Fransada etirazlar davam edir:

● Etirazlar Parisdən sonra Marsel və Lyon şəhərlərində də başlayıb

● Hüquq-mühafizə orqanları səs və gözyaşardıcı qaz qumbaralarından istifadə edirlər.

"Sabah" - "Barselona" oyununun biletləri satışa çıxarılıb.

● Bilet qiymətləri 15, 40, 50, 75, 120, 500, 750 manat aralığındadır.

Energetika sahəsinin inkişafında səmərəli fəaliyyətinə görə bir qrup şəxs təltif edilib.

Bu barədə Prezident İlham Əliyev Sərəncam imzalayıb.

⚡️Cənubi Azərbaycanın "Traktor" klubunun oyunu irqçi şüarlara görə təxirə salınıb

● Mələvan azarkeşlərinin təhqiramiz hərəkətindən dərhal sonra "Traktor" klubunun sahibi Məhəmmədrza Zünuzi komandanın meydanı tərk etməsi və mələvan ənzəli komandası ilə bir daha heç bir oyuna çıxmaması barədə göstəriş verib.

● "Traktor" klubunun sahibi bəyan edib ki, İran Futbol Federasiyası mələvan ənzəli klubuna qarşı sərt cavab tədbirləri görməsə, FİFA-ya şikayət edəcək.

Mətbuat Şurası Türkiyənin media qurumlarını, jurnalist təşkilatlarını, redaksiyalarını və rəqəmsal platformalarda ictimai rəyə təsir göstərən şəxsləri Azərbaycana dair məlumatları dərc etməzdən əvvəl onları etibarlı mənbələr əsasında yoxlamağa çağırıb:

● Şura faktların təhrifinə, saxta və kontekstdən çıxarılmış görüntülərin yayılmasına yol verməməyə, Azərbaycan dövlətinin və xalqının ünvanına yönələn təhqir, böhtan və nifrət ritorikasından çəkinməyə, aşkar edilmiş yanlış məlumatları operativ şəkildə düzəltməyə və təkzib etməyə, eləcə də iki ölkə arasındakı münasibətlərə zərər vura biləcək hər növ manipulyativ kampaniyalara qarşı prinsipial mövqe nümayiş etdirməyə çağırır.

● Azərbaycan Mətbuat Şurası bəyan edir ki, həqiqətin təhrifinə, dezinformasiyanın yayılmasına və media imkanlarından ölkələrimiz arasında etimadı sarsıtmaq məqsədilə istifadəyə qarşı öz prinsipial mövqeyini bundan sonra da nümayiş etdirəcək.

⚡️ DTX Masazırda avtomobillərin yandırılmasını təşkil edən şəxsi xaricdə saxlayıb

● Masazırda 4 avtomobilin yandırılmasını təşkil edən şəxs Gürcüstandan Özbəkistana uçarkən DTX tərəfindən saxlanılaraq Azərbaycana gətirilib və həbs edilib.

● Oktyabrın 10-da baş verən hadisə zamanı “Mercedes”, “Lada”, “Hyundai” və “Renault” markalı avtomobillər yanıb.

● Cinayətin bütün iştirakçıları saxlanılıb, barələrində həbs qətimkan tədbiri seçilib.

⚡️⚡️Dövlət əleyhinə açıq çağırışlar və dini nifrət məzmunlu materialların yayılması ilə bağlı daha 7 nəfər barəsində beynəlxalq axtarış elan edilib:

● 1961-ci il təvəllüdlü, "Haksöz" jurnalı və "Haksöz Haber" internet resursunda müəllif kimi fəaliyyət göstərən Rıdvan Kaya;

● 1981-ci il təvəllüdlü, "Köklü Değişim" nəşrində yazıçı, "Değişim TV"nin aparıcısı Zəkəriyyə Cəran (Abdullah İmamoğlu adı ilə tanınan);

● 1976-cı il təvəllüdlü, "Analiz Merkezi" internet resursunun təsisçisi və "Fatih Tezcan'la Analiz Merkezi" proqramının müəllifi Fatih Tezcan;

● 1971-ci il təvəllüdlü, "Ahmet Şanlı Hukuk Bürosu"nun rəhbəri Ahmet Şanlı;

● 1971-ci il təvəllüdlü araşdırmaçı Fahrettin Taşkaya Saral;

● 1975-ci il təvəllüdlü, "Abdurrahman Tumer" adlı şəxsi Facebook profil sahibi Abdurrahman Tumer;

● moderator və idmançı kimi fəaliyyət göstərən Alparslan Tanrıkulu

⚽️ "Sabah"ın baş məşqçisi Valdas Dambrauskas "Borussiya" ilə oyundan öncə mətbuat konfransında çıxış edib.

● "Borussiya" Almaniyanın, dünyanın ən böyük klubrından biridir. Onların çox yaxşı baş məşqçiləri var.

● "Borussiya" eyni zamanda çox yüksək səviyyədə pressinq edən komandadır. Qarşımızda çox böyük çətinliklər dayanır. Çempionlar Liqasında asan oyun olmur. Sabahkı matçı səbirsizliklə gözləyirəm.

● Azarkeşlər əllərindən gələni edirlər, bizə enerjilərini ötürürlər. Qələbə ehtimalı haqda danışmaq istəmirəm. Daha çox mənə komandamın performansı maraqlıdır.

Prezident: Sülh hələ də kövrəkdir, onu qorumaq və möhkəmləndirmək lazımdır.

Sabah azarkeşlərin Bakı Olimpiya Stadionuna rahat gediş-gəlişini təmin etmək məqsədilə "Sabah" futbol klubunun təşəbbüsü və AYNA-nın dəstəyi ilə ödənişsiz avtobuslar təşkil olunacaq.

● "Gənclik" Nəqliyyat Mübadilə Mərkəzi – Bakı Olimpiya Stadionu

● "Qara Qarayev" metrostansiyası – Bakı Olimpiya Stadionu

🇦🇿Millət vəkili Azər Badamov:

● Qarabağ və Şərqi Zəngəzurda 67 məscidimiz dağıdılıb təhqir ediləndə Fələstinin İslam həmrəyliyi harada idi?

● Amma onlar hər zaman Ermənistanın arxasında dayandıqlarını nümayiş etdiriblər.

● Fələstində ermənilərə qarşı həmişə sevgi olub. Hətta torpaqlarımızın işğal altında olduğu dövrdə də, işğala son qoyulandan sonra da bunu nümayişkaranə şəkildə göstəriblər.

● Belə ki, ASALA terror qruplaşmasının üzvlərinin Fələstində təlim keçməsi ilə bağlı mətbuatda geniş məlumatlar verilmişdi.

● Bununla belə, Azərbaycanın Fələstin məsələsində tutduğu mövqe dövlətimizin prinsipiallığını göstərir.

● Ölkəmiz Fələstin xalqının qanuni hüquqlarını müdafiə edir, paytaxtı Şərqi Qüds olan müstəqil Fələstin dövlətinin yaradılmasını dəstəkləyir və Fələstin xalqına humanitar yardım göstərir.

● Azərbaycan beynəlxalq təşkilatlarda da bu məsələyə dair mövqeyini ifadə edib.

Fransada davam edən iğtişaşlarla əlaqədar paytaxt Paris də daxil olmaqla, beş şəhərin ayrı-ayrı ərazilərində komendant saatı tətbiq edilib.

Məhdudiyyətlər oktyabrın 19-u axşam saatlarından qüvvəyə minəcək və iki gün ərzində yerli vaxtla saat 20:00-dan 06:00-dək davam edəcək.

"KARABAKH DISCOVER" layihəsi ilk dəfə Azıx mağarasının içərisindən görüntülər təqdim edib.

⚽️ “Sabah” bu gün UEFA Çempionlar Liqasında növbəti oyununa çıxacaq.

● Azərbaycan çempionu Liqa mərhələsinin 3-cü turunda Almaniyanın “Borussiya” (Dortmund) komandasını qəbul edəcək.

● Bakı Olimpiya Stadionunda keçiriləcək matç saat 20:45-də start götürəcək.

⚡️Milli Məclisdə POS terminallardan istifadə ilə bağlı tariflərin azaldılması təklif edilib

Hərbi xidmətdə inzibati xətaya görə yeni cərimələr müəyyən edilir

● Hərbi hissəni özbaşına tərk edən və ya xidmət yerinə gecikən hərbçilər 200-300 manat cərimə və ya 15 günədək inzibati həbs oluna bilər.

● Pozuntu bir il ərzində təkrarlandıqda cərimənin 300-500 manat, həbsin isə 10 gündən 1 ayadək olması təklif edilir.

Baş prokuror Kamran Əliyevin müvafiq əmrlərinə əsasən:

● Bakı şəhəri Nizami rayon prokuroru Pərviz İbayev tutduğu vəzifədən azad olunaraq Bakı şəhəri Binəqədi rayon prokuroru vəzifəsinə təyin edilib.

● Bakı şəhəri Binəqədi rayon prokuroru Fuad Məmmədov tutduğu vəzifədən azad olunaraq Bakı şəhəri Nizami rayon prokuroru vəzifəsinə təyin edilib.

● Şirvan şəhər prokuroru Kamal Talıbov ikinci səlahiyyət müddətinə həmin rayon prokuroru vəzifəsinə təyin edilib.

Fransada qiymət artımlarına görə başlayan iğtişaşlar davam edir.

● Paris də daxil olmaqla bəzi şəhərlərdə 20:00-06-00 saatları üçün komendant rejimi tətbiq olunub.

● Vəziyyətin gərginliyi səbəbindən Fransanın daxili işlər naziri istefa vermək qərarına gəlib, Makron istefanı qəbul etməyib.

● Etirazçılara qarşı dəyənək, gözyaşardıcı qaz, su şırnaqları və.s tətbiq olunub.

● Etirazçılar Parisdə lüks mağazaları dağıdıb talayıblar.

İstanbulda sel nəticəsində həlak olanların sayı 7-ə çatıb

⚡️ARDNF illik müqayisədə Yaxın Şərq və Avstraliya-Yeni Zelandiya ölkələrinə investisiyaları müvafiq olaraq 0,5 faiz və 0,1 faiz artırıb.