أني بخير بس مو زين

أنا اشتاگيت مدري المن

ناس هواي ماكو أحد
ما بيهم لكيت انسان
يفهم حزني لو غرد
أنا المابيه اعيش أسبوع
جبروني وعشت هلكد

عنت علي شوفتك
واصبرت بس ماصبر كَلبي
وصرخ
راح اطكَ
جاباني الك واذعنت , جيتك بليلة شتا
ظلمه ومطرها رشكَ , وشبعده صار الدرب
خوف ..
ورعيد ..
وثلج ..
وجفوف اديه زركَ
ها كَمت ... ؟
ضميت ايديه وردت عالباب بالروح ادكَ
بس كَالوا المن تدك ؟
كلمن مشى بنيته
كلمن مشى الحالته
واحد سكن بالغرب
واحد سكن بالشرك

الكاطع

وين جنتي..
وليش
متأخره علي كل هالسنين
وليش ماطيفج أجه
وفزز صفنتي
وين جنتي..
كبل صار أسنين
مريتي أعله عيني
وما..وكفتي..
ليش من دك الجرس
ماصارن أعيونج فرصتي,,
ليش
يا..أول درس يفترض كنتي
ليش
من كف العمر هسا..ضهرتي
وين جنتي
يا..ملك شيطان وتلبس بجثتي
ويا..دمع خسران يمثلم وجنتي
و..يالم لف روحة سجينة بحسرتي
وين جنتي..
ليش ماجيتي كبل لا..
توصل الفضه الكذلتي..
ليش من عبرن محطاتي ركبتي
ليش فتحتي لمن ذبلت وردتي
والله لو..عندي بخت
جا..لمج من أسنين بختي
وين جنتي
جان هسه أدموعي ماكو
وخابصه العالم
ضحكتي
وجان..هسه
أهمومي ميته
وعافيه أبوجنة
فرحتي..
وين جنتي
وليش متعطله..وصلتي
وين جنتي؟!

م

شنو شصاير كلي ها شو مختلف
كلي عادي وداعتك لاكي ولف
عادي لو مني رحت
شنو معناها متت
اهواي ناس تريدني بيهم الف

مرتضى الشكرجي

يل عفتني بدون ماكتلي ارد اروح
بيش افضل مني ذولاك الخذوك
ولا تكلي وداعتك غصبن مشيت
انه مو راعي بحلال الخلفوك

صادق الجهلاوي

ليش اموت الخاطر الرايدني اموت
وشنهي فايتي نبي وبالعني حوت

ارد اكضن كلبي وجوي من كفا
حت مايسبك اجدامي امنرد افوت

سوالف الخرسان اشاره وعايشين
وانه عندي السان مادبرله قوت

م

النّاس، حگهَا مِن تطالبني بْجديد
و آنَا بس مِن جرحچ مْسَبِّل‌لي حِبّ!

گلت أحبّچ، فِزْعَت عْليَّ العمام
فزعة(ت) المشخاب من طاح الشّلب!
الجهلاوي

الليل وانت ثنينكم ما تستحون

توني ردت احجي ومشيتو ثنينكم

بعدين إفتهمت السكته موضوع
وسكوتك ع الرسآيل هم رساله !

چنت تدخل باب بالي .. بلايه خوف
لأن تدري ابالي ما تگعد غُرب
وأنه اجي ابالك وأصيح "فلان أفوت؟"
اتگلي اوگف خل أسويلك درب

ما گلتلي الدنيا تنمل لو عفتني
وكل وطن ألگا ذبيحك
يالخذت اخر تعال وحيرتني ابيش اصيحك.

عيش وحدك
واشرب وداع النسوك وضوك صوتك
الدنيه صدفه
الناس صدفه
ولا گبر يلكاك وايدلي اعلى موتك
اي يكلبي وانت غاد من الفرح مبيوك ظنك
لا جفن يسوه دمعتك ليش محسود اعلى حزنك



كاظم الركابي

تجي نتعمد الصدفه


واكُلك عاش من شافك .......؟

البارحة شگد انتظرتك
لحظة. لحظة
تسيّر اعلى عيوني نجمات وورد…
وخانّي التعبير هسه
وگمت اشخبط
لحد ماسيّر على اعظامي البرد..


ميثاق_الهلالي

‏وأختلفنا بـ راي واحد ،
كتلك هوايه أجيتك
مره مرلي ،
و أنتَ كتلي لا تعاند !
هيَ مره، وحتى أذكر بيها،
چان الليل كاعد،
أخ لو شارعكم يعيد المشاهد

كاطع

شگد مطمئن والعالم تخوفني ..
مثل البچي ما واحد يوگفني !

ماشايفك ..
بس غير اموت ابلياك !
وشحالتي لو عرفك وتعرفني.

يهلبت بلجذب مرسال ودي
ظرف فارغ
حتى اكل للناس تارسني نشد

حسين شاطي

كافي تتحمل حزنهم غيب
واتعذر مثلهم ....

ثاري موبس آنه حبني
هـم اكو غيري بحياته !

دليني عليك
سنين تايه بيك
وأمشي وياي ادورك
خاطر اندلك
عرفني اعلىَ شخصك
رايد احچي وياك بس كلمة
وبعد ماغيرها نگلك
وحدة من الثنين
و وحدة راح أختار
لو كلك أحبَك
لو أحب كلك
اسئل ليش أحبّك
حتى اگلك ليش
وليش شما تسوي وياي أقبلك
لحظة موت عمري
سنيني كلّهن خوف
وبس وياك آمن لمن أوصلّك
و أنت آخر نفس
وشگد عزيز تصير
وبلحظة ألموت تريدنه نملك
خيط أعلى الجرح
باللحم صرت وياي
لو كل الجروح تطيب ما أفلك
تعرف كلشي بيه
وما عرفت شبيك
لغز حلّك لغز
من يگدر يحلك
و أشرد حتى أجيك
ومدري ليش ألخوف
وخاف تخاف مني
بسدَك أختلّك
مثل ضلك أضل
واليل يگضي اليل
من تطلع شمس
من طولك أنزلك
جبار رشيد

ولوين.....؟