السلام عليكم
لظروف شخصية مكنش متاح الفترة الحالية اني اقدر افكر ف محتوى للفيديو اللي جاي
ف كنت طالب مساعدتكم لان للاسف دماغي واقفة عن التفكير لفترة ومش حابب انقطع عن الفيديوهات فترة طويلة

ف كنت حابب اسمع مقترحات .. لفيديو قصير .. حاجة غير مكررة او دكاترة اتكلمت عنها قبل كده وف نفس الوقت مش rare

شكرا مقدما

جاتلي روشتة مكتوب فيها دوستينكس واقراص فيروجلوبين
ف اللي خطر ف بالي ان دي روشتة نسا لواحدة بترضع عاوز توقف رضاعة وواخدة حديد عادي ف روشتات النسا

ف العميل بيسألني ع الدوا بتاع ايه واستخدامه ازاي .. لسه بقوله ده علشان تثبيط الرضاعة بصيت ع الروشتة لقيتها تخصص مخ واعصاب

↩️ابص ع اسم المريض الاقيه راجل ... ف خطر ف بالي انها حالة hyperprolactinemia .. بس بصيت ع الجرعة لقيتها 0.5mg مرتين ف الاسبوع ونزود الجرعة كل اسبوع لحد ما توصل 2mg

↩️ف قلت يبقى اكيد prolactinoma وانا حقيقي مكنتش فاكر الجرعة بتاعتها .. ف سألت المريض انت بتشتكي من ايه؟

قالي ان رجله بتوجعه جدا بيحس بتنميل وحرقان فيها طول ما هو قاعد او نايم ف لازم يحركها او يهزها ف مكانها وساعات كتير بتصحيه من النوم وكشفت قبل كده واتكتبلي ع دوا علبته خضرا كده ريحني فترة بعد كده الوجع زاد ف كتب لي ع العلاج ده

قعدت دقيقتين افتكر الاعراض دي شوفتها فين لحد ما افتكرت

🔹️Resting Leg Syndrome (RLS)
او الاسم العلمي ليها Willis-Ekbom Disease
دي متلازمة بتحصل بسبب مشكلة ف ال Dopamine ووصفها زي شرح المريض بالظبط ... وجع شديد ف القدم مع الراحة او النوم بت relieve مع الحركة وبتزيد جدا اثناء النوم ... بسبب الراحة وبسبب مهم جدا ان مستوى الدوبامين بيقل جدا ف الليل ف بتزيد الاعراض

🔸️طب ليه بتحصل المشكلة اصلا؟
↩️الحقيقة السبب الاساسي مش معروف يس هو مرتبط بشكل اصيل بمستوى الدوبامين ... بيحصل مشكلة ف تصنيع وانتاج الدوبامين خاصة ف منطقة ال
Striatal & spinal .... esp. (Substanta Nigra)

🔹️العلاج بيكون عبارة عن DA agonist وال 1st. Line فعلا ف العلاج هو ال pramipexole زي ال ramixole اللي علبتها لونها اخضر ... بس ليها مشكلة انها بتعمل مع الوقت عرض اسمه augmentation
ف الكفاءة بتقل والاعراض بتاعت المتلازمة بتزيد ف كان لازم الدكتور يشفت ع دوا تاني

وهو ال Cabergoline اللي موجود ف ال dostinex وعلشان المعلومة تكون كاملة ف هو off-label use لانه NOT APPROVED by FDA بس كفاءته عالية جدا

🔸️طب ليه الجرعة بالشكل ده
↩️قالك ان ال t1/2 بتاعت ال cabergoline طويلة حوالي 70hrs يعني تقريبا ٣ ايام ف علشان كده بيتاخد مرتين ف الاسبوع

بنبدأ بجرعة نص يومين ف الاسبوع ونرفعها ل 2mg مرتين ودي ال usual maintenance dose ولو ان الابحاث بتقول لحد 7mg بس بسبب الخوف من العرض الاشهر ليه ف الجرعات العالية وهو ال valvulopathy ف لا تحبذ وعلشان كده لحد دلوقتي ف هو off label

🔹️طب عرفنا دور ال Dostinex ... امال هو كاتب الحديد ليه؟
↩️حقيقي هو صح جدا ف انه يكتب حديد ف حالة انه طلب Sr. Ferritin ولقى مستواه تحت ال 75 حتى لو الشخص معندوش انيميا لان

Low iron levels in sub. Nigra --> impaired DA synthesis
ف هو ليه دور اساسي ف تصنيع الدوبامين ...

⛔️زي ما قلت مينفعش نبدأ بال Cabergoline لانه مش 1st line ... لازم نبدا بال pramipexole

بس كده ... لا تنسوا والدي من صالح دعائكم
تقدروا تشوفوا باقي البوستات ع الهاشتاج ده 👇👇
#marwan_crash_board
وع قناة التيليجرام
https://t.me/placebo7393

بإذن الله الفيديو اللي جاي هيكون عن استخدام عيلة ال SGLT2 inhibitors ف ال heart failure
The ERA of SGLT2 inhibitors

هنتكلم عن ازاي دوا سكر بقينا نستخدمه ف مرضى القلب وليه بقى cornerstone ف علاج فشل القلب

طبعا بشكل مفصل وبسيط ... خاصة ان ناس كتير معندهاش معلومات كافية عن العيلة دي

بإذن الله مطولش بس ف تجميع الداتا وتلخيصات والرسومات ع البورد ... الخ 🤦‍♂️

ده بورد انا عملته تلخيصا لاهم النقاط اللي هنتكلم عنها

#marwan_crash_board

لو حبينا نتكلم عن الادوية اللي بتستخدم في الاسهال ف بشكل اساسي هتلاقي اسمين مشهورين نانازوكسيد/انتينال ... بس هل الاتنين زي بعض؟ ... ولا في اختلافات جوهرية

1️⃣Nanazoxid
لو جينا نتكلم عن نانازوكسيد ومادته الفعالة Nitazoxanide بيكون عبارة عن prodrug بيتحول ل active metabilte اسمه tizoxanide

↩️ده بيشتغل عن طريق انه يعارض ال PFOR او
Pyruvate Ferredoxin OxidoReductase
ده مهم جدا جدا ف ال anaerobic respiration

المهم ال PFOR ده metabolic pathway مش موجود ف الانسان ف بيكون آمان غير انه Broad spectrum

وده طبعا systemic

🔸️طب استخدامه فين؟
↩️parasitic diarrhea
↩️Cryptosporidosis
↩️H.Pylori "adjuvant"

وكمان شغال antiviral في الانفلونزا بس ده off-label وجدوا ف ال trials انه بيقلل من ال duration

🔹️المهم ان الجرعة من سن سنة ف مينفعش قبل سنة ... وف في مراجع بيقولوا ٦ شهور بس دي ع مضض

من سنة ل ٣ سنين --> 100مجم مرتين لمدة ٣ ايام
من ٤ ل ١١ سنة --> 200مجم مرتين لمدة ٣ ايام
فوق ال ١٢ سنة --> 500مجم مرتين لمدة ٣ ايام

✨️ف حالة ال complicated Cryptosporidosis بيستمر ل ١٤ يوم ... لكن العجب اللي بشوفه لمدة اسبوع ولمدة ١٥ يوم حقيقي مش فاهم منين الجرعة دي

2️⃣Antinal
وده مادته Nifuroxazide من عيلة nitrofurantoin

🔸️الميكانيزم بتاعه انه بينتج free radicals بتبوظ ال DNA

🔹️ميزته؟
↩️انه ZERO absorption مش بيمتص نهائي ف بيشتغل locally ف الجهاز الهضمي ف آمن اكتر بالنسبة للاطفال

↩️هو شغال ع acute non invasive bacterial diarrhea ... شغال ع +ve bacteria وخاصة Enterogenic E.coli ف هو شغال ع البكتيريا بس

↩️ليه ميزة انه symptomatic relief ف بيحسس بتحسن

🔹️الجرعة؟
↩️من ٦ شهور ل ٦ سنين --> 100مجم اربع مرات ف اليوم لمدة ٣ ايام
من ٦ سنين ل ١٢ سنة --> بتختلف حسب الوزن بس بنقول متوسط 200مجم ٣ مرات لمدة ٣ ايام
اكتر من ١٢ سنة --> 200مجم اربع مرات ف اليوم لمدة ٣ ايام

🌟الخلاصة: النانازوكسيد اقوى وشغال systemic وبيكون Broad spectrum

الانتينال شغال ع ال bacterial diarrhea بس وبتكون non invasive .. ميزته مش بيمتص من الامعاء ف آمن ع الاطفال وكمان بيسبب تحسن وقتي

وجه الاتفاق ان الكورس ٣ ايام بس الا ف حالات معينة

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

هو ليه يا جماعة البوستات اللي ع الشاكلة دي منتشرة بشكل غريب .. وليه الدكاترة/الصيادلة بقوا بيعرضوا المنتجات بنفس صيغة
تعالوا اما اقولكم عن منتج مش هتقدروا تستغنوا عنه ف بيتكم

انت عارف ان الادوية دي كطبيعة الادوية لو اتاخدت بشكل خاطئ سواء جرعة او مدة هتسبب مشاكل كتير!

🔸️يعني الليربان او كيتوتيفين لما بيتاخد بجرعة كبيرة او مدة طويلة ازيد من اسبوع بيخلي الكحة اسوأ

↩️لانه بيقلل محتوى المياه ف المخاط نفسه ف البداية الدنيا حلوة ومفيش مخاط نازل عمال ع بطال
لكن بعد كده؟ ... بالظبط المخاط نفسه هيكون كثيف ملزق يضايق بطانة الجهاز التنفسي ويخليه يفضل يكح ويعطس والمخاط بيكون لازق ع القصبة الهوائية ويعمل تهيج يزود الكحة اصلا!

🔹️الازماكاست او مادته motelukast ... ده طبعا Leukotrienes receptor antagonist

↩️هيقفل ال LOX Pathway ف يقلل كل اعراض الكحة الناتجة عن التهاب الشعب الهوائية

بس طبعا مش بيتاخد غير لما نوصل لمرحلة نكون فيها محتاجينه .. انت تعرف ان اشعر عرض جانبي ليه انه neuropsychiatric symptoms
بيكون الشخص مضطرب ومش عارف ينام ونومه متقطع ... ده غير الافكار الانتحارية اللي بتجيله

معنى كده انه ممنوع؟ ... لا طبعا بس بالجرعة والمدة المظبوطة بناء ع التوصيات والطبيب المختص

🔸️اخر حاجة البرونكوفاكسوم

↩️ذاكرين ف البوست انه بيتاخد ١٠ ايام اول كل شهر لمدة ٣ شهور جميل الجرعة مظبوطة بس نسيوا تركاية صغيرة

ان المفروض نبدأ فيه من شهر ٩ او ١٠ بالكتير قبل ما موسم ابشتاء يبدا ... لكن انت هتاخده ف ١٢ عقبال ما الجهاز المناعي يتحفز ويكون اجسام هيكون الصيف هل علينا الا لو حابب تاخده لبرد الصيف

عمر ما كان وصف الادوية ولا كتابة الروشتات الجاهزة حل .. الدوا عموما عبارة عن سم داخل جسمك .. بس احنا كدكاترة بنوجه السم ده انه يكون سم للمرض وآمن ليك ... مش سم لحضرتك

وافتكر المقولة الخالدة ... دواء بدون اعراض جانبية لا يمكن اعتباره كدواء ... ف انت لو ماخدتش فايدته المرجوة لازم هتاخد مشاكله

بس كده ... لا تنسوا والدي من صالح دعائكم
تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

🤔امبول لازيكس في جلسات الاستنشاق؟

🔸️زميل بعتلي روشتة لطبيب كاتب فيها لازيكس امبول ويستخدم في جهاز النبيولايزر ك جلسة استنشاق

ف بيسألني ايه دوره هنا ... حقيقي دي كانت اول مرة اشوف عمليا حد واصف اللازيكس ك استنشاق .. كنت قرأت ابحاث عن الموضوع ده وانا بتعمق ف lung diseases بس لكن مشوفتوش ولا ف خلال شغلي ف المستشفى ولا ف الصيدلية

🔹️المهم زميلي مكنش عنده معلومة واضحة عن التاريخ المرضي للمريض بحيث نقول استخدامه هنا بالذات ايه غير انه مريض حساسية صدر .. ف خلينا نعرف عموما ليه ممكن نلاقي امبول للازيكس ف جلسة استنشاق

↩️هو اولا مش بيستخدم ك diuretic.. اطلاقا هو مش بيعدي اصلا لل systemic circulation الا بكمية لا تذكر ... وبعدين الوريد قصر معانا ف حاجة؟

↩️ومش بيستخدم لا ف ال pulmonary oedema بالعكس ده ممنوع ف الحالة دي وبيزود الحالة سوءا
هو بيستخدم ك palliative therapy ف حالات end stage حالات متأخرة ومن الاول اه كل ده كلام ابحاث و trials لشرائح مرضى صغيرة هو ولا labelled ولا حتى off-label لحد الان ع الاقل

🔸️وجدوا ان احنا لما يتاخد ك استنشاق بيعمل الاتي
1️⃣blocking Na/K/Cl2 Cotransporter1
بالظبط هو هو نفس شغله ف الكلى بس ف الكلى كان type 2 مش 1 ... ف هنا ملوش اي Diuresis effect ملوش اي preload reduction

↩️ال receptor موجود ع ال epithelium ف كده هيقلل ال Cl influx to cells
وكمان هيغير من ال composition & osmolarity بتاعت ال Airway surface liquid او ال ASL

↩️نتيجة لده هيقلل Hyperresponsiveness
وهيقلل ال Tendency to Bronchoconstriction

2️⃣Indirect increase in local release of PGE2 from epithelium

↩️احنا عارفين ال PGE2 ده ليه bronchodilation effects وكمان هيقلل ال ACh release وليه شوية anti inflammatory effects

3️⃣Effects on Vagal afferent fibers/C-fibers/Rapidly Adapting receptors RARs

↩️ودول اختصارا مسؤولين عن ال
Dyspnoea sensation
Cough reflex
Tight chest feeling

اللازيكس لما يشتغل عليهم بيقلل ال Excitability بتاعتهم وكمان بيرفع ال Threshold بتاع الاعصاب دي ف بتحتاج اشارة اكبر علشان تستجيب

4️⃣Interrupt brain interpretation of afferent signals
↩️هنا شغله بالظبط زي ال opoids بس ميزته هيكون من غير الاعراض الجانبية المركزية بتاعتهم بس طبعا تأثيره اضعف منهم

✨️الخلاصة:-
الازيكس هنا ملوش دور علاجي هو مش بيشتغل ع ال Breathing mechanics بأي حال ... لا هو بيقلل من معاناة الاشخاص مش اكتر واحساسهم بضيق النفس ف هو مجرد palliative لحالات صعبة جدا زي lung cancer وخلافه

↩️ملوش اي دور ف ال pulmonary oedema.. بيزود حالات ال asthma وال COPD سوءا

↩️مش بديل عن ال M3 blockers وال Beta agonists وال ICS

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board
وع قناة التليجرام
https://t.me/placebo7393

كتير من الدكاترة عندهم معلومة خاطئة عن ان Nasacort بديل Nasonex والاتنين زي بعض

🔹️حابب اقول انها معلومة خاطئة لكن ف نفس الوقت صحيحة نسبيا

↩️هتقولي ازاي ال Nasacort مادتها Triamicolone وال Nasonex مادته Momentasone اكيد مش زي بعض ومينفعش يكونوا بدايل

🔸️عندك حق بس لو بنتكلم عن استخدامهم ك كريمات موضعية ع الجلد لكن تكوين الجلد مختلف وبيحتاج مواصفات معينة علشان يقدر يخترق طبقاته ومواصفات معينة علشان يقدر يفضل موجود ف طبقة الدهون تحت الجلد

↩️لكن استخدامهم ك Intranasal Corticosteroids ف يكاد الاتنين ليهم نفس الفعالية وال potency واختلافات لا تذكر الا ف حاجة واحدة

✨️هو الامتصاص من الاغشية الانفية ويوصل لل Systemic circulation

1️⃣Nasonex (Momentasone)
↩️تقريبا ال systemic circulation اقل من 1%
وعمليا بنقول انها Negligible
طب بفرض ان النسبة دي عدت .. متقلقش الكبد هيقوم بالواجب وهيعمل complete 1st pass metabolism

↩️ف هو آمن جدا للاستخدام المطول خاصة مع مرضى السكر والضغط والجلوكوما وهشاشة العظام وطبعا ف حالة الاطفال

2️⃣Nasacort (Triamicolone)
↩️ده بسم الله كده اول حاجة كده ان ال systemic bioavailability حوالي 40% من ال nasal cavity

↩️والكبد بيكسر جزء منه بس ف ال 1st. Pass ف بيظل ف صورة نشطة وطبعا مع الاستخدام المزمن هيؤثر ع ال HPA axis

↩️ف حالات قديمة مثبتة انه عمل growth suppression مع ال chronic use ف الاطفال

🔹️لكن عامة ممكن الحاجة الملاحظة بشكل طفيف ان ال Nasacort بالرغم من انه اقل ف ال potency بس بيدي symptomatic relief اكتر من ال Nasonex
لكن ال Nasonex بجانب انه الاكثر أمانا انه الاختيار الاول ف ال Nasal polyps "اللحميات" ..

🔸️الاتنين الحمد لله مش بيعملوا عرض مشهور اسمه Septal perforation وده كان بيحصل بسبب افراد قديمة من عيلة ال INCS

🌟اخر حاجة الجملة اللي بنسمعها كتير يا دكتور انا زي الفل طول ما انا بستخدم بخاخة الكورتيزون اوقفها من هنا والاعراض ترجع اسوأ يعني كده هفضل مستمر عليها دايما؟

↩️الاجابة .. لازم نفرق ما بين Refractory symptoms وال Rebound والاتنين دول مش بيحصلوا مع ال INCS وما بين ال withdrawal او unmasking of symptoms

↩️الكروتيزون بيقلل الالتهاب ف مفيش تورم مفيش ورم موجود ف الاغشية ف الدنيا زي الفل ... لما بنوقفه مرة واحدة ف الالتهاب هيرجع والورم هيرجع زي ما كان ف المريض هيحس ان الوضع ازداد سوءا ... لكن الجميل ان الكورتيزون هنا ملوش اي dependence effects نهائي حتى لو استمر سنين

↩️بس نفس فكرة ان شخص قاعد ف اوضة مكيفة وخرج مرة واحدة الشارع ف عز الشمس ... هيحس ان الحر لا يطاق واصعب من شخص فعليا من اول اليوم ف الشارع

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

حكاية دخولي مجال الصيدليات دي اكتر حاجة عبثية ف حياتي بعد دخولي صيدلة نفسنا

يعني فاكر ف سنة ٢٠١٦ ف الاجازة وانا داخل تانية صيدلة وكارهها كره العمى بالمناسبة .. زميلة اختي دكتورة صيدلانية شغالة ف صيدلية بتتكلم مع اختي ليه مروان مينزلش يقف الصيدلية يتدرب

وانا برغم اني كنت رافض الاقتراح فكرة ومضمونا .. بس بحكم انها كانت ف نفس المربع السكني ف ليه لا بس ما انت قاعد ف البيت

روحت الصيدلية وكان عندي معرفة ازاي اقيس الضغط واضرب حقن ودي حاجة كانت كبيرة ان حد عارف الحاجات دي ف سنه ف ده لقطة

مكملتش شهر وصاحبة اختي سابت الصيدلية وجيس وات؟ بالظبط اشتغلت ف الصيدلية بعد شهر من التدريب

فاكر ساعتها اول مرتب كان ١٠٠٠ جنيه وده بالمناسبة كان كويس جدا ع طالب ف الوقت ده

كان عندي شوية معلومات طبية تخليني ع الاقل افرق عن المساعدين ف اشطا ... الغريبة ان محدش علمني .. انا علمت نفسي بنفسي اذاكر واشوف الادوية والامراض ل ما تقلت شويتين ف المجال ومسكت شيفت وبعدها مسكت الصيدلية "صوريا" طبعا لاني طالب

انا مش عارف ميزة ولا عيب .. لكن بحب اكون فاهم كل حاجة حواليا ف بدأت افهم الحسابات بتمشي ازاي والشيتات والحاجة اللي مش عارفها اسأل جوجل وابحث وهكذا ... وسبت الصيدلية لظروفي ساعتها

رجعت ٢٠٢٠ ومسكت نفس الصيدلية بس بقيت مخضرم والحمد لله عندي مقدار من العلم يخولني اتعامل بثقة وافرض شروطي ع صاحب المكان ساعتها مرتبي اتضاعف بعدد السنين تقريبا

وسبت الصيدلية بعد سنة ماسكها وسبت مجال الصيدليات عموما لمدة ٣ سنين اشتغلت فيهم ف مستشفيات وفترة قعدت ف البيت 😂 وكنت كاره الصيدليات جدا .. بالرغم من كده كان بيجيلي عروض شغل من سلاسل ليها وزنها حتى من صيدليات فردية بمرتبات مجزية بس كنت برفض

لحد ما رجعت تاني عن طريق واحد صحبي كانت مراته شغالة ف سلسلة وعاوزين حد يمسك فرع بس يكون شاطر لان الفرع كان شغال ووقع ف عاوزين يقوموه تاني

صاحب السلسلة دي اللي حكيت عنه ف بوست ان تقريبا مفيش صيادلة الا صيدلي الكارنيه بتاع الصبح

المهم الحمد لله مسكت الفرع سنتين عملت علاقة قوية جدا مع المربع كله هناك وبقت معروفة صيدلية دكتور مروان بالاسم والشيفت اتضاعف بفضل الله تقريبا ٣ اضعاف بختام السنتين دول وكان ف زيادة طردية

بس برغم كل ده مكنتش حابب وجودي ف المكان ده .. ف الصيدليات عموما مش الفرع اللي شغال فيه

لحد ما الحمد لله اللي كنت متوقعه حصل صاحب المكان .. المكان حلي ف عينه وشاف اني باخد مرتب كبير وخلاص الفرع قام ف كان عاوز يطفشني بالطريقة ويضيق عليا ويتحجج واللي ماسكين له الدنيا يخلقوا مشاكل معايا وانا استهبلت فيها ... كنت عاوزه يقولها صريحة مش اني اللي اقوله انا عاوز امشي

لحد بعد ما باءت كل محاولاته بالفشل قالي ان شكرا لحد كده والناس اللي معاك مش مستريحة وبيشتكوا منك وان كده الفرع هيقع بعد ما قام ... ف سألته سؤال وحيد قولتله وهو مين اللي قوم الفرع .. قالي مش موضوعنا دلوقتي ... وقد كان سبت له المكان ومشيت وانا مستريح انه هو اللي مشاني لانه كان يهمه شكله جدا قدام الناس ف كان هيكون شكله زبالة انه مشى اشطر واحد عنده ف السلسلة "ع حد قوله بلسانه"
انا فاكر له جملة كان بيقولي : انا عمري يا مروان يا ابني ما امشي حد" شغال معايا انا عمري ما اكون سبب ف قطع عيش حد ربنا بعتله ليا"

لمجرد انه طمعان ف الفرع وشايف ان مرتبي هو اولى بيه ويجيب اي صيدلي صغير ياخد ربع مرتبي حرفيا وهيمشي الدنيا

بس وبعدت عن مجال الصيدليات تاني والمرة بإذن الله بلا رجعة .. بس الاغرب ان كل ما ابعد بتجيلي عروض شغل ف اماكن بمرتبات ضعف اللي كنت باخده حرفيا ... وبحكم البوستات اللي بنزلها هنا ولينكد ان بلاقي HR سلاسل بيكلموني اني اشتغل معاهم

عموما هو رغي بلا هدف غير اني حابب بس انصح الدكاترة الصغيرين اللي عندهم امل ف الحياة لسه 😅 مجال الصيدليات هو مقبرة الا لو صيدليتك ف عادي ع الاقل مقبرتك باسمك 😂 ... لكن غير كده انت بتستثمر عمرك وصحتك وشبابك ومجهودك ف راس مال غيرك

+اقذر فئة اتعاملت معاها ف مجالات الشغل كانوا اصحاب الصيدليات وده مدح فيهم ع فكرة لان الواقع اقذر بمراحل .. وبس كده

بمناسبة الجو الجميل ده طبعا الراعي الرسمي هي بخاخات الانف واهمها الاوتريفين من عيلة ال imidazolines ... واكيد بنسمع الجملة الشهيرة لا يستخدم لأكثر من ٥ ل ٧ أيام

طب السؤال ايه اللي هيحصل لو اخدناه اكتر من كده خاصة ان الجو زي الفل اه مستمر ع الوضع ده لاكتر من شهر! .... هو هيحصل ظاهرة او عرض مرضي اسمه Rhinitis Medicamentosa وليها اسم تاني Rebound Congestion

لو انت دكتور صيدلي او طبيب بشري أكيد عدى عليك حالات زي دي بتستمر ع الاوتريفين شهور ويمكن سنين ... ويقولك انا لو وقفت الاوتريفين يوم مقدرش اخد نفسي من مناخيري! ايه الحل ف الحالة دي؟ .... قبل ما نقول الحل معلش هاخدك معايا لفة ف ال physiology و ال patho بتاع المرض ده

احنا عندنا ال nasal mucosa بيتحكم فيها حاجتين .. نقول تلاتة
1️⃣parasympathetic innervation: release "VIP" - vasoactive intestinal polypeptides --> Vasodilation of blood vessels --> Congestion

2️⃣Sympathetic --> catecholamines--> Vasoconstriction of BV --> Decongestion

3️⃣Sensory type C fibres --> Neurokinin, Substance P, etc.. --> downregulate sympathetic vasoconstrictive activity

ف كده احنا عارفين لو عاوزين ندي حاجة لاحتقان الانف هتكون sympathomimetic علشان يحصل Decongestion ... طب احنا عارفين ان ال sympathetic adrenoreceptors دول alpha1, alpha2, beta1, beta2 ال alpha دول موجودين ف ال blood vessels بيعملوا constriction وال beta2 بتعمل dilation

قالك انت عندك ف ال nasal mucosa vascular system ف نوعني

-arterioles --> regulated by alpha2
-Vensous plexus --> regulated by alpha1 and 2

ف لو عاوزين دوا فاعليته كبيرة يبقى الافضل يكون شغال ع ال alpha2 لانه موجود ف الاتنين وكون اللي هو selective ف مش هيلطش ف ال beta2 ويعمل برضو vasodilation وده لقيناه ف عيلة ال imidazolines زي اخونا ال xylometazoline ف الاوتريفين ... طيب كده عرفنا ال MOA ... ازاي بقى بيحصل العرض ده؟

العلماء قالوا مش عارفين والله😂 بس حطوا فرضيات hypotheses
ورقة وقلم واكتب معايا

1️⃣قالوا يمكن من كتر ال constriction اللي حاصل عمل ischemia ف ال nasal mucosa وده هيسبب interstitial oedema

2️⃣قالوا لا ده باين ان حصل fatigue of constrictor mech وده نتج من ان ال adrenoreceptors دول very sensitive ف مع الوقت بيتعبوا ويفقدوا ال sensitivity دي لل catecholamines وبيكونوا refractory to nasal decongestants وبنحتاج جرعات اكبر علشان نقدر نواكب المشكلة دي tachyphylexis

3️⃣رجعوا قالوا ما يمكن من كتر ال constriction حصل alteration in vasomotor tone وده نتج عنه Inc. In vascular permeability and oedmea

4️⃣قالوا لا خلاص اخر حاجة ان ممكن مع الوقت ال beta2 adrenergic activity outlast ال alpha effects ف بقت هي المسيطرة وبسببها حصل vasodilation و Congestion

هتيجي تقولي ايوة وبعد كل ده مقالوا نعمل ايه؟ هقولك للاسف لا 😂
بس ف علماء غيرهم قالوا لا يفل الحديد إلا الحديد خد عندك البروتوكول الجامد ده

🔸️Don't discontinue nasal decongestant
🔸️start intranasal corticosteroids INC
🔸️Discontinue nasal decongestants after 1 week from St. INC
🔸️Continue of INC for at least 4 to 6 weeks, normal saline and oral CS and Antihistamines may be added acc. to pt. severity.

اخر نقطة دي مهمة لازم نستمر ع بخاخات الكورتيزون لفترة علشان لو كلنت المشكلة ischemia يبقى هندي وقت لل mucose انها تكون اوعية دموية جديدة ولو كان بسبب ال Downregulation ف احنا عارفين ان الكورتيزون بيعمل Upregulation of adrenoreceptors وجدوا انه مفيد جدا ف الحالة دي لدرجة اننا ممكن نستمر عليه سنة كاملة ... طبعا ع حسب صعوبة حالة المريض

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام https://t.me/placebo7393

هل احنا بنستخدم بخاخة الانف بطريقة صحيحة؟
الفيديو ده فيه شرح بشكل مبسط لكيفية استخدام بخاخات الانف
لا تنسوا والدي من صالح دعائكم
تقدروا تشوفوا باقي البوستات الطبية ع الهاشتاج ده #marwan_crash_board
وع قناة التليجرام
https://t.me/placebo7393

ف نقطة مهمة جدا ف كونك بتنزل جرعة الكورتيزون خاصة لو مريض ماشي ع جرعات كبيرة 40مجم/ اليوم مثلا فيما فوق

احنا بنبدأ ننزل بمقدار 5مجم لمدة ٥ ل ١٠ ايام وننزل 5كمان وهكذا

طب بفرض وصلنا ل 20مجم/اليوم والمريض حصله rebound او الاعراض رجعت بشكل اصعب ايه الحل؟

نرجع لاخر جرعة كانت effective جايبة نتيجة وفي اقوال ان كمان نزود عليها يعني ف حالتنا اخر جرعة effective كانت 25مجم ... يا نرجعلها
يا اما نرفعها ٥ مجم كمان يعني 30مجم علشان نبقى ضامنين ان مفيش اي rebound ممكن يحصل ونستمر عليها ١٠ ايام ع الاقل قبل ما نفكر نعمل tapering تاني

بس كده ... لا تنسوا والدي من صالح دعائكم

#marwan_crash_board
Https://t.me/placebo7393

"فوطة متلجة نقدر ننقذ بيها طفل؟"

️صديق بعتلي الرسالة دي بيستفسر عن حالة ابن اخوه وزي ما انتم شايفين هو متشخص SVT وده نوع من انواع عدم انتظام نبض القلب

🔸️ايه الفكرة من Diving relfex والفوطة والتلج والكلام ده

↩️احنا عندنا ال SVT بيكون عبارة عن زيادة ف نبض القلب بشكل مفاجئ وممكن يكون في trigger ليه زي البكاء او المجهود زي اللعب وخلافه

↩️عندنا ف القلب في فرامل بتكبح ال SAN من انها تفضل تزود ف نبض القلب بيكون عبارة عن vagal supply .. ف حالات ال SVT بقى بما انه sudden increase in heart rate زيادة مفاجئة ف ضربات القلب ف محتاجين يا اما نقلل نبض القلب ده بشكل مباشر .. وده ف المستشفى بس .. او بشكل غير مباشر عن طريق اننا نحفز ال vagal supply ف ندوس ع الفرامل ومن رحمة ربنا بعباده انه ممكن يتم بصور بدائية

🔹️الفكرة ف التلج .. ان عندنا مستقبلات عصبية ف منطقة الوجه خاصة حول الانف والعين مسؤولة عن الاحساس بالبرودة اسمها cold receptors

↩️دي هتحس بالبرودة الشديدة بتاعت الفوطة ولازم هنا الفوطة تكون منقوعة ف مياه متلجة .. تبعت اشارات لل Trigeminal nerve العصب الخامس ومنها لل brain stem خاصة منطقة ال NTS منها يحصل reflex يحفز ال vagal nerve بشكل كبير

✨️عارف انت لما تتوضا للفجر بمياه الحنفية ف اليومين دول غصب عنك بتشهق شهقة كده من البرودة .. اه ده ال reflex بالظبط

↩️المهم ال vagal اتنشط ف يفرمل ال SAN ومنها الاشارات تقل بشكل واضح اللي رايحة لل AV وطبعا هيحصل حاجة مهمة جدا
Interruption of Re-entry Circuit
ودي اللي بتدخل المريض اصلا ف ال episodes بتاعت ال SVT

🔸️ليه ف الاطفال بالذات؟
↩️احنا ممكن نستخدمها مع اي حد ايا كان سنه .. بس المميز ف الاطفال .. ان عندهم Wild vagal tone يعني الاشارات العصبية لسه شرسة .. وال reflex بيكون اقوى

ف كل ما كان الطفل اصغر كل ما كان مفعولها افضل

🔹️والافضل الطفل يكون ف وضع شبه قائم والفوطة مش مغطية منطقة الوش والانف .. ليه؟
↩️بنخاف انه يحصل Aspiration لو اخد نفسه والفوطة فوق بوقه
يدخل ف مجرى التنفس مياه يكح نزود ال SVT اكتر 🤦‍♂️

وان وهو شبه قائم ده افضل وضع نضمن بيه كده

🔸️اخر حاجة .. دي مش حاجة بدائية بالعكس ف اكبر المراكز والمستشفيات بيلجأوا لل maneuvers دي بس هما بيكونوا فاهمين .. يعني لو تلاحظوا عمال اقول SVT مجبتش سيرة ال AF .. لانه بيكون خطر اننا نستخدمه ف الحالة دي ... ف مش اي اضطراب ف نبض القلب "مش متشخص" اعمل نفس الحركة

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

"بخاختين نفس المادة الفعالة ونفس الشركة! ومش بدايل لبعض"

🔸️لو جيت بصيت ع رف بخاخات الانف هتلاقي بخاخة اسمها Avamys من شركة GSK وبخاخة اسمها Flixonase من شركة GSK برضو ... هتقول عادي اكيد كل بخاخة مادة فعالة مختلفة .. لكن لو ركزت هتلاقي الاتنين نفس المادة الفعالة Fluticasone!

↩️️اكيد شركة GSK معندهاش فراغ انها تعمل بخاختين للانف نفس كل حاجة ... الفكرة كلها ف تفصيلة صغيرة

🔹️لو ركزت ف المادة الفعالة هتلاقي
Avamys --> Fluticasone Fuorate "FF"
Flixonase--> Fluticasone propionate "FP"

↩️اه الجزء التاني من المادة الفعالة بنسميه استر ester جزيء كيميائي بندمجه مع المادة الفعالة علشان تحسن من خصائصها .. ايوة يعني ايه الفرق اللي عمله؟

🔸️قالك يا سيدي ان ال FF وجدوا ان ال lipophilicity اعلى يعني هيمتص افضل ومش بس كده وجدوا انه fits better in glucocorticoid receptor يعني بيمسك بشكل افضل ف المستقبل اللي بيشتغل عليه ف هيعطي نتايج افضل

↩️بس كده؟ قال لا بسبب الحركة دي وجدوا ان البخاخة نقدر نستعملها مرة يوميا once daily بسبب انه بيفضل ماسك ف ال rec فترة طويلة

↩️وكمان لقوا انه بجرعة 27.5mcg ف البخة الواحدة تأثيره افضل من ال FP بجرعة 50mcg ف البخة

↩️وكمان هو واخد Approval للاطفال من سن سنتين
لكن ال FP واخد Approval من سن ٤ سنين

🔹️طب ده حلو جدا كده استجابة المريض وال compliance بتاعه هيكون افضل لانه بيستخدم البخاخة مرة واحدة ف اليوم وتأثيرها نفس او افضل من تأثير البخاخة اللي بيستخدمها مرتين

🔸️ليه بقى الشركة متلغيش ال flixonase وتشتغل ع ال Avamys بس؟
↩️هو حقيقي لاسباب كتير منها اساسا سبب تجاري انها بتبيع الاتنين ب rate حلو جدا

🔹️لكن السؤال الاهم اللي المفروض تسأله ليه منستخدمش بس ال FF كمادة فعالة؟
↩️لان ال FP بنقدر نحط معاها مادة تانية ف نفس الوسط من غير ما يحصل مشاكل ف ال Formulation زي ما بنضيف ال Azelastine ف ال Ticanase plus و ال Azelast plus

↩️ف الكومبو ده مش بينفع "لحد الان" غير مع مادة ال FP

✨️ف انت عندك توصيات من ARIA ان ال 1st. Line هو ال fluticasone سواء بقى FF او FP .. طب منفعش هنشفت ع ال Combo زي Azelastine/Fluticasone ف علشان كده مينفعش ابدا نبدا بالكومبو الا ف حالات معينة تحت اشراف الطبيب

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board
وع قناة التليجرام
https://t.me/placebo7393