«Klassika — aytishi lozim boʻlgan gapini hech qachon aytib tugatmagan kitobdir.»
Italo Kalvino — «Nega klassikani oʻqish kerak?» esse, 1981
Kalvino 1981-yilda «L’Espresso» jurnalida chop etilgan esseda klassik asarning oʻn toʻrtta taʼrifini beradi; bu — oltinchisi. Uning fikricha, haqiqiy kitobni har safar qayta oʻqiganda u yangi maʼno ochaveradi — shuning uchun ham u klassika.
@panda_books
Un classico è un libro che non ha mai finito di dire quel che ha da dire.
Italo Kalvino — «Nega klassikani oʻqish kerak?» esse, 1981
Kalvino 1981-yilda «L’Espresso» jurnalida chop etilgan esseda klassik asarning oʻn toʻrtta taʼrifini beradi; bu — oltinchisi. Uning fikricha, haqiqiy kitobni har safar qayta oʻqiganda u yangi maʼno ochaveradi — shuning uchun ham u klassika.
@panda_books
🌚4👍2❤1
#newbook #yangikitob
Kecha QAMAR kitoblar doʻkonidan bir-biridan chiroyli muqovali ikkita kitob keldi.
Ular “Asl Intellekt” turkumidagi Anthony Weston’ning “Argument: Asoslash va bahs mahorati” kitobi va Sergey Povarninning “Kitobni qanday oʻqish kerak?” kitoblaridir. Har ikkala kitob tarjimoni koʻpchilikka tanish Xurshid Yoʻldoshev.
Har ikkala kitob ham ixcham boʻlsa-da, oʻzida juda kerakli ma’lumot va faktlarni toʻplagan. Yozilishi ham ixcham va tushunarli.
Kitoblar muqovasiga ham toʻxtalsam. Oʻzi originali shundaymi bilmadim-u, ammo ularning menga yoqadigan retro 60-70-yillar uslubidan ilhomlangani juda manzur boʻldi. Qoʻlga ushlagandayam yoqimli, qog’oz rangi esa koʻzni charchatmaydi.
Xullas, bu goʻzal hadyalar uchun QAMARga tashakkur! Albatta, oʻqib chiqamiz.
@panda_books
Kecha QAMAR kitoblar doʻkonidan bir-biridan chiroyli muqovali ikkita kitob keldi.
Ular “Asl Intellekt” turkumidagi Anthony Weston’ning “Argument: Asoslash va bahs mahorati” kitobi va Sergey Povarninning “Kitobni qanday oʻqish kerak?” kitoblaridir. Har ikkala kitob tarjimoni koʻpchilikka tanish Xurshid Yoʻldoshev.
Har ikkala kitob ham ixcham boʻlsa-da, oʻzida juda kerakli ma’lumot va faktlarni toʻplagan. Yozilishi ham ixcham va tushunarli.
Kitoblar muqovasiga ham toʻxtalsam. Oʻzi originali shundaymi bilmadim-u, ammo ularning menga yoqadigan retro 60-70-yillar uslubidan ilhomlangani juda manzur boʻldi. Qoʻlga ushlagandayam yoqimli, qog’oz rangi esa koʻzni charchatmaydi.
Xullas, bu goʻzal hadyalar uchun QAMARga tashakkur! Albatta, oʻqib chiqamiz.
@panda_books
❤4👍1🌚1
Usmon Nosirning ilk sheʼrlari u hali maktab oʻquvchisi ekanida bosilgan. U Pushkinning «Boqchasaroy fontani» va Lermontovning «Demon» («Iblis») dostonlarini oʻzbekchaga oʻgirgan, sheʼrlari Moskva gazetalarida qayta-qayta eʼtirof etilib, «Sharqda Pushkin tugʻildi» degan baho olgan.
@panda_books
@panda_books
❤9😢5
#news
Murakami vafot etdi
Yaponiyalik yozuvchi, ssenariynavis va rejissyor Ryu Murakami 74 yoshida vafot etdi.
Yozuvchi 17-oktyabr kuni o‘z uyida hayotdan ko‘z yumgan, biroq Gentosha nashriyoti uning vafoti haqida bugungina xabar berdi. Dafn marosimi yaqinlari davrasida bo‘lib o‘tdi.
Ryu Murakami — zamonaviy yapon adabiyotining eng yorqin namoyandalaridan biri. Uning “Moviy rangning barcha jilolari” nomli debyut romani yozuvchi atigi 24 yoshda ekanida chop etilgan va shu zahotiyoq bestsellerga aylangan edi. Murakami jami 40 dan ortiq asar yozgan bo‘lib, ular orasida “Saqlash kamerasidagi bolalar”, “Miso-sho‘rva” va “Parazitlar” kabi romanlar bor.
@panda_books
Murakami vafot etdi
Yaponiyalik yozuvchi, ssenariynavis va rejissyor Ryu Murakami 74 yoshida vafot etdi.
Yozuvchi 17-oktyabr kuni o‘z uyida hayotdan ko‘z yumgan, biroq Gentosha nashriyoti uning vafoti haqida bugungina xabar berdi. Dafn marosimi yaqinlari davrasida bo‘lib o‘tdi.
Ryu Murakami — zamonaviy yapon adabiyotining eng yorqin namoyandalaridan biri. Uning “Moviy rangning barcha jilolari” nomli debyut romani yozuvchi atigi 24 yoshda ekanida chop etilgan va shu zahotiyoq bestsellerga aylangan edi. Murakami jami 40 dan ortiq asar yozgan bo‘lib, ular orasida “Saqlash kamerasidagi bolalar”, “Miso-sho‘rva” va “Parazitlar” kabi romanlar bor.
@panda_books
😢16💔7❤2
#news
Madriddagi Servantes institutining mashhur yerosti xazinasi — «Caja de las Letras» («Harflar sandigʻi»)ga argentinalik buyuk yozuvchi Xorxe Luis Borxes va uning rafiqasi, yozuvchi va tarjimon Mariya Kodamaning yodgorliklari topshirildi
Bu haqda Argentinaning «La Nación» gazetasi 20-oktabr kuni (muallif — Laura Ventura) xabar berdi.
Marosim Borxes vafotining 40 yilligiga bagʻishlangan uchta tadbirdan biri boʻldi; qolgan ikkitasi — konsert-kecha va koʻrgazma.
«Caja de las Letras» ilgari bank boʻlgan binoning seyf xonalarida joylashgan: bu yerda ispan tilida ijod qilgan yozuvchi va sanʼatkorlarning esdalik buyumlari saqlanadi. Tadbirni Xorxe Luis Borxes xalqaro jamgʻarmasi, Servantes instituti va Buenos-Ayres shahar hukumati tashkil etgan. Oʻtgan yili xazinaga argentinalik shoira Mariya Elena Uolsh va fotograf Sara Fasio yodgorliklari qoʻyilgan edi.
Borxes merosi 1618-raqamli, Kodama merosi esa 1628-raqamli seyf yacheykalariga joylandi. Buyumlarni Kodamaning jiyanlari tanlab, Buenos-Ayresdan olib kelgan. Ular orasida «Poemas (1923–1958)» kitobining asl nashri, Borxes yoshligida chiqargan «Prisma» devoriy jurnalining faksimilesi, uning ustozlaridan biri Rafael Kansinos-Assens haqidagi yozuvlar, er-xotinning Toledo shahrida va Servantes mukofoti marosimida tushgan suratlari, Kodamaning tarjimalari va uning Borxes haqidagi maʼruzalari toʻplami bor.
@panda_books
Madriddagi Servantes institutining mashhur yerosti xazinasi — «Caja de las Letras» («Harflar sandigʻi»)ga argentinalik buyuk yozuvchi Xorxe Luis Borxes va uning rafiqasi, yozuvchi va tarjimon Mariya Kodamaning yodgorliklari topshirildi
Bu haqda Argentinaning «La Nación» gazetasi 20-oktabr kuni (muallif — Laura Ventura) xabar berdi.
Marosim Borxes vafotining 40 yilligiga bagʻishlangan uchta tadbirdan biri boʻldi; qolgan ikkitasi — konsert-kecha va koʻrgazma.
«Caja de las Letras» ilgari bank boʻlgan binoning seyf xonalarida joylashgan: bu yerda ispan tilida ijod qilgan yozuvchi va sanʼatkorlarning esdalik buyumlari saqlanadi. Tadbirni Xorxe Luis Borxes xalqaro jamgʻarmasi, Servantes instituti va Buenos-Ayres shahar hukumati tashkil etgan. Oʻtgan yili xazinaga argentinalik shoira Mariya Elena Uolsh va fotograf Sara Fasio yodgorliklari qoʻyilgan edi.
Borxes merosi 1618-raqamli, Kodama merosi esa 1628-raqamli seyf yacheykalariga joylandi. Buyumlarni Kodamaning jiyanlari tanlab, Buenos-Ayresdan olib kelgan. Ular orasida «Poemas (1923–1958)» kitobining asl nashri, Borxes yoshligida chiqargan «Prisma» devoriy jurnalining faksimilesi, uning ustozlaridan biri Rafael Kansinos-Assens haqidagi yozuvlar, er-xotinning Toledo shahrida va Servantes mukofoti marosimida tushgan suratlari, Kodamaning tarjimalari va uning Borxes haqidagi maʼruzalari toʻplami bor.
@panda_books
#news
JARlik ayol uning o‘rniga neyrotarmoqlar yozib beradigan kitoblar orqali bir yilda 1 million dollardan ortiq daromad topdi
U bor-yo‘g‘i syujet va qahramonlarni o‘ylab topadi, xolos. Qolgan ishni esa Claude, ChatGPT va Grok bajaradi.
Atigi 20 oy ichida u 370 ta kitob yozdi (aniqrog‘i, generatsiya qildi). Bitta kitob uchun u o‘rtacha 45 daqiqa vaqt sarflaydi.
Hali yakunlanmagan shu yilning o‘zidayoq u 1 million dollardan ko‘proq pul ishladi.
@panda_books
JARlik ayol uning o‘rniga neyrotarmoqlar yozib beradigan kitoblar orqali bir yilda 1 million dollardan ortiq daromad topdi
U bor-yo‘g‘i syujet va qahramonlarni o‘ylab topadi, xolos. Qolgan ishni esa Claude, ChatGPT va Grok bajaradi.
Atigi 20 oy ichida u 370 ta kitob yozdi (aniqrog‘i, generatsiya qildi). Bitta kitob uchun u o‘rtacha 45 daqiqa vaqt sarflaydi.
Hali yakunlanmagan shu yilning o‘zidayoq u 1 million dollardan ko‘proq pul ishladi.
@panda_books
👎8🤬5🤣2
Dostoyevskiyning “Oʻsmir” romanidagi Arkadiy Dolgorukiyning “Rotshild bo’lish g’oyasi” mulohazasi.
https://www.instagram.com/reel/De6OakwxMwe/?srtk=ZGJ4MjA3cGN6OXNr
https://www.instagram.com/reel/De6OakwxMwe/?srtk=ZGJ4MjA3cGN6OXNr
❤2👍1🌚1
Shoir hayoti evaziga berilgan olmos
1829-yil 11-fevralda Tehrondagi rus elchixonasiga olomon bostirib kirib, elchi va «Aqllilik balosi» muallifi Aleksandr Griboyedovni oʻldirdi. Shoh uzr soʻrab, nabirasi Xusrav Mirzoni Nikolay I huzuriga 89 karatlik «Shoh» olmosi bilan yubordi. Bu tosh bugun ham Moskva Kremlidagi olmoslar kolleksiyasida saqlanadi.
@panda_books
1829-yil 11-fevralda Tehrondagi rus elchixonasiga olomon bostirib kirib, elchi va «Aqllilik balosi» muallifi Aleksandr Griboyedovni oʻldirdi. Shoh uzr soʻrab, nabirasi Xusrav Mirzoni Nikolay I huzuriga 89 karatlik «Shoh» olmosi bilan yubordi. Bu tosh bugun ham Moskva Kremlidagi olmoslar kolleksiyasida saqlanadi.
@panda_books
❤5🔥3🌚2
Romaningizda qahramon boʻlib qolishni xohlaysizmi? Margaret Atvud, Zeydi Smit, Iyen Makyuen va Li Chayld personaj ismini auksionga qoʻyishdi
Atoqli yozuvchilar Margaret Atvud, Zeydi Smit va Iyen Makyuen kitobxonlarga noyob imkoniyat taqdim etmoqda: auksionda gʻolib chiqqan kishi ularning navbatdagi asarlaridan biridagi personajga oʻz ismini (yoki tanlagan ismini) bera oladi. Tushum zoʻravonlik va qiynoqlarni boshidan kechirgan odamlarga yordam beruvchi Britaniya xayriya tashkiloti — «Freedom from Torture» («Qiynoqlardan ozodlik»)ga oʻtkaziladi.
Aksiyada Jek Richer haqidagi trillerlar muallifi Li Chayld va «Marvarid sirgali qiz» romani muallifi Treysi Shevalye ham ishtirok etmoqda. Tashabbus xayriya tashkilotining adabiy festivali 10 yilligiga bagʻishlangan. Bu haqda avval «The Guardian», 24-oktabr kuni esa fransuz «ActuaLitté» nashri xabar berdi.
Savdolar 28-oktabr kuni soat 10:00 da (Grinvich vaqti) onlayn tarzda boshlanadi va 11-noyabrda yakunlanadi. Har bir lot gʻolibga badiiy asardagi ism huquqini beradi, ammo syujetdagi rol yoki personaj taqdiriga taʼsir qilish huquqini bermaydi. Har bir yozuvchi qoʻyadigan aniq shartlar keyinroq maʼlum qilinadi.
@panda_books
Atoqli yozuvchilar Margaret Atvud, Zeydi Smit va Iyen Makyuen kitobxonlarga noyob imkoniyat taqdim etmoqda: auksionda gʻolib chiqqan kishi ularning navbatdagi asarlaridan biridagi personajga oʻz ismini (yoki tanlagan ismini) bera oladi. Tushum zoʻravonlik va qiynoqlarni boshidan kechirgan odamlarga yordam beruvchi Britaniya xayriya tashkiloti — «Freedom from Torture» («Qiynoqlardan ozodlik»)ga oʻtkaziladi.
Aksiyada Jek Richer haqidagi trillerlar muallifi Li Chayld va «Marvarid sirgali qiz» romani muallifi Treysi Shevalye ham ishtirok etmoqda. Tashabbus xayriya tashkilotining adabiy festivali 10 yilligiga bagʻishlangan. Bu haqda avval «The Guardian», 24-oktabr kuni esa fransuz «ActuaLitté» nashri xabar berdi.
Savdolar 28-oktabr kuni soat 10:00 da (Grinvich vaqti) onlayn tarzda boshlanadi va 11-noyabrda yakunlanadi. Har bir lot gʻolibga badiiy asardagi ism huquqini beradi, ammo syujetdagi rol yoki personaj taqdiriga taʼsir qilish huquqini bermaydi. Har bir yozuvchi qoʻyadigan aniq shartlar keyinroq maʼlum qilinadi.
@panda_books
🤣2❤1🌚1
«Hayotni faqat ortga qarab tushunish mumkin, ammo uni oldinga qarab yashash kerak.»
Syoren Kyerkegor — Kundaliklar, JJ:167, 1843
Daniyalik faylasuf kundaligida yozgan bu fikr ekzistensializmning eng mashhur ifodalaridan biri. Uning davomida Kyerkegor qoʻshimcha qiladi: vaqt hech qachon toʻxtamagani uchun hayotni hech qachon toʻliq anglab boʻlmaydi.
@panda_books
Livet skal forstaas baglaens, men leves forlaens.
Syoren Kyerkegor — Kundaliklar, JJ:167, 1843
Daniyalik faylasuf kundaligida yozgan bu fikr ekzistensializmning eng mashhur ifodalaridan biri. Uning davomida Kyerkegor qoʻshimcha qiladi: vaqt hech qachon toʻxtamagani uchun hayotni hech qachon toʻliq anglab boʻlmaydi.
@panda_books
❤1
Panda Books
Den Braun imzo qoʻygan versiya ham sotilyapti ekan. Puli bir xil shekilli. @panda_books
Shuni sotib olib qoʻysam boʻlarkana:)
Panda Books
#longread Yiqilishdan qo'rqish Kecha shahar manzarasini tomosha qilish uchun Londondagi "The Garden at 120" osmono'par binosi tomiga chiqdim. Va u yerda yurgan bir necha kishi, jumladan, bir qariya juftlik mustahkam oynali panjara oldida turgan holda…
Shunday longreadlar ham yozmay qoʻydim…
27-oktabr — Silviya Plat tugʻilgan kun. Shoira stol ustida qoldirgan «Ariel» qoʻlyozmasi va 39 yil kutgan asl tartib
27-oktabr — amerikalik shoira Silviya Plat (Sylvia Plath) tugʻilgan kun. U 1932-yilning shu kuni Bostonda (Massachusets) dunyoga kelgan va 1963-yil 11-fevralda Londonda, 30 yoshida hayotdan koʻz yumgan. Britannica maʼlumotiga koʻra, uning turmush oʻrtogʻi ingliz shoiri Ted Xyuz edi, Plat esa «Victoria Lucas» taxallusidan ham foydalangan (yagona romani «Shisha qalpoq» — «The Bell Jar» ana shu nom bilan chiqqan).
Platning eng mashhur kitobi — «Ariel» — muallif vafotidan soʻng, 1965-yilda Faber and Faber nashriyotida chiqdi. Uni Ted Xyuz tahrir qilgan va tuzgan. «The Conversation» maqolasida eslatilishicha, Plat oʻlimidan oldin London kvartirasidagi stol ustida «Ariel» deb nomlangan tayyor qoʻlyozma qoldirgan edi.
Gap shundaki, Plat toʻplamni puxta oʻylangan arxitektura bilan tuzgan. Toʻplam «Morning Song» («Tong qoʻshigʻi») sheʼri bilan ochiladi va uning birinchi soʻzi — «Love» («Muhabbat»). Asl qoʻlyozmadagi soʻnggi turkum — asalarilar haqidagi sheʼrlar — «spring» («bahor») soʻzi bilan tugaydi. Ya’ni shoira kitobni muhabbatdan bahorgacha boʻlgan yoʻl sifatida oʻylagan; qoʻlyozmada «love» soʻzi 25 martadan koʻp uchraydi.
Xyuz esa tartibni oʻzgartirdi: baʼzi sheʼrlarni olib tashlab, Platning hayotining soʻnggi haftalarida yozgan sheʼrlaridan eng yaxshilarini qoʻshdi. Olib tashlanganlar orasida «The Courage of Shutting Up» («Jim turish jasorati») bor edi. «The Conversation» muallifining fikricha, ayrim olib tashlashlar oqilona boʻlgan, ammo Xyuzning eng katta xatosi Plat ijodidagi siyosiy va feministik qirralarni xiralashtirib qoʻyishi boʻldi.
Natijada «oʻlimga oshufta sheʼriyat oliy kohinasi» degan afsona shakllandi.
Asl tartib faqat 2004-yilda, birinchi nashrdan 39 yil oʻtib, «Ariel: The Restored Edition» («Ariel: tiklangan nashr») nomi bilan nashr etildi. Academy of American Poets (poets.org) maʼlumotiga koʻra, bu nashr Platning oʻz tartibini va birinchi nashrda boʻlmagan oʻn ikki sheʼrni qaytardi. Kitobga Plat va Xyuzning qizi — shoira va rassom Frida Xyuz soʻzboshi yozgan.
Tiklangan nashrda norozilik va feminizm haqidagi sheʼrlar — masalan, «The Rabbit Catcher» («Quyon tutuvchi») va «The Detective» («Detektiv») — koʻproq oʻrin egallaydi. Bu esa Plat ijodini faqat tushkunlik prizmasidan oʻqishga qarshi kuchli dalil boʻldi. 1982-yilda Plat vafotidan keyin Pulitser mukofotiga sazovor boʻldi.
@panda_books
27-oktabr — amerikalik shoira Silviya Plat (Sylvia Plath) tugʻilgan kun. U 1932-yilning shu kuni Bostonda (Massachusets) dunyoga kelgan va 1963-yil 11-fevralda Londonda, 30 yoshida hayotdan koʻz yumgan. Britannica maʼlumotiga koʻra, uning turmush oʻrtogʻi ingliz shoiri Ted Xyuz edi, Plat esa «Victoria Lucas» taxallusidan ham foydalangan (yagona romani «Shisha qalpoq» — «The Bell Jar» ana shu nom bilan chiqqan).
Platning eng mashhur kitobi — «Ariel» — muallif vafotidan soʻng, 1965-yilda Faber and Faber nashriyotida chiqdi. Uni Ted Xyuz tahrir qilgan va tuzgan. «The Conversation» maqolasida eslatilishicha, Plat oʻlimidan oldin London kvartirasidagi stol ustida «Ariel» deb nomlangan tayyor qoʻlyozma qoldirgan edi.
Gap shundaki, Plat toʻplamni puxta oʻylangan arxitektura bilan tuzgan. Toʻplam «Morning Song» («Tong qoʻshigʻi») sheʼri bilan ochiladi va uning birinchi soʻzi — «Love» («Muhabbat»). Asl qoʻlyozmadagi soʻnggi turkum — asalarilar haqidagi sheʼrlar — «spring» («bahor») soʻzi bilan tugaydi. Ya’ni shoira kitobni muhabbatdan bahorgacha boʻlgan yoʻl sifatida oʻylagan; qoʻlyozmada «love» soʻzi 25 martadan koʻp uchraydi.
Xyuz esa tartibni oʻzgartirdi: baʼzi sheʼrlarni olib tashlab, Platning hayotining soʻnggi haftalarida yozgan sheʼrlaridan eng yaxshilarini qoʻshdi. Olib tashlanganlar orasida «The Courage of Shutting Up» («Jim turish jasorati») bor edi. «The Conversation» muallifining fikricha, ayrim olib tashlashlar oqilona boʻlgan, ammo Xyuzning eng katta xatosi Plat ijodidagi siyosiy va feministik qirralarni xiralashtirib qoʻyishi boʻldi.
Natijada «oʻlimga oshufta sheʼriyat oliy kohinasi» degan afsona shakllandi.
Asl tartib faqat 2004-yilda, birinchi nashrdan 39 yil oʻtib, «Ariel: The Restored Edition» («Ariel: tiklangan nashr») nomi bilan nashr etildi. Academy of American Poets (poets.org) maʼlumotiga koʻra, bu nashr Platning oʻz tartibini va birinchi nashrda boʻlmagan oʻn ikki sheʼrni qaytardi. Kitobga Plat va Xyuzning qizi — shoira va rassom Frida Xyuz soʻzboshi yozgan.
Tiklangan nashrda norozilik va feminizm haqidagi sheʼrlar — masalan, «The Rabbit Catcher» («Quyon tutuvchi») va «The Detective» («Detektiv») — koʻproq oʻrin egallaydi. Bu esa Plat ijodini faqat tushkunlik prizmasidan oʻqishga qarshi kuchli dalil boʻldi. 1982-yilda Plat vafotidan keyin Pulitser mukofotiga sazovor boʻldi.
@panda_books
❤2
«Kitoblar yoqiladigan joyda oxir-oqibat odamlar ham yoqiladi.»
Genrix Geyne — «Almansor» tragediyasi (1821–1823)
Yosh Geyne bu satrni Granadadagi musulmonlar taqdiri haqidagi pyesasida, Qurʼon nusxalarining olovga tashlanishi munosabati bilan yozgan. Oradan 110 yil oʻtib, 1933-yilda natsistlar Berlinda yoqqan kitoblar orasida Geynening asarlari ham bor edi; bugun bu jumla oʻsha maydondagi yodgorlikda bitilgan.
@panda_books
Dort, wo man Bücher verbrennt, verbrennt man auch am Ende Menschen.
Genrix Geyne — «Almansor» tragediyasi (1821–1823)
Yosh Geyne bu satrni Granadadagi musulmonlar taqdiri haqidagi pyesasida, Qurʼon nusxalarining olovga tashlanishi munosabati bilan yozgan. Oradan 110 yil oʻtib, 1933-yilda natsistlar Berlinda yoqqan kitoblar orasida Geynening asarlari ham bor edi; bugun bu jumla oʻsha maydondagi yodgorlikda bitilgan.
@panda_books