Таълим ва илм-фан вазирининг биринчи ўринбосари Ойбек Йўлдошев ҳақида қизиқ фактлар

- Фанлар академиясининг собиқ президенти, марҳум академик ва йирик физик олим Беҳзод Садиқович Йўлдошевнинг ўғли.

- ўзбек халқининг буюк шоири ва академик ёзувчиси Ғафур Ғуломнинг набирасидир.

- дижеинг ва электрон мусиқа (асосан Progressive House, Melodic Techno) билан 1997 йилдан бери шуғулланиб келади.

- нафақат клубларда, балки Ўзбекистонда машҳур бўлган халқаро «Stihia» (Стихия) электрон мусиқа фестивалида ҳам ўз микслари билан қатнашган.

- унинг «Minor Unit» тахаллуси остидаги дижейлик фаолияти шунчаки оддий хобби эмас, балки жиддий ва профессионал даражадаги мусиқий лойиҳадир.

@platformauzb

Бўлар эканку!

Ўзбекистонлик янги турмуш қурган жуфтлик тўйини улкан тўйхонада эмас, оддий кафеда ўтказди. Маросимга фақат энг яқин инсонлари таклиф қилинди.

@platformauzb

Алишер Исматович Кучиев Ўзбекистон Республикаси Президентининг иқтисодий сиёсат бўйича маслаҳатчиси ўринбосари лавозимига тайинланди.

@platformauzb

Педагог ва ўқувчилар бир ўқув йилида камида бир маротаба психологик диагностикадан ўтказилади❗️

“Узлуксиз таълим тизимида психологик хизмат соҳасини илмий асосда ривожлантириш чора-тадбирлари тўғрисида”ги Президент қарорига мувофиқ, барча таълим ташкилотларининг педагог (тарбиячи) ва ўқувчилари (тарбияланувчилари, талабалари) бир ўқув йилида камида бир маротаба мақсадли психологик диагностикадан ўтказилади.

Ушбу тизим:
- биринчи босқичда — 2026/2027 ўқув йилидан бошлаб мактабгача ва умумий ўрта таълим ташкилотларида;

- иккинчи босқичда — 2027/2028 ўқув йилидан бошлаб ўрта махсус, касбий ва олий таълим ташкилотларида жорий этилади.

@platformauzb

Янгилик қилиб Америка очиш керак эмас

Янгилик қилиб Америка очиш керак эмас... Мен ҳеч нарса қилмайман, фақат тартибни ва талабни жойига қўйиб, шу ҳисобидан эртага самарали натижага эришишни истамоқчиман. Ўқиш учун ҳамма нарса бор.


Эркинжон Турдимов, таълим ва илм-фан вазири

@platformauzb

Президентнинг иқтисодий сиёсат бўйича маслаҳатчиси ўринбосари этиб тайинланган Алишер Кучиев бир ҳафта олдин БААда

@platformauzb

Алишер Кучиевнинг отаси Исмат Кучиев:

"Очиғини айтаман, мен Совет Иттифоқининг парчаланишига салбий муносабатдаман. Ҳа, бизга кўпроқ мустақиллик керак эди. Бироқ мен бир нарсани биламан: агар Ўзбекистонни оладиган бўлсак, биз Совет Иттифоқи таркибида жуда кўп нарсаларга эришдик. Кўпчилик олий маълумот олди. Биз бугун эга бўлган нарсаларга СССР туфайли эришганмиз. Ва ҳозир суверенитетни ҳурмат қилган ҳолда, кўплаб масалалар бўйича интеграциялашиш керак. Чегараларни эса фақат терроризм ва гиёҳванд моддалар савдосидан ёпиш керак"

PS. Сиёсий қарашлар ҳар хил бўлиши мумкин.

@platformauzb

Биометрик паспорт, ID-карта, туғилганлик ва никоҳ гувоҳномалари, пенсия гувоҳномаси, ногиронлик тўғрисидаги маълумотнома, уруш қатнашчиси гувоҳномаси ёки талабалик гувоҳномаси каби ҳужжатларнинг қоғоз шакли ўрнига my.gov.uz ва “Ижтимоий карта” мобил иловасидаги электрон шаклидан фойдаланиш мумкин.

✅ Рақамли ҳужжатлар қуйидаги ҳолатларда қабул қилинади:
🔹 банкларда – банк хизматларидан фойдаланишда ва айрим молиявий операцияларни амалга оширишда шахсни тасдиқлашда;
🔹 нотариал идораларда – тегишли нотариал ҳаракатларни амалга оширишда;
🔹 аэропортларда – Ўзбекистон ичидаги авиарейсларга рўйхатдан ўтишда;
🔹 уруш қатнашчиларига компенсация беришда;
🔹 телекоммуникация хизматлари кўрсатишда – абонент билан хизмат шартномасини тузишда;
🔹 қон ва унинг таркибий қисмларини топширишда – донорнинг шахсини тасдиқлашда;
🔹 ломбардлар билан шартнома тузишда;
🔹 тиббий-ижтимоий муассасаларда пуллик хизматлар кўрсатишда;
🔹 фуқароларни ҳарбий рўйхатга олишда ва бошқа бир қатор хизматларни кўрсатишда.

@platformauzb

Адлия вазирлиги мавҳумликка яна аниқлик киритмади

Адлия вазирлиги қоғоз ҳужжатларга барҳам бериш бўйича янги ҳужжатни қабул қилди, аммо унда ҳам баҳсли масалага ойдинлик киритилмади.

Хуллас, 2026 йил 21 майда Вазирлар Маҳкамаси айрим ҳужжатларга ўзгартиш киритиш ҳақидаги қарорни имзолаган. Унда ҳужжатларнинг асл нусхалари ўрнига электрон ёки онлайн нусхаларини кўрсатиш кифоя экани ёзилган.

Бир неча ой аввал худди шу ўзгартириш сабабли кўп муҳокамалар бўлиб ўтган. Яъни энди ЙПХ ходимига паспорт ёки айди-картанинг асл нусхасини кўрсатиш шарт эмас, деган тушунча пайдо бўлган.

Маъмурий жавобгарлик ҳақидаги кодексда эса ЙПХ ходими сўраганда ҳайдовчи ҳужжатларнинг асл нусхасини тақдим этиши мажбурий экани кўрсатилган.

Юридик жиҳатдан кодекслар ҳукумат қарорларидан устун туради. Гарчи ички ишлар тизимида қонунлардан "устунроқ" вазир буйруқлари бор бўлса-да. Ш.Ғиёсов ва П.Қаҳрамонга саломлар!

Адлия вазирлиги шу ҳолатга изоҳ бериши керак: ички ишлар ходимлари деганда ЙПХ ходимлари ҳам инобатга олинадими ёки йўқми? Бу саволга жавоб ижобий ё салбий бўлишидан қатъи назар, икки ҳолатга ҳам изоҳ ва тушунтириш керак.

@platformauzb

Энди бирорта мактаб директори йиғилишга чақирилмайди. Барча туман хокимларига етказинглар, чақирмоқчи бўлса биринчи вазирликдан рухсат сўрайди.

Эркинжон Турдимов, таълим ва илм-фан вазири

@platformauzb

Энергетика тизимидаги кенг кўламли коррупция:

уч кунда суюлтирилган газ билан боғлиқ 120 дан ортиқ қонунбузарлик аниқланди.

Уларнинг 39 тасида газ таъминоти идоралари ходимларининг бевосита алоқадорлиги аниқланган.

@platformauzb

МКБАНКда харид жараёнлари рақамлаштирилди!

МКБАНКда харид ҳужжатларини кўриб чиқиш, мониторинг қилиш ва тасдиқлаш жараёнлари электрон шаклга ўтказилди.

🔺 Жараёнлар тезлашади;
🔺 Ҳужжатлар онлайн кузатилади;
🔺 ЭРИ орқали масофадан тасдиқланади;
🔺 Қоғоз сарфи камаяди.

🌿Халқаро қоғозсиз кун муносабати билан рақамли технологиялар орқали ресурсларни тежаш ва экологик самарадорликни оширишга интиламиз. 

МКБАНК: бугунги рақамли ечимлар, эртанги яшил келажак учун!

@platformauzb

FIFA U-20 жаҳон чемпионати 2027 йил 17 сентябр - 9 октябр кунлари Ўзбекистон ва Озарбайжон майдонларида ўтказилади.

@platformauzb

Босқичма-босқич, кам харажатли бўлади, дейишганди-ку. Аввалгиси эскириб қолганмикин ёки?

Ҳеч қанча пул кетмайди, дейишингиз мумкин, лекин барибир харажат!

Бюджет пулини исроф қилманг!

@platformauzb

Кўп қаватли уйлардаги лифтлар учун янги тартиб жорий этилмоқда

Лифтнинг хавфсиз ишлаши уни ўрнатишдан бошланади. Сифатли ускуналар, ишончли эҳтиёт қисмлар ва ўз вақтида техник хизмат кўрсатиш бу борада муҳим аҳамиятга эга.

Қурилиш ва уй-жой коммунал хўжалиги вазирлиги томонидан ишлаб чиқилган «Хавфсиз лифт» электрон платформаси айнан шу йўналишдаги янгиликлардан бири бўлди. Энди лифтлар ва уларнинг эҳтиёт қисмлари савдоси ушбу тизим орқали амалга оширилади.

22 октябрда қабул қилинган Вазирлар Маҳкамасининг 588-сон қарори билан соҳада яна бир қатор ўзгаришлар белгиланди. Хусусан, янги қурилган уйлардаги лифтларга бир йиллик мажбурий сервис хизмати жорий этилади. Техник хизмат кўрсатиш даврийлиги ва масъул ташкилотларнинг вазифалари ҳам аниқлаштирилди.

Эътиборли жиҳати, энди лифтни сотиб олишдан тортиб, ундан фойдаланиш ва техник хизмат кўрсатишгача бўлган жараёнлар ягона тартиб асосида ташкил этилади. Бу аҳоли хавфсизлиги учун муҳим ва ижобий ўзгариш.

@platformauzb

Давлат харидларида тадбиркорлар учун яна бир қулайлик

Саноат кооперацияси ва давлат харидлари агентлиги томонидан давлат харидларида тадбиркорлар учун яна бир қулайлик жорий этилди.

ПФ-259-сон Фармонга мувофиқ, “Электрон дўкон”, “Миллий дўкон” ва экоплатформада тадбиркорлар жойлаштирадиган оферталарнинг амал қилиш муддати 15 кундан 60 кунгача узайтирилди.
Шунингдек, товар етказиб бериш муддати камида 5 кун этиб белгиланди.

Тадбиркорларга қўшимча қулайлик яратиш мақсадида оферта муддати тугашидан 5 кун олдин электрон тизим автоматик равишда огоҳлантириш юборади.
Бу тадбиркорга офертани қайта-қайта фаоллаштириш билан боғлиқ оворагарчиликни камайтириш, вақтни тежаш ва давлат харидларидаги иштирокини қулайроқ ташкил этиш имконини беради.

Яна бир муҳим жиҳат, агентлик ҳар ҳафта шанба куни тадбиркорлар билан давлат харидлари, сертификатлаш, саноат кооперацияси йўналишларида очиқмулоқот ўтказиб келмоқда. Эртага ҳам шундай очиқ мулоқот ўтказилади. Қатнашинг, саволлар ва таклифлар билан иштирок этинг.

Рўйхатдан ўтиш: ҳавола
Савол ва таклифлар учун: @Icppa_aloqa_bot

@platformauzb