«Ей, адамдар ! Сендерге өз араларыңнан бір пайғамбар келеді. Сендер тауқыметке ұшырасаңдар – Оған ауыр тиеді. Ол сендердің тура жолда болғандарыңды қалайды, мүміндерге құштар, өте жанашыр»

«Тәубе» сүресі, 128 - аят

Айша анамыз (родиаллаһу ғанһә) Алла Елшісі туралы былай деген:

«Алла Елшісі (оған Алланың салауаты мен сәлемі болсын) дүниеде өмірінің соңына дейін үш күн қатарынан тойып тамақ жеген емес. Қаласақ тойып жейтін мүмкіндігіміз бар еді. Бірақ өзгелердің қажетін өзімізден артық қоятын едік».

Субханаллаһ! Пайғамбарды үлгі еткен бүгінгі мұсылман жанашыр болу керек….

Хазіреті Әлиден (Алла оған разы болсын):  «Сендер Пайғамбарды қалай жақсы көруші едіңдер?», - деп сұраған кезде ол кісі: «Шөл далада қалған кісі бір жұтым суды қалай жақсы көрсе, біз де Пайғамбарды солай жақсы көреміз!» - дейтін еді.

«Мен Алла Елшісіне ﷺ он жыл қызмет еттім. Маған бірде-бір рет «Уф» деп айтпаған. Бір нәрсе жасасам: «Не үшін бұлай жасадың?» – деп айтпады. Егер бір нәрсені істемей қойсам: «Неге оны жасамадың?» – деп айтпады. Алла Елшісінің ﷺ мінезі ең көркем еді».

©️ Әнәс ибн Мәлик (Алла одан разы болсын)

Тойымсыз екі түрлі адам бар. Біріншісі - дүниеге тоймайтын адам. Екіншісі - ілімге тоймайтын адам. Әуелгісі озбырлыққа апарса, екіншісі Рахманның разылығына жетелейді.

©️ Абдулла ибн Масғуд (Алла одан разы болсын)

Пайғамбарымыз ﷺ бірде Әбу Зәрр (родиаллаһу ғанһу) есімді сахабасына былай дейді: «Ей, Әбу Зәрр! Таңертең үйіңнен шығып, Құраннан бір аят үйренуің сен үшін 100 рәкағат нәпіл намаз оқығаннан да қайырлы. Сол секілді таңертең үйіңнен шығып, ілімнен бір бөлім үйренуің сен үшін мың рәкағат нәпіл намаз оқудан жақсырақ».

©️ Имам Ибн Мәжадан жеткен хадис

«Қандай жағдайда болсаң да, Алладан қорық. Егер қателік іс істесең, сол жамандықтың артынан лезде оны жоятын жақсылық жаса. Адамдармен жақсы мінез-құлықпен қарым-қатынас жаса».

©️ Әбу Зәррдан жеткен хадис

«Менің өмірден өтуім де сендер үшін рақмет. Өйткені мен бұл өмірден өткеннен кейін сендердің амалдарың маған әкелінеді. Жақсы амал болса, Аллаға мақтау айтамын. Ал жақсы амал болмаса, онда ол үшін Алладан кешірім сұраймын».

©️ Пайғамбар тағылымы

«Мен үшін сендердің ең маңызды шаруаларың – намаз. Кімде-кім намазға берік болса және намазы тұрақты болса, дінін сақтайды. Кімде-кім намазын зая етсе, одан басқа шаруаны оңай зая етпек».

©️ Халифа Омар (родиаллаһу ғанһу) басшыларға жазған хатынан

«Бермегенге беруің, сенімен арасын үзген адаммен қарым-қатынас орнатуың және саған зұлымдық жасаған адамды кешіруің. Кімнің бойында осы үш қасиет болса, Алла Тағала оның есебін жеңіл етіп, мейірімімен жәннатқа кіргізеді».

©️ Пайғамбар тағылымы

Сен өлгенде біреу қайғырады, ал біреу соны пайдаланып контент қылады. Бұл – адамдар үшін өмір сүрмеудің тағы бір дәлелі.

Қайғылы қазаны контент еткен AI-мамансымақтар. Оңбайсыңдар.

«Он жылдап кәсіпсіз, азықсыз ғұмыр кешсең де білімнен сырт айналып кетпе! Білімнен сырт айналсаң, тұрмысыңның ауыртпалығы арта түседі».

©️ Имам Ағзам өсиетінен

«Әр атқан таңың саған былай дейді: «Міне мен бүгін сен үшін жаратылдым, шамаң келгенше бос жібермей амал жасап қал! Егер мені өткізіп алсаң қияметте қайтып оралмаймын».

©️ Хасан әл-Басри (Алла оны рақымына бөлесін)

«Адамдардың ең әлсізі – дұғаға әлсіздік еткендер. Адамдардың ең сараңы – сәлемге сараңдық еткендер».

©️ әт-Тәбәрани, Бәйһақиде келген хадис

Адамдарға көңілдері еш нәрседен ләззат ала алмай қалатын бір заман келеді. Сол кезде олар дауаны тек оңаша қалу мен адамдардан алыстаудан іздейді.

©️ Әли ибн Әбу Толиб (родиаллаһу ғанһу)

Шыншыл әрі сенімді саудагер (қияметте) пайғамбарлармен, шыншылдармен және шахидтермен бірге болады.

©️ Тирмизиде келген хадис

«Әй, адам баласы! Расында сен күндерден тұрасың. Сондықтан әрбір күнің өткен сайын сенің өміріңнің де бір бөлшегі азая бермек».

Хасан әл-Басри (Алла оны рақымына алсын)

Пайғамбарымыз ﷺ бірде Әбу Зәр (Алла оған разы болсын) есімді сахабасына былай деген:

«Ей, Әбу Зәр! Таңертең үйіңнен шығып, Құраннан бір аят үйренуің сен үшін 100 рәкағат нәпіл намаз оқығаннан да қайырлы. Сол секілді таңертең үйіңнен шығып, ілімнен бір бөлім үйренуің сен үшін мың рәкағат нәпіл намаз оқудан жақсырақ».

©️ Имам Ибн Мәжада келген