Асылы, бақытсыздыққа ең лайық адам – өзі уағыз айтып, игілікке разы болғанымен, айтқан уағызынан ғибрат алмаған кісі.

📚Нәпсі дертінің дауасы

Фиқһ ілімі сенің амалыңның есептеліп не есептелмейтіндігін ғана айтып береді. (сихха/батыл тұрғысынан) Бірақ бәрібір амалдардың соңғы нүктесі адамның тассауфына қайтады.

مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنْ النَّارِ

«Кімде-кім менің атымнан жалған сөз айтса, өзіне тозақтан орын дайындай берсін!» (хадис)

Бұл хадисті баршамыз қалай түсінеміз? Кім де кім Алла Елшісі ﷺ айтпаған нәрсені айтты десе немесе жалған хадис риуаят етсе соның жазасы осы хадисте айтылған, демек біз оның атынан жалған хадис жеткізбесек болғаны, бұл хадистегі жаза бізге қатысты емес деп ойлайтынымыз рас.

Ал бұл хадисті фақиһ ғалымдарымыз қалай түсіндіреді?

"Кімде кім Алла Елшісі ﷺ харам деген нәрсені халал, халал деген нәрсені харам десе, тозақтан орын дайындай берсін" - деп түсіндіреді. Демек, бізден үкім сұралғанда пәтуа беруге аса мұқият болуымыз керек. Егер дұрыс болған нәрсені бұрыс, немесе бұрысты дұрыс деп айтар болсақ, тозақтан орнын дайындай беретіндердің қатарына біздің де кіріп кетуіміз ғажап емес.

#ұстаздан
#толибқа

Имам ибн Абидин (рахимаһуллаһ) өзінің кітабында ер мен әйелдің арасындағы намазға қатысты 25 айырмашылықты келтіреді. Соның бірі - таң намазын жарық түскенде оқу әйелдердің хаққысында мустахаб еместігі. Бәлки оларға намаздарын таңғы қараңғылықта оқу абзал, себебі бұл әрекет жасырынуға жақын. والمرأة أمرها مبنية على الستر

[мустахаб уақытты күтіп намаз оқымай отқан қыздар болса дегенім ғо 😄]

من تعلم القرآن عظمت قيمته.
ومن تكلم في الفقه نما قدره.
ومن كتب الحديث قويت حجته.
ومن نظر في اللغة رقَّ طبعه.
ومن نظر في الحساب جزل رأيه.
ومن لم يصن نفسه لم ينفعه علمه.

الإمام الشافعي رحمه الله

تأثير الكلمة في النفس يزداد بمعرفة قائلها

Сөздің бойындағы әсері оның айтушысын танумен арта түседі.

📙Рисәләтуль мустаршидин

[Құран, хадис оқығанда әсерленбесең, оларды кім айтып жатқанындығынан білімің аз болар..? ]

Асып тасып жатқан мал-дүниең болмаса да, қолда барыңмен садақа етуге тырысқаныңда Алла Тағаланың мына бір аятын есіңе ал:

فَمَن يَعْمَلْ مِثْقَالَ ذَرَّةٍ خَيْرًا يَرَهُ

Ендеше, кімде­-кім зәредей (мысқалдай) жақсылық жасаса, соның қарымын алады. (Зілзәлә,7)

https://youtu.be/qojBvcMbpDg

көруге кеңес береміз.

👋🏻 Әссаляму ъалейкум, құрметті мұсылман бауырлар!

Алланың қалауымен "Нәзік жанның намазы" атты екінші кітабымыз өздеріңізге жол тартып отыр. Бұл ізденісте жалпы қыз баласының намаз оқу ерекшелігіне қатысты мәселелер қамтылған. Әрі не үшін олай оқитындығына жауап таба аласыздар

Кітапша тегін, тек оқырмандардан автордың ата-анасына шипа тілеп, дұға қып қоюын сұраймыз

Бөлісуге болады 🌻

Имам әл-Қудури (Алла оны мейіріміне бөлесін) былай дейді: "Уақыты өтіп кеткен намаздардың қазасын өтеу бабы".

Кімде-кім намазды (уақытынан) өткізіп алса, есіне түсірген кезде қазасын өтейді
_____

Осыған Имам әл-Майдани (Алла оны мейіріміне бөлесін) былайша түсіндірме жасайды :
      Автор намаздарды «тастап қойған намаздар» - деп емес, «уақытынан өткізіп алған намаздар» - деп айтты. Бұл хусни зон (жақсы ойда) болу үшін айтылды. Өйткені, мұсылман кісі негізі намазды әдейі тастамайды. Сол үшін де "уақыты өтіп кеткен намаз"- сөзі қолданылды. Мұндағы мақсат бейқамдығы, не ұйықтағандығы, не ұмытқандығы себепті уақытынан өткізіп алған намаз.

"Есіне түсірген кезде қазасын өтейді". Әдейі тастаса да үкім сондай. Бірақ-та, мұсылманда намазды әдейі уақытынан өткізуге бөгет болатын ақылы мен діні бар.

📖| лубәб фи шарх әл-китаб

таңғы ұйқы ризықтың келуін бөгеп, кедейлікке алып келеді. Дүниеге кедей болуды айтпағанда, ілімде кедей болуға да..

📚таълим әл-мутаъаллим

уақытыңды қадірлеуің - өзіңді қадірлеуің. Нағыз самооценканың көрінетін орны осы .

(с) ұстаз Ерлан Ақатаев

[яғни, самооценкаңның қай дәрежеде екенін білгің келсе уақытыңды қалай басқарып жүргеніңе қара]

Усуль-фиқһ, усуль-хадистен бір кітапты толыққанды түсініп оқу – қарапайым 100 кітапты оқығаннан да күрделірек әрі машақаты мол.

Қарапайым 100 кітап, 1000 кітап оқығандарға тамсана берме. Ол сенің бір усуліңе де жетпейді.

Пәтуа беруші адам "харам" сөзін жиі қолданбауы керек. Тек шариғи анық харам екендігі көрінген нәрселерге ғана сол сөзді қолданып, нақты харамдығы бекітілмеген нәрселерге "рұқсат емес, разы боларлықтай емес" секілді сөздерді қолданған жөн.

Имам Малик рахимаһуллаһ:
      Өткен және алдыңғы ғалымдар "мынау халал, мынау харам"- деп айтпаған. Бәлкім "ұнамсыз, ұнамды" секілді сөздерді қолданған. Өйткені, харам-халалдықты бекітуші - Аллаһ.

📖 усуль ифта уа әдабуһу

Сен бір сәт елестетіп көр. Егер де басшылардың ішінен бір басшы келсе оның оң жағында да , сол жағында да күзетшілердің жүргенін көресің. Олар тіпті басқа жаққа мойнын да , көзін де бұрмайды - осы басшыға деген құрметтілік себепті. Егер ілім талап қылу үшін жолға шыққан болсаң бұл көрініс сенімен де орын алып жатыр. Уаллаһи! Мен яқини түрде сенемін. Егер дәріс беруге не ілім алуға шығар болсам, мен жерде емес бәлки періштелердің қанатының үстінде жүремін. Егер де Алла Тағала менің көзімдегі пердені алып тастаса , сөзсіз оларды көрер едім

Шейх Шәннар (хафизаһулла)

Алла Тағала бір нәрсеге береке берем десе цифрлар роль ойнамай қалады)

Мейлі ол уақыт болсын, ақша болсын

Көптен ештеңе жазбаған соң ба, біртүрлі өз каналымнан өзім жатырқап жүрмін)

Ассаляму ьалейкум, құрметті оқырмандар! Көзді ашып-жұмғанша қыс мезгілінің ортасына да келіппіз. Енді оның қалған бөлігін өнімді өткізуіңізге себеп болар деген ниетпен шағын еңбек жазып шыққан едік. Оқып бағасын берерсіздер, пайдалы болады деген үміттеміз! 🙂

#бөлісугеболады