V Paraosiyo o‘yinlarida tarixiy natija qayd etgan para atletlarimiz Toshkent xalqaro aeroportida tantanali kutib olindi

Bugun Toshkent xalqaro aeroportining 3-terminalida Yaponiyaning Aichi-Nagoya shaharlarida bo‘lib o‘tgan V Paraosiyo o‘yinlarida ishtirok etib, tarixiy natijaga erishgan O‘zbekiston sport delegatsiyasini tantanali kutib olish marosimi bo‘lib o‘tdi.

Tantanali marosimda Paraosiyo o‘yinlari g‘olib va ishtirokchilariga O‘zbekiston Respublikasi Prezidentining tabrigi Oliy Majlis Senati Raisi Tanzila Narbayeva tomonidan o‘qib eshittirildi. Harbiy orkestr ijrosida O‘zbekiston Respublikasi Davlat madhiyasi yangradi, Milliy gvardiya bayroqdorlari saf tortdi.

Tadbirda O‘zbekiston Respublikasi Prezidentining ijtimoiy himoya masalalari bo‘yicha maslahatchisi - O‘zbekiston Respublikasi Prezidenti huzuridagi Ijtimoiy himoya milliy agentligi direktori Mansurbek Olloyorov, Prezidentning sport bo‘yicha vakili Odil Abdurahmonov, O‘zbekiston Respublikasi Bosh vazirining birinchi o‘rinbosari - ta’lim va ilm-fan vaziri Erkinjon Turdimov, sport vaziri Adkham Ikramov, O‘zbekiston Respublikasi Prezidenti huzuridagi Ijtimoiy himoya milliy agentligi direktorining birinchi o‘rinbosari, O‘zbekiston Milliy paralimpiya qo‘mitasi raisining birinchi o‘rinbosari Shahnoza Mirziyoyeva, Toshkent shahar hokimi Shavkat Umurzakov, Yoshlar ishlari agentligi direktori Alisher Sa’dullayev, Milliy olimpiya qo‘mitasi raisining birinchi o‘rinbosari Otabek Umarov hamda Milliy paralimpiya qo‘mitasi raisi Muxtorxon Tashxodjayev ishtirok etdi.

Marosim davomida V Paraosiyo o‘yinlari qahramonlariga bag‘ishlangan maxsus videorolik namoyish etildi.

Tantanali tadbirda O‘zbekiston sport delegatsiyasi bayroqdorlari, para velosport bo‘yicha jahon va Paraosiyo o‘yinlari chempioni Marjona Pardaboyeva, para suzish bo‘yicha Paraosiyo o‘yinlari chempioni Azizbek Boynazarov hamda Paraosiyo o‘yinlarida uchta oltin medalni qo‘lga kiritgan Xurshid Kodirovning onasi Kamola Xidirboyeva va murabbiylar so‘zga chiqib, yurtimizda sportchilarga ko‘rsatilayotgan yuksak e’tibor va yaratilayotgan imkoniyatlar uchun Davlatimiz rahbariga minnatdorchilik bildirishdi.

Eslatib o‘tamiz, joriy yil 18-24-oktabr kunlari Yaponiyaning Aichi-Nagoya shaharlarida o‘tkazilgan V Paraosiyo o‘yinlarida O‘zbekiston 11 ta sport turi bo‘yicha 149 nafar para atlet bilan ishtirok etdi. Osiyoning 45 ta davlatidan 2 ming 600 nafardan ortiq sportchi qatnashgan musobaqalarda 18 ta sport turi bo‘yicha 490 ta medal jamlanmasi uchun bahslar olib borildi.

O‘zbekiston sport delegatsiyasi musobaqalarni 45 ta oltin, 49 ta kumush va 51 ta bronza, jami 145 ta medal bilan yakunladi. Vakillarimiz umumjamoa hisobida Xitoy va Yaponiyadan keyin uchinchi o‘rinni egallab, mamlakatimiz para sporti tarixidagi eng yaxshi natijani qayd etdi.

E’tiborlisi, O‘zbekiston delegatsiyasi ushbu natija bilan Markaziy Osiyo, Mustaqil Davlatlar Hamdo‘stligi hamda islom davlatlari orasida birinchi o‘rinni egalladi.

Tadbirning badiiy qismida taniqli san’atkorlar tomonidan kuy-qo‘shiqlar ijro etilib, ishtirokchilarga bayramona kayfiyat ulashildi.

Facebook | Instagram | YouTube|Telegram

Toshkentda Markaziy Osiyo xalqaro ta’lim forumi o‘z ishini boshladi. Unda 40 dan ortiq davlat vakillari, jumladan, ta’lim va fan vazirlari, 500 ga yaqin mahalliy va xorijiy oliygoh rahbarlari hamda mingdan ziyod ekspert ishtirok etmoqda.

Forumning ochilish marosimida Prezidentimiz Shavkat Mirziyoyevning anjuman ishtirokchilariga murojaatini o‘qib eshittirdim.

Davlatimiz rahbari qutlovida Markaziy Osiyo mamlakatlari o‘rtasida o‘zaro ishonch, yaxshi qo‘shnichilik va sheriklik mustahkamlanayotgani ta’kidlandi. Qariyb 85 million aholiga ega mintaqamizning eng katta boyligi esa bilimga intilayotgan yosh avloddir.

“Ana shu ulkan demografik salohiyatni qudratli intellektual kuchga aylantirishda eng samarali yo‘l – sifatli, zamonaviy ta’lim va tarbiyadir”,

– deyiladi murojaatda.

Prezidentimiz O‘zbekistonda ta’lim islohotlari davlat siyosatining ustuvor yo‘nalishiga aylanganini qayd etgan. Yaqinda maktabgacha va maktab ta’limi, kasbiy va oliy ta’lim hamda ilm-fan boshqaruvi yagona tizimga birlashtirildi. Bundan maqsad – bolaning dastlabki bilim olishidan yetuk mutaxassis va olim bo‘lib shakllanishigacha bo‘lgan bosqichlar uzviyligini ta’minlash.

Murojaatda ta’lim yoshlarni mustaqil fikrlash, ijod qilish va umri davomida o‘rganishga tayyorlashi zarurligi ta’kidlangan. O‘qituvchi va murabbiylarning rolini oshirish, maktab, texnikum, universitet hamda ishlab chiqarish o‘rtasidagi hamkorlikni kuchaytirish, ayniqsa, qizlar, chekka hududlardagi bolalar va alohida ta’limga ehtiyoji bo‘lgan yoshlar uchun imkoniyatlarni kengaytirish muhim vazifalar sifatida ko‘rsatildi.

Prezidentimiz sun’iy intellekt va zamonaviy muhandislik yo‘nalishlarini rivojlantirish, universitetlar o‘rtasidagi qo‘shma dasturlar va tadqiqotlarni ko‘paytirish, talaba hamda olimlar almashinuvini qo‘llab-quvvatlashga chaqirdi.

Davlatimiz rahbari Markaziy Osiyoni ilm-ma’rifat, yuksak texnologiyalar va innovatsiyalar birlashgan umumiy intellektual makonga aylantirishdek strategik maqsad yo‘lida forumda amaliy takliflar ilgari surilishiga ishonch bildirdi.
—
В Ташкенте начал работу Международный образовательный форум Центральной Азии. В нем участвуют представители более 40 стран, в том числе министры образования и науки, около 500 руководителей узбекистанских и зарубежных вузов и свыше тысячи экспертов.

На церемонии открытия форума зачитал послание Президента Шавката Мирзиёева к участникам мероприятия.

В приветствии главы нашего государства отмечено укрепление взаимного доверия, добрососедства и партнерства между странами Центральной Азии. Главное богатство региона при населении около 85 миллионов человек – молодое поколение, стремящееся к знаниям.

«Самый действенный путь к превращению этого огромного демографического потенциала в мощную интеллектуальную силу – качественное современное образование и воспитание»,

– говорится в обращении.

Президент нашей страны отметил, что реформы образования в Узбекистане стали одним из приоритетов государственной политики. Недавно управление дошкольным, школьным, профессиональным и высшим образованием, а также наукой объединено в единую систему. Цель – обеспечить преемственность всех этапов: от получения ребенком первых знаний до становления квалифицированного специалиста и ученого.

Подчеркнуто, что образование должно готовить молодежь к самостоятельному мышлению, творчеству и обучению на протяжении всей жизни. Среди важных задач названы повышение роли педагогов и наставников, укрепление сотрудничества между школами, техникумами, университетами и производством, расширение возможностей для девочек, детей из отдаленных районов и молодых людей с особыми образовательными потребностями.

Глава нашего государства выразил уверенность, что на форуме будут выдвинуты практические предложения, служащие стратегической цели – превратить Центральную Азию в общее интеллектуальное пространство, объединяющее просвещение, высокие технологии и инновации.

Facebook|Instagram|X