#Ta'lim_Mehnat

Bolalarni yoshligidan mehnatga jalb qilish xalqimizning azaliy an’anasi. O‘z yoshiga va quvvatiga yarasha ish buyurib uni hayotga tayyorlaymiz. Ammo afsuski keyingi paytda " faqat o‘qisang bo‘ldi,uy ishlarini o‘zim qilaman" deb qo‘lini sovuq suvga urgizmaslik hatto o‘z yotog‘ini to‘g‘rilashga ham o‘rgatmaslik paydo bo‘ldi.

Men bunga qarshiman. Bolani yoshligidan mehnatga o‘rgatib borish kerak. Biz katta shaharda kvartirada yashashimiz pand beradi. Qaniydi hovlida yashasak, tomorqamizda bolalarni rosa ishlatib energiyasini chiqarardim deyman. Kvartirada faqat uyni tozalashga jalb qilolaman xolos.
Bir kunda uyqudan tashqari bolaning kamida 12 soat vaqti bo‘lsa shuni to‘g‘ri taqsimlash orqali uni ishga jalb qilish mumkin.

Saudiyada studentlarimga hayron qolaman. Ular uyida hech narsa qilmas ekan, onasi yoki xizmatkori qilarkan. Bu yaxshi emas.

Bolalarni turli hunarlarga berish kerak. Masalan, o‘g‘il bola bo‘lsa ustachilik, sartaroshlik,qassoblik, oshpazlik, mexaniklik,duradgorlik. Qizlarni ham o‘zlariga yarasha hunarlarga berish kerak.
Yana bir narsa. Oldinlari ota-onasi bilan bozorda turgan bolalarga achinardim. Ammo Homeschooling haqida o‘rganish jarayonida shuni tushundimki,bu aslida bola uchun juda katta hayotiy maktab ekan. Me’yorida foydalansa bola uchun qimmatli bilim va mahoratlarni beradi.

Bolangizni ofisga yordamchi, restoranda idish yuvuvchi yoki ofisiant, ustaga yordamchi kabi ishlarga bering. Shuning uddasidan chiqolgan ota-onalarga havas qilaman. O‘zbekistonda bu ishlarni amalga oshirish ancha oson, chet elda esa juda qiyin. Masalan, birorta tanishingizning aviabilet sotadigan ofisi bo‘lsa bolangiz borib ish o‘rgansa u yerda o‘rganganlari inshaolloh kelajakda juda qo‘l keladi.

Yon-atrofimiz ta’lim imkoniyatlariga to‘la. Ularni ko‘ra olishimiz va foydalanishimiz lozim. Ta’lim faqat akademik nazariy o‘rganishdangina iborat emas. Hayotda bizga kerak bo‘lgan har qanday bilim va ko‘nikma yoki tajriba biz uchun ta’lim. Yoshlikdan qancha ko‘p va xo‘b o‘zlashtirsak keyingi hayotimizda shunchalik asqotadi.

https://t.me/YaqinOzbek