#foydali

Rarra va Nussa”ni ko’rsatish yodimdan ko’tarilibdi…😁
Siz ham o’zingiz bilgan diniy ma’rifiy multfilmlarni kommentariyada yozib qoldiring. Albatta bu farzandlarimizning ilk ilmga bo’lgan qiziqishlarini uyg’otish uchun🥰

@olimaonalar

ESLATMA❗️❗️❗️

Ba’zan bolalarimizga qizishib ketamiz, nega choʻzdirding?, nega bunchalik chopasan? buncha koʻp savol berasan…Tasavvur qiling, ba’zi onalar hech bunday deyolmaydi, bolasi kasal(nogiron) faqat yotoqda yotgani uchun, koʻp gapirding deyolmaydi, chunki bolajoni hech eshitmagani uchun gapirishni bilmaydi…biz asab boʻlib, noliydigan holatimiz boshqa bir onalar uchun buyuk ne’mat… xohlaganingizcha oʻynab kulib oʻssinlar, yetarki jonlari sogʻ boʻlsin🤲🏻

@olimaonalar

BAXT OʻZI NIMADIR...?

Baxtiyorlik hamma narsaning eng yaxshisiga ega bo‘lishdan emas, balki boriga qanoatlanishdan kelib chiqadi.  Baxt - bu ichki jarayon, u tashqi emas.

Mol-mulkingizni ko‘paytirish, karerangizning eng yuqori cho‘qqisiga chiqish va biznesingizda kattaroq daromad qilish bilan muvaffaqiyatga erishib qolmaysiz.  Muvaffaqiyat  bu  din va dunyo o‘rtasida to‘g‘ri muvozanatni saqlay bilish uchun mustahkam iymon va bukilmas prinsiplarga ega bo‘lishdadir.  Diqqatingiz markaziga Oxiratni qoʻyish va hayotdagi zaruratlaringizni to‘g‘ri belgilash orqali ichki xotirjamlik paydo bo‘ladi. Bu nima degani? Hozir olayotgan qaroringiz va qilayotgan ishingiz Oxiratingizga qanday taʼsir koʻrsatishini oʻylab harakatlanishni anglatadi. Qisqa muddat ( faqat shu dunyoni emas) balki uzoqni ( narigi dunyoni oʻylab) yashashdir. Demak, dunyoviy muvaffaqiyatga erishishga berilib ketib kattaroq manzarani (Oxiratni) ko‘zdan qochirmaylik. Oxiratingiz uchun yaxshi boʻlgan narsa bu dunyo uchun ham yaxshi ekani shubhasiz.

Salomatlik sizning eng katta boyligingizdir.  Bir o‘ylab ko‘ring, qon aylanish tizimi, nafas olish tizimi, reproduktiv tizim - bularning barchasi juda murakkab va bir-biriga bog‘langan tizimlar orqa fonda sizdan hech qanday harakatiz ishlaydi.  Bu barchamizga berilgan ne’matdir.  Sog‘lom bo‘lsangiz - alhamdulillah,  millionlab dollarlari  hayotini saqlab qola olmagan ko‘p odamlardan ko‘ra boyroqsiz.

Biz kun davomida Ar Rahmon va Ar Rahimni ko‘p marta o‘qiymiz.  Yer yuzida boshqalarga mehribon bo‘lganlarga Alloh ham mehribondir.  Haqiqat siz tomonda bo‘lsa ham mehribon bo‘ling.  Mehrsiz haqiqat shafqatsizlikdir.  Ko‘pincha biz boshqalarga mehribon bo‘lamiz, ammo  mehrimizga eng ko‘p loyiq bo‘lganlar -  turmush o‘rtog‘imiz, bolalarimiz va  biz bilan bir xonadonda yashaydiganlar ko‘pincha bu mehrdan mahrum va mosuvo qoladi.  Payg‘ambar sollallohu alayhi vasallam aytadilar: "Sizlarning eng yaxshilaringiz o‘z oilasi uchun yaxshi bo‘lganlaringizdir. Orangizda oilasi uchun  eng yaxshisi esa menman". Hatto oilasi uchun qilingan yaxshilik begona uchun qilingan yaxshilikdan savobi ko‘proq deyiladi dinimizda.

  Ko‘pincha mehribonlik bizdan hech qanday pul talab qilmaydi - bu mutlaqo bepul.  Biz shunchaki g‘azablanish va toqatsizlikka qarshi chidamliligimizni oshirishimiz kerak.  Mehribonlik oiladan boshlanishi kerak va hammamiz  uyda ko‘proq tabassum qilishni bugundan  boshlaylik , inshaalloh.

Iroda Ahmad

@olimaonalar

#qiztarbiyasi #farzandtarbiyasi

Qizlar qanday tarbiyalanishi kerak:

☘️Avvalo siz (ona) ilmli bo’lishingiz, doim izlanishda bo’lishingiz kerak
☘️Ularni hech qanday sababsiz yaxshi ko’ring va buni ularga ayting
☘️Maryam, Hadija, Fotima, Osiyo va Oisha (ra) onalarimiz haqida so’zlab bering
☘️Ilm olish hamma narsadan ham muhimligini o’rgating
☘️Unga xatti- harakatlarida, gaplashishida, kiyinishida yumshoq va nazokatli bo’lishni o’rgating
☘️Kamtarlik ahamiyati va uning nima uchun kerakligini tushuntiring
☘️Unga uyda chiroyli, toza kiyinib yurishiga qo’yib bering
☘️Voyaga yetguniga qadar hijobini to’g’ri kiyishga o’rgating
☘️Hardoim uning yonida bo’ling, uning his-tuyg’ularini va savollarini tinglashga va tushunishga tayyor bo’ling
☘️Unda yaxshi ayol bo’lish va oilaga g’amxo’rlik qilish qobiliyatlarini shakllantiring
☘️Unga hayz davrida islomiy tozalik odoblarini o’rgating
☘️Turmush o’rtog’ingizga chiroyli muomala qiling chunki sizni eshitganidan ko’proq qilgan amallaringizni takrorlaydi

Islom dini qizlarga qanday g’amxo’rlik qilish va ularni haqiqiy muslima qilish uchun ko’rsatmalar bergan. Biz hadislar orqali Payg’ambarimiz (sav) qizlarga qanday munosabatda bo’lganliklari va Qur’onda ayollar qanday e’zozlanganliklarini bilamiz.

Ota mo‘min-musulmon qizlarni tarbiyalasa va ularga sabr qilsa, ajri bo‘lishi haqida bir hadis bor:

“Kimning 3 qizi bo’lsa va ularni yedirib- ichirib, kiyintirib, iymonli insonga uzatsa, shu qizlari unga qiyomat kuni do’zaxdan parda bo’lur”

Yaqinlaringizga ham ulashib qo’ying 💻

© Anglangan Onalik

@olimaonalar

30 yildan ortiq pediatrik terapevt sifatida men bolalarga kerak bo'lgan va kerak bo'lmagan narsalar ro'yxatini tuzdim.  Men bularning bir nechtasini amalga oshirishni xohlardim.

Bolalarga nima kerak emas:
1. Maktab yoshida  mobil telfonlar .  Yillar davomida men sizga bundan kelib chiqadigan birorta yaxshi narsani ayta olmayman.
2. Ijtimoiy tarmoqlardan cheksiz foydalanish.  Bolalar uchun ijtimoiy tarmoqlarda sog'lom  narsa juda oz va u borgan sari yomonlashmoqda.
3. O'yinchoqlar shunchalik ko'pki, ular tug'ilgan kun yoki bayram kunlarida nimani xohlashlarini xayoliga ham keltira olmaydilar.  Har qanday narsaning oʻta ko'pligi bolalarni qanoatli boʻlishdan toʻsadi   Ular teshik chelakka o'xshab qoladi.
4. Yotoqxonalarida shaxsy televizorlar boʻlishi.  Xonalar uxlash uchun mo'ljallangan.  Yaxshi uyqu gigienasi juda ko'p bolalar uchun o'layotgan san'atdir.
5. Uydagi hissiy muhitni nazorat qila olish.  Xushimkeldi bolalar butun uyni garovga olishlariga yo'l qo'ymaslik kerak.  Agar bola kayfiyatni ko'tarishni xohlasa, u o'z xonasiga borib, o'zi kayfiyatni ko'tarishi mumkin.  Hammani  azoblamasligi kerak.
6. Uy ichida juda ko'p boʻlish.   Bolalarimiz ijtimoiy tarmoqlar va yuqori texnologiyali o'yinlarga mukkasidan ketishdi .  Bu ularning ijtimoiy ko'nikmalarini buzadi.  Bu ularning jismoniy sogʻligiga ham ta'sir qiladi.
7. Maktabdan tashqari mashg'ulotlar juda ko'p.  Bu avlod nega juda stresda ekani ajablanarli emas.  Ularga haddan tashqari koʻp mashgʻulotlar yuklangan.  Agar biz ularni yoshi ulg‘aygan sari o‘zlariga g‘amxo‘rlik qilishga o‘rgatmoqchi bo‘lsak, buni o‘z namunamiz va darsdan tashqari mashg‘ulotlarini cheklash orqali o‘rgatishimiz kerak.  Muqaddas kitoblar ham dam olish zarurligini tan oladi.
8. Har qanday hokimiyatga ( boʻysunish va itoat qilish lozim boʻlgan shaxs yoki idora masalan oʻqituvchi, ota-ona va hokazo) behurmat boʻlish.  Hatto ota-ona sifatida sizga yoqmaydigan yoki bolaga yoqmaydigan hokimiyat ham baribir hurmat qilinishi kerak.  Farzandingiz 50 yoshda bo'lsa ham, uning hayotida doimo hokimiyat bo'ladi.
9. Har doim aytganini qildirish.  Har doim qaerda ovqatlanishni, qaerda o'ynashni va oilada nima qilishni tanlashi mumkin bo'lgan bolalar taltayib ketadi.
10. Doimiy ma'qullash va yelkasiga qoqish.  Uni umrbod qoʻllab turolmaysiz .  Bolalar yaxshi ish qilganda, kimdir maqtasa  ham, maqtamasa ham, o'zlari bilan faxrlanishni o'rganishlari kerak.

Bolalarga nima kerak:
I. Dam olish.  Ular qattiq o'ynashadi.  Ularning tanasi o'sishi va rivojlanishi uchun dam olish kerak.
2. Davomli oilaviy vaqt.  Bola uchun eng muhim odamlar bir uyda yashovchilardir.  Oilaviy vaqtni maqsadli va himoyalangan qiling.
3. Ular kashf qilishlari va yasashlari mumkin bo'lgan ochiq o'yin vaqti.  Barcha bolalar tasavvur qilish uchun bo'sh vaqtga muhtoj.
4. Qoidalar va talablar.   Qisqa va loʻnda bo'ling. Qoidalarni tatbiq qilishdan qo'rqmang.
5. Izchil intizom.  Agar qoida buzilgan bo'lsa, bola nimani kutishini bilishi kerak.  Hamma qo'rquv yomon narsa emas.  Hurmatni ifodalashi mumkin bo'lgan qo'rquv bor.
6. Ularni sevadigan va bir-birini sevadigan ota-onalar.Oʻzini   xavfsiz his qilish shu erda boshlanadi.
7. Ota-ona sifatida ba'zida "yo'q" deya olish.  Har safar marketga borganingizda bolangizga shirinlik yoki yangi ko'ylak kerak emas.
8. Quchoqlash.  Jisman birga boʻlish bolalarning rivojiga ta'sir qiladi.
9. Hurmatni saqlagan holda har qanday narsaga nisbatan his-tuyg'ularini baham ko'rish qobiliyati.
10. Ota-ona har qanday bolaga berishi mumkin bo'lgan eng qimmatli sovg'a - bu Xudo bilan shaxsiy munosabatlarni ko'rsatish va o'z xatti-harakatlaringiz orqali bolaga Xudoga ishonish nimani anglatishini doimiy ravishda o'rgatishdir.  Hayotlarining eng og'ir vaqtlarida ular siz ko'rsatgan o'rnak orqali Xudoga tayanishni o'rganadilar.

Iroda Ahmed tarjimasi

Muallif: Sindi Ketron

@olimaonalar

Psixolog Rozaliya Gabdulhakova bilan suhbat

“Muvaffaqiyatli farzand tarbiyalash”

🗓️ 14-yanvar, 2024-yil

@olimaonalar

#bolalar

Siz qizingizga nima degan bo’lardingiz?

Bunday qilsang qaynonang xaydab yuboradi, bunday gapirsang seni er olmaydi demasdan, balki qizlarimiz bilan bo’lgan suhbatni o’zgartirarmiz…

https://t.me/olimaonalar

Baxtli, adolatli va emotsiya intellekti yuksak jamiyatni xohlasak, bir narsaga e'tiborli bo'laylik. Bu- onalarning ruhiyatidir.

Ona vitamin kabidir. Ona protein kabidir. Ona ruhlarning ozuqasidir. Bola baxtli, ruhiyati sog'lom onaning quchoğida ulğaysa, bu bola gapga kiradigan, birovga haqsizlik qilmaydigan bo'lib yetishadi.

Jamiyatning hayoti onalarga boğliq. Iltimos, onalarning tuyğulariga zarar bermang.

Qaynona kelini bilan urushib, yoki er xotini bilan tortishib, uning tuyğu olamiga zarar berayotganini bilmaydi ham. Onalarning tuyğusi bilan o'ynashib, quchoğidagi bolaning taqdiri bilan o'ynashayotganingizni bilasizmi?
Onaning qo'lidagi bola insondir. Ya'ni onalar bolaning ruhiy me'mori, tuyğu olamining me'moridir. Hurmat ko'rsatishimiz kerak.
Hurmatli erkaklar, xotiningizni har tomonlama muhofaza qiling, oila a'zolaringiz bilan bo'ladigan muammoga tashlab qo'ymang. Chunki bu ayolning qo'lida inson katta bo'lyapti. Jamiyatning kelajagi ulğayyapti.

Mard bo'lib, oyi xotinim bilan biror muammo bo'lsa, menga ayting. Singlim, ukam xotinim bilan senda biror muammo bo'lsa, menga aytinglar, men hal qilay deb ayting. Meni xabarimsiz xotinimni haqoratlab, urushmanglar deb ayta oling.

Iltimos , onalarga tegmang. Onalarning ruhiyatini buzmang.

https://t.me/+291rgTB1XUE5Mzgy

https://t.me/olimaonalar

#odob

Odatga aylangan yomon sôzlar 😔

@olimaonalar

👨‍👩‍👧Bolangizni quchoqlash va o'pish sizga ham bolangizga ham energiya beradi✔️

✿•┈┈┈┈••ৡ❀ৡ•┈┈┈┈•✿

@olimaonalar

SAVOL:

O'zimni isloh qilish uchun qaysi kitobni tavsiya qilasiz? Hozir kitoblar ko'p, qaysi biridan boshlashim kerak?

JAVOB:

Albatta, o'zini anglamoqchi, yaxshiroq tushunmoqchi va isloh qilmoqchi bo'lgan inson avvalo Qur’onni o'qishi kerak. Nafsimizni yaxshiroq tanimoqchi va jilovlamoqchi bo'lsak, eng yaxshi kitob Qur’on. Hayotimizni oz bo'lsada yaxshi tarafga o'zgartirmoqchi bo'lsak- doimiy Qur'on o'qib ruhimizga ma'naviy ozuqa berib turishimiz kerak.

Hamma savollarga javobni Qur'oni Karimda topamiz. Jumladan:

لَهُۥ مُعَقِّبَٰتٌ مِّنۢ بَيْنِ يَدَيْهِ وَمِنْ خَلْفِهِۦ يَحْفَظُونَهُۥ مِنْ أَمْرِ ٱللَّهِۗ إِنَّ ٱللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا۟ مَا بِأَنفُسِهِمْۗ وَإِذَآ أَرَادَ ٱللَّهُ بِقَوْمٍ سُوٓءًا فَلَا مَرَدَّ لَهُۥۚ وَمَا لَهُم مِّن دُونِهِۦ مِن وَالٍ
Унинг (яъни, ҳар инсоннинг) олдида ҳам, ортида ҳам таъқиб қилгувчи (фаришталар) бўлиб, улар Аллоҳнинг амри билан уни сақлаб-муҳофаза қилиб турурлар. Аниқки, то бирон қавм ўзларини ўзгартирмагунларича Аллоҳ уларнинг аҳволини ўзгартирмас. Қачон Аллоҳ бирон қавмга ёмонлик — бало юборишни ирода қилса, бас, уни қайтариб бўлмас. Ва улар учун Ундан ўзга ҳоким йўқдир.

(RAD surasi, 13 oyat. Aloviddin Mansur tarjimasi)

Siz atrofdagi insonlarni va voqea-hodisalarni boshqarmoqchi yoki o'zgartirmoqchi bo'lasiz. Natija bo'lmayotgandek tuyuladi. Birinchidan, niyatni xolis qilishimiz kerak.

Ikkinchidan, siz farzandlaringizni, turmush oʻrtog'ingizni, yaqinlaringizni to'g'rilashga emas, avvalo o'zingizni isloh qilishga kirishsangiz - qarabsizki atrofda hamma narsa asta-sekin o'zgarib boradi. Chunki siz ularga butunlay boshqacha nazar bilan qarashni o'rganasiz, hodisalarga boshqacha ma'no bera boshlaysiz.

Demak, doim niyatni to'g'ri qilish kerak. Kimgadir nimanidir isbotlab qo'yish uchun emas, turmush oʻrtog'ingizning yoki farzandlaringizning xatosini isbotlab berish uchun emas, yoki ularning hatti-harakatlarini boshqarish va o'zgartirish uchun emas, faqat xolis Alloh uchun o'zingizni isloh qilish niyatida Qur’onning o'zbekcha tarjimasini o'qishni boshlang, bugundan boshlang. Insha'Allah ko'pchiliklashib #Qur’anchallenge boshlasak ham bo'ladi.

(Sotuvda bo'lsa Aloviddin Mansur tarjimasi juda tushunishga oson, MashaAllah. Alloh u kishidan rozi bo'lsin 🤲)

Iroda Ahmed

https://t.me/YaqinOzbek

Telefon+bola=asabiy bola.
Tablet+bola=asabiy bola.
Kompyuter+bola=asabiy bola.

Faqat asabiylik bilan kifoyalansa mayli edi, bu bolalar aqlan nosog'lom ham bo'lishadi.
Erta yetilib, balog'atga yetishadi.
Bu texnikalardan olgan dofomin garmonini, kitob o'qib ololmaydigan va natijada o'qishga dangasa, tanbal, betgachopar bolalar yetishib chiqadi.

Ota-ona+bola=baxtiyor bola.
Toza havoda sayr qilish+bola=sog'lom bola.
Ota+u bilan o'ynash=aqlli va o'ziga ishongan bola.
Ona+u bilan o'ynash=odobli va hotirjam bola.

Men har doim aytaman, bolalarga telefon bermang. Telefon bergan kuningiz, bolangizni bolaligini ko'mgan, uni o'z qo'llaringiz bilan botqoqqa itargan bo'lasiz.
Bu xatoning esa, talofiysi yo'q.

Ummu Zaynab

@olimaonalar

Ona farzandiga eng avvalo nima berishi kerak? Savolga amaliy javob😍

@psixplog_rozaliya

@olimaonalar

BOLANI URISH KERAKMI YOKI YO‘Q ?

Bolani urish masalasida yosh onalardan ko‘p savollar olaman.
“ Farzandlaringizni urib turasizmi?
Urush masalasida fikringiz qanday?
Gohida farzandlarni urib turish yaxshimi?”

Ishonamanki, o‘tmishdagi va hozirgi onalarning deyarli hammasi farzandlarini kamida bir marta yoki undan ko‘p urishgan. Agar siz haligacha bunga ulgurmagan bo‘lsangiz, ofarin, mashaAlloh!!! Agar shu paytgacha urmaslikning uddasidan chiqolgan bo‘lsangiz demak,haqiqatda, o‘zingizni idora qilish mahoratingiz bag‘oyat yuqori ekan. Nima bo‘lganda ham, inson sifatida, juda ko‘pchiligimiz g‘azablanamiz va sabrimizni yo‘qotib qo‘yamiz. Farzandlarimiz muayyan ko‘rinishda o‘zlarini tutishlari kerak degan tushunchamiz bor va qachonki ular o‘zlarini biz kutgandek tutmasalar, o‘zimizni boshqara olmaymiz va kaltaklash oxirgi yechim bo‘lib qoladi. Shu tariqa, juda ko‘p ota-onalar vaqti-vaqti bilan farzandlarini urib turishadi va farzandini urish kerakmi yoki yo‘q degan savol deyarli ahamiyatsizdek tuyuladi.

Muhim savol shundan iborat : bolani tarbiyalash maqsadida uni urish qanchalik samarali? Bu tarbiyaning unumdor ko‘rinishimi? Bu bolalarga nimadir o‘rgatadimi? Mening fikrimcha, HA dan ko‘ra YO‘Q javobi ko‘proqdir. Kaltaklash qaysidir ma’noda foydalidek ko‘rinishi mumkin chunki u g‘azabimizni oson chiqarib tashlashga yordam beradi. Lekin bu hatti harakat farzandimizga hech qanday foyda bermaydi chunki ular o‘zlarining hissiy talablari qondirilmayotganini yoki biz ularni noto‘g‘ri uslubda tarbiyalayotganimizni anglab yetishmaydi.

Misol uchun, aynan ikki farzandim bir-biri bilan yaxshi chiqishmaydi. Yoshlaridagi farqning kattaligi va ularning ikki xil jinsga mansubligi ko‘p tortishuvlarga olib keladi. Bir kuni, 8 yoshli o‘g‘lim, 3 yoshli singlisiga tarsaki tushirdi. Zudlik bilan o‘g‘lim ustiga bostirib borib uni savalashni boshladim va “Hech qachon o‘zingdan kichkinani urma. Bu senga dars bo‘lsin !” deb baqirdim. Soniyalarda, men kutmagan javob keldi “Nimaga unda meni uryapsiz !? Men sizdan ancha kichkinamanku !”. O‘zimni oqlash maqsadida nimalardir dedim , “Sen mening bolamsan. Agar farzandlaring senga quloq solmasa, urushing mumkin. Lekin boshqa birovning farzandini urishga haqqing yo‘q. Singling mening bolam bo‘ladi va uni hattoki chertishga haqqing yo‘q”. Aytayotganlarim tushunarli bo‘layotganiga ishonch xosil qilish uchun bir oz to‘xtadim va tezda qo‘shimcha qildim, “ U qanchalik seni jahlingni chiqarayotgani muhim emas, urishga haqqing yo‘q. U sening bolang emas”.

Keyinchalik, anu shu voqeamizda mantiq yetishmaganligini tushunib yettim. Shuningdek, hammaga tanish bo‘lgan yana boshqa bir manzara; ona bilan bola o‘rtasidagi gaplar: “Baqirishni bas qil. Jim bo‘l va to‘g‘ri gapir” deb ovozimiz boricha baqirib aytamiz. Biz onalarda ba’zan salbiy misol bilan tarbiya berish moyilligi uchraydi. Agar yuqoridagi uslubimni yechim sifatida foydalansam, o‘g‘lim boshqalarni urmaslik haqida ko‘p narsa o‘rganishi ehtimoldan yiroq. Ba’zida, harakatlarimni oqlashga tushaman. Garchi, kaltaklash masalasida asosli bo‘ldim deb o‘ylagan chog‘imda ham, aslida farzandimga foydali saboq bermagan bo‘laman.
Ushbu mulohaza yuritish mashqini bajarib ko‘ring. Qachon oxirgi marta “Urmasam, baqirmasam quloq solmaysan. Seni urishim kerak, shunda keyingi safar qilmaysan” deb aytgansiz. Endi bir eslab ko‘ringchi, oxirgi voqeadan avval necha marta bu gaplarni aytgansiz. Agar bolani urish va kaltaklash ish berganida edi, bu satrlarni takrorlamagan bo‘lardingiz. Demak, tarbiya maqsadidagi kaltak ba’zan teskari ta’sir qilar ekanda?!

Kaltaklashga faqat birgina izoh bor. Qachonki biz qo‘rqsak, tashvishlansak, jahlimiz chiqsa, g‘azablansak, sabrsiz bo‘lsak yoki kuchli hayajonlansak - shundagina biz farzandimizni uramiz. Buni oqlashga hojat yo‘q. Juda ko‘p xollarda, biz bu hatti harakatimizdan asfuslanamiz. Yoki biz shunchalik afsus chekamizki, bu haqda farzandimiz bilan bafurja gaplasha olmaymiz yoki “Tushinishing uchun shunday qilishim kerak edi” deb o‘zimizni oqlashga tushamiz.

Ammo, farzandingiz uchun bir umrga tatiydigan dars o‘tmoqchi bo‘lsangiz, farzandingizdan samimiy uzr so‘rang va “Qattiq jahlim chiqqan edi , o‘zimni tuta olmadim. Meni kechir ” deb unga dangal ayting.

Hammamiz bilamizki, bolani kaltaklash ularni odobli va intizomli qilishning samarali usuli emas. Shunga qaramasdan, yosh chaqalog‘ingiz injiqlik qilishdan to‘xtamasa, 5-sinf farzandingiz maktab darslarini qilishdan bosh tortsa, o‘spirin farzandingiz uy yumushlarini ming marta aytishingizga qaramasdan bajarmasa– o‘zingizni bosib turishingiz uchun sabringizning har bir tomchisi kerak bo‘ladi. Mana shunday vaziyatlarda, ba’zilarimiz kaltaklashga majbur bo‘lamiz.

Qadrli onajon, agar yuqorida aytib o‘tilgan narsalar sizga tanish bo‘lsa, o‘zingizni ayblamang. To‘g‘ri, biz reaksiya uslublarimizni o‘zgartirishimiz kerak va ota-onalikka doir foydali mahoratlarni o‘qib o‘rganishimiz lozim. Ammo, xatolaringizda davom etaverar ekansiz, bu o‘zgarish sodir bo‘lmaydi. O‘zingizni ma’zur tuting , o‘rningizdan turing va har safar qandaydir ko‘ngilsiz voqea sodir bo‘lsa farzandingiz bilan samimiy va dildan suhbat quring.

Biz bolamizga “Meni kechir” deya olishning qanchalik muhimligini mensimaymiz . Shu ikki og‘iz so‘z oddiy va sodda bo‘lgani uchun ham nihoyatda chuqur ma’no tashiydi va bolaga qimmatli saboq beradi. Boladan kechirim so‘rash " Ota-onalar ham ba’zida o‘zlarini boshqara olmay qoladilar. Kaltaklash yechim emas va buni biz ota-onalar bilib turib, gohida urishdan o‘zimizni to‘xtata olmaymiz. Sababi, biz ham xatoga yo‘l qo‘yamiz lekin insonlarning eng kuchli tarafi, xato qilganimizda uzr so‘rashimiz va o‘z ustimizda ishlashga harakat qila olishimizdir" degan saboqni beradi bolaga.

Xulosa o‘rnida, biz kattalar, farzandlarimizning turli yoshlarida talablari va hissiyotlariga e’tiborli bo‘lishimiz kerak. E’tibor va hushyorlik bizga ko‘p tanlovlarni ko‘rsatadi va farzandimizning ehtiyojlaridan qancha ko‘p habardor bo‘lsak, shuncha ko‘p ularni tarbiyalashdagi harakatlarimizni o‘nglaymiz.
Urish va kaltaklash,o‘zimizni boshqarishda bizga foydali dars bermaydi. Lekin asfuski, o‘zimizning qahr, qo‘rquv va tashvishimizni chiqarishda undan ba’zan foydalanib turamiz. Yodda tuting, keyingi safar shunday voqea sodir bo‘lsa, farzandingiz bilan gaplashing , tashvishlaringizni tushintiring va undan uzr so‘rang.
Yosh bolalar juda ham kechirimlidirlar va ota-onalarining nuqsonlarini ko‘rish ularga ham foydali dars bo‘lishi mumkin.

Iroda Ahmad

@olimaonalar

Qalbni gunohlardan poklovchi zikr.

@olimaonalar

👉 Нима қилсак болаларимиз гапимизга қулоқ солишади?
Аввало,  сиз уларга қулоқ солинг. Ўзингиз уларни эшитинг, улар билан яқин сирдош, сухбатдош бўлинг...

Болалар қачон гапимизга қулоқ солишади?

Солиҳа Эрдим

Таржимон: Абдуллоҳ Раҳим

@olimaonalar

СубҳанАллоҳ .
Алҳамдулиллаҳ.
Аллоҳу Акбар.
Ла Илаҳа Иллолоҳ Муҳаммадун Расулулоҳ.
Аллоҳумма Соли Вассалим Барик Ала Набиийна Муҳаммад.
Астағфируллаҳ Астағфируллаҳ ва атуби илайҳ.
СубҳанАллоҳу ва биҳамдиҳи
СубҳанАллоҳу а'зиийм.
Ла ҳавла вала қуввата ила биллаҳ.

@olimaonalar

👉 Ҳеч қайси ота қизининг бировнинг хасми деб, уни ўқитишдан наф бўлмайди, деб ўйламаслиги керак. “Бировнинг хасми бўлгач, уни ўқитишнинг нима кераги бор?”деган қараш нотўғри қарашдир...

⚡️ОТАЛАР, қизингизни ўқитинг!

🎙Солиҳа Эрдим

Таржимон: Абдуллоҳ Раҳим

@olimaonalar

Шу видеони тайёрлагунимча йиглаб йиглаб олдим🤲🏻😔
Мамочкала тез орада болачаларимиз катта булишади ва биз согиниб коламиз хали бу даврларни хам💕🤲🏻
Тугрими???

@olimaonalar