📌TDIUning yangi rektori universitet bo‘yicha taqdimotlar bilan tanishmoqda

Toshkent davlat iqtisodiyot universitetiga yaqinda rektor etib tayinlangan Qo‘ng‘irotboy Sharipov universitet prorektorlari, fakultet, bo‘lim va boshqarmalari faoliyati taqdimotlarini ko‘rib chiqmoqda.

Ushbu tahliliy uchrashuvlardan asosiy maqsad universitet faoliyatining aniq yo‘l xaritasini ishlab chiqish, ta’lim sifatini jahon standartlari darajasiga ko‘tarish hamda OTT oldidagi ustuvor vazifalarni belgilab olishdan iborat.

Yangi rektor tomonidan quyidagi asosiy yo‘nalishlar atroflicha muhokama qilindi:

➖ Xalqaro hamkorlik aloqalarini kengaytirish, talabalar va professor-o‘qituvchilar salohiyatini global darajaga olib chiqish;

➖ Infratuzilmani rivojlantirish hamda xo‘jalik faoliyatini samarali tashkil etish;

➖ Iqtisodiyot fakulteti va uning kafedralari faoliyati tahlili;

➖ Menejment fakultetida ta’lim sifati, ilmiy-innovatsion faoliyat va talabalarning kasbiy kompetensiyalarini rivojlantirish;

➖ Bank ishi fakultetida nazariy bilimlarni to‘g‘ridan to‘g‘ri amaliyot bilan uyg‘unlashtirish;

➖ Buxgalteriya hisobi fakulteti hamda Kechki ta’lim va magistratura bo‘linmasi istiqbolli rejalari.

Rektor qayd etganidek, bugungi kunda faqat qog‘ozdagi nazariya yetarli emas, zamonaviy mehnat bozori mustaqil va kreativ fikrlaydigan, amaliyotchi kadrlarni talab qilmoqda.

✈️Obuna bo’ling➡️@OTM_Minbari