من وجهة نظري المتواضعة أن أي شخص يحط في المشاكل والضغوطات يلي يمر بيها مُبرر لافعاله هوا شخص تافه وغير ناضج ابداً ، وعمري ماحنتعامل معاه معامله بنادم صحيح ، لان " مهما كان حجم ومصدر مشاكلك فَهي مشاكلك " مسؤوليتك وأخطائك وحياتك يلي انا مشاركتش فيها حتى بقرام واحد مش ذنبي ولا ذنب غيري أن يتقبل تقلبات المزاج متاع العيال يلي تدير فيهن ، بـ استثناء والدتك الكريمه تحطلك اعذار علي قد ماتحب .

لاَ تسألني حَالي لان انا ديما بخير ، مهما اختلف الشعُور ومَهما اختلفت الضروف حتلقى نفس الاجابه ديما ، نعرف كيف انتخطى كل شي بروحي من دون الحَاجه الئ سند ننسند عليه او شخص نفضفضله ونحكيله يلي فيا ، الحاجه الى الناس تدل علئ الضُعف وانا منحبش نكون ضعيف فِ عين اي حد حتى لمده ثواني .

مِن ضمن صِفاتي الشخصية أني شخص نعامل الناس سواسية ، منشوفش أن كل المعارف تستحق استنثاء ، لا بالعكس من أفضل ما يحتوي الانسان من اطباع طبع قلة الاستثناء للناس ، حاجة كويسة بكل انك تكون شخص مُتحفظ بمبادئك وخطوطك ومتكسرش المبادئ هذين لكل من هب ودب عشان المبادئ يلي كسرتهن عشانهم ميكسرنكش أنت مُستقبلاً .

أطيب واقدع حد حتقابله في حياتك ، بس لو الموضوع وصل لكرامتي حنفعس عليك أنت ولي جابوك ونتعامل بدماغي
( رد بالك مني واجد بعد نتعامل بدماغي ) .

العين المليانة ، السُمعة الطيبة ، الأخَلاق العاليه ، تمني الخَير للجمِيع ، هَي أمور تستحق الشُكر فَالك الحمْد يَا الله على مَا وهبتنا مِن نِعمً بلا أختيار مِنا ❤️.

يَجماعةة خلو كل بهيم يتغير ويمشي مع الريح وحتى أنتم تغيرو وامشو مع الريح وفكونا من قصة الدراما هذي،الموضوع بدا مُستفز الحق ، الحياة بسيطه مش لازم تقلل راحتنا بستوريات النكد ياشيرين عبد الوهاب .

طول عُمري كان عندي هَوس أني منزعلش حد مني ، ومنخيبش ظن حد فيا حتى لو ميعرفنش ، ونجي علي نفسي عشان الناس ، ونقدم راحة غيري علي راحتي ، وفي الأخير أكتشفت أن مزعلتش وخيبت ظن حد الا نفسي .

اغيابه علي ما ايشوي قابي ، مربوحتين لو ناوي ايغيب علي ، موحال يبقي هو اسباب وكابي ، اغيابه علي ما يثر في .

بطلت نعاتب ، بطلت نعطي فُرص ، بطلت انتمسك في حد ، بطلت نحاول عشان أي حد ، بطلت نهتم بهذا ليش متغير وشن السبب يلي غيره ، بطلت نهتم بهذا عليش معش يتصل و معش يسأل وعليش غاب عليا وقت أنا محتاجة ، بطلت نستغرب من أي موقف يجيني من أي شخص شعور الاستغراب انعدم عندي ، الجهد يلي فيا بالعافية يعيشني باقي حياتي .

اليوم اتممت عاماً جديداً من حياتي اللهم غيرني حتى تحبني اللهم آني أستودعك سنه مضت من عمري فاللهم أكتب لي الخير فيماً هو أت وبارك لي في العام الجديد .

القناة للبيع : @T_D_2 .
مُلاحظات بسيطه القناة خالية من الرشق ، انشاء 2020 ، حساب المالك محذوف .

عيد اخر بدون زوجة ، اللهم اجرني في مصيبتي .

كُل عَام وطبقة المُهندسين خاصة ، وباقي طبقات المجتمع بصحة وسلامه ، تقبل الله منا ومنكم .

حتى القَاف في أسمي تدل علي قرارتي الصَحِيحة ، تقولي وين القَاف في أسمك حنقولك وين القرارات الصحيحة اصلاً .

⁣-

استيقظ الاسد القادر على دراسة الامتحانات لوحده بدون الحاجة لدعم عاطفي وتصفيق الجمهور .

الاسد يحتاج لزوجة صالحة تواسيه بعد امتحانات الهندسة

الاسد والباشمهندس اجتاز فترة الامتحانات بنجاح من دون اي تدخلات خارجية ✅🫡.

لم أحرص يوماً على إخفاء أطباعي السيئة وإظهار محاسني أبداً،في الحقيقة لا تقلقني فكرة أن يُساء الظن بي فأنا أحرص أن أكون كما أنا بكامل عفويتي،لستُ أبحث عن الود،ولاتقلقني كراهية أحد .