انا لما بدأت اكتب بوستات علمية كنت بقول دايما لنفسي مش مهم كم المعلومات اللي عندك .. المهم انك لو قررت تفيد حد بالمعلومات دي هتوصلها له ازاي؟

ما لو عملت زي دكاترة الكلية عندهم علم كبير جدا بس يا اما مش عارفين يوصلوه يا اما بيتعاملوا معانا من فوق ان دي حاجة سهلة وفاهمينها ف مش محتاجة ابسطها

وبقول دايما في مل شاء الله عدد لا بأس به بيقول معلومات طبية سواء مكتوبة او فيديوهات .. ف انت هتقدم ايه مختلف عنهم

ف ده اللي بيخليني عقبال ما اكتب بوست او اعمل فيديو مؤخرا اخد وقت طويل فيه ... تجميع معلومات وابحاث .. بعد كده درافتات .. بعد كده طيب انت ازاي هتترجم ده لحاجة مرسومة ع بورد وتشرح عليها بشكل مختصر بس من غير ما توقع معلومات

الصورة دي اختصارا للالتهاب اللثة لمثلا ١٠ صفحات معلومات .. و٣ صفحات درافتات .. كل ده علشان اقول ليه الالفينترن مينفعش يتاخد هنا 🤦‍♂️😅 ... فكرة اني ازاي المعلومات اتشكلت ف دماغي وبقت مبسطة ازاي انقل لكم الصورة بنفس التبسيط ده

كده فاضل بس الكلام ده وشوية حاجات تاني يتحط ع البورد وبإذن الله هصور الفيديو

المعلومات ✅️
الدرافتات ✅️
الرسومات ع البورد ✅️
الفيديو ..⏳️⏳️

بص شركة فايزر دي مرزقة ... تعمل الفياجرا علشان ضغط الشريان الرئوي يطلع له استخدام انه مفيد للانتصاب ويبيع ملايين اضعاف اللي كان هيبيعه لو اقتصر ع استخدامه للشريان الرئوي بس

تعمل xalatan علشان تعالج ال Glucoma يطلع له استخدام انه بيطول الرموش يخليه يبيع اضعاف اضعاف اللي بيبيعه ف العادي ...
وبما اني مش هاخد فلوس من الدعاية للقطرة ف خليني افيدكم بحبة معلومات ع الاقل 😅

🔸️شركة فايزر طلعت قطرة اسمها xalatan مادتها Latanoprost وهي عبارة عن prostaglandin F2-alfa

استخدامها الاساسي ف علاج ال open angle Glucoma واتكلمت تفصيلا عنها ف بوست ... بس ف التسعينات وجدوا ارتباط غريب بين القطرة وبين تطويل الرموش .. السيدات خاصة "لانهم هما اللي بيدققوا" وجدوا ان ف اختلاف ف طول الرموش ما بين العين اللي بيحطوا فيها القطرة وبين العين التانية ... الموضوع عجبهم وقالوا ومالوا ما تجيلنا جلوكوما ف العين التانية علشان نحطلها قطرة ورموشنا تطول "بهزر"

🔹️العلماء عملوا ابحاثهم وعملوا clinical trials عن طريق مراقبة شريحة من المرضى اللي بيتوصف لهم xalatan ووجدوا فعلا التأثير ده بس مكنوش فاهمين ازاي وليه حصل وفضل الموضوع مبهم لسنين طويلة لحد ما جيت انا ولقيت السبب وكتبته ف البوست ده "بهزر تاني"

🔸️قبل ما اقول هو ليه خلينا نقول ايه بالظبط اللي بيحصل
القطرة حقيقة مش بتزود طول الرموش اللي طالعة اصلا بس! لا دي كمان بتعمل صفوف رموش جديدة حوالين الجفن بكثافة وطول اكبر من الطبيعي! وده اللي خلاها فيها بعد off label use مهم جدا ف علاقة ال ocular problems associated with Alopecia Arteata "نوع من انواع الثعلبة"

🔹️نيجي للسؤال الاهم "تيجي كيف يعني دي؟"
عندنا ف نمو اي شعراية ف جسم حضرتك ٤ مراحل
1️⃣Anagen
ودي المرحلة المسؤولة عن نمو الشعراية ودي اطول فترة ف الاربعة بتاخد من سنتين لخمس سنين وبيول فيها الشعراية لاكبر طول ممكن
2️⃣Catagen
دي مرحلة مش بيحصل فيها حاجة تقريبا علشان بس نختصر بتكون مرحلة انتقالية ما بين ال anagen وال telogen بتستمر من اسبوع لشهر
3️⃣Telogen
هنا الشعراية بتكون اخدت كفايتها من كل حاجة وبيبدأ يطلع تحتها new anagen phase وال follicle يحصل فيها شوية كلام ف النواة علشان نبدأ رحلة جديدة ودي بتقعد تقريبا ٦ شهور
4️⃣Exogen
من اسمها دي المرحلة اللي بيتم فيها طرد او سقوط الشعراية القديمة والدخول ف cycle جديدة

🔸️ال Latanoprost بتعمل ايه بقى؟
اولا بت induce anagen growth ف ال telogen phase يعني باختصار بتنشط نمو الشعراية زيادة ف مرحلة ال telogen اللي هي اصلا المفروض مفيهاش نمو!

↩️مش بس كده لا دي كمان ليها hypertrophic effect on anagen phase بيزود من الانقسامات داخل النواة وليه تأثير مباشر ع ا لgene expression ف بدل ما النمو يكون بمقدار ١ لا بيكون بمقدار ٥ و ١٠ وده شئ مفيد جدا جدا لاحظ الصورة اللي تحت والفرق بين النصين وده ف فترة علاج ٦ شهور بس

وده خلى شركات التجميل تضيف المادة دي بتركيزات بسيطة لل eye lash serum ... طبعا احنا الاثار الجانبية من الجفاف واحمرار العين ده بيتحط ف الحسبان بس حاليا في توجه قوي انه ميبقاش مجرد off label use او استخدام غير موثق ف المراجع وخلاص يتم الاعتراف به

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

Done ✅️
ع ما اظن ده اطول فترة اعداد لفيديو علشان اعرف اوصل فيه نقطة بالشكل ده .. متهيألي اخدت ٣ اسابيع من اول ما قررت

بإذن الله هينزل بكرة ... وبإذن الله هيكون مفيد

#marwan_crash_board

هل الالفينترن ومثايله ينفع مع كل انواع الورم؟
طب هل صحيح اننا نستخدمه ف حالة التهاب وورم اللثة

تقدروا تشوفوا الفيديو كامل ع اليوتيوب ع اللينك ده

https://youtu.be/UsuezcfxEcs

حاولت ع قد ما اقدر اني اتكلم بتعمق ومن كل الجوانب ف النقطة دي لانها بتعمل لبس

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام https://t.me/placebo7393

صديق بيسألني ان ليه بالاخص ال one alpha هو اللي بيتكتب ف حالة المرضى اللي عندهم مشاكل ف الكلى؟ وهنا يقصد بالمشاكل الفشل الكلوي

انا كنت اتكلمت ف فيديو تفصيلا عن ايه الفرق بين انواع فيتامين د

اللي يهمنا ان ال cholecalciferol بيمر بخطوتين تحفيز

خطوة ف الكبد بيضيف OH ع الكربونة ٢٥
خطوة ف الكلى بيضيف OH ع الكربونة ١

ف لو الكلى بعافية شوية خاصة CKD stage 4 &5 ساعتها مش هتعرف تضيف ال OH يبقى مش هيكون Active ف مستواه يقل

مين اللي يحس؟ ال parathyroid gland ف يعلى ال PTH ف يزود مشاكل الكالسيوم والفوسفور ويحصل Hyperparathyroidism

ف شركة مينا فارم قالت هو ايه المشكلة؟ الكلى مش هتعرف تضيف الOH ع الكربونة رقم ١ ... بسيطة هضيفه انا ... ف لو بصيت هتلاقي المادة الفعالة 1alpha hydroxy cholecalciferol

وبكده هيكون محتاج خطوة واحدة بس بتاعت الكبد

هتسألني سؤال ذكي .. هتقول طب ما انت قلت ف الفيديو ان ممكن ياخد calcitriol اللي هو active جاهز

هقولك فعلا وبيستخدم بس ف حالات معينة خاصة حالات الكلى ... علشان ناحفظ ع مستوى الكالسيور والفوسفور predictable ال alpha cholecalciferol بيكون افضل من ال cholecalcitriol

علشان كده دكاترة الكلى بتفضله

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

السلام عليكم ورحمة الله وبركاته
بإذن الله يوم مفتوح نتناقش فيه ف الحالات
ولو حد عنده اي استفسار بخصوص اي مرض/دواء/حالة ... بس بشرط سؤال مركب
هحاول ع قد ما اقدى افضي نفسي وبالمرة لو حد حابب حاجة معينة اتكلم عنها ف بوست/فيديو

حقن الديكسا مع الديكلوفين .. هل هو علاج سحري ولا وصفة بلا دليل

انا حابب بس اسأل ف البداية .. وجه الاعتراض ع اعطاء الديكلوفين مع الديكسا ايه؟

-هل هو بسبب وجود الكورتيزون ف دي المشكلة؟
-هل بسبب الجمع بين الديكلوفين والديكسا؟
-ولا بسبب "الخلط" ما بينهم ف سرنجة واحدة؟

علشان حقيقي لاحظت كم معلومات مغلوطة ف نوضح كام نقطة

1️⃣الخلط ما بين الادوية ف سرنجة واحدة
↩️انا مش هتكلم ف النقطة دي من الاساس ... يا جماعة مينفعش نخلط اي نوعين ادوية ف سرنجة واحدة ... الا اللهم ان كانت الشركة هي اللي حاطة المادتين مع بعض زي سبازموفين كده

لكن غير كده محدش يقولي ينفع ... والحكم الصوري ان طالما السرنجة معكرتش ولا رسبوا بعض يبقى عادي .. مفيش الكلام ده لانك مش بتحكم ع مادتين مجردتين ف نقول واحدة رسبت التانية ولا لا

كل امبول في مادة فعالة ومواد مضافة .. ف لو افترضنا ان كل امبول ف ١٠ مواد ف تباديل وتوافيق شوف عندك كام احتمال لان حاجة منهم تبوظ التانية وبالتالي الدوا كله يبوظ فضلا عن انه يكون سم

ومحدش يقولي ما احنا بنديها وبنخلط ومش بيحصل حاجة عادي .. لان احنا مش ف حقل تجارب

2️⃣الجمع بين الديكلوفين والديكسا
↩️ف اقتناع ف الوسط الطبي غريب عجيب مترسخ ان مفيش فايدة من اننا ناخد ديكسا والديكلوفين مع بعض

لان الديكسا بتقفل ال PLA2 ف يمنع تحويل ال Arachidonic acid ف يقفل ال pathway من اوله

فلما تاخد مع الديكلوفين ف ده NSAIDs ف يقفل ال COX ف خلاص احنا كده كده مش هيفرق لاننا قفلنا من فوق ... هل ده صحيح؟

لا لاسباب كتير جدا ابسطها ان الديكسا مش هيقفل كل ال PLA2 ف برضو في جزء هيتحول لل A.A ومنها طريقين ال COX, LOX

وغير كده ان ال COX اصلا في Pathways معقدة بيطلع منها

والسبب الاهم ان الديكسا شغال ع ال inflammation بشكل اساسي لكن ال pain ف ده شغل ال NSAIDS ف كده هنكون جمعنا بين الاتنين

وسبب تاني مهم ان الديكسا بياخد وفت طويل علشان يشتغل لكن الديكلوفين هيشتغل بسرعة ف كده هيشتغل ع ال short term وال long term ... ف الجمع مع بعض بيدي Augmented anti-inflammatory & analgesic effects

3️⃣المشكلة ف الديكسا نفسها؟
↩️ف اه الديكسا مشاكلها كتير جدا بس ف وجود comorbidities زي مريض ضغط او طبعا سكر لانه بيرفع السكر ف الدم لمستويات مش متوقعة ...

طب ف الشخص الطبيعي مش هيحصله مشاكل من حقنة ٢ مل
ولا هيبقى مريض ضغط ولا سكر ولا المناعة هتقع وتروح النار

هو ممكن يرفع مستوى السكر Transient ممكن
20-40 mg/dl وده ال peak وبيقل بعدها عادي

لكن طبعا التكرار هو اللي هيبقى غلط والتكرار هنا اقصد يوميا مش مرة كل شهر

ف الخلاصة
⛔️مفيش حاجة اسمها اخلط حقنتين مع بعض الا لو في حاجة مثبتة علميا بتقولك اخلط ده مع ده عادي ف نفس السرنجة

✅️يمكن اعطاء الديكسا مع اي نوع NSAIDS عادي ف الحالات اللي بتستدعي ده

✨️الامبول الواحد من الديكسا مش هيسبب اي مشاكل الا لمريض ضغط/سكر/مناعة ... الخ

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

الصورة ده صاحبها بيقول ان المريض كان متعلق له دم بسبب ان الهيموجلوبين 4 ... انا رديت ف البوست بس حابب اقول كلمتين باستفاضة

انت ك دكتور ميخوفكش شكل الدراع ده لازم تفكر شوية ف الاتي
- هل ده الدراع اللي اتركبت فيه الكانيولا
-اخد كام كيس دم وبمعدل قد ايه
-ظهر الشكل ده بعد قد ايه من انتهاء اخر كيس

كل دي اسئلة بتبين انك دكتور شاطر وبتاخد وقتك ف التفكير ولكن

السؤال الأهم اللي بسبب خوفك من المنظر ده نسيته ... هو ليه الهيموجلوبين ٤؟

هل حصل نزيف؟
↩️طب لو حصل هل حصل بسبب ايه؟ هل عندها مشكلة ف عوامل التجلط؟
↩️↩️طب هل ده بسبب ادوية سيولة مثلا ولا بسبب مشكلة ف الكبد

طب لو مش نزيف يبقى لازم نتفحص صورة الدم بشكل دقيق لان طالما مفيش مشكلة ف الفقد ف اكيد ف مشكلة ف التصنيع .. تتوقع تلاقي ايه فيها؟
↩️هتلاقي ال Hgb، RBCs, Hematocrit قليلين وال reticulocytes عالي ولو عملت LDH هيبقى عالي برضو وده يوديك لل hemolytic anaemia

↩️ولا لقيت كل ال CBC components مضروبة يبقى دخلت ف pancytopenia وف مشكلة ف ال bone marrow

عرفت تجاوب ع الاسئلة دي بسهولة هتعرف تطمن المريض وتقوله النزيف اللي تحت الجلد ده عادي وهيروح بكمادات ومرهم ولا محتاجين ناخد اجراء لان الموضوع مش طبيعي ولازم متابعة

هفضل اقول المشكلة كلها مش ف شكوى المريض .. لا المشكلة كلها ف طريقة تفكيرك ف شكواه وازاي يكون عندك clinical sense توصل بيه لمعلومة ومن المعلومة توصل لتشخيص صح

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

سحب السيلجون من الاسواق "اللبوس والنقط"

لقيت خبر امبارح ان هيئة الدواء منعت تداول مادة ال pipazethate تحت اسم السيلجون في الاسواق وده مقتصر ع اللبوس والنقط لمشاكل محتملة للاطفال ... الحمد لله كان في منشور من ال FDA ف ٢٠٢٤ بيتكلم ف النقطة دي بس عقبال ما وصلنا ف البريد

مظنش بيت مصري كان بيخلى من السيلجون اللبوس خاصة للاطفال
وهو الصراحة كان فعال ف الكحة الناشفة ... من ضمن ميزاته انه Non narcotic - Non opoid antitussive

ف مش هيعمل مشاكل الديكستروميثورفان ولا الكودايين ... وف نفس الوقت بيعدي ال BBB ف بيشتغل Centrally ع cough center ف يهدي الكحة بشكل كبير
بس ال moa ايه؟ الله اعلم

اعراضه الجانبية كانت خفيفة مش بيعمل مشاكل الادوية ال central antitussives ... بس شوية دوخة وزغللة وريق ناشف

المفروض المحاذير انه لا يتم استخدامه تحت السنتين وانه اتسحب من السوق الامريكي من سنة ٧٢ ... بس الناس دول محسوكيين سحبوه بس علشان الشركة الام مقدمتش ادلة كافية لمدى كفاءته مدعومة بارقام ... ولا قدمت تقارير لضمان عدم وجود اعراض جانبية شديدة خاصة ان المركب نفسه بنقول عليه
Phenothiazine like cpds

ودي مواد anti-psychotic

المهم ان ال FDA اصدرت قرار بسحبه ليه؟
علشان بسبب كونه شبه العيلة دي ف احتمال كبير يعمل تشنجات Seizures وفعلا ف حالات حصلت

المهم ان الموضوع مقتصر عن اللبوس علشان الامهات بتعطيه للاطفال من اول يوم وحتى ارحم التوصيات بتقول مينفعش اقل من ٦ شهور

والنقط الفموية علشان مفيش معيار ثابت للجرعة انت بتعد نقط ف مفيش جرعة دوائية ثابتة

بالنسبة للاقراص ف الموضوع اقتصر ع اضافة محاذير ف النشرة الداخلية

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393