❗️MUHIM

Shu bilan ona (oʻzbek, rus va qoraqalpoq) tili va adabiyoti fanidan oktabr oyida oʻtkazilishi reja qilingan milliy sertifikat imtihonlari nihoyasiga yetdi. Imtihonlar 3 kun, 5 smenada oʻtkazildi va unda 97 ming nafarga yaqin talabgorlar ishtirok etishdi. Xudo xohlasa, natijalar 21 ish kuni (24-noyabr kuni) e’lon qilinadi. Bu umumta’lim fanlaridan keyingi milliy sertifikat imtihonlari 26-27-28-dekabr kunlari oʻtkaziladi, qishki imtihonlarga roʻyxatdan oʻtish esa 20-noyabr kuni ochiladi.

Kanalimiz va oʻquv kurslarimiz orqali talabgorlarga qoʻldan kelgancha yordamimizni va Alloh qodir qilguncha ilmimizni ulashdik. Alloh har biringizni mehnatingizga yarasha natijalar ila siylasin!

Aslida, faoliyatimiz repetitor tizimdan biroz ajralib turishini, bizning kanal fanga doir nazariyalarni, yangiliklarni, ma’lumotlarni va kerakli materiallarni oʻzida jamlagan elektron qoʻllanmadek har bir talabgorga xizmat qilishini xohlaymiz. Shu bois oldi-qochdi gaplarsiz, aniq ilmiy nazariyalarga tayangan holda, mas’uliyat bilan faoliyatimizni olib boryapmiz! Sizga manfaatli boʻlayotganidan mamnunmiz.

Tabiiyki, faoliyatimiz davom etadi va asosiy e’tibor keyingi mavsum imtihonlarga doir ma’lumotlar, loyihalar va darslar tashkil etishga qaratiladi.

✅Kanalimiz:
https://t.me/Onatili_Izamov

⚡️So'zlarning yasalish tahlili bilan morfemik tahlili farqi

Morfemik tahlilda so'z tarkibiylashtiriladi, ya'ni so'z necha qismga ajralsa, shuncha morfema mavjud bo'ladi.

Yasalish tahlilida esa ketma - ket qo'shilgan so'z yasovchi qo'shimchali so'zlar uchun asos eng oxirgi so'z yasovchi qo'shimchadan oldingi qism deb olinadi!

✅ Farqlash uchun:

Bilimdon - Bilim (yasalish asosi) + don (yasovchi vosita) = yasalish tahliliga ko'ra ✅

Bilimdon - Bil (yetakchi morfema) + im(ko'makchi morfema) + don(ko'makchi morfema) = jami 3ta morfemaga ega so'z ✅

Qulay va oson usulda tushuntira oldim, deb o'ylayman! O'zingizda mavjud kamchilikni to'ldiring!

✅Kanalimiz:
https://t.me/Onatili_Izamov

⚡️Toifa (Attestatsiya) imtihonlarida ishtirok etuvchi ustozlar uchun maxsus

Ushbu faylda kasb standartiga doir oʻzgarmas ma’lumotlar jamlandi. Bugundan boshlanuvchi Attestatsiya test sinovlarida sizga manfaati tegishi aniq! Imtihonlarda ustozlarga omad tilaymiz!

✅Kanalimiz:
https://t.me/Onatili_Izamov

❗️MUHIM

Qishki milliy sertifikat imtihonlariga doir qator loyihalar ustida ishlayapmiz. Jarayonda kanal faoliyatini biroz takomillashtirish maqsad qilingan — testologiyadan xabari bor inson sifatida koʻproq e’tiborni bu mavsumda fanga doir turlicha shakl va tipdagi topshiriqlarga qaratmoqchimiz, shu bilan bir qatorda, topshiriqning toʻgʻri javobini nazariy post sifatida yoritib tushuntirib beramiz.

Xoʻsh, siz yana bu borada qanday qoʻshimcha takliflar bera olasiz?

🙂 Izohda fikringizni yozib qoldiring.

✅Kanalimiz:
https://t.me/Onatili_Izamov

❗️❗️❗️

Biologiya, kimyo, fizika va matematika fanlaridan sentabr oyida oʻtkazilgan milliy sertifikat imtihonlari natijalari e’lon qilina boshladi.

Talabgorlar natijasini my.edu.uz yoki my.gov.uz saytlari orqali aniqlab, uni yuklab olishlari mumkin.

😀😀😀😀😀😀😀😀😀

✅Kanalimiz:
https://t.me/Onatili_Izamov

⚡️”Yoʻqlamoq” va “Yoqlamoq” — qanday ma’noni ifodalaydi?

Koʻplab fan ixlosmandlarini chalkashtirishga undaydigan bu ikki soʻzning izohi xususida gaplashamiz:

1️⃣ “Yoʻqlamoq” soʻzi gapda quyidagi ma’nolarni ifodalaydi:

1. Hol-ahvol soʻragani bormoq (kelmoq): Rahmat, Eʼtibor ona, shundan-shunga ovora boʻlib yoʻqlab kelibsiz! (Gʻulom, “Mashʼal”)

2. Biror munosabat bilan muborakbod qilib, sovgʻa olib bormoq: Yusuf amaki bot-bot kelar, qizi qatori meni ham sovgʻalar bilan yoʻqlab turardi (H. Nazir, “Koʻkterak shabadasi”).

3. Biror narsa yoki kimsani istab surishtirmoq, axtarmoq: Mirzakarimboy shubha bilan boqib soʻradi: “Keling, kimni yoʻqlab keldingiz bu yerga?” (Oybek, “Tanlangan asarlar”)

4. Eslamoq, yodga olmoq: Namangan shahridan ketsam, meni yoʻqlar kishim bormu? (Mashrab)

2️⃣ “Yoqlamoq” soʻzi esa kontekstda quyidagi ma’nolarni ifodalaydi:

1. Tarafini olmoq, quvvatlamoq: Vatan ishqi, yangi davr talabini yoqlayman (Gʻayratiy).

2. Maxsus yigʻilishda muhokamaga qoʻyilgan ishni (loyiha, dissertatsiya, diplom ishi va shu kabilarni) maʼqullatib, munosib daraja yoki unvon olmoq; himoya qilmoq: Gazeta Umidning muvaffaqiyatli dissertatsiya yoqlaganligini aytib, fotosurati bilan ixchamgina xabar bosdi (Mirmuhsin, “Umid”).

3. Biror mavzuda yoki bahsda ma’lum bir tomonga yon bosmoq: Men bu borada birinchi tomon qarashlarini yoqlayman (esseda).

❗️ Bu soʻzlarning biri ma’nosi oʻrnida ikkinchisining qoʻllanishi gapda soʻz qoʻllash bilan bogʻliq uslubiy xatolikni shakllantiradi.

Manfaatli boʻlsin!

✅Kanalimiz:
https://t.me/Onatili_Izamov

⚡️”-lik” qoʻshimchasi xususiyatlari:

1️⃣ Mavhum ot yasovchi qoʻshimcha sifatida “doʻstlik”, “tinchlik”, “mustaqillik”, “erkinlik”, “sokinlik” soʻzlari yasalishida xizmat qiladi.

2️⃣ Sifat yasovchi qoʻshimcha sifatida “yozlik”, “qishlik”, “koʻrpalik” kabi soʻzlar yasalishida xizmat qiladi. Bunda ,asosan, xoslik ma’nosini ifodalaydi.

3️⃣ Faoliyat-jarayon otlarini yasovchi qoʻshimcha sifatida “chorvachilik”, “kosiblik”, “sartaroshlik”, “zargarlik”, “etikdoʻzlik”, “soatsozlik”, “aktyorlik”, “tabiblik” kabi soʻzlar yasalishida xizmat qiladi. Bunda kasb otlari hosil boʻladi.

4️⃣ Joy nomlariga qoʻshilib, “buxorolik”, toshkentlik”, “oqqoʻrgʻonlik”, “fargʻonalik” kabi shaxs otlarini yasaydi.

✅ Shuningdek, takror qoʻllanuvchi “qarama-qarshi”, “xilma-xil”, “ketma-ket”, “qasdma-qasd”, “rang-barang”, “shoshma-shoshar” kabi soʻzlarga qoʻshilib ot yasaydi. Bunday otlar esa imlo qoidalariga muvofiq chiziqchasiz ( “ketmaketlik”, “xilmaxillik”, “qaramaqarshilik”, “qasdmaqasdlik”, “rangbaranglik”, “shoshmashosharlik”) yoziladi.

Manfaatli boʻlsin!

✅Kanalimiz:
https://t.me/Onatili_Izamov

⚡️ Ona tili va adabiyoti fanidan oʻtkaziladigan milliy sertifikat imtihoni boʻyicha mustaqil oʻqish uchun tavsiya etilgan badiiy asarlar roʻyxati (YANGI)

Imtihonlarda badiiy asarlar boʻyicha test topshiriqlari 5 ta tuziladi va ulardan biri she’rlarga doir boʻladi.

❗️ Qishki milliy sertifikat imtihonlari uchun tavsiya asarlarni yaqin kunlarda e’lon qilamiz!

✅ Barcha asarlarning eletron varianti ➡️ Bu yerda

✅Kanalimiz:
https://t.me/Onatili_Izamov

⚡️Fe’l nisbatlarini aniqlash nazariyasi:

1️⃣ Fe’l tarkibida nisbat qoʻshimchasi bor yoki yoʻqligini aniqlash.

2️⃣ Nisbat qoʻshimchasi deb qaralayotgan qismni soʻz tarkibidan tushirish.

3️⃣ Bunda morfemikaning “Oltin qoidasi” ga amal qilinadi, ya’ni asos deb olinayotgan qism bilan soʻz oʻrtasida ma’noviy bogʻliqlik borligini aniqlash.

✅ Misol:

Qiz yutuqlaridan behad sevindi.

“Sevindi” soʻzi tarkibidan “-in” qoʻshimchasi ajratilganda, “sev” qismi qoladi va unda ma’no anglashadi: sevmoq — yoqtirmoq, yaxshi koʻrmoq. Bu holat yuqoridagi nazariyaning ikki talabiga javob bera oldi ✅

Biroq bu hali xulosa chiqarishga yetarli emas. Morfemikaning “oltin qoidasi”ga tayanib koʻramiz, ya’ni “sevmoq” soʻzining “sevinmoq” soʻzi bilan semantik bogʻliqligini tahlillaymiz:

1️⃣ Sevmoq — yaxshi koʻrmoq, yoqtirmoq.
2️⃣ Sevinmoq — xursand boʻlmoq, quvonmoq.

Yuqorida koʻrinib turganidek bu ikki soʻz umuman boshqa-boshqa leksik ma’nolarni ifodalaydi — Morfemikaning “oltin qoidasi”ga mos tushmadi.

❗️ Demak, gapning kesimi aniq nisbatda ifodalangan. ✅

Manfaatli boʻlsin!

✅Kanalimiz:
https://t.me/Onatili_Izamov

⚡️Magistraturaga oʻqishga qabul qilishda yangi tizim joriy etiladi

2027/2028 o‘quv yilidan boshlab davlat oliy ta’lim tashkilotlari magistraturasiga o‘qishga qabul qilishning yangi tizimi joriy qilinadi.

Bu haqda Prezidentining “Oliy taʼlim, fan va innovatsiyalar tizimini takomillashtirishning qoʻshimcha chora-tadbirlari toʻgʻrisida”gi 2026-yil 10-apreldagi PF–58-son Farmonida belgilangan.

Bunda:

– magistraturaga o‘qishga qabul qilishda xorijiy tilni bilish darajasini belgilovchi milliy yoki xalqaro sertifikatga ega bo‘lish talabini saqlab qolish;

– oliy ta’lim tashkilotlariga tegishli ixtisoslik fanlari bo‘yicha qo‘shimcha imtihon o‘tkazish vakolatini berish;

– qo‘shimcha imtihon shakli, sinovlar dasturi hamda baholash mezonlari oliy ta’lim tashkiloti tomonidan mustaqil tasdiqlanishi nazarda tutilgan.

Batafsil: 👉 https://talimxabarlari.uz/70291/

😀😀😀😀😀😀😀😀😀

✅Kanalimiz:
https://t.me/Onatili_Izamov

⚡️TUYUQ (turk. – tuymoq, his qilmoq) — toʻrt misradan iborat mustaqil she’r shakli. Asosan turkiy xalqlar she’riyatida qoʻllangan. Tuyuq koʻp hollarda ruboiy singari qofiyalanadi, lekin ba’zan b-a, d-a tarzida ham qofiyalanishi mumkin. Ruboiydan farqli oʻlaroq tuyuqda qofiyaning oʻrnida asosan  tajnis (shakldosh so‘zlar) boʻladi.

❗️ Tuyuq oʻziga xos maxsus vaznda — Ramali musaddasi mahzuf yoki maqsur (ruknlari va taqte’si: foilotun foilotun foilun yoki foilon,  – V– – / – V –  – / – V –  yoki  – V ~) vaznida yoziladi.
 
Adabiyotshunoslikda, xususan, Boburning “Aruz risolasi” da tuyuqning yetita turi haqida ma’lumot keltiriladi. Quyida shulardan misollar keltiriladi:

1️⃣ Uch misrasi tajnisli qofiyalangan tuyuq — bunda ,asosan, 1-2-4-misralar a-a-b-a tarzida qofiyalanadi:

La'lidin jonimgʻa oʻtlar yoqilur,
Qoshi qaddimni jafodin yo qilur,
Men vafosi va'dasidin shodmen,
Ul vafo bilmonki qilmas, yo qilur.

2️⃣ Qit'a singari qofiyalanib, juft misralari tajnisli qofiyalangan tuyuq:

Bir pariy ishqida men devonani,

Eyki, istarsen, kelib gulxanda ko

ʻ

r.

Bir qadah ul gulni xandon ayladi,

Ey ko

ʻ

ngul, nazzora qil, gul xanda ko

ʻ

r.

3️⃣ Toʻrt misrasi tajnisli qofiyalangan tuyuq:

Vasldin soʻz dergʻa yoʻq yoro manga,

Hajr aro rahm aylagʻil ,yoro, manga.

Oʻqung etti koʻp yamon yoro manga,

Marhami lutfing bilan yoro manga.

4️⃣ Radifi tajnis hosil qilgan tuyuq:

Mehrkim, koʻkka qilur ohang tong,

Olida boʻlsa emas berang tong.

Xoli-yu ikki labidek boʻlmagay,

Hindu ar keltursa shakkar tang-tong.

✅ Shuningdek, risolada tuyuqning tajnisdan oldin uch misrada hojib qoʻllanadigan, ikki misrasi tajnissiz qofiyalangan va uch misrasi tajnissiz qofiyalangan tuyuqlar mavjudligi toʻgʻrisida ham ma'lumotlar keltiriladi.

✅Kanalimiz:
https://t.me/Onatili_Izamov

MUHIM!

Quyida sizga ko’rinish beruvchi turli qimor o’yinlar yoki ba’zi kurslarning reklamari Telegram ads orqali yoritiladi. Bunga bizning mutlaqo aloqamiz yo’q. Bu kabi reklamalar halol va sifatli emas!

Biz tomondan yoritiladigan reklamalar telegram posti sifatida sizga ko’rinadi.

Pastdagi reklamalarga aldanib qolmang. Ogoh bo’ling!

✅Kanalimiz:
https://t.me/Onatili_Izamov

❗️❗️❗️

⚡️Rasman: Boshlangʻich sinf oʻqituvchilari uchun milliy sertifikat imtihoni spetsifikatsiyasi va namuna test topshiriqlari taqdim etildi

O‘zbekiston Respublikasi Vazirlar Mahkamasining 2026-yil 29-iyuldagi 411-son qaroriga muvofiq, boshlang‘ich ta’lim o‘qituvchilari uchun milliy sertifikat imtihonining spetsifikatsiyasi ishlab chiqildi va e’lon qilindi.

Mazkur spetsifikatsiyada imtihon mazmuni, baholash yo‘nalishlari, topshiriqlar shakli va tarkibiga oid ma’lumotlar berilgan.

Boshlang‘ich ta’lim o‘qituvchilari milliy sertifikat imtihoni spetsifikatsiyasi hamda namunaviy test topshiriqlari bilan quyidagi havolalar orqali tanishishlari mumkin:

🔗 Spetsifikatsiya bilan tanishish
🔗 Namunaviy test topshiriqlari bilan tanishish

😀😀😀😀😀😀😀😀😀

✅Kanalimiz:
https://t.me/Onatili_Izamov

❗️❗️❗️

⚡️Ona (oʻzbek, rus va qoraqalpoq) tili va adabiyoti fanidan dekabr oyida oʻtkaziladigan imtihonlar xususida:

1️⃣ Imtihon kunlari: 26-28-dekabr (3 kun)
2️⃣ Roʻyxatdan oʻtish muddati: 20-noyabrdan 4-dekabrgacha (shu kuni ham)
3️⃣ Toʻlov qilish muddati: 5-dekabrgacha (shu kuni ham)
4️⃣ Natijani e’lon qilish: 28-yanvar (taqriban)

❗️Diqqat! Imtihon sanalari yoki natijalar e’lon qilish muddati davlat tadbirlari, turli siyosiy jarayonlar yoki talabgorlar soni oshishi sababli oʻzgarishi mumkin!

✅ Roʻyxatdan oʻtish my.gov.uz sayti orqali amalga oshiriladi!

😀😀😀😀😀😀😀😀😀

✅Kanalimiz:
https://t.me/Onatili_Izamov

⚡️39-savol namunasi (YANGI)

❓ Parchada ajratib koʻrsatilgan soʻzlarning sintaktik vazifasini yozing.

Ayo ey, kattaqo‘rg‘onlik «azizlar»,
Hamma «ahli ilm», ey «yor-u do‘stlar»,
Yozay men «ofarin, tahsin» etibon,
Sizlarning kirdikoringiz bitibon.

✅ Javob: UYUSHIQ UNDALMA

✅Kanalimiz:
https://t.me/Onatili_Izamov