Алланың хидаяты қашан берілетінін білмейсің. Сен бастысы тоқтама, Аллаға қарай жүре бер. Түбінде Алла сені тура жолда бекем етеді.

✍🏻Олжас Ханафин р.һ

Әлемнің барлық кітабын оқи тұра, бірақ Құран оқымасақ, ертең Аллаға қандай сылтау айтамыз? Алланың сөзінен артық Аллаға ешнәрсемен жақындай алмаймыз.

✍🏻Олжас Ханафин р.һ

Әлеуметтік желіде көп уағыз тыңдау, пайдалы нәрсе оқу сізге рухани азықты толықтай бере алмайды. Құран оқу, Алланы еске алу, күнәға өкініп Алладан кешірім сұрау - міне, осы амалдар сізге шынайы рухани азық беріп құлшылық жасауға себеп болады.

Егер жазбаны толық оқысаңыз, қәзір әлеуметтік желіні жабыңыз да, жоғарыдағы бір амалды жасаңыз. Бисмиллә!

✍🏻Олжас ұстаз( рахимаһулла)

Дұға құлдың негізгі сипаты. Дұға арқылы біз өзіміздің әлсіздігімізді сезініп, шынайы құл екенімізді түсінеміз.

Алладан сұрамайтын адам нағыз кедей. Ал Алладан үнемі сұрайтын адам нағыз бай адам.

Олжас Ханафин ұстаз (рахимаһулла)

Я Аллаһым! Бізге иманды жақсы көруді нәсіп ет. Оны жүрегімізде әсемде. Және күпірлік, күнә мен қарсы шығуды бізге жек көрінішті етіп, бізді ақыл-есі дұрыс адамдардан қыл.

Өмірде бәрі Алладан. Алла ашқан есікті кім жаба алады? Алла жапқан есікті кім аша алады?

✍️Олжас Ханафин ұстаз (Алла рақым етсін)

Амр ибн Хурайс былай деген: Қашан бір адам Алладан қайтыс болған бауыры үшін дұға етсе, періште сол дұғаны қабірге алып: “Ей, бейтаныс қабір иесі! Міне саған қамқор бауырыңнан сыйлық келді” дейді.

📖минхадж әл-қосыйдин

Бүгін 22 ші шілде Олжас Ханафин ұстаздың (Алла рақым етсін) дүниеден озған күні. Дұға жасап, құраннан бағыштап қоялық.

Алла қабірін кең етіп, нұрландырсын.Жанын тыныштықта етсін. Алла өзінің шексіз мейіріміне бөлесін🤲

Бүгін яғни 22.07 Олжас Ханафин бауырымздың Раббысына қайтқан күн. Алла мейіріміне алсын.

Біз Олжекеңмен бір медреседе тұрып,ілім талап еттік.Ол кісімен қатты араластым десем өтірік болады.Бір-біріміздің үйімізге барып шай іштік деп айта алмаймын.Себебі олай болмады.

Алайда ,Олжекеңнің қолдауы мықты.Әлеуметтік желіде біздің жарық көрген кітаптарды бөлісуде,халыққа және студенттерге арналған курстарды жарнамалауда алдына жан салмай,отдуши қолдау істейтін. Ықыласы мықты жігіт еді.

Ол кісі Раббысына қайтқан кезде ,қазақ руханиятында есімі қалсын деген оймен,қасымдағы бауырларыммен ақылдасып марқұмның жұбайына жолығып ,осы “Қазынаға толы салауат” кітабына сол кісінің көзі тірісінде түсірген дәрістеріне апаратын сілтеме қоюға рұқсат алдық.

Себебі адам дүниеден өткен соң сауабы үздіксіз баратын амалдардың бірі ол -ілім. QR-арқылы өтіп көре аласыз. Әрбір дәрісті тыңдаған кісінің білімі артса сауабы Олжекеңе барсын деген оймен.

Кім мән берген болса,кітаптың мұқабасында 03:22 саны бар)

Бүгін күні бойы Олжекең жайында не жазсам болады деп ойландым.

Ештеңе ойыма келмеді.

Екеуіміз аз ба, көп па бірге сүріппіз. Өмірдің әртүрлі кезеңдерін бірге өткізіп, бір бөлмеде тұрып, білім жолында бірінші курстан бірге оқып, шетелде бірге тұрдық.

Қазір ол кісінің қайтқан күнінде жазар сөз таба алар емеспін.

Махаббат тілсіз шығар. Сүйген адам сүйдім деп айта алмағаны сияқты, сағынған адам да сағындым деп айта алмаса керек. Шынайы дос болғың келетін адамды табу оңай сияқты көрінгенімен, олай емес. Алла арамызды қияметте қайта қоссын. Сіздің орныңызды басатын адам ақыры таппадық. Бақұл болыңыз

Мектеп оқушылары мен барша ілім талап етушілерге Алладан жеңілдік тілеймін. Біз оқуға бұйырылған үмметпіз. Оқыңыздар, шаршамаңыздар. Періштелер аяқтарыңыздың астына қанаттарын жайып жатқанын ұмытпаңыздар. Сіздердің дәрежелеріңіз жоғары. Құранда: “Алла Тағала сендердің ішінен иман келтіргендер мен ілім иелерінің дәрежесін көтереді”, - деп келген. Елімізге үздік мамандар керек. Бірақ жәй ғана үздік маман емес, Алланы таныған үздік маман. Себебі ілімнің ең алғашқысы Алланы тану.

✍️Олжас Ханафин ұстаз р.һ

Жақсы адамның ұзақ өмір сүргені қандай жақсы…💔

🔖Олжас ұстаз (Алла рақым етсін)

Алладан келдік, Аллаға қайтарыламыз…🤲