شفت الدنيا سهله الصعب حچي الناس
علي عماد

اثاري انته عشرتك بيت مال يجار اذا مادفع الكه اغراضي مشموره

الكبر وحشة واخافن من دبيب الدود

وصيت اهلي ادفن صورتك يمي 💔

ارد اهـج وبـلا شـور وبـلايـه مــنـه
زايد نفـر حسيت روحي اعـله اهلنـه

م

طگاني طگه العوز لاچنه طگه
وازاني لاخر ثوب خلاني اشگه

تغزي القوي وتحتاط روحي من الاضعاف
وتخوف البي زود ومن الردي تخاف

تذب نفطك عليه واني بيه النار ...تدفه أعلى ناري وما اطفيني

‏لا تحتار
هذا انه المحمل شوگ
اجيتك سنبلة مدنگه

ميثاق الهلالي

صحت شو محد سمعني..؟
وللعلم لمن ذكرتك چان ليل !!
وصوت دخان الجگاير ينسمع..

السهم من لاح عينك جواني
يخزرني الكطع جفوفك جواني
انته متت ياعباس جا واني
اخيتك ولا كافل ضل اليه

حسن الحربي

:ثكيل الحمل خويه وانته اخينه
وزامطنه بلبنـه وانته اخينه
لا تنكر اخوتك وانته اخيه
الف وسفه على اخي العاف اخيه..

بعد ماكو شريعه التنجد الغركان
ولا اكو شراع يتلگه الهوه بصدره

صار الليل دامس والنهار غبار
ومخدوع بزمانه اليحلم بگمره

والوادم سكاره وتايهه بلا رأي
وسكران الفكر ما محتسي الخمره

بعد شعرة أمل نبني عليها أحلام
بالك لا تعتها وتگطع الشعره

شكثر وصيتك
وكتلـك ؟ مالي غيرك
مالي غيرك ؟
ياملاذي
وغيرتي
ولذة شبابي
هنـه بس أنته وعيونك !
جا بعد ياهم أحبابي ؟؟؟

ناصر البدري …

اليسافر للبچي ياخذ عيوني متاع
أعله جفني ولام مخيطه الدمعه
اليفارگني شبر ابقه التفتله سنين
اتاني بكل جرح يا لچمة الترجعه..

علي رشم

كف بأول جرح لا تنلچم مرتين
عاهة يظل إذا مرتين يتخيط!
ابتره الـ يوجعك من الجذر وارتاح
ما بيه نفع زايد وين ما ينحط

واگـــف بعــيد وشفت !
انسان كـلش حــلو
ومرتــب هوايــه
ولمـــن بديت اقترب
طخـــــيت المراية

ناس مدري شلون تمشي

وهي مشيوله نعش

ناس باعت مايها وماتت عطش

الچنت اندعيله من اصلي
سيرت اشــوفه وگال ولي
حته اهله هم موخوش وياي
مـحد الله بالـخير گلي

صــبو الـچاي وماطوني
سـاعه بمصيبه ورطوني
كش بره منهم مامعزبين
جبحين كلش فـحطوني

مدري اشعليه يمه حاچين
وجهه بثگل جيب الزناگين
مايدري جرحي تمدد وصار
من بيتنه البالشطره للصين

اهلك شرط عالوصل شرطو
ولـو بيدهم بعضـامي گرطو
شافوني اجيت مسير اعليك
بالـباب سـت چلاب حـطو

گـلبي اعـلمودك چان ينبض
ولو غفت عينك عيني تغمض
آنه اركض لملگاك لو جيت
بس انته عكسي تگوم تركض

المفروض باول خطوه اعوفك
گاطعلي ديره وجاي اشــوفك
تگلي الضروف معانده اوياي؟
ترحولي فدوه انته وضرووفك

بشار الاسمر

فاتِح عيّوني أعله الصور
ومخَلّي عيّني بِعيّنك
وألگاك تِضحَك مبتسِم
وأبچيّ وأكُلك وينَك ؟

مزح ضنيت هجرك ليش جديت
بمزحك والمصايب علي جديت
لون شوفك يصح بجداي جديت
وفتحت بكل ركن چفين اديه
م