✅ Bugun Ixtisoslashtirilgan ta'lim muassasalari agentligi direktori Sevara Shakirova jahonning eng nufuzli texnika universiteti – Massachusetts Institute of Technology (MIT)ga 100%lik grant asosida qabul qilingan iste’dodli yoshlar bilan uchrashdi.

Agentlik tizimidagi Muhammad al-Xorazmiy nomidagi ixtisoslashtirilgan maktab bitiruvchilari – Zohidjonov Elbek va Sunnatov Asilbek dunyoning birinchi raqamli texnika oliygohi hisoblangan Massachusetts Institute of Technology (MIT) universitetiga to‘liq grant asosida qabul qilindi.

🦉 Eslatib o‘tamiz, MIT – bugungi kunda QS jahon reytingida 13 yil ketma-ket 1-o‘rinni egallab kelayotgan, 100 dan ortiq Nobel mukofoti sovrindorlarini yetishtirgan, radar, GPS va sun’iy intellekt kashiyoftlari yaratilgan, muhandislik, kompyuter texnologiyalari, matematika, fizika va iqtisodiyot yo‘nalishlarida mutlaq peshqadam bo‘lgan dargohdir.

Agentlik direktori iqtidorli yoshlarni tarixiy yutuq bilan samimiy muborakbod etib, ularning kelgusi rejalari bilan tanishdi.

💬 Suhbat davomida Elbek va Asilbek MITda o‘z bilimlarini yanada oshirish, ilmiy-tadqiqot faoliyati bilan shug‘ullanish va kelajakda O‘zbekistonga yosh olim-professorlar bo‘lib qaytish niyatlarini bildirdi. Uchrashuv samimiy va xursandchilik ruhida o‘tdi.

Bizning qahramonlarimiz – oddiy oilalar farzandlari. Ularning bugungi yutug‘i - bu o‘zalarini bilimga intilishlari, ustozlarning fidoyiligi va davlat tomonidan Agentlikka berilgan vakolat va imkoniyatlardan to‘liq foydalanish natijasidir.

💬 Bu ikki yosh yigit har bir o‘zbekistonlik o‘quvchiga namuna sifatida bir dalil - iste’dod va tinmas mehnat bilan dunyoning eng nufuzli universitetlari eshiklarini ochish mumkin!

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal