Мансаб сўкинишга ҳуқуқ бермайди: Қадр-қиммат ҳамма нарсадан устун!

Баъзи раҳбарлар ўз қўл остидаги ходимлар ёки тадбиркорларга бақириб, ҳақорат қилишни «иш юритиш услуби» деб билишади. Бироқ ҳеч бир лавозим инсоннинг шаъни ва қадр-қимматини топташга ҳуқуқ бермайди.

Ҳақоратга учраганда нималарни билиш зарур?
• Ҳақоратга чидаш шарт эмас: Ҳеч бир инсон ёки тадбиркор раҳбарнинг асоссиз дашномлари ва ҳақоратларини жимгина эшитишга мажбур эмас.
• Қонуний ҳимоя мавжуд: Раҳбар томонидан камситилиш ёки босимга учраган тадбиркорлар ва фермерлар ўз ҳуқуқларини ҳимоя қилиш учун тегишли масъул органларга мурожаат қилиш ҳуқуқига эга.

Мурожаат қилган шахсни таъқиб қилиш ёки унга нисбатан босим ўтказиш қатъиян ман этилади. Бундан ташқари, мурожаатчи ўз шахсий маълумотларини ошкор қилмасликни сўраши ҳам мумкин.

Қонун бузилиши тасдиқланса, сўконғич раҳбарларга нисбатан интизомий жазо чоралари кўрилади ва улар лавозимларидан ҳамда кўтарилиш имкониятларидан маҳрум бўлишлари мумкин.

@platformauzb

Octobank 9 ойда 266,36 млрд сўм фойда кўрди

Octobank 2026 йил январь–сентябрь ойларидаги фойдаси ўтган йилнинг мос даврига нисбатан 57,53 фоизга ошиб, 266,36 млрд сўмни ташкил этди. 1 октябрь ҳолатига активлар йил бошидан 178,87 фоизга ўсиб, 14,62 трлн сўмга етди.

Кредит портфели 104,56 фоизга ўсиб, 832,68 млрд сўмни, хусусий капитал 1,30 трлн сўмни ташкил этди. Капитал рентабеллиги (ROE) — 27,4 фоиз, соф фоизли даромад — 439,39 млрд сўм. Мижозлар сони 3,66 млндан ошди.

Банк уй-жой хариди учун «Ипотека», автомобиллар учун «Автокредит 1.0» ва «Автокредит 2.0» дастурларини ишга туширди.

Интернет-эквайринг ҳамкорлари учун Apple Pay ва Google Pay орқали тўлов қабул қилиш, корпоратив мижозлар учун 16 та валютада конверсия ва халқаро тўловлар имконияти яратилди. Ҳамкорлар орқали Туркия, Хитой, Тожикистон ва бошқа мамлакатларга пул ўтказиш имкониятлари кенгайди.

Octobank Global Banking & Finance Awards 2026 доирасида Ўзбекистондаги энг яхши рақамли банк ва ғазначилик операциялари бўйича энг яхши банк деб топилди. 24–26 августда Тошкентда ўтган Silk Road Finance & Technology Forumда асосий ҳамкор сифатида қатнашиб, еттита департаменти ечимларини тақдим этди. Хитойдаги CIFIT кўргазмасида бир қатор молиялаштириш бўйича музокаралар олиб борди.

Майамидаги SIBOS 2026 кўргазмасида Ўзбекистон банклари орасида ўз стендига эга ягона иштирокчи бўлиб, 100 дан ортиқ ишбилармонлик учрашуви ўтказди. Банк рекламаси Нью-Йоркдаги Times Square экранларида ҳам намойиш этилди.

Octobank PCI DSS v4.0.1 тўлов карталари хавфсизлиги стандартига мувофиқлигини тасдиқлади ва коррупцияга қарши бошқарув бўйича ISO 37001:2025 сертификатини олди.

@platformauzb

Бошқарув компанияси Mening uyim тизимига чораклик ҳисоботни киритмаса, аҳолидан мажбурий бадаллар ҳисобланиши тўхтатилади

Кўп квартирали уйларни бошқарувчи ташкилотлар Mening uyim тизимига чораклик ҳисоботларни киритмаса, аҳолидан уйни сақлаш учун мажбурий бадаллар ҳисобланиши тўхтатилади. Бу ҳақда қурилиш ва уй-жой коммунал хўжалиги вазири Шерзод Ҳидоятов 13 октябрь куни Олий Мажлис Қонунчилик палатасидаги «Ҳукумат соати»да маълум қилди.

Унинг сўзларига кўра, бошқарув ташкилотлари квартира мулкдорларининг мажбурий бадалларини тасдиқланган йиллик иш режалари ва сметалар доирасида сарфлаши керак.

Бажарилган ишлар, даромадлар, харажатлар ва маблағлар ҳаракати ҳақидаги маълумотлар ҳар чоракда электрон Mening uyim тизимига киритилиши лозим.

«Агар чораклик маълумот бошқариш органи томонидан киритилмаса, мажбурий бадал ва тўловнинг ҳисоб-китоби тўхтатилиб, қайта ҳисоб-китоб қилинмайди», — деди Ҳидоятов.

Ҳужжатга кўра, бошқарув ташкилотлари ҳисоботни ҳисобот чорагидан кейинги ойнинг 10-санасидан кечиктирмай тақдим этиши керак. Маълумотлар киритилмаса, тизим ҳисобот тақдим этилгунига қадар кейинги ойлар учун тўловлар ҳисобланишини тўхтатади. Бу давр учун қўшимча тўлов ҳисобланмайди.

@platformauzb

Яна бир тарих ёзилди:
Илк бор Олимпия шаҳарчасида стол тенниси бўйича Осиё чемпионати ўтказилмоқда

Тошкентда стол тенниси бўйича 29-Осиё чемпионатининг очилиш маросими ўтказилди. Бу спорт тури бўйича илк бор бундай йирик мусобақани қабул қилинишидир. Бу Президентимизнинг спорт инфратузилмасини яратишга қаратган доимий эътибори натижасидир. Замонавий иншоотлар туфайли Ўзбекистон энди қитъа ва жаҳон миқёсидаги турнирларга ишонч билан мезбонлик қилмоқда.

Мусобақада 33 мамлакатдан 255 нафар спортчи иштирок этади. Умуман олганда, чемпионатга 450 нафарга яқин иштирокчи, 100 нафарга яқин делегация раҳбари ва 45 нафар халқаро ҳакам жалб этилган.

Яна бир тарихий аҳамияти бошқа бирорта мусобақада бунча кўп спортчи иштирок этмаган. Баҳслар 25 октябрга қадар давом этади.

@platformauzb

Банкдан кредит олиш, омонат очиш ёки бошқа хизматлардан фойдаланишда ҳар бир мижоз банк шартномаси ва хизматлар ҳақидаги маълумотларни давлат тилида олиш ҳуқуқига эга.

Амалдаги қонунчиликка кўра (3030-сонли низомнинг 3- ва 7-бандлари), банклар шартномаларни давлат тилида тузиши ва молиявий хизматлар ҳақида давлат тилида маълумот бериши шарт. Томонларнинг келишувига кўра, шартнома бошқа тилда ҳам тузилиши мумкин.

@platformauzb

Йўлдошев Ойбек Беҳзодович Таълим ва илм-фан вазирининг биринчи ўринбосари лавозимига тайинланди.

Тайинловга қадар у «PwC Uzbekistan» компаниясининг давлат сектори, инфратузилма ва ESG бўйича консалтинг амалиёти директори сифатида фаолият юритган.

@platformauzb

Пардаева Меҳринисо Дониёровна Таълим ва илм-фан вазири ўринбосари лавозимига тайинланди.

Тайинловга қадар у Таълимни ривожлантириш республика илмий-методик маркази бошқарма бошлиғи сифатида фаолият юритган.

@platformauzb

Мирзалиев Санжар Маҳаматжан ўғли – Таълим ва илм-фан вазири ўринбосари лавозимига тайинланди;

Тайинловга қадар у Беларус–Ўзбекистон қўшма тармоқлараро амалий техник квалификациялар институтининг ижрочи директори сифатида фаолият юритган.

@platformauzb

🇺🇿 Ўзбекистон маҳсулотлари Парижда ўз харидорларини топмоқда

Парижда ўтаётган SIAL Paris 2026 халқаро озиқ-овқат кўргазмасида Ўзбекистондан 70 га яқин ишлаб чиқарувчи ва экспортчи қатнашмоқда.

Қувонарлиси, корхоналаримиз кўргазмада фақат маҳсулотларини намойиш этиш билан чекланмаяпти. Хорижий харидорлардан янги буюртмалар олиниб, экспорт бўйича келишувларга ҳам эришилмоқда.

Бир пайтлар Ўзбекистон асосан хомашё экспорт қилган бўлса, ҳозир ўзимизда ишлаб чиқарилган тайёр маҳсулотлар ҳам жаҳон бозорига чиқяпти.

Энг муҳими, Ўзбекистонда ишлаб чиқарилган маҳсулотларга хорижда ҳам талаб бор. Бу эса экспортни янада кенгайтириш учун яхши имконият.

@platformauzb

Сингапур Бош вазири сафарларга оддий йўловчилар каби арзон авиакомпаниялар самолётида учади.

Бу солиқ тўловчиларнинг пулини ортиқча сарфлашнинг олдини олади. Бизда эса ҳаттоки вилоят ҳокимлари ҳам чет эл сафарларига хусусий самолёт ёллаб учишади.

@platformauzb

Бугун Шавкат Мирзиёев Қашқадарё вилоятига ташриф буюради.

@platformauzb

Президент лотин ёзувига асосланган ўзбек алифбосини такомиллаштиришга оид қонунни имзолади.

@platformauzb

Тил байрами кунида тарихий қарор: Ўзбек алифбоси такомиллаштирилди

Алифбо масаласи кеча ёки бугун пайдо бўлган баҳс эмас. Қарийб ҳар сафар бу мавзу кўтарилганда жамият яна иккига бўлинар, таклифлар муҳокама қилинар, аммо якуний қарор ортга суриларди.

2023 йил 11 декабрда жадидлар меросига бағишланган халқаро конференцияда ҳам бу масала очиқ кўтарилган эди. Ўшанда алифбо борасидаги узоқ йиллик баҳсларга нуқта қўйиш вақти келгани айтилганди.

Орадан уч йилга яқин вақт ўтиб, бу масала ҳуқуқий ечимини топди. Президент Шавкат Мирзиёев лотин ёзувига асосланган ўзбек алифбосини такомиллаштиришга қаратилган қонунни имзолади.

Эътиборли томони, гап бутунлай янги алифбо ҳақида кетаётгани йўқ. Мавжуд алифбо амалиётда тўпланган тажриба ва бугунги эҳтиёжлар асосида такомиллаштирилди.

Яна бир муҳим жиҳат бор. Ўзгариш одамларга қўшимча ташвиш ва бирданига катта харажат олиб келмаслиги кераклиги ҳам ҳисобга олинган. Шу сабабли амалдаги ҳужжат, дарслик ва бошқа материалларни зудлик билан алмаштириш талаб қилинмайди. Улар ўз муддатини ўтайди ва навбатдаги янгиланишда такомиллаштирилган алифбога мослаштирилади.

Шу тариқа, йиллар давомида баҳс қилиниб келган масала яна кейинги авлод зиммасига қолдирилмади. У бўйича аниқ қарор қабул қилинди.

@platformauzb

Мирзаев Манучехр Бобораҳимович Таълим ва илм-фан вазирлигининг Рақамли трансформация ва ахборот сиёсати департаменти раҳбари лавозимига тайинланди.

@platformauzb

Ноқулай бўлса ҳам, фақат ўрганиб қолганимиз учун ўзгармаслиги керакми?

Ўзбек алифбосини такомиллаштиришга қаратилган қонун имзоланди. Кутилганидек, ижтимоий тармоқларда яна “бунинг нима кераги бор эди?”, “шунча йил ишлатдик-ку”, “бошқа муаммо қолмадими?” деган шовқин бошланди.

Қизиғи, бугун ҳимоя қилинаётган O‘, G‘, Sh, Ch ҳам азалдан бўлган эмас. Улар 1995 йилда киритилган. Ундан икки йил олдин қабул қилинган, 1993 йилдаги ўзбек лотин алифбосида эса Ö, Ğ, Ş, Ç бор эди. Яъни бугун “тегманглар” деб ҳимоя қилинаётган шаклнинг ўзи ҳам бир пайтлар ўзгариш натижасида пайдо бўлган.

30 йил ишлатилгани эса уни қулай қилиб қўймайди. Биз шунчаки унга кўникиб қолдик. O‘ билан G‘ни ёзиш учун ҳар ким ҳар хил белги қўяётгани, битта ҳарф ўрнига иккита ҳарф ёзаётганимиз оддий ҳолдек кўрина бошлади. Энди шу ноқулайлик тузатиляпти.

Бунинг учун эртага паспортни алмаштириш ҳам, китобларни ташлаб юбориш ҳам, пешлавҳаларни янгилаш ҳам шарт эмас. Қонуннинг ўзида эски ҳужжатлар амал қилиши, мавжуд белгилар эса ўз муддати тугагунча ишлатилиши белгилаб қўйилган.

Энг оддий мисол — ўз давлатимиз номи. Лотин ёзувига ўтганимизга 30 йилдан ошди, аммо шу вақт ичида ҳатто “O‘zbekiston” сўзини ҳам бир хил ёзишга эриша олмадик. Биттагина O‘ ҳарфининг “қоши” турли жойда турли белги билан ёзилди. Расмий ҳужжатда бир кўриниш, сайтда бошқа кўриниш, ижтимоий тармоқда яна бошқа кўриниш пайдо бўлди. Одамлар эса клавиатурадан тўғри белгини тополмаса, қўлига тушган апостроф ёки тирноқни қўяверди.

Натижада ғалати ҳолатга келиб қолдик. Бир томонда кирилл, бир томонда лотин. Лотиннинг ўзида эса битта ҳарфнинг бир нечта кўриниши. Ўзбек тилида ёзаётган икки киши бир хил сўзни бир хил алифбода ёзиб ҳам, техник жиҳатдан ҳар хил белгилардан фойдаланиши мумкин бўлди.

Бунга яна қанча йил кўз юмиш керак эди? Яна 10 йилми, 20 йилми, 30 йилми? Ўз давлатининг номини тўғри ёзиш учун қайси “қош”ни қўйишни қидиришга мажбур қиладиган тизимни фақат кўникиб қолганимиз учун сақлаб қолишдан нима маъно бор?

Энди O‘ ўрнига Ö, G‘ ўрнига Ğ, Sh ўрнига Ş, Ch ўрнига Ç ёзилади. Битта товуш битта яхлит ҳарф билан ифодаланади. Қайси апострофни танлаш, белгини қаердан топиш ёки бир ҳарфни икки белги билан ясашга ҳожат қолмайди.

Яна бир муҳим жиҳати бор. Биз 30 йил давомида “лотин алифбосига ўтдик” деб келдик, аммо амалда кирилл ҳам қолди, лотин ҳам қолди, лотиннинг ичида эса турли ёзиш одатлари пайдо бўлди. Бир жойда тартиб ўрнатишни ҳам қачондир бошлаш керак эди.

Шунинг учун бугунги ўзгаришни “яна алифбони ўзгартиришди” деб кўрсатиш осон. Лекин масала тескарисига ҳам қарашга арзийди. Бу яна битта алифбо яратиш эмас, 30 йилдан бери бир хил ёза олмаётган алифбомизни ниҳоят бир қолипга солишга уринишдир.

Кўникиб қолган нарсамизнинг ҳаммаси тўғри бўлавермайди. Хато 30 йил яшагани билан қоидага айланмайди. Уни тузатиш учун эса 31-йил ҳам кеч эмас.

@platformauzb

Неъматов Инатилло Убайдуллаевич Таълим ва илм-фан вазирлигининг Аппарат раҳбари лавозимига тайинланди.

@platformauzb

❗️ Таълим ва илм-фан вазирлигида “Call-марказ” ва Таълим бўйича жамоатчилик кенгаши ташкил этилади

“Таълим ва илм-фан вазирлиги фаолиятини ташкил этиш чора-тадбирлари тўғрисида”ги Президент қарори (ПҚ–380-сон, 19.10.2026 й.) қабул қилинди.

🔰 Қарорга кўра, Таълим ва илм-фан вазирлиги таълим, илм-фан ва илмий фаолият соҳасидаги ваколатли республика ижро этувчи ҳокимият органи ҳисобланади.

📝 Вазирликда аутсорсинг асосида қуйидаги фаолият йўлга қўйилади:
🔹 аҳоли мурожаатлари, шикоятлари, таклифлари ва эътирозларини қабул қилиш, уларни тезкор кўриб чиқиш ҳамда тегишли ташкилотларга йўналтириш мақсадида “Call-марказ”;

🔹 аҳоли ҳамда таълим ва илм-фан тизими ходимлари билан тизимли мулоқотни таъминлаш, таълим хизматлари сифати, оммабоплиги ва мавжуд муаммолар юзасидан тезкор ахборот олиш ҳамда таҳлил қилиш мақсадида қайта алоқа тизими.

👥 Таълим ва илм-фан вазири ҳузурида таълим олувчилар, талабалар, ота-оналар, педагоглар ва иш берувчилар вакилларидан иборат Таълим бўйича жамоатчилик кенгаши ташкил этилади.

🏛 Вазирлик ҳайъати вазир (ҳайъат раиси), унинг ўринбосарлари, Вазирлик ҳузуридаги агентликлар директорлари, шунингдек, етакчи олий таълим ташкилотлари ректорлари, олимлар ва педагоглар орасидан 15 нафар аъзодан иборат таркибда тузилади.

💼 Вазирга истисно тариқасида Вазирликнинг марказий аппаратига 2027 йил 1 февралга қадар ходимларни тўғридан-тўғри суҳбат асосида ишга қабул қилиш ваколати берилади.

📋 Шунингдек:
➖ Президент Администрацияси ҳузурида Инсон капиталини ривожлантириш ва узлуксиз таълим стратегиясини ишлаб чиқиш бўйича махсус ишчи гуруҳ ташкил этилади;

➖ Вазирлик ҳузурида Инсон капиталини ривожлантириш жамғармаси ҳамда Таълим ва илм-фан бўйича стратегик тадқиқотлар ва баҳолаш маркази ташкил этилади;

➖ Вазирлик ҳузурида Билим ва малакаларни баҳолаш агентлиги ташкил қилинмоқда, Мактабгача ва мактаб таълими вазирлиги ҳузуридаги Таълимни ривожлантириш маркази фаолияти тугатилмоқда.

@platformauzb