أسئل ليش احبك حتى اكلك ليش
وليش شما تسوي وياي اقبلك
لحضه موت عمري سنيني كلهن خوف
بس وياك أئمن لمن اوصلك
وانت اخر نفس وشكد عزيز يصير
وبلحظة الموت تريدنة نملك
خيط على جرح باللحم صرت وياي
لو كل الجروح تطيب ما افلك


جبار رشيد

چان الدرب يحچيلي عنك خطوات
وحايط اسنيني بصورتك يتكفّه
وانتظر صدفه اتعود واحلامي تصيح
العِشره ماجابته اتجيبه الصدفه؟!

علي عماد

من أصعب قصائد اللغة العربية قصيدة للشاعر :
الليث بن غاز الغضنفري ..
و مدركل بالشنصلين تجوقلـت
عفص له بالفيلطوز العقصـل

و مدحشر بالحشرمين تحشرجت
شرا فتـاه فخـر كالخزعبـل

و الكيكذوب الهيكذوب تهيعهت
من روكة للقعلبـوط القعطـل

تدفق في البطحاء بعد تبهطـل
و قعقع في البيداء غير مزركلِ‎

و سار بأركان العقيش مقرنصاً
و هام بكل القارطـات بشنكـلِ‎

يقول وما بال البحاط مقرطمـاً
و يسعى دواماً بين هك و هنكـلِ‎

إذا أقبل البعراط طـاح بهمـةٍ
و إن أقرط المحطوش ناء بكلكلِ‎

يكاد على فرط الحطيف يبقبق
و يضرب ما بين الهماط و كندلِ‎

فيا أيها البغقوش لست بقاعـدٍ
و لا أنت في كل البحيص بطنبل

- شرح الكلمات الصعبة :
البيداء : الصحراء
الباقي عليكم

رساله اجت من مجهول
بس ما بيها اي كلمه
يمكن خاف بيها يگول
اي شي وينعرف اسمه

احسها خارج المألوف
اشگد بيها حچي محذوف
مرات العيون اتحس
ومرات الگلوب اشوف

كلما اريد اقراها
الحروف اشلون الگاها
الرساله البيضه معناها
اكبر من حچي الحروف

لا توقيع لا تاريخ
اشلون اعرف الكاتبها
ومن شميتها حسيت
اعرف عطر صاحبها

جبار المياحي

جازفت بسمعتي بعشرتي وياك
هملت اسمي ودست فوك التقاليد
مو نفس العمر بس چنت اداريك
ما حسستك بفرق المواليد

نور اللامي

تهت بين الكرامة و وزة الشيطان
ورجلي الياهو منهم راح أمشيهة
الكرامة دگلي اوكف والرجيم يگول
دوس على الگرامة وروح حاچيهة
اجذب روحي أكول والله ما مجروح
واني جروحي حاير وين أوديهة

شلع كلبي القهر والضيم حالاي
وتمرمر وكتي اذك الجان حالاي
اخبرك من مشيت وخذت حيلاي
عليل وبس مرض خليت بيه

شوكت يندك علينا ويضحك الباب
ويترس بيتنة وصوتة يسرنة
وترد انتة ويجيني الراحن وياك
وتجيبة وياك يالماخذ عمرنة

جبار رشيد

مو عدنه بعد السابعه
يم البيوت الواكعه
نرسم جفوف مجرحه
ومتربه وتحمل ورد
بعد انتهاء المعركه
موخرى الركام وطالعه

مرتضى الميالي

ها گلبي بشر شنهي الاخبار
طــفوك لـو خـلوك بـالـنار
بارد طبعهم وانته تنور
يالحار هم يرادلك حار

يا گلبي يمگير يفاهي
شتعوف ياهي وتنسه ياهي
جروحك يشدن وصله بالليل
دگ ورگص مثل الملاهي

طردوك خايب ياگلب توب
وبالباب حطو چلب مچلوب
تركض وره المايوفي وياك
امسرد تضل من دون الگلوب

ذيچ الرسايل والتعابير
چيمو بيهن بالتنانير
ياگلبي عيش الوحدك دوم
فارغ مثل مگفه التصاوير

چم مره گتله الطيب عيفه
لا تحب وادم مو نضيفه
كلساع دارع ثوبه ويصيح
اخذوني اربطوني بشريفه

ضهر الگلب مال وتحدب
وبحلوگهم يوميه ننسب
گتله وعلي ءمن تروح اچويك
گال آنه رايح ليهم انچب

گلبي الرچيچ الهجر ياذه
چن طير ومضيع ملاذه
عافوه وگام يجر مواويل
داخل حسن مو گلب هذا

بشار الاسمر

رايدلي طارش كون ويكله بس هاي
طلعن بنات الليل منه اشرف هواي

حسين الحربي

ما تعلى بملك طبعك حلوو ؟ يعليك
الي صاحب نزل من صعدت احواله
نفس عود الشلب مايعله وشكد ماي
عكس جذع النخل يصعد بالوشاله

سمير صبيح

نخله بطرف بستان تالف ثمرها روحي صبحت ياناس محد يمرها

اغلط علينه وروح مانحچي بيهه
غلطة طفل كلساع نضحك عليهه

عباس الغزي

انه هسه براحتي ماريد اعيش
ع الاقل خلوني اموت براحتي

احمد عاشور

تعيريني چي مشتاگلج
والله اني عفتج بس سولتي الحنية
وماريد اغثج بس صدك مشتاكلج كبل جرح
من چنتي خوش بنية

رائد ابو فتيان

ليش اجيك !!
وانت زارع لاتجيني ، ابكل درب ياخذني ليك "
ليش اجيك !!
وهذا حبل الوصل بيدي ،
و العلي بس اثر ايدي ، وينهن آثار اديك !!


لـ علي حسن علوان

شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه.

‏اضـحك جـذب للنـاس عـود انـﻲ فـرﺣـان
وبڪلبـﻲ شـايـل ضـيم مـامر عـلى نـسـان


لـيش الفرح لحظات والـهم لـيالي
هـوه الفرح مـﻤنوع لـو سـعره غالي

‏بعدني اشتاکلک؟ بعده العشک بيه:غيرك ماعشك كلبي.... ولا مال
ولا منك زعل مره..... ولامال
حياتي انتٓ حلم روحي.... ولامال
محبتك بل الگلب مطبوعه هيهُ