📰📰📰📰📰📰📰

✅ Maktabgacha va maktab taʼlimi vaziri Eʻzoza Karimova rahbarligidagi delegatsiya vakillari Xanchjou shahridagi “Chown Century City” eksperimental maktabi hamda “Unitree robotics” korxonasi bosh-ofisida boʻlishdi.

🔹 “Chown Century City” maktabida sunʼiy intellekt va STEM yoʻnalishlarida amalga oshirilayotgan innovatsion oʻquv dasturlari, zamonaviy raqamli infratuzilma va interfaol taʼlim metodikalari bilan tanishishdi.

➖ Shuningdek, mazkur maktab bilan STEM va sunʼiy intellekt taʼlimi sohasida oʻzaro dastur almashish hamda Muhammad al-Xorazmiy nomidagi ixtisoslashtirilgan maktab bilan oʻzaro tajriba almashishni yoʻlga qoʻyishga kelishib olindi.

👉 “Unitree Robotics” kompaniyasi bilan STEM oʻqituvchilari va iqtidorli oʻquvchilarning mazkur kompaniya bazasida amaliyot oʻtashini tashkil etish boʻyicha muzokaralar olib borildi.
 
🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

📰📰📰📰📰📰📰

🇺🇿🇨🇳 Xitoy va O‘zbekiston hamkor maktablari: ta’limda yangi davr boshlandi

Butunjahon raqamli ta’lim konferensiyasi doirasida “Xitoy va O‘zbekiston hamkor maktablari” dasturini rivojlantirish bo‘yicha anglashuv memorandumi imzolandi. Ushbu hujjatni Ixtisoslashtirilgan ta’lim muassasalari agentligi direktori Sevara Shakirova va Xitoy Xalqaro ta’lim almashinuvlari assotsiatsiyasi (CEAIE) bosh kotibi Yan Szyun imzoladilar.

🤝 Memorandum ta’lim sohasida amaliy hamkorlikni mustahkamlash hamda ikki mamlakat maktablari o‘rtasida sun’iy intellekt (SI) texnologiyalari kabi asosiy yo‘nalishlarda o‘zaro almashinuvni har tomonlama qo‘llab-quvvatlashga qaratilgan.

Dasturning rasmiy boshlanishi O‘zbekistonning barcha hududlaridan 14 ta Prezident maktabi va Xitoyning 12 ta yetakchi maktabi o‘rtasida hamkorlik aloqalari o‘rnatilishi bilan boshlandi.

Shuningdek, dastur doirasida umumta’lim maktablari va Xitoy maktablari o‘rtasida hamkorlikni kengaytirish rejalashtirilgan. Bu ikki davlat ta’lim tizimlarini yanada yaqinlashtiradi va o‘quvchilar hamda pedagoglar uchun yangi imkoniyatlarni yaratadi.

Memorandum doirasida tomonlar quyidagi tashabbuslarni amalga oshirishga kelishib oldilar:

✅ Hamkor maktablar sun’iy intellekt sohasini birgalikda o‘rganadi, SI bo‘yicha o‘quv dasturlari va materiallarini ishlab chiqadi, shuningdek, STEM, tabiiy fanlar va tillarni o‘qitish sohalarida hamkorlikni kengaytiradi.

✅ SI o‘qituvchilari uchun maxsus treninglar, malaka oshirish va almashinuv dasturlari tashkil etiladi. Soha ekspertlari va olimlari ma’ruzalar o‘qish hamda ilg‘or amaliy tajriba almashish uchun jalb qilinadi.

✅ Tomonlar sun’iy intellekt sohasida o‘quvchilarning qo‘shma amaliy loyihalarini rag‘batlantiradi. Matematika, fizika va kimyo fanlari bo‘yicha muntazam olimpiadalar va tanlovlar, shuningdek, qo‘shma yozgi ilmiy oromgohlar tashkil etiladi.

✅ Ta’lim muassasalari rahbarlari o‘zaro muloqot qilish maqsadida maxsus platformaga ega bo‘ladilar; bu platforma orqali qo‘shma seminarlar tashkil etish, direktorlar o‘rtasida tajriba almashish va jahon tamoyillarini muhokama qilish imkoniyati mavjud bo‘ladi.

Xitoy va O‘zbekiston hamkor maktablari tarmog‘ining yaratilishi global dunyoqarashga, innovatsion fikrlashga va fanlararo vazifalarni samarali hal etish qobiliyatiga ega bo‘lgan kelajak iste’dodlarini tarbiyalash uchun mustahkam poydevor yaratadi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

📰📰📰📰📰📰📰

Xitoy bilan ta'lim sohasidagi hamkorlik kengaymoqda

🔴 Maktabgacha va maktab ta’limi vaziri Eʻzoza Karimova rahbarligidagi delegatsiya vakillarining Xitoy Xalq Respublikasidagi uchrashuvlari davom etmoqda.

Tashrifning uchinchi kuni Shanxay shahrida soha istiqbolini belgilovchi strategik kelishuvlar va nufuzli xalqaro tashkilotlar bilan muloqotlarga boy bo‘ldi.

🔹 Xususan, YUNESKOning II toifali “O‘qituvchilar taʼlimi markazi” (TEC) bosh direktori Chjan Minxsyuan bilan muloqot bo'lib o'tdi.

Unda Toshkent shahrida YUNESKO shafeligi ostidagi II-toifali “Maktabgacha taʼlimni rivojlantirish mintaqaviy markazi”ni tashkil etish bo‘yicha hamkorlik memorandumi imzolashga va poytaxtimizda pedagoglarning professional rivojlanishiga xizmat qiluvchi “Pedagog maqomini yuksaltirish qo‘shma markazi” tashkil etilishi bo‘yicha kelishib olishdi.

➖ Shuningdek, Syaoshan tumanidagi davlat innovatsion bog‘chasi faoliyati o‘rganildi. Unda raqamlashtirish tizimlari va o‘yin orqali o‘qitish metodikalarini maktabgacha ta’lim muassasalarimizga tatbiq etish masalalari tahlil qilindi.

Eng muhim yangiliklardan biri — 2026-yil sentabr oyidan boshlab o‘qituvchi va talabalar uchun qisqa muddatli xalqaro almashinuv dasturlarining yo‘lga qo‘yilishi bo‘ldi. Bu tizim kadrlarimizning xalqaro tajriba almashish ko‘lamini kengaytirishga xizmat qiladi.

🔰 Tashrif doirasida Shanxay pedagogika universiteti va Sharqiy Xitoy pedagogika universiteti bilan sunʼiy intellekt hamda xitoy tili o‘qituvchilarini tayyorlash bo‘yicha qo‘shma dasturlarni amalga oshirish belgilandi.

Shuningdek, “O‘zbek-Xitoy pedagogik oliy taʼlim muassasalari” alyansining tashkil etilishi ikki mamlakat ta’lim tizimlarini o‘zaro yaqinlashtiruvchi poydevor bo‘lib xizmat qiladi.

🌍🌍🌍🌍🌍🌍

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin