الحمدلله نجحت بعد عناء طويل وصراع دام خمس سنين
وهسه اكدر اكول
صيدلانية_رسمياً

يوم نجاحكم يارب ❤️

🟩 الأدوية اللي تسبب تثدي عند الذكور (Gynecomastia)


📍 تعريفه || هو نمو غير طبيعي لأنسجة الثدي عند الذكور، وغالباً يكون بسبب خلل بالهرمونات (زيادة الإستروجين أو نقص التستوستيرون).

👩🏻‍⚕️أحيانًا يكون السبب دوائي! يعني أدوية معينة ممكن تأثر على الهرمونات وتسبب هاي الحالة

الادوية هي :
• Spironolactone
• Cimetidine
• Finasteride
• Ketoconazole

✅ الحالة غالباً ترجع لوضعها الطبيعي بعد إيقاف الدواء
✅ انت كصيدلي لازم تنبه المريض إذا كان ياخذ واحد من هاي الأدوية لفترة طويلة

@pharmacy_2021_3

🟩 نصيحة مني لنفسي و لكل خريج جديد 🎓💊

“عدد الصيادلة بالعراق اليوم صار هواي، وكل سنة ينزل للسوق آلاف الخريجين، ولهذا إذا تريد تتميز لازم تشتغل على نفسك من أول يوم تخرجت بي"

🚫 لا تعتمد بس على شهادتك، لأن الشهادة وحدها ما تكفي بهالزمن!
✅ اللي ينجح هو الصيدلي اللي يطوّر نفسه، يتعلم من كل فرصة، ويظل متابع كل جديد بعالم الصيدلة.

🎯 طوّر نفسك بـ:
• متابعة المصادر العلمية
• تعلم اللغة الإنكليزية زين
• أخذ دورات وكورسات بمجالات مختلفة (صيدلة سريرية، سكن كير، تسويق دوائي، GMP…)
• حضور مؤتمرات ومعارض(هذا يكونلك علاقات )
• قراءة مقالات وأبحاث
• تحسين مهارات التواصل ويا المريض

💡 الصيدلة اليوم مو بس بيع دواء، الصيدلة علم، مهارة، إنسانية، ومنافسة!
والمكان ما ينطي نفسه إلا للي فعلاً يستحقه…

📍فإذا تريد اسمك يبرز بلش بالنصائح اللي ذكرتهن لك

إذا عجبكم كثرولي من هذا ❤️

الوصفة شباب

الزميل الطيب الخلوق علي محمد في ذمة الله
خبر صادم بالنسبة الي وحزين جداً طبعاً شكد كان يساعدني وشكد كان شاطر وخلوق ويسوي قنوات يساعد الطلاب
شكد الدنيا صغيرة ياربي 🥺

ادعوله بالرحمة والمغفرة

كيسات نسائية

إذا تجيكم مرية عدها حكة داخلية مع افرازات بيضاء او صفراء بدون ريحة شلون رح تتعاملون مع الكيس ؟

هلاوو حبايب

صارلي قرن مختفية عنكم لا دانشر ولا دالزم تلفوني
طلعت حياة الموظف صعبة 😂

رجعوني طالبة🥲

عموما تعلمت وتطورت هواي بالفترة اللي مرت ورح اعلمكم وياي كلشي تعلمته حتى تصيرون حيتان بالتواجد

اية الحوت 🐋

جانب من حضوري في مؤتمر IPA

الفيتامينات تنقسم إلى قسمين

ذائبة بالدهون (lipid soluble )
+
ذائبـة بالماء (water soluble )

-اللي تذوب بالماء يفضل اخذها صباحا بعد وجبة خالية من الدسم
(يعني مابيها دهون) لكونها لا تذوب بالدهن

🔰اشهر أنواعها فيتامين C و B complex


-اللي تذوب بالدهون يفضل اخذها بعد وجبة دهنية

🔰اشهر أنواعها فيتامين(D-A-E-K)

—————————
المغنيسيوم (Mg) يفضل اخذه بالليل لأنه ينظم النوم

ال Omega3 يفضل اخذه بعد وجبة دهنية لكونه ذائب بالدهون

ال IRON يفضل على معدة فارغة وإذا صار تهيج ف يفضل بعد الأكل والابتعاد عن الحليب والشاي بفترة اخذه

اللي عنده مداخلة يتفضل يكتبها بالتعليقات 🩷

فقرة انت كصيدلاني🩵

أكو هواي أنواع من المغنيسيوم، وكل نوع إله استخدام مختلف حسب الهدف
هاي أشهر الأنواع وفائدتها:

1️⃣ Magnesium Citrate
• امتصاصه جيد
• مفيد للإمساك (ملين خفيف)


2️⃣ Magnesium Oxide
• امتصاصه أقل
• يُستخدم غالبًا للإمساك أو حرقة المعدة

3️⃣ Magnesium Glycinate
• امتصاصه ممتاز
• مناسب للقلق، الأرق، وتشنج العضلات
✔️ يعتبر من أفضل الأنواع إذا الهدف تهدئة الأعصاب وتحسين النوم

4️⃣ Magnesium Malate
• مفيد للتعب وآلام العضلات
• يعني يشتغل كمقوي

5️⃣ Magnesium L-Threonate
• يوصل للدماغ بصورة أفضل
• يُقال يساعد بالتركيز والذاكرة

6️⃣ Magnesium Sulfate
• معروف باسم ملح إبسوم
• يُستخدم بالنقع أو أحيانًا طبيًا بالحقن (يعني الواحد ينكع رجلينه بي حتى يخفف من التعب ويساعد عالاسترخاء)

7️⃣ Magnesium Taurate
• مفيد لصحة القلب وتنظيم الضغط

الوصفة اقروها حبايب

شلونهم الصيادلة
يابه صارلي قرن مختفية تذكروني نسيتوني 😂

انشغلت بالعمل لفترة طويلة وهملت كل شي لكن ان شاء الله راجعة بقوة وبمعلومات تفيدكم بالتواجد بشكل عام وبشكل خاص كعلمية

تحياتي ❤️

دائماً شركة Vitabiotics ترهبني بمنتجاتها

عندكم هذا المنتج اسمه Perfectil رهيب رهيب للشعر

اني شعري كان يتساقط وما يطول ابد ولونه باهت رغم جربت انواع الشامبوات والزيوت وما فاد لكن من استخدمت Perfectil من اول شريط بين الفرق

اولاً شي صار طويل يعني كأنه نشّط البصيلة مال شعر

ثانياً صار لونه زاهي ويلمع وانعم

ثالثاً بلشت الفراغات تنملي وبلش يطلعلي baby hair

طبعا هو مفيد للبشرة وللأظافر

نصيحة / قبل لا تبدون بالمنتج لازم تسوون تحاليل (D3+ferritin) إذا كان اكو نقص لازم تعالجون النقص عن طريق الفيتامينات يلا تبدون بالبيرفكتال

🌿شغلة مهمة المصادر تكول انه تستمرون عليه ٣ اشهر يلا تحصلون نتيجة مثالية واني من اول شريطين حصلت نتيجة رائعة

💵 هسه نجي على تكلفته طبعا الباكيت ٣٠ حبة مقسوم بشريطين يعني كل شريط بي ١٥ حباية يكفيكم شهر ويتراوح سعر الشريط الواحد من ١٢-١٣ الف بالصيدليات وإذا الصيدلية كوستجية يبيعونه ممكن ب ١١

🌿حاولوا تأخذونه بعد الغداء واهم شي ما شاربين شاي لان الشاي يضعف امتصاص الفيتامينات


وهاهيه سلامتكم واتمنى تكونون استفاديتوا من المنشور ❤️

منو مثلي عنده متلازمة ترتيب الادوية ؟

بصراحة ماكدر اشوف شي مخربط او دواء ما ضاهر اسمه للأمام

قد يكون هذا وهواس لو رتابه زيادة عن اللزوم؟