Расман: Президент фармони билан Пўлат Раззақович Бобожонов бошқа ишга ўтиши муносабати билан Президентнинг кадрлар бўйича маслаҳатчиси ўринбосари лавозимидан озод этилди.

Президент Администрацияси тузилмасини мақбуллаштириш ишлари доирасида:

➖ Президентнинг кадрлар бўйича маслаҳатчиси лавозими ва унинг бўлинмаси тугатилди;

➖ давлат мукофотлари ва гералдика соҳасида ягона давлат сиёсатини юритиш ҳамда маҳаллий давлат ҳокимияти органлари билан яқиндан ҳамкорлик қилиш ва уларнинг фаолиятини мувофиқлаштириш Комплаенс хизматининг қўшимча фаолият йўналиши;

➖ маҳалла институти фаолиятининг самарадорлигини янада ошириш Ўзбекистон Республикаси Президентининг вакиллик органлари, нодавлат нотижорат ташкилотлари ва ёшлар масалалари бўйича маслаҳатчиси бўлинмасининг қўшимча фаолият йўналиши этиб белгиланди.

@platformauzb

Қаҳрамон Қуронбоевнинг хайрлашув мактуби.

@platformauzb

Энди шифокорлар ҳам адвокатлар сингари лицензия олиши шарт бўлади

Соғлиқни сақлаш вазири ўринбосари Адхам Худайкуловнинг маълум қилишича, дипломнинг ўзи энди автоматик равишда мустақил клиник фаолиятга рухсат беришни англатмайди.


«Мустақил баҳолаш тизими пайдо бўлади ва фақат рўйхатдан ўтгандан кейингина шифокор бўлиб ишлаш мумкин бўлади», — деди у.

Унинг сўзларига кўра, биринчи мустақил баҳолашни ҳали ўқиш жараёнида, кейингисини битирувчига шифокор сифатида ишлашга рухсат беришдан олдин, резидентурадан сўнг эса тор мутахассислик бўйича ишлаш учун яна бир баҳолашдан ўтиш назарда тутилмоқда.

Тошкент давлат тиббиёт университети ректори Шуҳрат Боймуродов тизим уч босқичли қилиб қурилишини аниқлаштирди.

«Иккинчи-учинчи курсларни тамомлагач, талабалар фундаментал фанлардан имтиҳон топширади. Битирув курси тугагач, иккинчи босқич (мутахассислик бўйича — таҳр.), резидентура якунлангач эса учинчи босқич кўзда тутилган», — деди у.

Баҳолаш учун ягона тестлар ва топшириқлар банкини, шунингдек, симуляцион базаларни яратиш режалаштирилмоқда. Имтиҳондан ўта олмаганларга қайта топшириш имконияти берилади

@platformauzb.

Меҳнат стажини тасдиқлаш

Кўпчилик инсонларда меҳнат стажи етарли эмас деб чиқмоқда ёки my.gov.uz орқали қараса,  меҳнат стажи етарли, масалан, 20 йил турибди, лекин тизимда меҳнат стажи етарли эмас дея ариза рад қилинмоқда.

Худди шу ҳолат нафақага чиқаётган пайтда ҳам кузатилади. Бунда муаммони ҳал қилишнинг бир йўли бор.

Сиз олдинги ишлаган жойингиздаги стажингиз ўша ишхонадаги кадрлар бўлими томонидан тасдиқланмаган, шунчаки ўша олдинги ишхонангизга мурожаат қилиб иш стажини тасдиқлаб қўйишни сўрайсиз, улар тасдиқласа, тизимда кўринади.

Агар олдинги ишхонангиз ёпилиб кетган бўлса, ҳудудингиздаги меҳнат инспекциясига мурожаат қилишингиз керак бўлади.

@platformauzb

Кўчмас мулкларни бозор нархида баҳолаш бошланди

my.gov.uz орқали фуқароларга баҳолаш натижалари юборилаяпти.

Президент фармонига асосан ҳозирча баҳолаш эксперимент тариқасида Тошкент шаҳрида ўтказилмоқда.

Баҳолаш натижаларидан норози бўлганда, қайта ариза юбориш мумкин.

Кейинчалик мол-мулк солиғи ҳам шу қийматдан келиб чиқиб ҳисобланади.

Бу ўзгаришлар бўйича Солиқ қўмитаси аҳолига батафсил  тушунтириш бериши лозим.

@platformauzb

Алишер Қодиров:

“Агар судья ишни кўра туриб, ҳукмни ўқимай бошқа ишга ўтиб кетса, гумондор изоляторда қолаверадими? Янги судья ишни яна бошидан кўрса, судланувчи йўқотган вақт унинг ҳуқуқи бузилишига олиб келмайдими?”

Расмий: “Йўқ, изоляторда ортиқча йўқотилган вақтни жазо бераётганда чегириб ташлаймиз!”

Мантиқий савол беришяпти— агар айбланувчи судда оқланса, унда нима бўлади?

@platformauzb

"Мен бу даражада солиқлар ошиб кетишидан норозиман"

Мол-мулк солиғидаги тушунмовчилик бўйича мурожаат келиб тушди:

"Икки кун олдин my.gov.uz дан уйим баҳолангани ҳақида хабарнома келди. Қизиқиб кўрсам бу кадастр агентлиги тизимидаги Кўчмас мулкни оммавий баҳолаш миллий маркази томонидан амалга оширилган ташаббус экан. Кейинчалик бу ҳақида қизиқиб изланиб кўрдим. Улар Тошкент шаҳридаги бу оммавий ҳаракатни кўчмас мулкларни бозор қийматини аниқлаш ва кўчмас мулк савдосидаги шаффофлик ва солиқ солишда қўллаш билан тушунтиришибди.

Кўчмас мулк бозори тушунарли, уни қабул қилса бўлади. Лекин солиқ солиш борасида буни қабул қилиб бўлмайди деб ҳисоблайман. Масалан, мени 98 квадратли 3 хонали квартирамга шу йил 786490 сўм йиллик мол-мулк солиғи тўладим. Лекин оммавий баҳолаш натижалари 2027 йилдан солиқ солиш базаси сифатида қўлланилишини ҳисобга олиб солиқ калкуляторидан кўрсам, натижа жуда қўрқинчли.

1 йиллик мол-мулк солиғи 5651550 сўм чиқди (Солиқ калкулятори натижаларини ҳам илова қиламан). Ҳали кўпчилик бу масала моҳиятини тушунмаяпти, менимча. Одамлар буни тушунишни бошлагандан кейин жуда катта норозиликларга сабаб бўлса керак деб ўйлайман. Мен бу даражада солиқлар ошиб кетишидан норозиман".

Солиқ идоралари бу масала юзасидан тўлиқ тушунтириш бериши лозим.

@platformauzb

Ҳукумат «Туронбанк» АЖнинг 98,9 фоиз, «Ўзэкспомарказ» АЖнинг 91,83 фоиз ҳамда «Халқаро ҳамкорлик маркази» АЖнинг 79,27 фоиз улушини сотувга чиқаради — президент фармони

@platformauzb

Барча талабалар диққатига!

Тўлов шартномасини олиш учун онлайн ариза юбориш

🖥 Бунинг учун kontrakt.edu.uz тизимидан рўйхатдан ўтиб, ортиқча оворагарчиликларсиз онлайн ариза юборинг!

Аризалар олий таълим муассасаси қабул комиссияси томонидан тасдиқланиб, QR-кодли тўлов-шартномаси шакллантирилади.

Тасдиқланган шартномани юклаб олиб, белгиланган тўловларни ўз вақтида амалга оширишингиз сўралади.

Маълумот учун, шартнома учун аризаларни “Kontrakt EDU” мобил иловаси орқали ҳам юбориш мумкин.

Иловани юклаб олиш:👇
📲 iOS uchun 📲 Android uchun

@platformauzb

Ўқитувчиларга 1 октябрь муносабати билан 1 млн 20 минг сўмгача мукофот берилиши мумкин

Педагог ва раҳбар ходимларга «1 октябрь — Ўқитувчи ва мураббийлар куни» муносабати билан бериладиган мукофот миқдори оширилди. Президентнинг ПФ-51-сон фармонига кўра, мукофот миқдори меҳнатга ҳақ тўлашнинг энг кам миқдорининг 75 фоизигача этиб белгиланди.

Ҳозир меҳнатга ҳақ тўлашнинг энг кам миқдори — 1 млн 360 минг сўм.

Шунга кўра, педагог ва раҳбар ходимларга 1 млн 20 минг сўмгача мукофот пули берилиши мумкин. Мукофот миқдори ўқитувчининг ойлик маошидан эмас, белгиланган меҳнатга ҳақ тўлашнинг энг кам миқдоридан келиб чиқиб ҳисобланади.

@platformauzb

Ҳоким ёрдамчиларининг янги ёндашувлар бўйича белгиланган асосий вазифаларни амалга ошириш бўйича услубий қўлланма ишлаб чиқилди.

Қўлланмада ҳар бир вазифани амалга ошириш тартиби тўлиқ тушунтириб ўтилган.

@platformauzb

Ҳудудларда 18 та бозор ва савдо мажмуасидаги давлат улушлари сотувга чиқарилади

Наманган вилоятида:
«Наманган авто магистрай савдо комплекси» — 51%;
«Ихтисослаштирилган қурилиш моллари савдо комплекси» — 51%;
«Яшил деҳқон бозори» — 68%;
«Дўстлик савдо саноат комплекси» — 51%;
«Чуст деҳқон бозори» — 51%;
«Янгиқўрғон деҳқон бозори» — 51,42%;
«Тўрақўрғон марказий деҳқон бозори» — 51%.

Самарқанд вилоятида:
«Тойлоқ деҳқон бозори» — 51%;
«Самарқанд инновацион автомобиллар бозори» — 51%;
«Гулобод ёпиқ савдо комплекси» — 51%.

Сурхондарё вилоятида:
«Лолазор Денов Барака» — 51%;
«Жарқўрғон деҳқон (озиқ-овқат) бозори» — 54,6%.

Тошкент вилоятида:
«Қибрай деҳқон бозори» — 51%.

Фарғона вилоятида:
«Фарғона Юсуфжон файзи қурилиш моллари савдо комплекси» — 51%;
«Рапқон деҳқон бозори» — 51%;
«Яккатут деҳқон бозори» — 52,1%;
«Бешариқ Умаровлар файзи» — 51%;
«Бешариқ Турон саноат савдо комплекси» — 51%.

Жами 18 та бозор ва савдо мажмуасидаги давлат улушлари сотувга чиқарилади.

@platformauzb

Давлат олийгоҳлари ҳам хусусийлаштирилади

Йирик олий таълим муассасалари ва республика ихтисослашган тиббиёт марказлари фаолиятини босқичма-босқич тижоратлаштириш мақсадида улар хўжалик жамиятларига айлантирилади ҳамда уларнинг фаолиятига хусусий инвесторлар, жумладан, устав капиталидаги акциялар пакетини оммавий савдоларга чиқариш орқали жалб этилади — президент фармони

@platformauzb

Мулкнинг қайта баҳоланиши солиқ тўлови ошишга сабаб бўлмайди

Кўчмас мулкни оммавий баҳолаш миллий маркази:

— Тошкент шаҳрида ўтказилган оммавий баҳолаш натижалари бугунги кунда ҳеч қандай ҳуқуқий оқибатга олиб келмайди, яъни солиқ тўлови ошишига сабаб бўлмайди.

Ушбу чора-тадбир ҳар бир инсоннинг асосий иқтисодий активи қийматини билишга қаратилган.

Шу билан бирга, ушбу жараёнга мулкдорлар томонидан муносабат билдирилиши баҳолаш ишларини янада сифатли амалга оширишга хизмат қилади.

Бунда, оммавий баҳолаш натижаси бўйича муносабат билдирилмаган бўлса, баҳолаш натижалари қайта кўриб чиқилмайди, яъни ўзгаришсиз қолади.

Бундан ташқари, ушбу қиймат олди-сотди жараёнида фуқароларга ҳеч қандай масъулият юкламайди ва манфаатларини чекламайди.

Шу муносабат билан, барча мулкдорлардан ўз мулкининг қиймати бўйича муносабат билдиришда бефарқ бўлмасликларини сўраб қоламиз.

@platformauzb