هسه انه وين وين الوداع
وشلي بـ طلاع الروح كلساع
كون الكلب بـ السوك ينباع
متلف حزن متلفلف اوجاع
یالفاركتني منين تنجاب؟
كالولي جيت وشطت ع ألباب
وعيوني صبـن مـاي وتراب

ها معزّك
گلي روحي شلون اقنعها بجفاك
مو تفارگنه برضانه
شلون رد اگليبي يتلعثم وراك
چا هوى الله شماله واتنخّه بهواك ؟


سمر الخالصي

عودتني

و واعدتني

تالي من ردتك ،،، مشيت وفارگتني

ليش كل عمري اكابر ؟'
حتى اعيش متاني باچر !؟

وهو باچر ، بلا عيونك ( شنهي لذته )
وهو گلبي ، بلايه حبك ( شتسوه دگته )

كون الگاه !
تارسله شليلي اشواگ ؟
ودمع رايج بعيني لسه ماباچيه..
وحچي مشذر صغتله لسه ماحاچيه..

دورو وياي ؟
دبه بيه الهلاچ وماوصلني الماي
جيبولي ولو ريحه من اثر طاريه..
حتى ابچيه!

حتى اشتم هواي البيه ..
بروح اخر قصيده ورغبة اخر ليل
ولهفة راگ عاشگ للگطه متانيه..

لتصدگ غريب بـ يوم ياذيك

هن البيك من المنك وبيك

احمد معاش

ما يحتاج اخطبك حتى اكمل الدين
انا بشوف وجهك ديني كملته

جمعه مباركه اعزائي

نية الدخان فزعة تحشم النشمي عله نآر؟
وبوگة النجمات تطلع من يمد روحه النهار؟
وصدگ ..ليش اهواي اشوفن وجهگ ابلعب الزغار..

ولا تلوم
منيلي الواهس واجيگ
مشت بيه السنين بلايا عرفه ؟

ووين اباوع
فاتحه بروحي وتدور براسي زفه؟

!اشما حظيت بگاع كلهه تصير ملاچه وفلح!

حسين ال حبتري

شچم حنين ينام وعيونه غريبه
وحزنه واصل مدري وين
وانه منهم

طارق بريسم

‏يماذيني
حلم حتى من اريد احچيك
ماوصفك مثل ماشافتك عيني

عمار سالم

شنو فضلك عليه وحاطني وي الريح ؟
خانگ فرحتي
ورملاتك تذري ..

لا مثل الخلگ وتدگ عليه الباب
وتسر خاطري ولا گلت متبري

معلگني بأمل يادوب يشفع بيك
واتأمل حلاتك
واحتمل مري ..

عريان السيد خلف

روحي رادت ماتصير
و عاندت .. گلتلها صيري
لاتخافين الفقر وانه الكريم
وما استنكف من خلالاتي و حصيري
الناس نامت للظهر
و من الصبح غبّش ضميري
لا حچيت الفاهيات
و لا خفت من تايهات
و لا مخلّي مريتي التقرر مصيري
احله شي بـ الدنيا آني
ماتغيرني السنين
الله مدري شلون خالقني حنين
غاليه دموعي وعلى المامش بچيت
مره فوك النار والعب ، مره بالماي انچويت
ومره سألوني اعله أمّي
و فرفح التنور البگلبي و چواني
لسّه و آني بعيد
تشغر لله و تحسّ بمكاني
و مره سألوني
اعله صاحبتي .. استحيت
تحبني بس ما عدنه بيت
غاليه دموعي و عله المامش بچيت

إذا ماتشتريني اشراية المعتاز

ما مطلوب منك عبث تشريني

اضحكيلي

جزاني الحيل وبروحي الجفة يغني
حجاني الليل للمو ناس

يكَمرة واهسي تدني
هي العين مو للشوف
يمر صوتج سكتي وتكشخ عيوني
واغمض للحجو مرات
غربة وما لكَو لوني

يل بين الصدكَ والطيف ( بس انتي)
ياوجة الافزن بي
انتي الكَاج سالفتي....



كاظم الركابي

گالت وين صافن
كلت بعيونج

اكول شلون عايش جنت من دونج
الماعنده حبيبه يعيش نص انسان
من شفتج عرفت الدنيا من لونج

‏لو مهتملي وعيونك تعزني
جان هديتني وما نرفزتني
مو عايفني وحدي وملتهي بناس
هاملني وبرودك يستفزني
راجع نفسك تقصيرك وياي
لا بعدين غيرك ينتهزني

إخذني بكيف عينك
ليل ومرايات
إخذني أشتعل يم طولك غنه وضويات

إشتهيت أتنفس بچفك
وأموت بچف الولايات

يا غبشة نده وكلش عطش بالروح
يمتى إتفيض....



بشار المحاويلي

ليش ما حاسبت روحك ؟
خفت من وقت الفراغ ومو عَليه
أنت ما تهتملي !
ليش امن ارد اغيب تلوم بيه

علّكت روحي نذر مابين شامة وخد
والقاسمه الله أجه
(سويت روحي شتل والصدك ماورّد)
همّ يلا أعيش بقفص
السجن مّره نبي
ومرّات يتفرهد
كون التريده نفهّ چا ماحسبلك گبر
جمدوب أصلي جذب عن لا كلب يحترك
صليت كصبه ابنهر والماي بيه كفر


عباس الغالبي

‏يا هنيّ و يا شوگ روحي
و يا عزيز و يا مزار
يطفح بچفي حنينيّ
و من حَنيني إعليك أغار

عريان

واتلگة اليجيني
منين ما يشتاگ
اليمر عابر عليّ
من روحي ماطلعة
لعدوي وصاحبي
تغبش ضحكتي وياي
اليجي سيف اعلى نحري
استحي و مارجعه