OHANGARONDA MA’NAVIYAT VA SAN’AT UYG‘UNLIGI

Ohangaron shahridagi 6-son Bolalar musiqa va san’at maktabida “Ayol qadri — millat qadri” mavzusida ijodiy uchrashuv va teatr tomoshasi bo‘lib o‘tdi.

Tadbirda O‘zbekiston va Qoraqalpog‘iston xalq artisti, xalqaro Bobur mukofoti sohibi Muhammadali Abduqunduzov ishtirok etib, teatr san’atining inson ma’naviyati va tarbiyasidagi o‘rni haqida so‘z yuritdi.

Uchrashuv doirasida san’atkor shogirdlari tomonidan “Ogoh bo‘ling, odamlar!” spektakli namoyish etildi. Sahna asari insoniy qadriyatlar, oila va jamiyat oldidagi mas’uliyat, ma’naviy hushyorlik kabi muhim mavzularni yoritib, tomoshabinlarni chuqur mushohadaga chorladi.

San’at — qalblarga ezgulik ulashuvchi, insonni fikrlashga va qadriyatlarni asrashga undovchi kuch. Mazkur tadbir ayolga hurmat, milliy ma’naviyat va inson qadrini ulug‘lash g‘oyalarini yana bir bor namoyon etdi.

🇺🇿Ohangaron shahar hokimligi
Axborot xizmati

Telegram|Instagram|Youtube|Vebsayt‌‌|Facebook