‏هَد حيلّي ، البُعد
يالـ شوفتك رآحة

هي حظوظ والطيب يرد خسران
من ذيج الاحلام الچان بانيها

‏ريحة ليل ‏تندهني وأسولف بيك
‏وأتوسد حلم ملگاك ‏وأغفى بحسبة متانيك
‏أفز محتاج لـ شلونك؟
‏تهت والعافية عيونك💔

اصعب موقف بلحضات الوداع
من تشوف الجنت تبني تهدم
من تقوي گلبك وانته مجروح
مامهتم تبين وانته مهتم
من تبتسم بس بداخلك نوح
الدموع باب عينك سكته تلتم
تضطر تمشي لاكن وانته مكسور
عزة نفسك تبررلك الهم
وراها تعيش لكن گلبك يموت
واحساسك الطيب يبدي يفهم
ماتحلم بعد بالعنك يروح
ومامسموحلك يوميه تندم
كل جروحنه وكل المعاناة
من ما وره الناس البيها نحلم

إيهاب_المالكي

بعد ماكول عبرت، وصلت الحد
وبنيت ابين روحي وبينهم سد
واضح الاختلاف بلون الاكلوب
وكلبهم من بعيد مبين اسود

تدري البارحة شگد افتقدناك ...
من كلنه انجمعنه ومالگيناك ...

رغم دمعي الهملته عليك مندام
عرفت من أول انه اوياك مندام
يبس عودي الندي ورويت مندام
اعض اصبع واكول الصوج بيه

لـ عدنان الغزي

هفه زرع العمر دهري حشالي
بمناجل والفكر بيده حشالي
اذل ﻻماأذل والله حشالي
جبل ياريح كلي اثرت بيه

لـ عدنان الغزي

رخه احزام الصبر مافاد ..وحتال
وعلي زور الاوده شهد ..وحتال
غزاني من الصبح فرگاك ..وحتال
دليلي وحط معسكر شوگ بيه

لـ عدنان الغزي

كرهته الچنت اگول عليه ..مكراه
بسبب مكر الثعالب طلع ..مكراه
النخيته عله النهر يكريه ..مكراه
تعذر چيفن اجيوبي خليه ..

لـ عدنان الغزي

تعيش اكثر لون بلواك ..متناك
ولاتتنه الذي بالضيج ..متناك
التحب متنه لزومن يحب ..متناك
ولاحوم اليذل جدام حيه

لـ عدنان الغزي

كل عـذابي من بياضـك مـرة صير اسـود يكلبـي

🖤

دارميات غزل موروث منقــــــول

اكو بنات ثلاثه هنه
الجبيره والوسطانيه والزغيره كل وحده تحبلها واحد
كبل ماكو تواصل ولا تليفونات فيرحن ايطلعن يترسن ماي علمود تتلاكه كل وحده ويه حبيبها
فمن ردن للبيت كل وحده كاعده وسارحه وتفكر فكالن كل وحده توصف حبيبها ونبدي من الجبيره

فكالت الجبيره 👇

كون الحبيب يصير ترجيه بأذني
ان كمت وان كعديت بالخد يحبني

فالوسطانيه كالت انتي ماتحبيه
كالتلها كل هذا .. كالت اي

فكالت الوسطانيه 👇

كون الحبيب يصير مكلد والبسه
وبين النهد والثوب سنتين احبسه

الزغيره شيطانه كالت كلجن ماتحبن

فكالت الزغيره 👇

كون الحبيب يصير دشداشه اليه
ان كمت وان كعديت لازك عليه

ذهب احمر أبمي جوهر مع الليل
بلوه وكل گلب منه مع الليل
سيل النجم عن حالي مع الليل
يخبرونك چفاك اشعمل بيه

لـ حسين العبادي

گلي شبللك ياجفن ونداك
غدوا ما يسمعون ابجاك ونداك
لون همي ابجبل چا صاخ ونداك
تشضه وكل ركن صار ابنويه

لـ حسين العبادي

گصابي افراگ خلاني ولحبي
ممالح غيرهم بالود ولحبي
شاخص صرت لا خطري ولحبي
بأملهم وأنتظر وأبطوا عليه

لـ حسين العبادي

برخه يلتمعط ابروحي وتلهه
وعگبك بيش تتسله وتلهه
حما آتونها بشوگك وتلهه
غضه ونيرانها بانت سريه

لـ حسين العبادي

همت بالچول وحدي أبغير ولماي
ابشـوگ إلـيبري المعلـول ولماي
جزت روحي مـن الماكـول ولماي
لچن بس الـهـوى يسري علـيّـَه

لـ حسين العبادي

وديلي رسايل بيض
احط بيهن حچي واقراهن بكيفي

مجتبى المعن