TADBIRKORLAR MUAMMOLARI JOYIDA O'RGANILDI

🇺🇿Pastdarg‘om tumanida iqtisodiy faollikni oshirish, aholi bandligini ta’minlash va tadbirkorlarning muammolarini joyida hal etishga qaratilgan amaliy sa’y-harakatlar izchil davom etmoqda.

👨‍💼​Tuman hokimi J.Pardayev IIB boshlig‘i va tegishli mutasaddi tashkilotlar mas’ullari hamrohligida tumanda amalga oshirilayotgan yangi tadbirkorlik loyihalari ijrosi bilan yaqindan tanishdi.

📍​​O‘rganishlarning dastlabki manzili tumanning Mehnat mahallasi bo‘ldi.

🆙Bu yerda tadbirkor Xudayqulov Nurbek tomonidan amalga oshirilayotgan "Yengil konstruksiyali ko‘chma inshootlar ishlab chiqarish" loyihasi ko‘zdan kechirildi.

✅​Loyihaga ko‘ra, tadbirkor tomonidan aholi va xizmat ko‘rsatish sohasi uchun zarur bo‘lgan zamonaviy mahsulotlar tayyorlanishi rejalashtirilgan bo'lib, bunda ​10 ta ko‘chma hammom, ​5 ta ko‘chma uy, ​10 ta ko‘chma do‘kon ishlab chiqariladi.

✅​Muhimi, ushbu tashabbusning hayotga tatbiq etilishi evaziga mahalliy 6 nafar fuqaroning bandligi ta’minlanadi.

✅O‘rganish davomida tadbirkorning faoliyatini yanada kengaytirish, uning imkoniyatlarini oshirish yuzasidan mutasaddi rahbarlarga aniq vazifalar yuklatildi.

🌊​​Shundan so‘ng, tuman rahbari Boltali mahallasida bo'lib, hududdan oqib o‘tuvchi "Darg‘om" kanali bo‘yida amalga oshirilayotgan investitsiyaviy va tadbirkorlik loyihalarining bugungi kundagi holatini ko‘rib chiqdi.

✅​Maydonda viloyat va tuman darajasidagi mas’ul tashkilotlar rahbarlari hamda loyiha tashabbuskorlari ishtirokida muhokama o‘tkazildi.

✅Unda loyihalarni amalga oshirish jarayonida yuzaga kelayotgan muammolar tinglanib, ularni tezkorlik bilan bartaraf etish yuzasidan tegishli ko‘rsatmalar berildi.

YOSHLAR BILAN UCHRASHUV

🇺🇿Pastdarg‘om tumani hokimi J.Pardayev, viloyat Soliq inspeksiyasi rahbari, DXX tuman mas’uli, tuman soliq inspeksiyasi rahbari va tegishli mutasaddilar hamrohligida, «Payshanba - yoshlar kuni» munosabati bilan tuman yoshlari ishtirokida uchrashuv o‘tkazdi.

🏙1-IDUMda tashkil etilgan «Rahbar va yoshlar» ochiq muloqotida uyushmagan yoshlar qatnashib, o‘zlarining muammo hamda takliflarini ilgari surdi.

✅Barcha masalalar tegishli tartibda ro‘yxatga olinib, ijrosini ta’minlash maqsadida mas’ullarga yo‘naltirildi.

✅Bu kabi uchrashuvlar nafaqat yoshlarning muammolarini aniqlash, balki ularning salohiyatini yuzaga chiqarishda ham muhim ahamiyat kasb etadi.