#InnoWeek_2026

“InnoWeek–2026” xalqaro innovatsion g‘oyalar haftaligiga start berildi

Poytaxtimizda Ta’lim va ilm-fan vazirligi huzuridagi Innovatsion rivojlanish agentligi tomonidan “O‘zgarayotgan dunyo uchun ilg‘or innovatsiyalar” shiori ostida tashkil etilgan “InnoWeek–2026” — xalqaro innovatsion g‘oyalar haftaligi rasman ochildi.

Uch kun davomida ilm-fan yutuqlari, zamonaviy texnologiyalar, istiqbolli ishlanmalar va yangi biznes g‘oyalar namoyish etilib, mahalliy hamda xorijiy hamkorlar o‘rtasida tajriba almashish va yangi loyihalarni yo‘lga qo‘yish uchun imkoniyatlar yaratiladi.

O’zbekiston Milliy universiteti jamoasi, ilmiy ishlar va innovatsiyalar sektori vakillari, Iqtidorli talabalarning ilmiy tadqiqot ishlarini tashkil etish bo’limi mas’ullari, universitetning ixtirochi talabalari mazkur tadbirda ishtirok etmoqda.

👉 На русском
👉 In English

📱Facebook 📱Instagram 📺YouTube 🌐 Linkedin 🕊Telegram

💻3-sonli talabalar turar joyida bepul dasturlash kursi

Tyutor tashabbusi bilan 3-sonli talabalar turar joyida xorijiy talabalar ishtirokida Python dasturlash tili bo‘yicha bepul kurs mashg‘ulotlari bo‘lib o‘tmoqda.

🎯Mazkur kurs talabalar bilimini oshirish va dasturlash ko‘nikmalarini rivojlantirishga xizmat qiladi.

😎Telegram 😎Instagram

O‘zMU vakillari Italiyada kiberxavfsizlik ta’limini rivojlantirishga qaratilgan xalqaro tadbirda ishtirok etmoqda

🇮🇹 Joriy yilning 26–30-oktabr kunlari Italiyaning Pisa shahridagi Sant’Anna oliy tadqiqotlar maktabida Erasmus+ dasturi doirasida amalga oshirilayotgan loyiha doirasida xalqaro ilmiy-amaliy tadbir bo‘lib o‘tmoqda. Unda Mirzo Ulug‘bek nomidagi O‘zbekiston Milliy universiteti jamoasi ham ishtirok etmoqda.

🇺🇿 Tadbirda Yevropa va Markaziy Osiyodagi hamkor oliy ta’lim muassasalari, tegishli vazirliklar vakillari hamda sanoat ekspertlari ishtirokida kiberxavfsizlik sohasida mutaxassislar tayyorlash, ta’lim dasturlarini takomillashtirish va zamonaviy laboratoriyalar tashkil etish masalalari ko‘rib chiqilmoqda.

Madrid politexnika universiteti (Universidad Politécnica de Madrid — UPM), Antverpen universiteti (University of Antwerp — UAntwerp), Sant’Anna oliy tadqiqotlar maktabi (Scuola Superiore Sant’Anna — SSSA) va Buxarest milliy fan va texnologiya universiteti (National University of Science and Technology POLITEHNICA Bucharest — UNSTPB) mutaxassislari kiberxavfsizlik yo‘nalishida GLP talablari asosida ta’lim berish hamda laboratoriyalar faoliyatini tashkil etish bo‘yicha tajribalari bilan o‘rtoqlashmoqda. Shuningdek, ishlab chiqarish kompaniyalari ishtirokida kiberxavfsizlik tizimlariga oid amaliy mashg‘ulotlar o‘tkazilmoqda.

Batafsil 👉 nuu.uz

👉 На русском
👉 In English

📱Facebook 📱Instagram 📺YouTube 🌐 Linkedin 🕊Telegram