Құрметті арна оқырмандары!

Пікір бөлімінде өзара сыйластық сақтауды сұраймын! Жеке басқа өтпей, тақырып аясында пікір алмасыңыздар. Аргумент таусылған сәтте өзгені былапыт сөзбен сыбап, қарғап-сілей кету нағыз ақымақ, көргенсіз адамның әрекеті екенін есте сақтаңыз!

Ондаған адамды бұғаттап тастасам да, қайта-қайта жаңа парақшалармен кіріп, сол әрекетті жалғастыруда. Адамның әр сөзі – оның үйінде алған тәрбиесін, мәдениетін көрсетеді. Соны ұмытпаңыз!

Bloomberg: АҚШ, Украина, Ресей арасындағы үшжақты келіссөз 4-5 наурызда өтпек. Кездесу орны не АҚШ-та, не Женевада болады.

БАҚ: Украинаның OSINT зерттеушілері интерактивті карта жасап, оған ресейлік қару-жарақ өндіретін 6088 кешенді енгізген. Сонымен бірге бұл кешендерде жұмыс істейтін 1,2 млн адамды анықтаған. Олардың телефондарын, паспорт нөмірлерін, электронды адресін білген. 16 санаттан тұратын арнайы ақпараттар базасын жасаған. 6088 кешеннің 2290-на санкция салынған, қалғаны санкцияға ілінбеген. Енді қалған кешендерді санкцияға іліктіру үшін белсенділер, Украина билігі әрекет етпек.

Орбан Зеленскийге хат жазыпты. Ол өз хатының бір бөлігін парақшасында да жариялады.

Қысқаша айтқанда: «Украина билігі Венгрияның бұл соғысқа қатысты позициясын қабылдамай келеді. Мақсаттарың бізді осы соғысқа тарту, қатыстыру еді. Сіздер Брюссельдің және Венгрия оппозициясының қолдауына ие болдыңдар. Енді Венгрияда билікті ауыстырып, украинашыл билік қоймақсыңдар. Соңғы күндері Венгрия үшін аса маңызды саналатын «Дружба» құбырын бұғаттап тастадыңдар. Бұл мажар отбасылары үшін ең маңызды жобаның бірі саналады. Сол үшін де мен сіздің антимажарлық саясатыңызды өзгертуді сұраймын! Біз, мажар халқы, Украинадағы жағдайға еш жауапты емеспіз. Біздің украин халқына жанымыз ашиды, алайда соғысқа қатысқымыз келмейді. Біз соғысты қаржыландырғымыз келмейді, сонымен бірге энергия үшін де тым қымбат қаржы төлеуді қаламаймыз. Мен сізден шұғыл арада «Дружба» құбырын іске қосуды және енді Венгрияның энергия көздеріне шабуыл жасамауды сұраймын», - дейді.

Financial Times: Иран АҚШ-тың әскери операциясын болдырмау үшін, Трампқа бизнес ұсыныс жасамақ. Ядролық келісімнен бөлек, Иран билігі Трампқа газ және мұнай қорын, сирек кездесетін минералдар кешенін ұсынбақ. Сонымен бірге, АҚШ компанияларын жарылқау үшін, АҚШ-тан азаматтық мақсаттағы ұшақтарды да сатып алатынын айтпақ. Бұл ұсыныстар бұған дейін де келіссөз барысында, жабық форматта айтылған. Алайда енді Тегеран ұсыныс ауқымын кеңейтуге мүдделі.

Fars: Женевада Иран мен АҚШ арасындағы үшінші келіссөз басталды. Иран делегациясын СІМ басшысы Аббас Аракчи бастап келген. Ал АҚШ тарапынан Уиткофф пен Кушнер қатысуда.

Старлинк сөнді. Майдан даласында жағдай қалай өзгерді? Ресей әскері қандай амал қолдануда?

Украинаның Mustang лақап атымен танымал барлаушысы былай дейді: «Біз артиллериялық және минометтік соққының азайғанын байқадық. Дрондармен шабуыл жасау да еселеп азайды, ал соққылары барлаудың қиындауынан ауытқып жатты», - дейді.

Толығырақ⬇️

https://mezgil.kz/e/action/ShowInfo.php?classid=1&id=7752

Әдетте экономикалық, әскери келісімдер көп жағдайда бізде жариялана бермейді. «Ол келісімде не жазылды» деп қоғам кейін үкіметтен талап етіп жатқанын желіде талай көрдік. Мысалы біздегі көптеген экономикалық келісімдер 90-шы жылдары жасалды. Инвесторлардың бірі мұнай саласына, бірі газ саласына, енді бірі тау-кен саласына келді. Одан кейін де түрлі инвестор келіп, келісім жасалды. Ол келісімдердің мерзімі 10-15 жыл, ал кейде тіпті 20-25 жылға созылады. Бірақ сол келісімдердің көбінің мәтіні ашық жарияланған емес. Тараптар қандай шарттар бойынша келісім жасасқаны ашық айтылмай келеді. Бұл қоғамның билікке деген сенімсіздігін арттыратын жайттың бірі.

Келісім мәтіндері ашық жариялануы тиіс. Әсіресе ол экономикалық салаға қатысты болса. Кім қандай пайда табады, қанша үлес алады, инвестор не істейді, не істемейді, бәрі ашық айтылып, көрінгені абзал. Сонда қоғам тарапынан артық сұрақ та, күмән де болмайды. Бұл сайып келгенде сенім капиталына қатысты сұрақ қой.

Қазір бәрі конституцияның жаңа жобасын талқылап жатыр. Сол жобада «Барлық заңдар мен Қазақстан Республикасы ратификациялаған халықаралық шарттар жарияланады» деген тармақ бар. Бұл дұрыс. Егер бұл жоба қолдау тапса, онда осыдан кейін ратификацияланатын келісімдер жарияланатын болады.

Қазір бізде мұнай-газ саласындағы көптеген келісімнің мерзімі аяқталайын деп тұр. Олар осыдан ондаған жылдар бұрын жасалған келісімдер еді. Енді жаңа келісімдер жасалынуы тиіс. Ал ол келісімдердің мәтіні халыққа ашық көрсетілуі шарт. Өйткені басты заң (қолдау тапса) соны міндеттейді. Бұлғақ тартып, келісімді министрліктер жариялаудан қашқақтай алмайтын болады. Әдетте халықаралық шарттарға экономикалық келісімдер де кіргізіледі. оның ішінде: Сауда туралы келісімдер, инвестицияларды қорғау туралы келісімдер, кедендік одақтар туралы шарттар, еркін сауда аймақтары туралы келісімдер, қосарланған салық салуды болдырмау туралы келісімдер және басқа.

Әскери-техникалық саладағы келісімдер (қандай қару алды, қандай өндіріс ашпақ, көлемі қандай) дегендер құпия қалатын болар. Әскери сала құпиялылықты қажет етеді. Бірақ басқа халықаралық келісімдер, экономика, саяси, мәдени, медициналық, ядролық қауіпсіздік және басқа ашық көрсетілуі шарт.

АҚШ-та F-35 ұшағын тізгіндеген бұрынғы ұшқыштың Қытайдың ұшқыштарын оқытқаны айтылуда. Ол МемДептің рұқсатынсыз қытайлық ұшқыштарды үйреткен. Есімі Джеральд Эдди Браун. Ол 2023-2026 жылдары Қытайдың ұшқыштарын оқытып, дайындағаны анықталды. Бүгін осы іске қатысты алғашқы сот отырысы өтпек. Бұл ақпаратты АҚШ медиасы қызу талқылауда. Ұшқыш "сатқындық" деген айыппен, ұзақ жылға сотталуы мүмкін.

Украин және Батыс арналары роботты ату жүйесінің Донбасста екі ресейлік сарбазға оқ жаудырған видеосын жариялауда.

Польша астанасы Варшавада билік соғысқа дайындалуда. Қала билігі соғыс жағдайында метроны қауіпсіз орын етпек. Қаланың мэрі Рафал Тшасковский метродағы азық-түлік, дәрі-дәрмек қоймаларын көрсетті. Podziemna Tarcza (Жерасты қалқаны) жобасы іске асуда. Метрода кемі 100 мың адам зымыран, бомба және дрон соққысынан қорғана алады дейді мамандар.