هو سؤال ممكن يجي ببال أي أحد
حادثة حرق القرآن الكريم
تكررت مرتين ونفس الشخص
رغم هذا ما أنزل الله عز وجل
عذابه عليه كدام الملئ
وخلاه عبرة للكل
ليش ؟

أول شي
أنزل الله أشد العذاب على تلك الأقوام
لسبب واحد ؛ أُقيمت عليهم الحجة وأنطاهم معجزات لا تقبل الإنكار أبد

فلو يأمرهم أن يشربون المي مرة باليوم واجب عليهم يلتزمون بهذا الأمر ( مقصد كلامي مهما كان الأمر هم ملزمين بالتنفيذ لأن أقيمت عليهم الحجة )

ثاني شي
زماننا بعد ماكو معجزات ، لذلك حسابنا أهون من تلك الأمم وهاي رحمة من الله ونفسه رسول الله صل الله عليه وآله بمضمون حديثه طوبى لمن آمن بي ولم يدركني

ثالث شي
المسلمين ما متكاتفين ، دا نركز على الفروقات أكثر من النقاط المشتركة وهذا أكبر غلط دا يستغلوه أعداء الإسلام ، ودا ننكر ذاتنا ، قصدي العدو دا يزرع فكرة ماكو سنة وشيعة ، بدل ما ينشر فكرة تقبل الأختلاف ، بس هناك يزرعون فكرة تقبل الآخر

رابع شي
عدونا دا نجهله ، ودا نستخف بشغل أبليس بالعالم ودوم نعتبره مموجود وكأنما كاعد رجل على رجل وفقط يشاهد ومدا يخطط ولا إله دور بهاي الدنيا ولا عنده أجندات وعونة من الأنس دا ينفذون مخططاته

خامسا اليوم ظهرية أنزلها وهاي أهم نقطة

خامس شغلة وأخير شغلة
المسلمين تكليفهم بهذا الزمن هو الدفاع عن الحق ( مو يكول مالي علاقة ) ، فإلي دا نشوفه من إستهتار وإستفزاز من الغرب وأعداء الأسلام واستخفافهم بينا سببه تقصيرنا

كلمتنا ما موحدة
دا نعادي بعض
دا نسقط بعض
دا نحارب شكو شخص ناجح
دا نحارب الدين ونستهزء بالدين
ودا نقبل باي شخص يجرئ على الدين
وبحجة الفاسدين الي يتسترون بالدين كمنا نخاف من ذكر الدين
وشكو واحد يحجي بالدين يطلعوه دجال كاذب منافق حرامي يستغل الدين وألخ …


مشكلتنا بينا ومنا ، ومدا نصحح إلي دا يصير ودوم نسمح للجهلة من السخرية من الإلتزام وكام المتدين يخاف يبين تدينه ويخاف يكول اني مؤمن واني اخاف الله وملتزم بحدود الله وماسوي شي غلط

بالعكس دا أشوف إلي يسوي غلط يطلع ويتفاخر ومطمئن ومحد يحجي وياه وأصلا بعضهم يحس نفسه بطل ومتميز

وكمنا نشوف مشاهد سخرية بالأفلام والمسلسلات من المتدينين ويحاولوا يطلعوهم حرامية منافقين ويصير ضحك على هاي المشاهد

شفت مئات الأفلام والمسلسلات الأجنبية الفترة الماضية
90‎%‎
من هاي الأفلام والمسلسلات
يحاولون يطلعون إلي عندهم شذوذ جنسي

(( أبطال ووجهاء وقدوة وشخصيات ناجحة ومتمكنة وعندها السلطة وبأماكن مهمة بالدولة وذات تأثير قوي بالرأي عام ))

النتيجة : حققوا أهدافهم وملايين الناس صاروا يدعمون هذول الفئات وينصروهم ويعتبروهم مضطهدين وأنو همه ممسوين شي غلط ودا يلبون فطرتهم

تعالوا للمسلسلات والأفلام العربية ( بعضها )
الشخص المتدين والملتزم ( راح يصورونه )
شخص جاهل مغفل نسونجي رجعي جبان متخلف

دا يستخدمون هذا الشي مادة للسخرية والضحك والتقليل من قيمته

النتيجة : كدامك …

قال الإمام علي ( عليه السلام )
لا تربوا أولادكم كما رباكم آباؤكم، فقد خُلقوا لزمان غير زمانكم

الغرب ومع كل الأسف أفهم وأنجح من عندنا لأن يدرك أهمية الأفلام والمسلسلات والأعلام
الأعلام قوة لا يمكن الإستهانة بها أبدا

الغرب دا يصنع أفلام ومسلسلات ويزرع بيها أفكاره السيئة … جان المفروض منا بدل ما ندعو لمقاطعة الأفلام والمسلسلات ، أن نوفر البديل الصحيح إلي يجذب الشباب ويزرع بيهم الأفكار والعادات الصحيحة

لازم من الدول الإسلامية صناعة أفلام ومسلسلات ذات طابع ديني ، بمختلف الأذواق ( رعب ، رومانسي ، أكشن ، أنيمي ، كارتون ، ألخ … )


الشاب بهذا الوقت يريد أشياء تسليه وتملي فراغه ويستمتع بها ، لازم من الدول الإسلامية تصب إهتمامها بهذا المجال وتصنع جيل صحيح التنشئة

منو بيكم ما أستفاد من قناة ( سبيستون ) بالطفولة ؟

شكد جان إلها الأثر العميق بداخل الطفل ونبل بعض الأفكار إلي جانت تنزرع بوقتها بينا وتعلمنا التصرف الصحيح ؟

إذا أردنا أحتواء الشباب ونزرع بداخلهم الصفات السليمة والأهداف الصحيحة والأخلاق الكريمة والثبات على الدين

لازم نشتغل بنفس سلاح العدو … وممكن يتم ترجمة ودبلجة الأفلام والمسلسلات الإسلامية بلغات العالم علمود توصل أفكارنا ومبادئنا وأخلاقنا ….. هذا الحل الواقعي المنطقي الممكن بهذا الزمن وبهذا الجيل

من نطور أحنا كشعوب ونشتغل على نفسنا ونحاول نغير من واقعنا ، ونوفر البديل لكل شي

شركات إسلامية للموبايلات تنافس شركة أبل
شركات إسلامية للأدوية تنافس شركة فايزر والشركات الغربية
شركات إسلامية للسيارات تنافس الشركات الغربية

بكل المجالات لازم أحنا نطور نفسنا ونرفع من واقعنا

بعدين يصير إلنا كلمة من نصير دولة عظمى ، وبعد ماتتكرر حالات الإساءة للرسول ولا للإسلام ولا لأي دولة عربية أو إسلامية لأن ينحسب إلنا ألف حساب قبل ما تتصرف أي دولة غربية بسوء تجاهنا

أختم بحديث للإمام علي ( عليه السلام )
وتحسب أنك جرم صغير وفيك أنطوى العالم الأكبر

لحد يستهين بنفسه ويقلل من قيمته
ماكو فرق بين عقولنا وعقول الغرب
خل نستثمر وقتنا ونفسنا بالشي الصح
والله ثم والله ثم والله لو نتوقف عن جلد أنفسنا ونبطل تفكير أنو مانكدر راح تتغير حياتنا وواقعنا للأحسن

المستقبل بيدنا أحنا الشباب وبهذا الجيل لأن هو إلي راح يرفع المجتمع

مادام غيرك وصل أنت هم راح توصل وتعبر إن شاء الله

بس أأكد على فقرة مهمة ( تقبل الأختلاف )
( يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا ..)

مو لازم الناس تصير شخص واحد حتى نتعايش ، خل نتقبل أختلافنا بالأفكار والآراء وهذا مو غلط بالعكس هذا جوهر الحياة

الحرية بالإختيار هي أجمل شي بهاي الدنيا أن أصير حر طليق بكل إختياراتي

بس غلط نتقبل الأفكار إلي تؤدي إلى هلاك المجتمع ( مثل الأنتحار والمثلية وضمن دائرة السوء )

اني اسف جدا إذا طولت بالحجي وتعبتكم وياي بس كلامي كله لمصلحتنا ❤️

منصة OTC للتكنولوجيا 🌝
احسن من أكاديمية OTC 🫥

New Update For Telegram
حدثوا تطبيق التلي لآخر نسخة
صار أكو Story بالتطبيق
شوفوا هنا وره ما تحدثوا👇🏻
@AymenAlkinani

راح يبلغ عدد المسجلين الفعليين في هذا البوت
( @OTC_Techbot )
قرابة الـ5000 شخص قام بعمل حساب
شكرا لثقتكم بينا وإختياركم منصة OTC ❤️

ساعة 9:00 بالليل اليوم راح أنشر سؤال بالستوري على حسابي بالتليكرام هذا @AymenAlkinani

أول واحد راح يدز الحل الصح راح يحصل كارت فئة 10$ 👀