منو يحبني اعلى گد حزني

منو البيكم صدگ ويريد يندلني !

برد كلشي
وبقن چوياتك ابرمشي

وبقى بشعري الثلج يمشي
يبعد الروح والمو روح

اريدنك يشجره اتصير
لوكاروكي لو نعشي

وانه المو شي ولا اي شي
دحبني وخل افز كلشي

ابراهيم الرائدي

من ذكرتك سكت كلشي
وعاند السكتة وبده يصب الدمع
من ذكرتك رفس گلبي
وراد يشلعلي ضلع
للعلم لمن ذكرتك
جان ليل وصوت دخان الجگاير ينسمع

. . .


جليل قاسم الكعبي

طفل وإتذكرت لعبي اوية صحباني

اطيح من السطح ما موت
گاع اهلي إتـلّـگاني

الشوارع كلها مو مني !
و ولا تصوير يشبهني !

حتى اهناك المرايات
بيها اني وجه ثاني..


الگاطع

عساها بذمتگ كل طيف أفز مرعوب

كلش فاگدك بس انت گطعي

ولا وحده الاجت بالريش
كلهن بالعظم طكن

آنه حدر الماي واتنفس هواك
وضيعت كلشي وحسبتك حصتي

شوفني اشكد استحي لو مر جفاك
حته حدر الماي تعرك كصتي

ل علي عماد

الدله منتضره منو ؟
ودوم علنار
مانشد واحد حجو بس بگفاي
شما اجلبلي بضهر ينشگ قميص
وكله تشرد!
هيه جا وادمنه هاي


علاء المغشغش

من عدهه وعرفت الناس
تشبهني لسن ووجوه بس كلوبهم سوده ..

عمار الموسوي

‏واذا شگگتهن خاف ما طيب
شگ الثوب فوگ الميت اشفاد؟!

هي ركضه اعله الرمل
والمايدفعه الشوك يفحط

الشاعر عبد الكريم القصاب

بالدفنه ضل وياي وگعدلي مگعاد
من ترد وي الناس غير انجلط غاد

بشار الاسمر

‏هنياله الماعشگ وأنعاف
لاشامت يغثه ولا يتعبه الليل

عيدين الي بدنياي عيد الله وانت

عيد الله باجر جاي بس انت يمتى

الصفن وكت المساوم يعتبر باع.

من كون الك بالعيد جيه
بشرني احط حنه بديه .

إجة العِيد وما إجيت
وشِعَلت لِلمَلگة رُوحي أيَسِت تَالي إنطُفيت
وإنتِظَرتَك شَمعة ذَوبني الصَبُر
فوگ الصوَاني خَيط
آه يا عِيد الجِفيت
آه يا عُمري الگِضيت .

اگص راسي واجيك ..
(لحد المتون)
اخاف ارجع عليك امدنگ الراس

سمير صبيح

وأثاريني فلا محسوب
ولاتايه سحگ دربي ..

ولگيت الناس صبخة شوگ
أشتلك وين ياگلبي ..؟
.