Ijtimoiy tarmoqlarda tarqalgan anonim murojaatdagi iddaolar o‘z tasdig‘ini topmadi

Ijtimoiy tarmoqlarda Navoiy innovatsiyalar universitetida 14 ming nafar talaba tahsil olishi, o‘quv auditoriyalari yetishmasligi va ta’lim sharoitlari bilan bog‘liq anonim murojaat tarqalgan edi.

Mazkur xabarlarga oydinlik kiritish maqsadida "Yoshlar" telekanali ijodiy guruhi universitetga tashrif buyurib, maxsus reportaj tayyorlabdi.

Reportaj davomida anonim murojaatda ko‘tarilgan masalalar joyida o‘rganilib, universitetning o‘quv auditoriyalari, kutubxonasi va talabalar uchun yaratilgan sharoitlar bevosita ko‘rsatib berilgan. Natijada o‘quv xonalari va zarur sharoitlar yetishmasligi haqidagi iddaolar o‘z tasdig‘ini topmagan.

«Ijtimoiy tarmoqlarda tarqalgan ayrim videolar o‘quv yilining ilk kunlarida, talabalar dars jadvali va o‘quv xonalari bilan to‘liq tanishishga ulgurmagan paytda yuzaga kelgan bir necha daqiqalik holatni aks ettiradi. Bunday qisqa muddatli holatni universitetda auditoriyalar yetishmasligi sifatida talqin qilish to‘g‘ri emas», — deyiladi universitet rasmiy munosabatida.

Eslatib o‘tamiz, nodavlat oliy ta’lim tashkilotlari ham o‘z ishchanlik obro‘sini qonuniy himoya qilish huquqiga ega. Qasddan yolg‘on ma’lumot tarqatganlik uchun qonunchilikda javobgarlik belgilangan.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

#Tayinlov

Oʻzbekiston Respublikasi Prezidentining tegishli qarori bilan Taʼlim va ilm-fan vazirligida qator kadrlar tayinlovlari amalga oshirildi

Yo‘ldoshev Oybek Behzodovich – Taʼlim va ilm-fan vazirining birinchi oʻrinbosari lavozimiga tayinlandi.

Tayinlovga qadar u “PwC Uzbekistan” kompaniyasining Davlat sektori, infratuzilma va ESG boʻyicha konsalting amaliyoti direktori sifatida faoliyat yuritgan.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

#Tayinlov

Oʻzbekiston Respublikasi Prezidentining tegishli qarori bilan Pardayeva Mehriniso Doniyorovna – Taʼlim va ilm-fan vaziri oʻrinbosari lavozimiga tayinlandi;

Tayinlovga qadar u Taʼlimni rivojlantirish respublika ilmiy-metodik markazi boshqarma boshligʻi sifatida faoliyat yuritgan.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

#Tayinlov

Oʻzbekiston Respublikasi Prezidentining tegishli qarori bilan Mirzaliyev Sanjar Mahamatjan oʻgʻli – Taʼlim va ilm-fan vaziri oʻrinbosari lavozimiga tayinlandi;

Tayinlovga qadar u Belarus–Oʻzbekiston qoʻshma tarmoqlararo amaliy texnik kvalifikatsiyalar institutining ijrochi direktori sifatida faoliyat yuritgan.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

⚡️Prezident özbek alifbosini takomillaştirişga oid qonunni imzoladi

📌Prezident Administratsiyasi rahbari Saida Mirziyoyeva 21-oktyabr — Özbek tili bayrami kuni munosabati bilan davlat rahbari lotin yozuviga asoslangan özbek alifbosini takomillaştirişga oid qonunni imzolaganini ma’lum qildi. qildi.

Nihoyat, uzoq yillik tarixiy xato tuzatildi. Bugun Prezidentimiz lotin yozuviga asoslangan özbek alifbosini takomillaştirişga oid qonunni imzoladilar.

Bu yillar davomida bahslarga sabab bölayotgan va oxiri körinmayotgan masala edi. 2023-yil 11-dekabrda jadidlar merosiga bağişlangan konferensiyadagi nutqimda alifboni tuzatiş taşabbusini ilgari surgan holda, mazkur bahslarga nuqta qöyiş vaqti kelganini aytgan edim.

Albatta, özgarişlar oson keçmaydi, kimlardadir e’tiroz yoki xavotir uyğotişi ham tabiiy. Lekin, işoning, yozuvimizdagi noqulayliklarga barham beriş va tilimizning raqamli makondagi örnini mustahkamlaş uçun boşqa yöl yöq edi.

Endi hamma hujjatlar yangidan qilinadimi? Yöq, aslo! Biz xarajatlarni eng minimal darajaga tuşiriş yölini tanladik: amaldagi barça hujjatlar, milliy valyuta va qimmatli qoğozlar öz kuçida qoladi, darslik, peşlavha va körsatkiçlar esa yaroqlilik muddati tugagaç, bosqiçma-bosqiç almaştiriladi.

Uşbu qonunning 21-oktyabr kuni qabul qilinişida çuqur ramziy ma’no bor. Tuzatilgan alifbomiz ma’rifatparvar ajdodlarimiz orzusi, yoşlarimiz savodxonligi va tilimiz mavqeini yuksaltirişga xizmat qilişiga işonaman.

Barçangizni Özbek tili bayrami kuni bilan tabriklayman!, - deya yozadi Saida Mirziyoyeva

Ma'lumot uçun, eski alifbodagi matnlarni @yozuvbot orqali yangi alifboga oson özgartiriş mumkin.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

Kecha tayinlovi haqida yozganimiz — Ta’lim va ilm-fan vazirining yangi birinchi o‘rinbosari Oybek Yo‘ldoshev haqida

Aytishlaricha, u Fanlar akademiyasining marhum prezidenti, akademik Behzod Sodiqovich Yo‘ldoshevning o‘g‘li, ona tomondan esa G‘afur G‘ulomning nevarasi — adibning qizi Toshxon G‘ofurovna Yo‘ldosheva (G‘ulomova)ning farzandi.

Bir kanal esa DJ pulti ortidagi kishini ham «yangi birinchi o‘rinbosarimiz shu kishi» deb video chiqaribdi. Aynan o‘zimi yoki o‘xshash odammi — bunisi hozircha noma’lum.

Bu aynan uning o‘zi ekani hozircha tasdiqlanmagan. Agar u bo‘lsa ham, buning yomon joyi yo‘q. Xorijda ham rahbarlarning musiqaga, san’atga yoki boshqa ijodiy mashg‘ulotlarga qiziqishi odatiy hol sifatida qabul qilinadi. Aksincha, san’at va musiqaga oshno odamdan yomonlik chiqmaydi, deyishadi-ku!

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

Prezident kitobxon oilaga va yozuvçi yigitga uy sovğa qildi

Şavkat Mirziyoyev Qamaşi tumani Çim mahallasiga taşrifi davomida yozuvçi Javlon Jovliyev hamda kitobxon oilaga Toşkentdan 2 xonalik uy sovğa qildi.

🎓 @talimxabarlariuz_live

❗️Milliy sertifikat oliş imtihonlari uçun röyxatdan ötişdagi özgarişlar yuzasidan senator sörovi yuborildi

Milliy sertifikat oliş imtihonlari taʼlim tizimida pedagoglar va mutaxassislarning bilim va malakasini baholaşning samarali vositalaridan biri hisoblanadi. Şu bois mazkur imtihonlarda iştirok etiş uçun yaratilgan şart-şaroit, xususan, röyxatdan ötiş jarayonining oçiqligi va talabgorlar uçun teng imkoniyatlarning taʼminlanişi alohida ahamiyatga ega.

Milliy sertifikat oliş imtihonlariga röyxatdan ötiş ayrim hududlarda juda qisqa vaqt içida yopilib qolgani ijtimoiy tarmoqlarda fuqarolar, pedagoglar va boşqa talabgorlarning eʼtirozlariga sabab bölmoqda.

Xususan röyxatdan ötişda nafaqat ariza topşirişning umumiy muddati, balki talabgor tanlagan hudud uçun ajratilgan örinlar soni ham hal qiluvçi ahamiyatga ega. Çunki umumiy muddat hali yakunlanmagan bölsa-da, muayyan hudud uçun ajratilgan örinlar tölib qolgan taqdirda, uşbu hududda boşqa talabgorlar röyxatdan ötolmasligiga olib keladi.

Keng jamoatçilikda bunday amaliyot örinlar soni qanday mezonlar asosida belgilanayotgani, uşbu mezonlar real talabni qançalik aks ettirayotgani va talabgorlarning imtihonda qatnaşiş imkoniyatlari teng taʼminlanayotgani yoki aksinça taʼminlanmayotgani haqida örinli savollarni keltirib çiqarmoqda.

Ijtimoiy tarmoqlarda uşbu mavzu keng muhokamalarga sabab bölganligini inobatga olib, Özbekiston Respublikasi Oliy Majlisi Senati aʼzosi K. Tursunov Bilim va malakalarni baholaş agentligi direktori M.Karimovga senator sörovi bilan murojaat qildi.

Senator hudud va fanlar kesimida örinlar ajratişda qanday mezonlar qöllanilişi hamda röyxatdan ötiş jarayonida örinlar mavjudligi töğrisidagi maʼlumotlar oçiqligini taʼminlaş böyiça köriladigan texnik va taşkiliy çoralar yuzasidan tuşuntirişlar berişni söragan.

Bundan taşqari, har bir hudud uçun örinlar sonini belgilaşda potensial talabgorlar soni hisobga olinişi, başarti bir hududda ajratilgan örinlar tölganda, boşqa hududlarda esa böş örinlar mavjud bölgan taqdirda, uşbu örinlarni talab yuqori bölgan hududlarga qayta taqsimlaş imkoniyati bor yoki yöqligiga aniqlik kiritiş, şuningdek, qöşimça örinlar yoki qöşimça imtihonlar taşkil etiş hamda imtihonlar qamrovini kengaytiriş böyiça amalga oşirilayotgan çora-tadbirlar haqida asoslantirilgan javob beriş ham nazarda tutilgan.

Eslatib ötamiz, mazkur senator söroviga javob qonunda belgilangan tartibda 10 kun içida beriladi.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

"Endi birorta maktab direktori yiğilişga çaqirilmaydi" — Ta’lim va ilm-fan vaziri

"Endi birorta maktab direktori yiğilişga çaqirilmaydi. Barcha tuman hokimlariga yetkazinglar, çaqirmoqçi bölsa birinçi vazirlikdan ruxsat söraydi", — Erkinjon Turdimov.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

❗️Boshlang‘ich ta'lim o‘qituvchilari uchun milliy sertifikat malaka imtihonlariga ro‘yxatdan o‘tish boshlandi!

🆔 O‘zbekiston Respublikasi Vazirlar Mahkamasining 2026-yil
29-iyuldagi 411-son qaroriga muvofiq, boshlang‘ich ta’lim o‘qituvchilarining bilim darajasi va pedagogik mahoratini baholash bo‘yicha milliy sertifikat imtihonlariga ro‘yxatdan o‘tish Yagona interaktiv davlat xizmatlari portali – my.gov.uz orqali amalga oshiriladi.

💼 Ro‘yxatdan o‘tishning oxirgi kuni – 5-noyabr.

‼️ Eslatib o‘tamiz:

✅ Imtihon natijalariga ko‘ra talabgorlarga 3 yil muddatga amal qiluvchi A+, A, B+, B, C+ va C darajali milliy sertifikatlar beriladi;

✅ B+ va undan yuqori darajadagi sertifikatga ega bo‘lgan, boshlang‘ich sinflarda dars beruvchi boshlang‘ich ta’lim mutaxassisligiga ega o‘qituvchilarga lavozim maoshining 15 foizi miqdorida har oylik qo‘shimcha ustama to‘lanadi.

🌐 Ro‘yxatdan o‘tish uchun havola: https://my.gov.uz

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

❗️ Milliy sertifikat imtihonida ishtirok etuvchi talabgorlar diqqatiga!

​📆 Ma’lumki, 2026-yil 24–26-oktyabr kunlari barcha hududlarda ona tili va adabiyot fanidan milliy sertifikat imtihonlari bo‘lib o‘tadi.

✅ Ushbu imtihon uchun test materiallari amaldagi lotin yozuviga asoslangan o‘zbek alifbosida tayyorlangan.

📝 Shuningdek, ochiq turdagi test topshiriqlarining javoblari hamda yozma ish (esse)lar ushbu alifboda yozilishi lozim.

📌 Yangi alifboni joriy etish to‘g‘risidagi Qonunda yangi alifbo 6 oydan so‘ng kuchga kirishi belgilangan. Shu sababli Agentlik tomonidan o‘tkaziladigan imtihonlarda yangi alifbodan emas, amaldagi alifbodan foydalaniladi.

📝 Bilim va malakalarni baholash agentligi barcha talabgorlarga imtihonda muvaffaqiyat va yuqori natijalar tilaydi!

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

Xorijiy va nodavlat oliy ta’lim tashkilotlariga ajratilgan grant imtihonlari uchun ruxsatnomalar e’lon qilindi

🧾 Xorijiy va nodavlat oliy ta’lim tashkilotlari hamda ularning filiallariga ajratilgan 1 420 ta, shuningdek, Qoraqalpog‘istonlik yoshlarga xorijiy va nodavlat oliy ta’lim tashkilotlari hamda ularning filiallariga ajratilgan 200 ta maqsadli kvota uchun bo‘lib o‘tadigan imtihonlarga ruxsatnomalar e’lon qilindi.

📆 Test sinovlari 2026-yil 28-oktabr (chorshanba) kuni bo‘lib o‘tadi.

🌎 Test sinovida ishtirok etuvchi talabgorlar test sinovlarida ishtirok etish uchun ruxsatnomani my.uzbmb.uz saytidagi shaxsiy kabinetlari orqali yuklab olishlari mumkin.

📌 Ruxsatnomada test sinovi o‘tkaziladigan sana, manzil va vaqt ko‘rsatilgan bo‘lib, talabgorlardan test sinovlariga ruxsatnomada ko‘rsatilgan vaqtdan kechikmagan holda kelishi so‘raladi.

🆔 Talabgorlar test sinovlari bo‘lib o‘tadigan binoga shaxsini tasdiqlovchi hujjat (pasport yoki ID-karta) asosida kiritiladi.

❗ Talabgorlardan imtihonga ortiqcha buyumlar (elektron qurilmalar, sumka, kitob, daftar, yozuv qurollari, ichimlik, ovqat, shaxsiy buyumlar va boshqalar) olib kelmaslik so‘raladi.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

❗️Til sertifikati sabab himoyasi qolgan magistrantlar uchun muhim xabar

2023-yil 14-fevraldagi 13-son bayon asosida istisno tariqasida magistraturaga qabul qilingan talabalar PF–81-son Farmonda belgilangan darajadagi til sertifikatiga ega bo‘lsa, dissertatsiya himoyasiga ruxsat beriladi.

📌 Talab etiladigan darajalar:
🔹 C1 — filologiya yo‘nalishlari;
🔹 B2 — gumanitar, biologik va turdosh fanlar, matematika va statistika, biznes va boshqaruv, huquq, xizmat ko‘rsatish, ijtimoiy va xulq-atvorga oid fanlar, jurnalistika va axborot, AKT;
🔹 B1 — boshqa ta’lim sohalari hamda madaniyat va sport mutaxassisliklari.

✅ Mutaxassisligi uchun B1 belgilangan magistrantlar B1 sertifikati bilan ham himoyaga qo‘yilishi mumkin.

⚠️ Sertifikat muddati tugamagan va rasman tan olingan sertifikatlar ro‘yxatida bo‘lishi shart. Sertifikat talabi bekor qilinmagan.

Sertifikat topshirgan magistrantlar himoyasini tashkil etish OTM rahbarlariga topshirilgan.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm

SATʼdan 1430 balldan 1540 ballgaça: öquvçi natijasini qanday yaxşiladi?

11-sinf öquvçisi Yusubboeva Kamola SAT imtihonidagi natijasini qisqa vaqt içida 1430 balldan 1540 ballga oşirdi. U Talimxabarlari.uz muxbiri bilan suhbatda tayyorgarlik usulini qanday özgartirgani va yuqori natijaga erişiş uçun nimalarga eʼtibor qaratgani haqida sözlab berdi.

Batafsil: https://talimxabarlari.uz/81943/

🎓 Obuna böling - @talimxabarlari

❗️Nodavlat OTMning 3-kursiga o‘qishga kiritishni va’da qilgan yana bir shaxs ushlandi

Bosh prokuratura huzuridagi Iqtisodiy jinoyatlarga qarshi kurashish departamentining Namangan viloyati boshqarmasi hamda Namangan shahar bo‘limi xodimlari tomonidan o‘tkazilgan tezkor tadbirda oliy ta’lim muassasasiga noqonuniy o‘qishga kiritish bilan bog‘liq holat aniqlangan.
 
Ma’lum qilinishicha, gumonlanuvchi fuqaroni Andijon iqtisodiyot va pedagogika universitetining 3-kursiga o‘qishga kiritib qo‘yishni va’da qilgan. Buning evaziga u 18 mln so‘m talab qilgan.
 
Tezkor tadbir davomida gumonlanuvchi kelishilgan pulni olayotgan vaqtida ashyoviy dalillar bilan ushlangan.
 
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
 
Eslatib o‘tamiz, avval ham oliy ta’lim muassasalariga noqonuniy ravishda o‘qishga kiritish bilan bog‘liq holatlar haqida xabar berilgan edi. Jumladan, sentabr oyida fuqaroning soxta hujjatlaridan foydalanib, uni xususiy oliygohning 3-bosqichiga o‘qishga kiritishni va’da qilgan shaxslar ushlangan.
 
Avgust oyida esa Toshkentda fuqaroni tibbiyot yo‘nalishidagi oliy ta’lim muassasasining 3-bosqichiga kiritishni va’da qilib, buning uchun 4 500 AQSH dollari talab qilgan shaxs 3 000 dollarni olayotgan vaqtida qo‘lga olingan.

🏛 Nodavlat oliy ta’lim tashkilotlari haqida ishonchli ma’lumotlar:
👉 @nodavlat_otm