شغرد والغصن مبيوع ..
والشجرة الأحبها سولفت سري ..

لمحتلك الف مرة
وانت تعرف غايتي وما طاوعتني
وسولفتلك سالفة عاشگ خجول
وانت تعرف هو ياهو وما عرفته وخجلتني

م

عليك الي تذب يمك شلتهه
ترد يل كل عصب روحي شلتهه
مو لموادعك ايدي شلتهه
القصد خمسه الجروح تركت بيه

سيد بشير

بده العام الدراسي وبدت الهموم
وبيتي عالمدارس بابه صاير

نسيت وداعتك جيت اشتري هدوم
الك ومحضر اقلام ودفاتر

مو تسمع قيام وليش متگوم
ومر اسمك ولا من گال حاضر

الشمس طلعت علينا ومو وكت نوم
وهم عدكم صبح يا اهل المگابر

كاظم اسماعيل كاطع

سمعت اهواي بس ماگلك اشسامع!
سهمك مو هواك امن الگلب طالع..
دوّرت السمه وتعبت بيك الشوف
اهواي انجوم بس مو كل نجم لامع
عاشرتك دمع من شوفتك لجفاك
ماشبعان منك بس قهر شابع!
بروده اعله الظلع لارحت لارديت
بس منشار هجرك رايح وراجع

علي عماد

يا نديم الروح تمشي وآنه اضل ابلا نديم
اعرفت ماترجع عليه من گلتلي الله كريم
عيني دم ودمع نزفت
ردلي احس امي توفت
غير ابوي بصفي گاعد ليش احس روحي يتيم!!

بشار الاسمر

ذيب وشبچه وصياد
ياهو الينغدر ويطيح
ياهو البشبج ينصاد
راح نشوف اخر فلم بيه اتشوف
ركبه ومشنقه وجلاد
كلشي تشوف جوع دموع سيارات تدعم طفل
يضحك ليلة الميلاد
كلشي تشوف
حفلة موت وجروح ونشيد
وسيف عالمسرح ذبح كل فرقة الانشاد
كلشي اتشوف
كلشي اتشوف
جنك عايش ابغداد..

كاظم اسماعيل الكاطع

تجي لو ما تجي گضينة الأيام
وصرنة وياهو يدري شلون صرنة ..

الفرج محد يعرفه شچم قفل بيه
ابتله بلوه الصبر من صار مفتاح

جبار رشيد

ابد ما كاودت غيرك چفك راهم الچفي مثل طرفين سحابة!

غَريّبة الناس ، بس أنتَ وطن روُحيَّ

متغير علي مو الولي وياي
افك ريج الرسايل كلها تهديد
عليمن نتعب نربيك وتروح
خسرتك وانتهت مرتين ما اعيد
انطيتك فوگ حجمك بالغت بيك
فعل ماضي وبقت ذكره المواعيد
الشعر مو باب رزقي لخاطرك چان
ذهب جوه ايدي اصوغه شلون ما اريد
جازفت بسمعتي بعشرتي وياك
هملت اسمي ودست فوگ التقاليد
مو نفس العمر بس چنت اداريك
ما حسستك بفرق المواليد
ومحسب للزمن تنساني وانساك
سبقتك خطوه بالمستقبل تفيد
اثر عايف خطر متغيره الايام
حفر نحات متمسحه التجاعيد
ولبالك بعيده انساها متصير
فرزنت النوايا وقاري شتريد
گشايه بنهر والجاري مجنون
بلم تقنعني واصعد حلمك ابعيد
چان الملح زايد بالغت بيه
علاقتنه من اكثر محسب ازيد
واخذهن مني الك ماريدهن روح
اعتذاراتك وره السويته متفيد
حسبالك گبل وافتحلك الباب
ماتنهي الزعل تكبيرة العيد
منقول

ملگاك امس موخوش ملگه
ماحاچي بس شميت فرگه
بيك من اجيت اثار شبگه
اعتب عليمن ياهو احگه

ريحت غريب وياك تفتر
اول وتالي الخان يعثر
شماله الملح وياك قصر
ويا الغريب بساع غزر

بعينك غدر مولود توه
ماريد جيته الجاي گوه
رايدلي صاحب بي مروه
گبلي من اطيح ايطيح هوه

من عيني غدرك طير النوم
كسرة عضم ومفارگه اليوم
گدامي روحي اطيح وتگوم
مابيها حيل تشيل الهدوم

امنيتي ما محتاجه توضيح
رشة عطر ويجيبها الريح
وين البخت وبابنه اطيح
ارگص مثل حبل المراجيح

وگعدت عتب وياك رايد
بس كون اريدك حيل بايد
حتى بعتبنه نروح زايد
يخلص حجينه اعله الگلايد

ااااخ بلهاتي النار كبره
عفت بعشرتك خوش عثره
جوه الضلع بسمار ذكره
ماتنسي الچمات خضره

ذاك الحچي الماريد اطلعه
خليني ساكت من تسمعه
سم بلهاتك ما اجرعه
وتخلص حياتك دمعه دمعه

حيرت غدر بالعين شايف
ترجف شجاك شبيك خايف
ادري من الاول بيك عايف
خشبه اعله ضهر الماي طايف

منقول

صوفرت ونسليت طگ ضلعي اسمعه
نص ساعه الوچ الماي وانــوب ابلــعه

من عرست ماجيت لديره كلها

خاف الشماته تكول خانت رجلها
م.ن

من عرست حطيت موس بلهاتي

وبخلافج النسوان كلهن خواتي

م ن

البكلهن خسر يقنع بكلشي چان
الما حصل عنب يقتنع بل سله
احسب لليضل ما اشيل هم الراح
ما ادلي ليروح الباب يندله
اذا بعض البشر تتوسل ليمشون
انه الراد يمشي انتضر ما أگله .

من إيدي ويا ذنب تجنيه الأيام
شيجني السجه العوسج والخرانيب

انه بلا سواي بهاي يلام
بسبب ما اثرن بيه التجاريب

كل الصار بيه حيل وياي
مستاهل بعد اكثر وأكثر

جه لن ماعرفت حساب دنياي
اضوي لعد غيري خاف يعثر

حسبالي الفضل بل فضل ينسام
وبطيب يتجازه ليعمل الطيب

اثاريني گصير الرايه وأوهام
أريد من العواهر تعرف العيب

عبد الواحد معله

لو باقين غربة ولا حملنا ذنوب
وتوادعنا بزعل وبذمة مشكولة
مدري شعفت بيه الليل كله يصيح
مدري صياح فاگد مدري هلهولة
عرفونا الگبل ما ودك يعرفون
حتى الما سمع راحوا يگلوله
بس المشكلة هو البحر خداع
‏ويغش السفن بالمرحلة الأولى
نزيف الدم ينگطع بالتسكين
الينزف ندم هذا شيحطوله ؟
وأرد لغرفتي وتسألني المرايات
عگب ذاك الفرح هذا أنت معقولة ؟
جيب اليقتنع لو صادفك بطران
ودورلك عذر لو حجة مقبولة

‏ها عافك ؟ مشى ؟ خلاك ؟ خانك ؟ راح ؟
سؤال الما يحس عند البشر سولة
يعيش الـ بيّشلل وتساعده الحيطان
منو يساعد بشر ذاكرته مشلولة ؟.

م.ن

خليلك كرامة وعيش سلطان
دنيا وداعتك لعبه كراسي ترا
هذا اليشبكك من يلاكيك
يجذب من يكلك جنت ناسي
على حبل الجذب تتمرجح الناس
الناس اطباعها اطباع السياسي