#ЯНГИЛИКЛАР_ВАҚТИ
#дайжест

📢 Ўзбекистонда исломий банк фаолияти учун илк лицензия берилди

...Марказий банк томонидан "Open bank" акциядорлик жамиятига юртимизда биринчи бўлиб исломий банк фаолиятини амалга ошириш ҳуқуқини берувчи лицензия тақдим этилди. Мазкур лицензия исломий молия операцияларини қамраб олади...
➡️ Батафсил

🤝 Ўзбекистон делегацияси Озарбайжон миллий фанлар академиясида ҳамкорлик масалаларини муҳокама қилди

...Боку шаҳрида бўлиб ўтган музокараларда тарихий қўлёзмаларни тадқиқ этиш, буюк алломалар меросини халқаро миқёсда тарғиб қилиш ва илмий муассасалар ўртасида тажриба алмашиш масалаларига алоҳида эътибор қаратилди...
➡️ Батафсил

📍 Убайдуллоҳ домла Боғот туманидаги тадбирларда иштирок этди

...Хоразм вилоятида ўтказилаётган илмий-амалий семинар доирасида Фарғона вилояти бош имом-хатиби Убайдуллоҳ домла Абдуллаев Боғот туманидаги масжидлар ҳолати ва куз-қиш мавсумига тайёргарлик ишлари билан танишди. Шунингдек, эҳтиёжманд оилалар ҳолидан хабар олиниб, хайрия ишлари ҳамда "Яшил макон" дастури доирасида кўчат экиш тадбирлари амалга оширилди...
➡️ Батафсил

💬 Диний идорада хорижлик олимлар билан самимий суҳбат ўтказилди

...Ўзбекистон мусулмонлари идорасида Буюк Британиянинг “Woolf Institute” делегацияси билан учрашув бўлиб ўтди. Меҳмонларга юртимизда “Жаҳолатга қарши маърифат” ғояси асосида диний таълим соҳасида амалга оширилаётган ислоҳотлар ҳақида маълумот берилди...
➡️ Батафсил

☪️ Имом-хатиблар Марказда аждодлар мероси ва тарихий тараққиёт билан танишди

...Самарқанд вилоятидан 40 дан ортиқ имом-хатиб Ўзбекистондаги Ислом цивилизацияси марказига ташриф буюриб, ислом цивилизациясининг шаклланиши ва алломаларимизнинг жаҳон тараққиётига қўшган ҳиссасини ўзида акс эттирган тарихий экспозициялар билан яқиндан танишдилар...
➡️ Батафсил

📝 Баҳриддин Хушбоқов

✅ Ўзбекистон мусулмонлари идораси
Матбуот хизмати

📱 @oliymahad – диний-маърифий канал!
📱Youtube📱Facebook📱Instagram

#Янгиликлар #Халқаро_форум

🎤 ТОШКЕНТ ИСЛОМ ИНСТИТУТИНИНГ ХАЛҚАРО ҲАМКОРЛИГИ КЕНГАЙМОҚДА

🔹 Халқаро форум доирасида Тошкент ислом институти ректори хорижий олимлар, университетлар ва илмий-тадқиқот марказлари вакиллари билан учрашиб, таълим ва илм-фан соҳасидаги ҳамкорлик истиқболларини муҳокама қилди.

⚪️ Янги ҳамкорликлар сари

📤 Учрашувларда Билимлар интеграцияси институти (IKI), Ибн Халдун университети ҳузуридаги Цивилизациялар иттифоқи институти (MEDIT), Ислом банк иши ва молия институти (IIiBF), Малайзия халқаро ислом университети (IIUM), Канададаги Виктория университети, Германиянинг Фридрих-Александр университети, Россия Фанлар академияси, Африка тадқиқотлари институти, Евроосиё тадқиқотлари маркази ва бошқа илмий муассасалар билан ҳамкорлик алоқаларини ривожлантириш масалаларига эътибор қаратилди.

📤 Хусусан, IKI бошқарув директори Ғафур Озиев, директори ҳамда бизнес-тренери Самуэл Аварский, Цивилизациялар иттифоқи институти (MEDIT) директори Эржумент Асил, MEDIT бўлим раҳбари Ваҳдеттин Ишик, ЕХҲТ Академияси ва Марказий Осиё стратегик таҳлил, мулоқот ва тараққиёт маркази вакили Пшемислав Озерский ҳамда Ислом банк иши ва молия институти (IIiBF) Ислом банк иши ва молияси бўйича магистратура дастури раҳбари Шарофиддин Ашуров билан учрашувларда қўшма илмий тадқиқотлар олиб бориш, китоб ва илмий мақолалар нашр этиш, халқаро семинарлар ташкил қилиш, профессор-ўқитувчилар ва олимлар ўртасида тажриба алмашиш масалалари кўриб чиқилди. Шунингдек, таълим дастурларини такомиллаштириш ва халқаро грант лойиҳаларини амалга ошириш имкониятлари муҳокама қилинди.

⚪️ Ўзбекистон тажрибаси халқаро майдонда

📤 Хорижий олимларга Ўзбекистонда диний-маърифий соҳада амалга оширилаётган ислоҳотлар, ислом таълимини ривожлантириш борасидаги ишлар ҳамда Тошкент ислом институтининг таълим ва илмий фаолияти ҳақида маълумот берилди.

📤 Халқаро мулоқотлар миллий исломий меросимизни кенг тарғиб қилиш, минтақавий илмий алоқаларни мустаҳкамлаш ва янги қўшма ташаббусларни йўлга қўйиш учун муҳим имконият яратди.

⚪️ Илм ва таълим йўлида янги қадамлар

📤 Форум Тошкент ислом институтининг халқаро ҳамкорлик доирасини кенгайтириш, академик алмашинувни ривожлантириш ва истиқболли илмий-ўқув лойиҳаларини амалга ошириш учун муҳим мулоқот майдони бўлди.

🧾 Эришилган келишувлар ва муҳокама қилинган ташаббуслар келгусида қўшма тадқиқотлар, академик алмашинув ҳамда таълим сифатини оширишга хизмат қилиши кутилмоқда.

©️Тошкент ислом институти Матбуот хизмати

📱 @oliymahad – диний-маърифий канал!
📱Youtube📱Facebook📱Instagram