شوفت دكتور كاتب singulair "Montelukast 10mg" لمريض حساسية مرتين ف اليوم .... افتكرت انها غلطة ف بكلم المريض بقوله دي اكيد الدكتور غلطان فيها قالي لا هو زودلي الجرعة وخلاها مرتين بدل مرة بالليل علشان انا حالتي شديدة شوية

... علماء ال pharmacokinetics افنوا عمرهم علشان يتوصلوا لمصطلح مهم جدا الا وهو
FLAT DOSE RESPONSE CURVE

ايوة ده اللي هو ايه؟
Doses greater than max dose will not produce a greater response

يعني الدوا اخره جرعة معينة لو زودتها حتى اضعافها هيكون هو هو نفس التأثير مش هيزيد قيد أنملة ... هنا الmax dose of Montelukast بيكون 10mg ف اخره مرة ف اليوم وبغض النظر عن الاعراض الجانبية ف حتى لو ضاعفته التأثير هيفضل هو هو

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام https://t.me/placebo7393

علاج للصرع بيستخدم ك علاج ف التئام الجروح؟
القصة الكاملة وراء استخدام ال phenytoinف سبراي Healosol

لا تنسوا والدي من صالح دعائكم

تقدروا تشوفوا باقي البوستات ع الهاشتاج ده
#marwan_crash_board

وع قناة التليجرام
https://t.me/placebo7393

تعالى نقول معلومتين عن المضاد الحيوي الرش اللي علبته ازرق ف ابيض بين قوسين "بيفاتراسين Bivatracin"

🔸️تقريبا مفيش استقبال مستشفى/طوارئ/عيادة جراح/مركز تمريض الا وموجود فيه البيفاتراسين ... طب ليه واخد الشهرة الرهيبة دي وليه مفيش مضادات حيوية تانية مصممة ف شكرا Aerosol؟

🔹️اولا البيفاتراسين عبارة عن مادتين هما
Bacitracin & Neomycin

1️⃣Bacitracin
↩️ده مضاد حيوي شغال ع جزئ اسمه Bactoprenol ده مسؤول عن تكوين/نقل الوحدات ال Peptidoglycan علشان تكون جدار الخلية

↩️ال Bacitracin بقى بيمنع عملية ال Dephosphorylation of bactoprenol ف كده مش هيكون ف تكوين لجدار الخلية وهيحصل Cell Lysis

↩️شغال mainly ع G+ve ... وطبعا هو bactericidal
مشكلته انه Toxic لو اتاخد Systemic بس ميزته انه مش بيمتص من الجلد والجروح ف آمن جدا موضعي

2️⃣Neomycin
↩️ده من عيلة Aminoglycosides شغال انه بيمسك ف ال 30S ribosomal subunit ف بي misreading of mRNA وطبعا ده هيكون nonfunctional or even toxic ptns وف النهاية هيسبب bacterial cell membrane

↩️وطالما قولنا cell membrane .. يبقى هو شغال ع G-ve ... وبرضو bactericidal

↩️مشكلته ك local مع الاستخدام المكثف بيعمل allergic contact dermatitis ... ولو systemic طبعا ده عم المجال ف ال oto/nephro-toxicity

↩️ف كده الاسبراي ده مناسب للجروح السطحية والمتوسطة ... غير مناسب للجروح العميقة .. غير مناسب للاستخدام المكثف او المطول ..

🔸️طب اشمعنى الكومبو ده بالذات ليه مفيش مضادات حيوية تانية في شكل aerosol

✨️️قالك علشان تحط مضاد ف aerosol محتاجين ٣ شروط
↩️فعال لما نستخدمه موضعيا
↩️آمن في حالة تم امتصاصه من الجلد
↩️مستقر ومش بيتكسر في صورة ال aerosol

🔹️ولو قولنا اشمعنا ال Bacitracin بالذات؟
↪️Stable with propellants
↪️Almost not absorbed through intact skin
↪️Not degraded by pressure

🌟علشان كده مينفعش نستخدم fucidic acid او mupirocin بالرغم انهم اقوى منه

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

بما اننا اتكلمنا عن البيفاتراسين والهيلوسول ... يبقى لازم ولابد نتكلم عن كبيرهم ال Farmactive spray
هو بيكون بشكل أساسي من ال colloidal silver معاه حبة Hyaluronic acid

✨️الخلاصة من البداية ...
فارماكتيف كويس كعلاج مساعد في المراحل البسيطة والمتوسطة من الجروح والقرح ...
غير مناسب اطلاقا كعلاج الأساسي ف المراحل المتقدمة من قرح الفراش او القدم السكري او الجروح العميقة

🔹️اي علاج بيستخدم ف التئام الجروح بيشتغل ع مرحلة من ال ٤ دول

Hemostasis
Inflammation
Proliferation
Remodelling

1️⃣️الميكانيزم الأساسي بتاعه انه بيخفف الحمل البكتيري ع الجرح ... bacterial load عن طريق انه بيشتغل ع ال cell wall ... بيزود المسافات البينية ف يزود النفاذية permeability ومنها يحصل cell lysis

2️⃣تاني حاجة انه بيرتبط ب thiol bond (-SH) وده يخليه يقدر يرتبط انزيمات مهمة جدا للبكتيريا ف يوقف شغلها وكمان يوقف تصنيع ال ATP

3️⃣تالت حاجة بيؤثر ع ال DNA بتاع البكتيريا فيوقف ال division and differentiation

4️⃣كمان هي بتضعف من ال biofilm اللي بتكون البكتيريا بس مش بتكسره بشكل كامل

🔸️طب لو جينا نتكلم هل هي anti-inflammatory?
↩️اه بشكل غير مباشر احنا بوظنا البكتيريا من كذا اتجاه ف بكده هيقلل حاجتين مهمين جدا

Cytokines and prolonged inflammation

⛔️لكن المشكلة ان ال colloidal silver isn't precise ف مع الاستخدام المستمر هتؤثر ع الأنسجة السليمة وتبوظها

↩️ف هي ف التركيات القليلة والاستخدام المعتدل بنت ناس لكن ف التركيات العالية والاستخدام المزمن بتكون CYTOTOXIC

🌟وده الفرق الجوهري بين ال colloidal silver and silver sulfadiazine
ان ال sulfadiazine بيكون بتركيزات محسوبة ومش بيضر الخلايا السليمة

ف الصراحة مش هو العلاج السحري علشان سعر العبوة يوصل ل ٧٠٠ جنيه ومش بتكمل حاجة خاصة انها لازم تكون ك علاج مساعد مش اساسي

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

شركة Epico قالت مش GSK بس هي اللي تطلع دوائين فيهم نفس المادة الفعالة ف طلعت لنا دوائين بيعالجوا حموضة المعدة
Epicogel & Mucogel

🔸️الاتنين نفس المادتين
↪️Al(OH)3 & Mg(OH)2

🔹️خلينا نتكلم حتة كلينيكال بس ف البداية

↩️احنا عندنا الحموضة او ال Heart burn عبارة عن زيادة ف افراز ال HCl لدرجة انه يعمل التهاب و irritation لبطانة المعدة

↩️ف احنا بنعالج الموضوع ده بكذا طريقة
منهم فكرة كيميائية بحتة ...
حمض + قاعدة = ملح + مياه acid neutralization

وده اللي حاصل هنا عندنا ال HCl ده حمض قوي .. جبنا له قاعدة ضعيفة زي هيدروكسيد الألومنيوم وهيدروكسيد الماغنسيوم وطبعا مينفعش حد يقول 🔸️طب ليه مش قاعدة قوية زي ما اخدنا ف الكيميا؟ ↩️علشان ميحرقش البطانة بتاعت الفم والمرئ والبلعوم والمعدة والامعاء وهكمل لحد فتحة الشرج ده لو محصلش ثقب ووصل للدم اصلا

↩️المهم انهم كويسين جدا يرفعوا ال pH لحد 5 تقريبا
والميزة انهم مش بيوقفوا عملية افراز الحمض
ولا بيؤثروا بشكل مباشر ع عملية الهضم

1️⃣Al(OH)3
↩️ ذوبانه بطيء ف هيفضل وقت طويل
هستفيد ان تأثيره هيكون اطول .. بس مشكلته ان مفعوله علشان يظهر هيكون بطيء

مشكلته الاساسية انه بيعمل امساك constipation
طبعا بجانب انه بيؤثر ع امتصاص ال phosphate

2️⃣Mg(OH)2
↩️ذوبانه سريع ... ف مفعوله هيظهر بسرعة
بس تأثيره هيدوم لوقت قليل بس

بجانب مشكلته الاساسية انه بيعمل اسهال osmotic diarrhea لانه بيسحب مياه ف الامعاء

ف لما ضيفناهم مع بعض كل واحد كنسل مشاكل التاني

✨️بس ف معلومة لازم ناخد بالنا منها ... انت بتاخد ال Antacids دول بعد الاكل علشان يشتغلوا ع الحمض اللي خرج ... يا فرحتي تاخدهم ع الريق ينزلوا المعدة يلاقوا حمض قليل .. كده مش هتطول منهم الا مشاكلهم

✨️حتة محدش هيقولهالك غيري 😎
↩️هما بيقللوا ال pepsin activity بشكل غير مباشر .. لان ال pepsinogen علشان يتحول ل pepsin محتاج pH اقل من 3 ... ف لما الادوية ترفعه ل 5 ف كده مش هيشتغل .. وبكده ال irritating effect بتاعه هيقل بشكل ملحوظ

ايوة برضو ليه ايبيكو عملت دوائين بنفس المادة؟
لا هي ضافت ف كل دوا مادة زيادة

🔸️Oxythazine in Mucogel
↩️ال oxythazine ده عبارة عند مركب يشبه ال antihistamines لكن هنا مش بنستخدمه كده

بنستخدمه ك Visceral local anesthetic
وجدوا ان له تأثير كويس جدا ف التخدير الموضعي للاغشية المخاطية

ال Antacids بيعادلوا الحمض لكن مش بيخففوا الالم اللي نتج بالفعل ... ف هنا دور المخدر ان يدي يهدي احساس الحرقان ده نهائي

🔹️يجي واحد يقولي طب ليه ميحطوش local anesthetics زي ليدوكايين مثلا او اي فرد من العيلة

↩️طبعا بجانب بلاويه بس احب افكرك بمعلومة صغيرة انه بيتكسر ف الحمض ف مش هنستفيد به ع عكس ال oxythazine اللي بيشتغل حلو جدا ف ال pH القليلة

🔸️Dimethicone in Epicogel
↩️ضافت مادة ال Dimethicone مع الايبيكوجل وده بيعالج الانتفاخ ... هيكون مفيد ف حالة ان الواحد تقل ف الاكل شويتين

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

موضوع ان شركة تعمل دوائين لهم نفس المادة الفعالة عجبني

بوست النهاردة عن شركة ايفا فارما ... عملت دوائين هما
Dapagliflozin -Eva "Dapagliflozin"
Mellitofix "Empagliflozin"

الاتنين مش نفس المادة بس نفس العائلة SGLT2i

نفس الميكانيزم حرفيا مفيش اي اختلاف
نفس التأثير بالظبط ع مرضى السكر

ف حرفيا لو مريض سكر "بس" ماشي ع الدابا ونقص مثلا يقدر بمنتهى البساطة يشفت ع الامبا بالجرعة المكافئة

طب ليه ايفا عملت كده يعني الشركة عندها فراغ انها تعمل دوا لكل مادة فعالة من نفس العيلة؟
اكيد لا
الفكرة ان الادوية دي مبقتش موجهة اصلت لمرضى السكر ف المقام الاول ... دلوقتي بقى ليهم دور مهم جدا ف مرضى فشل القلب ومرضى الفشل الكلوي

ف لو جينا لمرضى ال Heart Failure خاصة من نوع HFrEF

ف الاتنين زي بعض typical! وبعدين بقى؟
هقولك استنى لو مريض ASCVD او
Atherosclerotic Cardiovascular Disease

ف هنا توصيات ال EMPA-REG بتقول انه الافضل والاعلى كفاءة من حيث ال CV mortality وال All cause mortality

ف لو مريض stroke او MI ف القول الفصل لل Empa

اما بقى لو مريض CKD وال eGFR اعلى من 30ml
وعاوزين حد ابن ناس ف ال renal protection

ف تبعا لتوصيات ال DAPA-CKD اللي اتعملت قالت ان ال Dapagliflozin هو الاساس والاعلى ع كل المقاييس حتى ف ال late stage او End Stage Renal Disease

ف لو مريض CKD الكفة ترجح بشكل قطعي لل DAPA

بإذن الله خلاص ف الرتوش الاخيرة لفيديو هشرح فيه تفصيلا ليه العيلة دي بقى معمول عليها الضجة بالشكل ده وفعلا هل احنا دخلنا ف ال ERA of SGLT2i؟

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

"هو احنا ليه بناخد برشام الحموضة الصبح؟"

دخل عم سيد الصيدلية من شوية وقالي عاوز علبة بانتولوك ٤٠مجم
وسألني السؤال المعتاد: هو المفروض اخده امتى؟ قولتله الصبح ع الريق قالي اشمعنا الصبح قولتله علشان المعدة بتكون فاضية

فرد قالي طب ما انا ممكن اخده العصر بعد ما افطر ب ٦ ساعات معدتي برضو هتبقى فاضية .. البرشام هيعرف منين اني اخدته العصر مش الصبح

قولتله لا هو مش هيعرف بس مش هتاخد منه نفس المفعول قولي ليه؟

علشان الدوا ده بنسميه proton pump inhibitor قالي يعني ايه؟
قولته متقاطعنيش يا عم سيد ... هو شغال ع حاجة كده ف خلايا ال parietal cells بتاعت المعدة اسمها H/K ATPase وكل وظيفتها انه بيقفلها

العلماء وجدوا ان افضل معاد لل PPIs انه يتاخد بعد صيام متواصل ليه لان المعدة بتنتج اكبر كمية من ال H/K ATPase ف كده هنحقق اكبر استفادة

ولنفس السبب ف رمضان برشام المعدة بيتاخد ع الفطار بالرغم ان الفطار بيكون المغرب مش الصبح 😁

ف جملة انه بيتاخد الصبح ع الريق علشان بتكون المعدة فاضية دي مش صحيحة ك كلينيكال ... لان المعدة بتبقى فاضية عادي ف اوقات كتير

تقدروا تشوفوا باقي البوستات ع الهاشتاج ده 👇
#marwan_crash_board
وع قناة التليجرام
https://t.me/placebo7393

ليهم حق يعملوا كل الضجة دي ويسمونها The ERA of SGLT2i انا قعدت اسبوعين اذاكر ف الداتا واسبوع بفلترها واحاول اعمل درافت علشان اقدر أنفذه ع البورد

كده فاضل بإذن ارسمها ع البورد واسجل الفيديو وهينزل بإذن الله ف أقرب وقت

بصوا كده ال case دي للافادة خاصة ال oncologists

حالة breast cancer كنت بتناقش فيها مع طبيب ف عيادة الاورام ف مستشفى ما ماشية ع
بروتوكول AC-T
Adriamycin (Doxorubicin)/ Cyclophosphamide then Taxenes

احنا عارفين ان ال Anthracyclins زي doxorubicin بيكون لها Cardiotoxicity واضحة بتظهر جليا ف صورة left ventricular Dysfunction وبيقع مننا ال Ejection Fraction

المهم الحالة خلصت كل ال cycles بتاعت ال AC وبدأت خلاص ف ال Taxenes وجاية متابعة عادي

ف عامة Echo ... التقرير تمام في بس LV Dysfunction Grade 1 بس والدكتور بيبص لما ال EF لقاها 32% ... دي بالعامية مصيبة ...احنا الطبيعي فوق ال 60 وال borderline لحد 52 وبتكون مشكلة تحت ال 50

الفكرة ان ممكن ال Doxorubicin يعمل كده؟ اه
طب ممكن يعمل كده حتى بعد ما يقف؟ برضو اه ممكن بعد شهور لسنين كمان

بس اولا ال EF مش بيقع مرة واحدة كده الا لو في comorbidities تانية ... او اصلا اخدت toxic dose من ال doxo وده محصلش لانها بالفعل خلصت ال cycles من فترة

ثانيا الرقم مش متناسب ابدا مع ال conclusion انه LVD G1

اللي زود الطينة بلة ان الدكتور لما سألها عن اعراض ال LVDD كلها كانت عندها والنهجان وغيره بس الدرجة بتاعتها مش متناسبة برضو مع ال EF

المهم القرار ان لازم تروح عيادة القلب ويتعمل ايكو جديد علشان نقدر نشوف الدنيا هتروح لفين

المهم تناقشنا بعد ما الحالة مشيت ... ف بيقولي يا دكتور هو المفروض ال Cardiotoxicity بتظهر حتى لو وقفنا الدوا بعد قد ايه؟ .. ف جاوبته زي فوق ان ممكن توصل لبعد ما نوقفه بسنين

بس النقطة ف ال monitoring يا دكتور ... يعني احنا بنعيد التقييم ب ال echo بعد جرعة تراكمية 200mg/m^2 بعد كده نعيده تاني بعد كل جرعة تراكمية 100mg/m^2

طب ايه ال parameters؟
طبعا الاساس ال EF وحاجتين تاني بس خلينا فيه

بنقول لو حصل drop/decline more than 10% بشرط انه ينزل عن 50% ساعتها هنعمل hold للجرعة الجاية لحد ما نعيد تقييم حالة المريض

طب لو ال EF نزل لتحت ال 40% ساعتها لازم نوقف العلاج نهائي

قالي طب ودلوقتي لو طلع فعلا ال EF=32%؟ ما احنا كده كده وقفنا ال DOXO من فترة وماشية دلوقتي ع ال Paclitaxel بس

قولتله برضو هنوقفه ... قالي ليه هو ال Taxenes ليها برضو Cardiotoxicity؟

قولتله لا مش دي الفكرة ... الفكرة الاساسية ان هيحصل fluid overload بسبب المحاليل اللي هتتعلق ف الجلسة ... ساعتها لازم بقى هنشوف ال case ك كارديو ونشوف الاستشاري هينصح بايه

"الدكتور قالي تصدق انا مكنتش اعرف نقطة ال 10% انا عارف تحت ال 50% اعمل Hold دي معلومة جديدة عليا"

الحمد لله قبل ما العيادة تخلص المريضة رجعت وقالت ان الدكتور قالها التقرير بس اتكتب غلط لكن ال EF 57% ... ف سبحان الله غلطة بسيطة بس حرفيا كانت ممكن تودي الحالة لنقطة احنا مش عاوزينها نهائي

"المناظرة دي حقيقية كانت من تدريب لطلبة دبلومة كلينيكال الجزء العملي، الدكتور كان بيناقشني علشان الدكاترة تستفيد مش لعدم معرفته... هو ما شاء الله كان علّامة انا استفدت جدا منه"

وده اللي المفروض اصلا يحصل فكرة ان كل واحد بيكمل التاني ... محدش عارف كل حاجة

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

تم بحمد الله تسجيل الفيديو اخيرا ... بس هو كمعلومات ف هو دسم جدا وهتفهم كل تفصيلية و كوقت برضو ف هو دسم برضو لدرجة اني عملته ع جزئين🤦‍♂️🤦‍♂️ ... انا هستخير اني انزله كامل هنا وأمري لله😅

السلام عليكم ...
هتكلم ف الفيديو ده عن ازاي ادوية ال SGLT2i زي ال Dapagliflozin اللي بنستخدمها ف علاج مرض السكر بقينا نستخدمها بشكل مركز في علاج فشل عضلة القلب Heart failure وعلاج الاعتلال الكلوي المزمن CKD بشكل مفصل وان ازاي المجموعة دي اتحولت لكونها مركز للابحاث الطبية الفترة الاخير

هتلاقوه موجود برضو ع قناة اليوتيوب
https://youtu.be/Fisc3JqPdac

لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393