انة رجفة زيزفون
شما يطرها وداع تطشر حمامة

لـ زهراء الركابي

عذرك ما يفيد شلون عذر الماي
من يغرگ أبنادم يرجع يغسله !

ليله وليله حجيج يختلف كل يوم!💔

اكبر من أحلامي اشوفَك حيرتي الـ مايمها حيرَة
منين ما تندار أحبَك بَحر ويحاوط جَزيرة ..

‏⠀
‌‏⠀
‌‏يا ابو عيون الشهل
شمضيـع وتحسـب؟
تعبني الـ يحب من يتعب يچلب..
اسحگني الترب من تنسحگ تنباس
ماصخ شوگها الـ ما تعرگ من تحب
واشلع گلبي شلعان الگلب مريود
الشاعر من يظل مرتاح ما يكتب

احمد عاشور

كتلها نسيت وكالت تجذب
انت اول بنادم يعرك من يحب
والمثلك يتية بعالم النسان
مثل ذاك الضوة اليختنك بالمغرب
كتلهه بعد للسفر ماكو شراع
خايف نغرك وما نكدر نجلب
وكتلة بعد حيلي نجفة وما يفيد
وكالتلي السيوف الباشطة تحدب
وكتلهه فقير شعاجبج بالعوز
وكالتلي الفقير بكلهن معزب
بجت وسمعهه كالت لو الك لو موت
وكتلهه الحجي الماينحجي يتعب
موصاحب طويلة وكلبي عايش خوف
وتفزز القطرة التنزل من الحب
وكالتلي صبر يعقوب وايوبين
متانيتك بعدني وعلهلال احسب
هاك اخذ القلم وكتب وهنة ثنين
لو ورقة وفاتي لوعقد تكتب
وما فاد الحجي ورديت لول بيت
وكتلهه نسيت وكالت تجذب

صادق الجهلاوي

تعال عيونك الحسنه نبيها
ونس يل عيني بدروبك نبيها
بكتاب الله الخلگ تبعت نبيها
تبعتك لاكتاب ولاوصيه

اياد

راحت وصار البيت بعيوني ضلمة
جا هو ملك الموت يرضه اخذ امه

م

نسولف بيك لأخر لحظه بليل
وترد من ألصبح تشغل فكرنا

تعبتلهم .
وتاليتك مثل ذبة عبايه اعله الچتف تنذب
يا گلبي اليحب مرات ما ينحب

علاء طالب

جان أبكل كتر منك ترا سماي
مشيت ومن رحت ظاكت ترا سماي
راعي النوك من عيني ترسماي
ابجفاك وبشر الرعيان بيه


م.ن

أنتَ وين ؟
بيا حزن مدفون گلــبك؟
وين ناسـك؟
يا بخـور ... بيا خرابه
بيا فطر شبيت راسك ..

‏كون البشر من جام مو اصله من طين
وجهه وگفاه ينشاف لليحجي وجهين
‎

.
طاح وغرگ بالماي طلعته گوه…
ومن طلع ظل ايصيح غرگني هوه..

‌‏⠀
عموماً ليش اطول السالفة وياك
وانت الـ چنت من احتار ترتاح
لا انا السفينة الـ مالها شراع
ولا حضرة جنابك خوش ملاح
كأنك لم تكن تنسي وتصير ذكرى
وحالها حال الگبل راح

احمد عاشور

الفرج محد يعرفه شچم قفل بيه
ابتله بلوه الصبر من صار مفتاح

جبار رشيد

اذا ما تكدر ومابيك هده
ضل بس اليهد وياي هده
رجعت دمي ع طوله العرك هده
بعد شدة حزامك تغث بيه
م

انت ابيتكم ماحصلت تقدير
ولا واحد يگوم ايجيب ال اتطلبه
وانه ازغيّر چنت بالمدرسه ومهيوب
اطب للصف اسلم توگف الشعبه

ادور عالسمه وتاهت علي الگاع
هم شايف ابنادم مااندل جدمه

محمد خشين

والسوالف كلها تكضي وتبقى
سالفتي طويله .

لـ فاضل عبد الساده