🇺🇿 Assalomu alaykum, muhtarama onaxonlar, qadrli opa-singillar, dilbar qizlarim!

💐 Sizlarni, butun O‘zbekiston ayollarini 8-mart – Xalqaro xotin-qizlar kuni bilan chin qalbimdan samimiy muborakbod etaman.

Inson hayotini, jamiyat taraqqiyotini xotin-qizlarsiz, ularning ezgu fazilatlarisiz tasavvur etib bo‘lmaydi.

Biz sizlarning timsolingizda Uchinchi Renessans bunyodkori bo‘lib maydonga chiqayotgan 22 millionlik yosh avlodni onalik mehri bilan tarbiyalab, voyaga yetkazgan buyuk bir kuchni ko‘ramiz.

Sizlar tadbirkor, olim, muallim, shifokor, muhandis, davlat va jamoat arbobi, bir so‘z bilan xonadonlarimiz farishtasi, oila va jamiyat tayanchi, desak, ayni haqiqatni aytgan bo‘lamiz.

Aziz opa-singillar!

💐 Biz yurtimizda xotin-qizlarning huquq va manfaatini ta’minlash, muammolarini hal qilish bo‘yicha mutlaqo yangi tizim yaratdik. Barcha qonun, farmon va qarorlarni qabul qilishda gender masalasi bo‘yicha huquqiy mexanizmlar joriy etildi.

Endi xotin-qizlarning huquq va manfaatlariga ta’siri baholanmay turib birorta qonun qabul qilinmaydi.

Yaratilgan keng imkoniyat va sharoitlar hisobiga 230 mingga yaqin tadbirkor ayollar sinfi shakllandi, mirishkor fermer ayollarimiz 12 ming nafarga yetdi, ilm-fan rivojiga ulkan hissa qo‘shayotgan olimalarimiz 6 ming nafardan oshdi.

O‘tgan yili dunyo arenalarida shijoatli qizlarimiz 167 ta oltin, 193 ta kumush, 243 ta bronza medalini qo‘lga kiritgani tahsinga sazovordir.

Xotin-qizlarimiz hayotidagi ana shunday katta o‘zgarishlar dunyo hamjamiyati tomonidan e’tirof etilmoqda. Xususan, O‘zbekiston Parlamentlararo ittifoqning “Parlamentdagi ayollar” reytingida 92 pog‘ona yuqorilab, 36-o‘rinni egalladi; “Gender tenglik va boshqaruv” indeksida 103-o‘rindan 52-o‘ringa ko‘tarildi; Jahon bankining “Ayollar, biznes va qonun” hisobotida esa o‘z pozitsiyasini 43 pog‘onaga yaxshilab, 48-o‘ringa chiqdi.

Fursatdan foydalanib, turli sohalardagi mehnati, iste’dodi va aql-zakovati bilan Yangi O‘zbekistonni barpo etishga munosib hissa qo‘shib kelayotgan ayollarimizga, xalqaro maydonlarda Vatanimizni dunyoga tarannum etayotgan qizlarimizga, ularning ota-onalari, ustoz va murabbiylariga samimiy minnatdorlik bildiraman.

💬 Batafsil president.uzda o'qishingiz mumkin

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

✅ Yangilangan reyting: TOP-40 boshqaruvdagi ayollar

“Yuksalish” harakati tomonidan davlat va jamiyat boshqaruvida faoliyat yuritayotgan rahbar ayollarning yillik reytingi yangilandi.

Bu yil TOP-40 ro‘yxatini shakllantirishda 100 nafardan ortiq nomzod faoliyati ekspertlar tomonidan tahlil qilindi. Reyting boshqaruvdagi natijalar, islohotlardagi ishtirok, sohaviy ta’sir va jamoatchilik ishonchi kabi mezonlar asosida tuzildi.

Reytingdan o‘rin olgan ayollar davlat va jamiyat boshqaruvining turli bo‘g‘inlarida faoliyat yuritadi. Ular orasida Prezident Administratsiyasi, Oliy Majlis Palatalari, Vazirlar Mahkamasi, vazirlik va idoralar, mahalliy hokimliklar, moliya va bank tizimi, ta’lim hamda sud-huquq tizimida faoliyat yuritayotgan rahbarlar mavjud.

Ushbu reytinglarda qayd etilgan ayollarning ko‘pchiligi keyingi yillarda davlat boshqaruvida yuqoriroq lavozimlarga tayinlangan, ayrimlari hududiy darajadan respublika darajasidagi rahbarlik lavozimlariga ko‘tarilgan. Shuningdek, bir qator nomzodlar sohaviy rahbar, qo‘mita yoki agentlik darajasida qaror qabul qilish jarayonlarida faol ishtirok etmoqda.

**Ma'lumot uchun: ro'yxat alifbo tartibida shakllantirilgan

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

💐 8 Mart – Xalqaro xotin-qizlar bayrami muborak bo‘lsin!

✅ Ixtisoslashtirilgan ta’lim muassasalari agentligi tizimidagi barcha ta’lim tashkilotlari – Prezident, ijod, ixtisoslashtirilgan maktab va maktab internatlar, xalqaro Al Beruniy va sport maktabi, Pedagogik mahorat va xalqaro baxolash ilmiy amaliy markazi hamda Fan olimpiadalari markazi, oliy ta’lim muassasalari va “Renessans” oromgohida zamonaviy bilimlarga ega, erkin fikrlaydigan, barcha yo‘nalishlarda faoliyat olib borayotgan ayol ustozlarimiz, o‘quvchi qizlarimiz va yurtimizning fidoyi xotin-qizlarini ushbu qutlug‘ ayyom bilan samimiy tabriklaymiz.

🌷Ayol — jamiyat ma’naviyati, ilm-fan va tarbiyaning mustahkam poydevoridir. Sizning zakovatingiz, qat’iyatingiz va mehr-muhabbatingiz kelajak avlod kamolotiga xizmat qilmoqda. Ta’lim sohasidagi fidokorona mehnatingiz, yoshlar tarbiyasiga qo‘shayotgan munosib hissangiz yuksak e’tirofga sazovor.

🌷Biz Sizlarni nafaqat oila timsoli, balki taraqqiyot va yangilanishlar jarayonining faol ishtirokchisi sifatida qadrlaymiz.

🌷Sizlarga mustahkam sog‘lik, baxt-saodat, ilhom va yangi yutuqlar tilaymiz. Har bir kuningiz e’tirof va ehtiromga to‘la bo‘lsin!

Bayramingiz muborak bo‘lsin, hurmat bilan agentlik direktori Sevara Shakirova va jamoasi

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal