#xuşxabar #xorazm #yangi_bino
📢 ХУШХАБАР: ХОРАЗМ ВАКИЛЛИГИ ЯНГИ БИНОСИ ФОЙДАЛАНИШГА ТОПШИРИЛДИ

✅ Бугун, 27 октябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Хоразм вилоятига сафарлари давомида Урганч шаҳридаги вилоят вакиллигининг янги биноси очилиш маросимида иштирок этдилар.

🌳 Тадбир аввалида “Яшил макон” умуммиллий лойиҳаси доирасида вакилликнинг ер майдонига яхши ниятлар ила манзарали дарахт кўчатлари ўтқазилди. Вакиллик ҳовлисида барпо этилаётган мўъжаз боғнинг гуллаб-яшнашини сўраб хайрли дуолар қилинди.

📖 Очилиш маросими Қуръони карим тиловати ва хайрли дуолар ила бошланди. Тадбирни Хоразм вилояти бош имом-хатиби Хайруллоҳ домла Абдуллаев олиб борди.

🌙 Муфтий ҳазратлари йиғилганларни янги бино билан муборакбод этиб, бугунги кунда муҳтарам Президентимиз бошчилигида диний-маърифий соҳада улкан ислоҳотлар амалга оширилаётганини таъкидладилар. Хусусан, мўмин-мусулмонларга улкан имкониятлар тақдим этилаётгани, ибодат қилиш учун барча шароитлар муҳайё қилинаётгани, ҳудудлардаги вакилликларнинг моддий техник базалари яхшиланаётгани, юртимизда Қуръон курслари кенг фаолият юритаётгани, юзлаб ҳамюртларимиз “Президент ҳожилари” сифатида муборак сафарга юборилгани, Рамазон ва Қурбон ҳайити арафасида камбағал ва эҳтиёжманд оилаларга пул маблағлари тарқатилгани эзгу ишларнинг ёрқин намунаси эканини алоҳида эътироф этдилар.

⏺Шунингдек, Муфтий ҳазратлари Хоразм вилоятида ўтказилаётган иккинчи сайёр семинарнинг мазмун-моҳияти ва аҳамиятига тўхталиб, авваллари вилоят вакилликларининг ўз бинолари бўлмагани, бугун эса ҳудудларда мана шундай муҳташам вакиллик бинолари қад ростлаётганини қайд этдилар. Бундай неъматлар ва юртимиздаги тинчлик-хотиржамлик учун доимо шукроналик келтириш ва дуода бардавом бўлиш кераклигини уқтирдилар.

💬Хоразм вилояти «Нуроний» жамғармаси раиси Рустам Султонов вакиллик аҳлини янги бино билан қутлаб, яратилган бундай шароитлар диний-маърифий соҳадаги эзгу ислоҳотларнинг узвий давоми эканини таъкидлади.

✅Дарҳақиқат, замон талаблари асосида барпо этилган ушбу бинода вилоятдаги барча имом-хатиб ва ноиблар бир жойга жамланиб, ўқув-семинарлари ва маънавий-маърифий тадбирларни юқори савияда ўтказиш имконига эга бўлди. Бинода кичик мажлислар зали, шунингдек, ахборот-медиа фаолияти ва тасвирга олиш учун барча қулайликларга эга махсус хоналар ҳам ташкил этилган.

🚗 Тадбир давомида Муфтий ҳазратлари томонидан Хоразм вилояти вакиллигига янги хизмат автомашинаси топширилиши эълон қилинди.

☪️ Сафар асносида Муфтий ҳазратлари ва меҳмонлар янги бинони кўздан кечириб, вакиллик ходимларининг муносиб фаолият юритиши учун яратилган замонавий шарт-шароитлар билан яқиндан танишиб, амалга оширилган бунёдкорлик ишларидан мамнун бўлдилар.

✅ Ўзбекистон мусулмонлари идораси
Матбуот хизмати

📱ISHONCHLI VA RASMIY MANBA📲 OBUNA BO'LING

▶️ YouTube | 📷Instagram | 🔵 Facebook

Хорезм ўәлаятында шөлкемлестириген комплекс иләж өз жуўмағына жетти
 
Усы жылдың 26,27-октябрь күнлери Хорезм ўәлаятында имам-хатиблер жумысының нәтийжелилигин арттырыўға бағышланған илимий-әмелий көшпели семинардың шөлкемлестирилгени, онда Өзбекстан мусылманлары басқармасы баслығы, муфтий Шайх Нуриддин Холиқназар ҳәзиретлери басшылығында Қарақалпақстан мусылманлары қазыяты қазысы, Ташкент қаласы ҳәм ўәлаятлардың бас имам-хатиблери қатнасқаны ҳаққында алдын хабар берген едик.
Бүгин усы семинардың жуўмақлаўшы басқышы болды. Онда имам-хатиблер өзлерине бириктирилген районлардағы шаңарақ ағзалары менен ушырасыўы, шаңарақтағы татыўлық ҳәм өз-ара ҳүрмет орталығын қайта тиклеў, ажырасыўлардың алдын алыў бойынша өткерген сәўбетлесиўлер, тәлим-тәрбияда итибарсызлыққа жол қоймаў, жасларды зыянлы әдетлер ҳәм ҳәр қыйлы жат идеялар тәсиринен сақлаў, оларды илим-билимге бағдарлаў бойынша өткерген сәўбетлери ҳаққында есабатлар берди.
Семинар соңында диний тараўда ылайық мийнет етип, CIP платформасында жоқары көрсеткишке ерискен бир қатар тараў хызметкерлери Өзбекстан мусылманлары басқармасы тәрепинен естелик саўғалары ҳәм мақтаў жарлықлары менен сыйлықланды. Усылар қатарында Бозатаў районы «Суйин ийшан» жоме мешити имам-хатиби Қутлымурат Изтилеўов та Өзбекстан мусылманлары басқармасы тәрепинен естелик саўғалары ҳәм мақтаў жарлықлары менен сыйлықланды.
 
Қарақалпақстан мусылманлары қазыяты.  
 
___

Хоразм вилоятида ташкил этилган комплекс тадбир ўз якунига етди
 
Жорий йилнинг 26-27 октябрь кунлари Хоразм вилоятида имом-хатиблар фаолияти самарадорлигини оширишга бағишланган илмий-амалий сайёр семинар ташкил этилгани, унда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигида Қорақалпоғистон мусулмонлари қозиёти қозиси, Тошкент шаҳри ва вилоятлар бош имом-хатиблари иштирок этгани ҳақида аввал хабар берган эдик.
Бугун ушбу семинарнинг якуний босқичи бўлди. Унда имом-хатиблар ўзларига бириктирилган туманлардаги оила аъзолари билан учрашуви, оиладаги аҳиллик ва ўзаро ҳурмат муҳитини қайта тиклаш, ажримларнинг олдини олиш бўйича ўтказган суҳбатлари, таълим-тарбияда эътиборсизликка йўл қўймаслик, ёшларни зарарли одатлар ва турли ёт ғоялар таъсиридан асраш, уларни илм-фанга йўналтириш бўйича ўтказган суҳбатлари ҳақида ҳисоботлар берди.
Семинар якунида диний соҳада муносиб меҳнат қилиб, CIP платформасида юқори кўрсаткичга эришган бир қатор соҳа ходимлари Ўзбекистон мусулмонлари идораси томонидан эсдалик совғалари ва фахрий ёрлиқлар билан тақдирланди. Шулар қаторида Бўзатов тумани «Суюн эшон» жоме масжиди имом-хатиби Қутлимурод Изтилевов ҳам Ўзбекистон мусулмонлари идораси томонидан эсдалик совғалари ва фахрий ёрлиқлар билан тақдирланди.
Қорақалпоғистон мусулмонлари қозиёти.

Бизди социаллық тармақларда бақлап барың!

🥺Телеграм| 🤪Facebook| 🛍Instagram| 😍Youtube

🧐 Интернет сайтымыз: paziylet.uz