها .. قالت : 

ما على وجهك مهابة ولو في ايدك زناد
لا تهيّب لك قطاوة ولا تخجل مرّة

ولا نويت تمرّ صوب النساء لا تمرّ صاد
من رداك انا اشهد أن ما حدْ فيهم شَرَه

جيت أعرّب منسبك واجتهد وأثره ما فاد
ضايعٍ جهدي على شخص مافيه ثمره

كل ما قدمت لي شي حفظته للسداد
تحسب أنّك بتشيطر وهي لك محقّره

من كثر طيبي وخبثك شعرت أني بـ جهاد
وكل ما أقدم لك اشعر بأني مقصّره

جيتني متصيّد وجيت لك غيم وبراد
كل كسرٍ أجبره .. وكل عيبٍ أطمره

الردى ما ينتعالج وهو مثل الفساد
والله أن لو عظم يدي خذلني لا أكسره

كل ما استر عيب طارت علي مثل الجراد
وش هو اللي ما بقى فيك يستر واستره؟!

ترخي أذنك لأن ما لك توجّه وانفراد
وليتها يوم ارتخت عند شيخٍ نذخره

عقبةٍ في وجهك وتلحقك يوم التناد
عفتك وما عاد في القلب لك وزن شَعْرَه .

اللي ما عنده جرأه على المخاطره ماراح يحقق اي شيء بحياته

«ما فيه أحد قد ذاق لذّة الانتصار
ويخاف من ويش الليالي ، جايبه

غامر ترى الأيام تعطيك اختبار
ما هو بـ شرط كل طلقه صايبه

يقوم حظّك مع طويلين الاعمار
لا طاح حظ اللي ما سد النايبه

الحظ فالدنيا مثل شمس النهار
تشرق عليك ، وعند غيرك غايبه »

احيان مع نفسي احس اني عليها مغترّب

احتاج من يـقـرا علي مـا تيسّر
واحتاج ضيقي يرحل بكل تسبيح

في غرفتي والبال كل ما تعكّر
ما القى لـ بيبان انعزالي مفاتيح

ابلش بـ دمع لا عصيته تنثر
واذا ذرفته طال ليل التباريح

في سكة ايامي سرابي..تشجّر
دربي عتيمٍ ما ضوت به مصابيح

ما بين ضلعيني .. شعورٍ تفطّر
لـ التيه وزعني موادع ، وتلويح

11:11

مانيب في حبك كذوبً ودجال
ولاني على بعدك قليل الحسايف

ظاميك واحبك ولي منك اللال
وابيك وارقى في هواك النوايف

وانته تطاوع بي حسودٍ وعذال
ما تدري انك غير كل الولايف

عندي ولك في روضة الروح منزال
والحب سوابي مثل ما انت شايف

لو اني ما اسلا كان ما جيت في البال
ولو اني اقدر كان صديت عايف

والحب لو دمعة على وجنتك سال
ان كان قدرت التعب والكلايف

تروح واقفايك عن عيون اقبال
وتعود ويذوب البرد في الشفايف

لا زال صوتك عذب واعمالك اعمال
في مهجتي تحت الضلوع النحايف

- نايف صقر

"انت مثل الحياة الفانيه بالتمام
عـارف اني بـخليها وحـبـيتـها "

_

اتصدّد عن عيوبه وبالي مستريح
كل غلطه تعترض لي منه صلّحتها

بس جاب مطمةٍ ما وراها الا قريح
الهقاوي فوقها والسموحه تحتها

ماني استاهل كذا منك يا وبل السحاب
لا تبـللني وانـا ودي انّـك مـاء شـروب

انا مستغرب انك هالكثر في داخلي مألوف
مع ان ما بينك وبين الحشا ذيك الطمأنينه

عليك من السماح اللي حشا ما يحلقك بحسوف
صـفـا قـلبي ولـو انها تهامـز لـي شياطينه

اعرف ان الاوادم مرحله وان القلوب ضيوف
مـرد الـملفي بيقفي ويـستـودع محـبينه

مطر عين وهوى روح ودوي بالّ وحشايش جوف
وصدرٍ من قسا صحراه ما تنبت بساتينه

على قلب الكتوم اللي يلعثم بالحديث حروف
كـلامً مـا يـعرف يـقـوله الا فـي دواويـنـه

تعلّم يـجـلم احـساسه ولو هو تايقٍ ملهوف
واذا هو ينكسر قلبه فدا ولا تنكسر عينه

ياليتني مارد من الجن واسكنك
وابا اتلذذ فيك مـانـيـب طالع

واحميك يالبى وانفثك واحصنك
واقضي معك العمر والعمر ضايع

يا وجـد عيني يـوم بالزين ازَبِنك
يـا عـيـن حـرٍ فـي طويل المرافِع

ان جـيتني جـيتك غلا مـا يثمنك
وان رحت عفت البيع والوقت ضايع

واسمع كلامي وبالحشا دوم ادوِنك
حبٍ بوسط الـروح شـامـخ وبارع