گلب مگيود
وانه مفرفح بخطوات جذبية
واسهرلك شرارة طيش ليلية
يالماخذني ركضة خيل
ومرجعني حد صواب
وأشوفنك واگومن كلشي مابيه

ما شفتك خنت
بس ادري بيك تخون !
من گتلي الگمر والليل
متروسات حنية
من گتلي الحظن
ينجاس ماينعاش !
من گتلي الحرارة البيك مو بية
من شفتك تصل يم العشگ وتطيح
من شفتك صرت للگمرة ترچية
من هزيتك و طاحت شليل وجوه
گتلك وين روحك گتلي ماهيه

ندم
وعيون ذبلانة
وحلم طافي
طين وليل متبدي على سنيني
رجفت بخوف
وتفطر على شفافي
شحلات الموت للما ضلت احلامه
شحلات الموت للتتشابه ايامه
من تصفن
وتلگى احلامك يخلصن
ضم وجهك
تلگى بخدك دموعك
جواز لحزنك المضموم
سافر بالبچي وكسر شكو بروحك
اذكر عينها ودنگ على چفوفك
تستر وجهك الباهت
ساعتها حياتك صارت گبالك
مثل ضحك الفواتح ما يفك حزنك

سالمني من بعيد لا تدنه ليه
بـ عيوني اجيسك خاف خشنات اديه

ابراهيم الكوفي

لا كيته وتغاضيت بس هوة يسوه
مثل النعاس دكول طب عيني كوة

الكوفي

شفته وكلت سبحان ما كملتهه

لساني انعكد والعين لطشت بختهه

الكوفي

صدكت ليش بساع حجي الوصل ليك
غير انت نعمه بعوز ما ينحجي عليك

ابراهيم الكوفي

وليش من گتلك
اموتن لو يشح عني خضارگ
فارگتني…
وليش
من گتلك عطشتك…
غاد
من عندي
شفت مايك تبده….ويبستني
ومن گلتلك
شوفني
بعينك ولو حسبة ثواني
وخلني اشوفك
ليش
عينك غمضتها…وماشفتني

للكومه ماضل حيل رجليه ركدن
ولو كمت ما بياش للكاع اردن

والله حيره
تربي وادم تكبر بعينك ضفيره
وتالي تندم

فيصل عاشور

جفك ..
بكثر المتانه
ناسي اصابيعه بصفنتك
لاضگت !!
ضحكة احبيبه
ولا ضحك وياك وكتك ..

- ناصر البدري

واذا ماحبني واحد
الله موجود ويعوضني الخراب الصار بيه
اليريد يروح عادي ، الينسى انساه
ماچلّب بعد گصيت اديه

عزام الشمر

احلفلك بصورة يونسني
دنيف ولا سوالف يونسني
أصبحن صم المنازل يونسني
اصيح ولا مرد منهن عليه

م

كَيفَ تَحتمل دائرة صَغيرة كَوجهُكِ كُل
خَرائط الجَمال بِهذا التَناسق العَفوي ؟!

كيف..؟

تلاگينه بس شلون ملگه
نضحك لجن بالضحكه حرگه
وصار المعاتب بس بالعيون
كلمن عيونه تريد حگه..!

سامع حَچي وزَعلان منّه ؟
هاية سَنة ما طاب ألنه !
وكل ما نجي ما تطلع ألنه ..
يالوَجهك ينگط محَنة

نسيتيني..؟

چا صوري
ابالچ اشبيها ولا هزت ضميرچ.!

اني نفسه
الچان يتمرجح غِنه بشمة زفيرچ.!

الچان يتناثر
على خدودچ قصايد (هذا اني)

اي وحگچ هذا آني..!

الچنت ألم الليل كله فوگ رمشي
و افرش عيوني صواني.!

وانتي چنتي
بخوفچ اتگليلي اشك ليلك طويل
و آني اگلج لا ( ثواني) !

احمد العبيدي

صافنة أوجوه الٲصابع
لا خصر يتلگه چفي و لا گصيبة
عفية روحي منين ما تبحر غريبة


جواد زغير

الليله محد يدري بينة
ومحد يكول التقينة
الليله اريد بكيفي احبج
الليله اعطشنج واشربج
🫣🫣

أگرب
أگرب
كلش أگرب
يابعد جسر الندی
ومن سچة الغراف
اگرب انت وحدك والله دوله
ونومتك والله منصب
گدرت طبعي اعله طبعك
وانت كلما اتساهلت وياي تصعب

النواب

وحتى
هاي المگبره ام خلگ الچبير
ليش ماتاخذني مدري شمالهه

صادق الجهلاوي