⚡️⚡️Məktəbdə yanğın törətməyə cəhddə şübhəli bilinən 6 nəfər saxlanılıb

⚡️⚡️Yasamal rayonunda yerləşən orta məktəblərin birində yanğın törətməyə cəhd göstərilib.

Polis tərəfindən keçirilən tədbirlərlə əməli törətməkdə şübhəli bilinən, əvvəllər məhkum olunmuş Məhəmməd İsmayılov, eləcə də həmin məktəbin 10 və 11-ci sinif şagirdi olan daha 5 nəfər saxlanılıb.

Azərbaycan XİN Səudiyyə Ərəbistanına başsağlığı verib:

● Səudiyyə Ərəbistanı Krallığının Hökumətinə və xalqına, eləcə də mülki infrastruktura qarşı törədilmiş son hücumlar nəticəsində həyatını itirən şəxslərin ailələrinə dərin hüznlə başsağlığı veririk. Yaralananların hamısına tezliklə və tam sağalmalarını arzulayırıq.

● Həlak olanların ailələrinə bu ağır itki ilə əlaqədar dözüm və səbir diləyirik.

İlham Əliyevin adından Laos Prezidentinin şərəfinə rəsmi nahar verilib.

Laos Prezidenti Zəfər parkını ziyarət edib.

⚡️Azərbaycan və Laos arasında xidməti pasport sahibləri üçün viza rejimi ləğv ediləcək.

⚡Yeni Azərbaycan Partiyası:

● Uzun müddətdir ki, Türkiyənin bir sıra media orqanlarında və sosial media platformalarında, o cümlədən AKP iqtidarına yaxınlığı ilə tanınan informasiya resurslarında Azərbaycan haqqında həqiqətə uyğun olmayan, qərəzli, böhtan və iftira xarakterli məlumatların yayılması müşahidə edilir.

● Türkiyə Prezidentinin baş müşaviri Oktay Saralın, hakim Ədalət və İnkişaf Partiyasından olan millət vəkillərinin məsələnin mahiyyətini, Azərbaycanın konstitusion quruluşunu və ölkəmizdə dini etiqad azadlığının hüquqi əsaslarını nəzərə almadan populist və məsuliyyətsiz açıqlama verməsi ciddi təəssüf doğurur.

● Belə açıqlamalar Azərbaycan–Türkiyə qardaşlıq münasibətlərinin ruhuna ziddir və ictimai müstəvidə süni gərginlik yaratmağa xidmət edə bilər.

⚡Yeni Azərbaycan Partiyası:

● İlk növbədə, Azərbaycan–İsrail münasibətlərinin məqsədli şəkildə təhrif olunması, bu əlaqələrə guya müstəsna xarakter verilməsi və bundan Azərbaycan əleyhinə siyasi ittihamlar irəli sürülməsi cəhdlərini qətiyyətlə rədd edirik.

● Azərbaycan Respublikası İsraillə beynəlxalq hüquq normalarına və qarşılıqlı maraqlara əsaslanan normal dövlətlərarası münasibətlərə malikdir.

● Azərbaycanın Fələstin məsələsində mövqeyi isə ardıcıl, aydın və prinsipialdır.

● Ölkəmiz Fələstin xalqının qanuni hüquqlarını daim dəstəkləmiş, Fələstinə maliyyə və humanitar yardımlar göstərmişdir.

● Fələstin Prezidenti Mahmud Abbas və Baş nazir Məhəmməd Mustafa müxtəlif vaxtlarda Azərbaycanda səfərdə olmuşlar.

● Fələstin Dövlətinin Azərbaycandakı səfirliyinin fəaliyyəti də Azərbaycan dövlətinin maliyyə dəstəyi ilə təmin olunur.

⚡Yeni Azərbaycan Partiyası:

● Azərbaycan Respublikasının Konstitusiyasına əsasən, Azərbaycan dünyəvi dövlətdir.

● Bu prinsip Türkiyə Respublikasının Konstitusiyasında da təsbit olunmuşdur.

● Buna görə də Azərbaycanın dünyəvi dövlət quruluşunun və təhsil siyasətinin siyasi manipulyasiya predmetinə çevrilməsi qəbuledilməzdir.

● Türkiyənin özündə dini və dünyəvi dəyərlər ətrafında aparılan siyasi müzakirələr cəmiyyətdə qütbləşməni dərinləşdirir.

● Hesab edirik ki, baş örtüyü kimi həssas məsələlərdən siyasi manipulyasiya və bölücülük vasitəsi kimi istifadə edilməsi nə Türkiyə xalqının birliyinə, nə də ümumilikdə müsəlman dünyasının həmrəyliyinə xidmət edir.

● Ümid edirik ki, Türkiyənin müvafiq siyasi dairələri bu cür məsuliyyətsiz açıqlamalardan düzgün nəticə çıxaracaq, Azərbaycan–Türkiyə münasibətlərinə zərər verə biləcək addımlardan çəkinəcəklər.

🇦🇿Azərbaycanda məktəblərin bir çoxu bu gün dərsə belə başladı. Vahid forma, himnlə.

🇦🇿Şəmkir rayonu, Əhməd Cəmil adına Zəyəm qəsəbə tam orta ümumtəhsil məktəbi

⚡️Qaradağda məktəb direktorunun avtomobilini yandıran şəxs həbs edilib

Əvvəllər məhkum olunmuş Fuad İbrahimov barəsində cinayət işi başlanıb.

⚡️Məktəb direktorunun avtomobilinin yandırılmasının görüntüləri

⚡QMİ sədri, şeyxülislam Allahşükür Paşazadə:

● Azərbaycanda hicab qadağan olunmayıb.

● Dini təhsil müəssisələrində qızlar hicabla təhsil alırlar.

● Amma dövlət təhsil müəssisələrində vahid forma ilə bağlı qərar qəbul olunub.

⚡QMİ sədri:

● Azərbaycanın tolerantlıq siyasəti və müxtəlif dini məzhəblər arasında qardaşlıq münasibətlərinin təşviqi beynəlxalq səviyyədə də yüksək qiymətləndirilir.

● Ölkənin müstəqilliyinə və dövlətçiliyinə qarşı yönələn çağırışlar yolverilməzdir.

● Hicab məsələsindən istifadə edərək Azərbaycan dövlətinə qarşı mənfi rəy formalaşdırmaq və ölkəni digər dövlətlərlə qarşıdurmaya sürükləmək cəhdləri var.

⚡Azərbaycan XİN:

● Qara dəniz akvatoriyasında “CHELSEA-3” adlı yük gəmisi dron hücumuna məruz qalıb.

● 15 nəfərdən ibarət gəmi heyətində olan 8 nəfər vətəndaşımızın hamısı xilas edilib

● Onlardan 1 nəfər, 1993-cü il təvəllüdlü Ramin Rauf oğlu Qəmbərli hazırda Varna şəhərindəki hərbi hospitala yerləşdirilib və onun səhhəti nəzarətdə saxlanılır.

● Digər 7 nəfər Azərbaycan vətəndaşı ilkin tibbi müayinədən keçib, onların vəziyyəti qənaətbəxşdir.

⚡Qırğızıstan Prezidenti Sadır Japarov sabah Azərbaycana səfər edəcək

⚡Prezident İlham Əliyevin dəvəti ilə sabah Özbəkistan Prezidenti Azərbaycana gələcək

Laos Xalq Demokratik Respublikasının Prezidenti Thonqlun Sisulitun Azərbaycana rəsmi səfəri

⚡Əli Əsədovun rəhbərliyi ilə İqtisadi Şuranın növbəti iclası keçirilib.