#Намоз_вақтлари

⏰ «... албатта, намоз мўминларга вақти тайин бўлган фарздир»
(Нисо, 103)

🐏 24 октябр |13 жумадул аввал, шанба

*Тошкент вақтига кўра намоз вақтлари

📱 @oliymahad – диний-маърифий канал!
📱 Youtube 📱 Facebook 📱 Instagram

#Кун_ояти

«Роббимиз, бизга Расулларингга ваъда қилган нарсаларингни бергин ва бизни қиёмат куни расво қилмагин. Дарҳақиқат, Сен ваъдага хилоф қилмайсан».

(Оли Имрон сураси, 194‑оят)

📱 @oliymahad – диний-маърифий канал!
📱 Youtube 📱 Facebook 📱 Instagram

#КунТарихи #БМТ #24_Октябрь #Тинчлик #Ҳамкорлик

📜 КУН ТАРИХИ

🇺🇳 24 ОКТЯБРЬ — БИРЛАШГАН МИЛЛАТЛАР ТАШКИЛОТИ ТАШКИЛ ТОПГАН КУН

🗓 1945 йил 24 октябрда Бирлашган Миллатлар Ташкилоти (БМТ) Низоми кучга кирди. Шу тариқа халқаро тинчлик ва хавфсизликни таъминлаш, давлатлар ўртасида ҳамкорликни ривожлантириш ҳамда инсон ҳуқуқларини ҳимоя қилишга қаратилган халқаро ташкилот расман фаолият бошлади.

🟢 БМТ Низоми 1945 йил 26 июнда АҚШнинг Сан-Франциско шаҳрида 50 мамлакат вакиллари иштирокидаги конференция якунида имзоланган эди. Унинг кучга кириши учун хавфсизлик кенгашининг беш доимий аъзоси ва бошқа имзоловчи давлатларнинг зарур кўпчилиги томонидан ратификация қилиниши талаб этилган.

🇺🇳 БМТнинг асосий мақсадлари:

— халқаро тинчлик ва хавфсизликни сақлаш;
— давлатлар ўртасида дўстона муносабатларни ривожлантириш;
— халқаро муаммоларни ҳамкорлик асосида ҳал этиш;
— инсон ҳуқуқлари ва асосий эркинликларини ҳимоя қилиш.

📌 24 октябрь — БМТ куни сифатида ҳар йили нишонланади. Бу сана халқаро ҳамжиҳатлик, тинчлик ва ўзаро ҳамкорликнинг аҳамиятини яна бир бор эслатади.

🔗 Расмий манба

📝 Toşkent islom instituti Matbuot xizmati

📱@oliymahad – диний-маърифий канал!

📱Youtube📱Facebook📱Instagram

#Maqola
#TII_55Yilligi

📖 TOSHKENT ISLOM INSTITUTI USTOZLARI NASHR ETGAN ILMIY-OMMABOP VA DINIY-MA’RIFIY ASARLARNING JAMIYAT MA’NAVIY HAYOTIDAGI O‘RNI

🟢 Bir kitob ba’zan bir avlodning savoliga javob beradi. Yaxshi kitob esa bir avlodning savollarini tartibga solib, keyingi avlod uchun ham yo‘l ko‘rsatadi. Shu ma’noda ustozning qalamidan chiqqan asar oddiy nashr emas, ilmning vaqt va makon chegaralaridan chiqib, ko‘proq qalblarga yetib borish shaklidir. Imom Buxoriy nomidagi Toshkent islom instituti 55 yillik faoliyati davomida ana shunday ilmiy muhitni shakllantirib kelayotgan dargohlardan biridir. Bu muhitning eng ko‘zga ko‘ringan mahsullaridan biri esa ustozlarning kitoblari, tarjimalari, tahrir va ilmiy izlanishlaridir.

🟦 Bugun institut ustozlari qalamiga mansub yoki ularning tarjima, tahrir va tahqiqi bilan kitobxonlarga yetib kelgan asarlarga nazar tashlasak, ularning mavzu jihatidan rang-barangligi, ammo maqsad jihatidan mushtarak ekanini ko‘ramiz: ishonchli ilmni xalq uchun tushunarli, talaba uchun foydali va kelajak avlod uchun saqlanadigan shaklga keltirish. Oliymahad.uz saytida e’lon qilingan ma’lumotlar bu nashriy faoliyatning faqat ayrim sahifalarini ko‘rsatadi. Ammo ana shu sahifalarning o‘ziyoq ustozning darsxonadagi mehnati kitob orqali jamiyat ma’naviy hayotiga qanday kirib borishini anglashga imkon beradi.

🟦Masalan, siyrat fani ustozlaridan Abdulazim Ziyouddinning ijodiy faoliyati bunga yorqin misol bo‘la oladi. U kishining “Siz Payg‘ambarni ko‘rganmisiz?” asari Makka va Madina davrlariga bag‘ishlangan ikki jilddan iborat bo‘lib, savol-javob va test uslubidan foydalanishi bilan ajralib turadi. Bu yerda ommaboplik ilmiylikning o‘rnini bosmaydi; aksincha, ilmiy ma’lumotni o‘quvchiga yaqinlashtiradigan vositaga aylanadi. Asarning aynan shu xususiyati yosh kitobxonning siyratni faqat o‘qiladigan tarix emas, balki o‘rganiladigan va anglanadigan hayot maktabi sifatida qabul qilishiga xizmat qiladi.

🔻 Batafsil saytimizda....

📝 Normatova Madina Mahmudjon qizi Imom Buxoriy nomidagi Toshkent islom instituti 203-guruh talabasi

📱@oliymahad – диний-маърифий канал!

📱Youtube📱Facebook📱Instagram

#raddiya #dolzarb_savol_javob

🎞 YARATUVCHINING MAVJUDLIGIGA QANDAY DALILLAR BOR?

🎙 Abdulqodir domla Pardayev - Toshkent islom instituti katta o'qituvchisi

“Botil da’volarga asosli raddiyalar” kitobi asosida tayyorlandi.

📝 Mazkur video O'zbekiston Respublikasi Din ishlari bo'yicha qo'mitasining 2026-yil 6-oktabrdagi 04-07/7928-sonli xulosasi asosida tayyorlandi.

📱 @oliymahad – диний-маърифий канал!

📱 Youtube 📱 Facebook 📱 Instagram

#Maqola
#TII_55Yilligi

🗣 TOSHKENT ISLOM INSTITUTI OCHILISHI TARIXI VA RIVOJLANISH BOSQICHLARI

▫️ Markaziy Osiyo qadimdan islom sivilizatsiyasi va ma’rifatining yirik beshiklaridan biri bo‘lib kelgan. Buxoro, Samarqand, Xiva, Termiz, Nasaf va Shosh (Toshkent) shaharlarida faoliyat yuritgan an’anaviy madrasalar asrlar davomida nafaqat mintaqa, balki butun islom olamiga jahonshumul mutafakkirlar, faqihlar, muhaddislar va falakiyotshunos olimlarni yetkazib bergan. Biroq XX asrning birinchi choragida yuz bergan siyosiy-ijtimoiy to‘ntarishlar, xususan, bolsheviklar hokimiyatining o‘rnatilishi va 1920-yillarning oxiriga kelib an’anaviy islomiy ta’lim tizimining zo‘ravonlik bilan tugatilishi mintaqadagi ma’naviy uzluksizlikka jiddiy zarba berdi. Masjid va madrasalarning ommaviy yopilishi, vaqf mulklarining musodara etilishi, diniy ulamolarning qatag‘on qilinishi natijasida islomiy ta’lim tizimi deyarli barham topish darajasiga kelib qoldi...

🟦 Ikkinchi jahon urushi davrida sovet hukumatining dinga nisbatan olib borgan taktik yumshash siyosati doirasida 1943-yilda O‘rta Osiyo va Qozog‘iston musulmonlari diniy boshqarmasi (SADUM) tashkil etildi. Shuningdek, 1946-yilda Buxorodagi mashhur “Mir Arab” madrasasining qayta ochilishi diniy xodimlarni tayyorlashning o‘rta maxsus bo‘g‘inini tiklash imkonini berdi. Biroq o‘rta maxsus ma’lumotga ega bo‘lgan mutaxassislar respublika va xalqaro miqyosda yuzaga kelayotgan murakkab ilohiyot va fiqh masalalarini ilmiy asosda hal etish, shuningdek, ateistik mafkuraning tajovuzkor bosimlariga ma’rifiy javob qaytarish uchun yetarli intellektual salohiyatga ega emas edilar. Oliy diniy bilim dargohiga ehtiyoj kundan-kunga kuchayib borayotgan edi.
Aynan ana shunday tarixiy vaziyatda, qat’iy davlat nazorati va mafkuraviy tazyiqlarga qaramay, O‘rta Osiyo va butun Ittifoq hududi uchun yagona bo‘lgan oliy islomiy ta’lim maskanini tashkil etish zarurati kun tartibiga chiqdi. 1971-yilda o‘z faoliyatini boshlagan Toshkent islom instituti (tarixiy manbalarda “Oliy diniy madrasa”, keyinchalik “Oliy Ma’had”) nafaqat sovet hududidagi musulmonlarning diniy-ma’rifiy ehtiyojlarini qondirish, balki Markaziy Osiyoning an’anaviy ilmiy maktabini saqlab qolishda o‘ta muhim strategik qalqon vazifasini o‘tadi.

🔻 Batafsil saytimizda....

📝 Qudratulloh HASANOV,
Imom Buxoriy nomidagi Toshkent islom instituti “Ijtimoiy fanlar va tillar” kafedrasi o‘qituvchisi

📱@oliymahad – диний-маърифий канал!

📱Youtube📱Facebook📱Instagram