Артықтан тағылым ал, кемге - үйрет.

Мiржақып Дулатұлы رحمه الله

Ибн әл-Джәузидің (رحمه الله) мынадай керемет сөзі бар :

«Адамдар ұйықтап жатқанда кім оқитын болса, адамдар үнсіз қалғанда ол сөйлейтін болады» 📚

Бiлiм жоқ жерде қиял - қысыр, арман - ада.

Шерхан Мұртаза رحمه الله

Дағды қылсаң дап-дайын істің бәрі,
Адамзат тұра алмайды әдетке ермей

Шәкәрім Құдайбердіұлы رحمه الله

Ғұлама Имам Зәһәби Хатыб әл-Бағдадидің (Алла оларды рақымына алсын) қолына джуз (бір тақырыпқа ғана арналған хадистер жинағын) алып, Бағдад қаласының көшелерінде оқып жүретіндігін айтады. Иә, кәдімгі жолда жүріп бара жатқан күйде оқитын. Біреулеріңіз “ол қалай? мүмкін емес қой”,- деп айтуларыңыз мүмкін. Бірақ қателесесіздер, біздер қазір бұның мүмкін екендігінің үлгісін соткамен-ақ көрсетіп жүрміз. Біреудің сөзін, хабарламасын жіберіп алғымыз келмейді. Ал ғалымдарымыз пайдалы ілімнен солай бір сәтке де ажырағысы келмеген!

© Шейх Әбдул Хаким әл-Әнис (Алла ғұмырын ұзақ етсін)

Газет, кітап сияқты нәрселер халықтың градуснигі (тамыршысы), халықтың ішкі сарайы, саңылауы қандай күйде тұрғанын газет һәм кітап сияқты нәрселерден байқауға болады.

(с) Міржақып Дулатұлы رحمه الله

Осыдан бір-екі жыл алдын қыздар жамағатына (әйел ұстаз беретін) классикалық кітаптардан осындай бірқатар дәрістер ұйымдастырған болатынбыз. Ара тұра тағы да бола ма деп сұраныс білдірген шәкірттер болды, бірақ біздің жағдай, уақыт оған сәйкес келмеген еді

Енді жаңа екпінмен сабақтар ұйымдастыруға ниет бар Алла қаласа. Егер сіздер тараптан да қолдау-қатысуға ниет болса бір белгі беріп қойсаңыздар🌷

“Мен одан жақсырақпын ғой”- деуден сақтаныңыз. Себебі бұл сөзбен сіз Ібілістің шәкірті боласыз.

Шейх Шәннар (хафизаһулла)

Білім - бір құрал. Білімі көп адам құралы сай ұста сықылды, не істесе де келістіріп істейді.

(с) Ахмет Байтұрсынұлы رحمه الله

Намазда шынайы хушуғқа жетудің ең керемет жолы - жүрегімізге Аллаға ﷻ деген махаббатты орнату.

Адам болмысынан өзі жақсы көрген адамымен кездескенде қуанышқа бөленеді. Тіпті, онымен кездескісі келіп, сағынып тұрады. Кездесетін уақыт жақындаған сайын сағат тіліне қарап, тезірек жылжыса екен деп отырады. Қашан онымен кедессе, бар жан-тәнімен оны қарсы алады. Кездесу қанша ұзаққа созылса да бітпесе екен деп, тіпті, уақыт тоқтап қалса екен деп отырады. Кездесу аяқталған сәтте тағы да кездесетін уақыт жайында сөйлескісі келіп тұрады.

Бұл жақсы көретін адамымызбен болатын кездесудің көрінісі. Ал, егер намаз уақыты болса, біз осы сезімдерді сезіне аламыз ба?

Егер жауабымыз “иә” болса, Аллаға мақтаулар болсын, біз Алланы жақсы көреміз. Ал, егер жауап беруге абыржып, үзірлер, өзімізді ақтап алар жауаптар іздеп кеткен болсақ, біз Алланы шынайы жақсы көрмейміз. Неткен, өкініш! Бұл дегеніміз үлкен қасірет..!

📚”рамадану әл-әхиир”, 24-бет

لا حول ولا قوة إلا بالله

Ізгі кісілердің бірі былай дейді: Алла Елшісіне ﷺ салауат айту - ата-анаға жақсылық жасаудан болып саналады.

Сол кезде одан “қалайша?”- деп сұралады.
Ол: себебі періштелер оның сәлемін Пайғамбарымызға ﷺ жеткізіп “саған Пәленшеұлы Пәленше салауат айтты”,- дейді. Ендеше әкеңнің Алла Елшісінің ﷺ құзырында аталуына себеп болуың - (оған) жақсылық жасаудың бір түрі.

📝 Әдһам Шәрқауидің парақшасынан