#Янгиликлар #Дуал_таълим

🔺НАЗАРИЯДАН АМАЛИЁТГА: ДУАЛ ТАЪЛИМ — КАСБИЙ МАҲОРАТ ВА ЕТУКЛИК МАКТАБИ

🔺Замонавий таълимнинг асосий мақсади нафақат чуқур назарий билимга эга, балки ўз билимини амалий фаолиятда самарали қўллай оладиган, мустақил фикрлайдиган ва касбий масъулиятни теран ҳис этадиган малакали мутахассисларни тайёрлашдан иборат.

🟦Бу борада назарий таълимни бевосита амалий тажриба билан уйғунлаштиришга асосланган дуал таълим тизими алоҳида аҳамият касб этади.

🟦Имом Бухорий номидаги Тошкент ислом институтида ҳам битирувчи курс талабаларининг касбий тайёргарлигини янада такомиллаштириш, уларнинг назарий билимларини амалиёт билан мустаҳкамлаш ҳамда мустақил меҳнат фаолиятига босқичма-босқич тайёрлаш мақсадида дуал таълим жараёнларига алоҳида эътибор қаратилмоқда.

🟦Мазкур таълим жараёни талабаларга аудитория машғулотларида ўзлаштирган билимларини бевосита амалий фаолиятда синаб кўриш, тажрибали мутахассисларнинг иш услуби ва касбий тажрибасини ўрганиш, шунингдек, келгусидаги хизмат фаолияти учун зарур бўлган малака ва кўникмаларни шакллантириш имконини бермоқда.
Айниқса, диний-маърифий соҳада фаолият юритишга тайёрланаётган талабалар учун бундай амалий машғулотлар муҳим аҳамиятга эга.

🔺 Зеро, бўлажак дин ходимидан мустаҳкам диний билим билан бир қаторда, юксак маънавият, чуқур масъулият, нотиқлик маҳорати, аҳоли билан самарали мулоқот қилиш ва турли ҳаётий масалаларга оқилона ёндашиш каби фазилатлар ҳам талаб этилади.

🔻 Батафсил сайтимизда....

📝 Ёшлар билан ишлаш,маънавият ва маърифат бўлими

📱@oliymahad – диний-маърифий канал!
📱Youtube📱Facebook📱Instagram

#Янгиликлар

🔺ҚАЛБЛАРДА ВАТАН СУРАТИ: ТОШКЕНТ ИСЛОМ ИНСТИТУТИДА ШОИР СИРОЖИДДИН РАУФ БИЛАН ИЖОДИЙ УЧРАШУВ

🔺Ватанга муҳаббат, миллий қадриятларга садоқат ва адабиётга эҳтиром туйғуларини юксалтириш ёш авлод маънавий камолотининг муҳим омилларидан биридир. Зеро, бадиий сўз инсон қалбига йўл топиб, уни эзгуликка чорлайди, юртга дахлдорлик ҳиссини мустаҳкамлайди ва маънавий дунёсини бойитади.

🔺 Имом Бухорий номидаги Тошкент ислом институтида талаба-ёшларнинг маънавий-маърифий савиясини ошириш, уларнинг қалбида Ватанга муҳаббат, миллий ўзликни англаш ва юрт тақдирига дахлдорлик туйғуларини янада мустаҳкамлаш мақсадида «Ватан мадҳи» мавзусида таниқли шоир ва публицист, «Шарқ юлдузи» ҳамда «Звезда Востока» адабий-бадиий журналлари бош муҳаррири Сирожиддин Раупов (Сирожиддин Рауф) билан ижодий учрашув ташкил этилди.
💬 Мазкур маънавий-маърифий тадбирда институтнинг Ёшлар масалалари ва маънавият-маърифат ишлари бўйича проректори Ё. Бухарбаев, Ёшлар билан ишлаш, маънавият ва маърифат бўлими ходими З. Юнусов ҳамда 2-курс талабалари иштирок этди.

💬 Самимий ва кўтаринки руҳда ўтган учрашувда Ватанга муҳаббат, миллий ғурур, инсонпарварлик, маънавий қадриятларга садоқат, бадиий адабиётнинг инсон тафаккури ва дунёқарашини шакллантиришдаги ўрни каби муҳим масалалар атрофлича муҳокама қилинди.

💬 Ижодий мулоқот давомида Сирожиддин Рауф ўзининг адабиёт оламига кириб келиши, ижодий изланишлари, шоирлик масъулияти ва шеъриятнинг инсон руҳиятига таъсири ҳақида фикр юритди. Айниқса, бадиий сўзнинг инсон қалбида эзгу туйғуларни уйғотиши, маънавий покликка ундаши ва миллий ўзликни англашдаги аҳамиятига алоҳида эътибор қаратилди.

🔻 Батафсил сайтимизда....

📝 Ёшлар билан ишлаш,маънавият ва маърифат бўлими

📱@oliymahad – диний-маърифий канал!
📱Youtube📱Facebook📱Instagram

#Yangiliklar
#Xalqaro_forum

🎤ISTANBULDA MARKAZIY YEVROSIYO MUSULMON JAMIYATLARIGA BAG‘ISHLANGAN IX XALQARO FORUM ISH BOSHLADI

🗓23-oktabr kuni Turkiyaning Istanbul shahrida “Markaziy Yevrosiyodagi musulmon jamiyatlari: intellektual meros, zamonaviy voqeliklar va kelajak istiqbollari” mavzusidagi IX xalqaro forum o‘z ishini boshladi.
Bilimlar integratsiyasi instituti (IKI Academy), Ibn Xaldun universiteti qoshidagi Sivilizatsiyalar alyansi instituti (MEDIT) hamda Islom tafakkuri xalqaro instituti (IIIT) hamkorligida tashkil etilgan anjuman mintaqadagi ijtimoiy-diniy jarayonlarni muhokama qilish, ilmiy hamkorlikni rivojlantirish va dolzarb masalalar yuzasidan fikr almashish maqsadida o‘tkazilmoqda.

🧷Forumda bilish nazariyasi va Qur’on metodologiyasini takomillashtirish, ta’lim tizimidagi o‘zgarishlar, islom ma’naviyatining zamonaviy musulmon jamiyatlaridagi o‘rni, jadidchilik harakatining mintaqa intellektual tafakkuriga ta’siri, iqtisodiy farovonlikni oshirish strategiyalari hamda musulmonlar ozchilikni tashkil etadigan mamlakatlardagi diniy va ijtimoiy masalalar muhokama qilinmoqda.

🧷Musulmon jamiyatlarining intellektual, madaniy va ijtimoiy-diniy hayotiga bag‘ishlangan xalqaro forumda Markaziy Yevrosiyoning 12 mamlakatidan 19 ta ta’lim va ilmiy muassasa hamda 9 ta ilmiy-tadqiqot markazi va tashkilot vakillari ishtirok etmoqda. Anjumanga 34 nafardan ortiq olim, tadqiqotchi va mutaxassis jalb etilgan.
Ishtirokchilar orasida Markaziy Osiyo, Yevropa, Shimoliy Amerika va Janubi-Sharqiy Osiyo mamlakatlari, shuningdek, Rossiya va Turkiyaning nufuzli oliy ta’lim hamda ilmiy-tadqiqot muassasalari vakillari bor.

⚪️Ushbu nufuzli xalqaro forumda Toshkent islom instituti rektori U. G'afurov ishtirok etmoqda.

🔹Tarixiy intellektual merosni zamonaviy tajribalar bilan uyg‘unlashtirishga qaratilgan mazkur forum Markaziy Yevrosiyoda qadriyatlarga asoslangan ijtimoiy fanlarni rivojlantirish, ilmiy aloqalarni mustahkamlash va istiqbolli metodologik yondashuvlarni ilgari surishda muhim muloqot maydoni bo‘lib xizmat qilmoqda.

✅Xalqaro anjuman 26-oktabrga qadar davom etadi.

🟢ТИИ Матбуот хизмати

📱@oliymahad – диний-маърифий канал!

📱Youtube📱Facebook📱Instagram