🎭 “TURON” TEATR TANLOVI: RESPUBLIKA BOSQICHIGA START BERILDI!

Yangi O‘zbekistonning eng iste’dodli yoshlari — sahna san’ati, milliy qadriyatlar va ma’naviyat uyg‘unligini namoyish etish uchun yana bir bor birlashdi.

Ixtisoslashtirilgan ta’lim muassasalari agentligi tizimidagi Prezident, ijod, sport, ixtisoslashtirilgan maktab hamda maktab-internatlarda tahsil olayotgan o‘quvchilar o‘rtasida o‘tkazilayotgan “Turon” teatr tanlovining Respublika bosqichi tantanali ravishda o‘z eshiklarini ochdi.

Bu yilgi tanlov ko‘lami bilan ajralib turadi:

- 14 ta teatr jamoasi turli viloyatlardan respublika bosqichida ishtirok etish uchun jamlangan.

- 5 ta “Zamin Creative” inklyuziv teatr studiyasi jamoalari ham o‘z mahoratini namoyish etadi.

Tanlovning asosiy maqsadi — yoshlar o‘rtasida san’at va adabiyotga bo‘lgan qiziqni yanada oshirish, sahna madaniyatini rivojlantirish hamda iqtidorli yoshlarni qo‘llab-quvvatlashdir.

Ixtisoslashtirilgan ta’lim muassasalari agentligi direktori o‘rinbosari X.Shakirov:

- Hududiy bosqichlarda g‘olib bo‘lgan eng sara jamoalar endi respublika bosqichida o‘z iste’dodi, sahna madaniyati va ijodiy yondashuvi bilan bellashadilar. Barcha ishtirokchilarga omad va zafarlar tilaymiz!

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

📰📰📰📰📰📰📰

🇺🇿🇨🇳 O‘zbekiston va Xitoy o‘rtasida ta’lim sohasidagi hamkorlik yangi strategik bosqichga ko‘tarilmoqda

Ixtisoslashtirilgan ta’lim muassasalari agentligida Xitoy Ta’lim vazirligi delegatsiyasi bilan rasmiy uchrashuv bo‘lib o‘tdi. Delegatsiyaga Xitoy Ta’lim vazirligining Yevrosiyo departamenti boshlig‘i Syuy Chje Szin xonim boshchilik qildi.

Uchrashuv davomida Agentlik direktorining maslahatchisi Mardonbek Fayzullayev O‘zbekiston va Xitoy o‘rtasidagi ta’lim hamda madaniyat sohasidagi hamkorlik aloqalari izchil rivojlanib, strategik darajaga ko‘tarilganini ta’kidladi.

✅Muloqot jarayonida quyidagi ustuvor yo‘nalishlar bo‘yicha o‘zaro qo‘llab-quvvatlov bildirildi:

✍️ Prezident maktablari va Xitoyning ilg‘or ta’lim muassasalari o‘rtasida qardoshlik aloqalarini o‘rnatish;
✍️ sun’iy intellekt yo‘nalishida qo‘shma ta’lim dasturlarini joriy etish;
✍️ Prezident maktablari rahbarlari va pedagoglari uchun Xitoyda malaka oshirish dasturlarining navbatdagi bosqichini tashkil etish;
✍️ Raqamli ta’lim bo‘yicha Butunjahon kongressida ishtirok etish.

✅Shuningdek, O‘zbekiston tomoni tomonidan hamkorlikni yanada kengaytirishga qaratilgan quyidagi takliflar ilgari surildi:

✍️ xitoy tilini o‘qitish bo‘yicha zamonaviy standart va dasturlarni ishlab chiqishda hamkorlikni kuchaytirish;
✍️ xalqaro (Xitoy) maktabi uchun yangi avlod darsliklarini birgalikda yaratish va mahalliylashtirish;
✍️ maktab kutubxonalarini rivojlantirish yuzasidan tajriba almashish;
✍️ iqtidorli bitiruvchilar uchun Xitoyning yetakchi oliy ta’lim muassasalariga kirish imkoniyatlarini kengaytirish;
✍️ ilg‘or ta’lim tashkilotlari bilan hamkorlik memorandumlarini imzolash;
✍️ aniq fanlar va xorijiy tillar o‘qituvchilari uchun qisqa va o‘rta muddatli malaka oshirish dasturlarini yo‘lga qo‘yish;
✍️ o‘quvchilar va pedagoglar uchun qo‘shma yozgi oromgohlar hamda almashinuv dasturlarini tashkil etish.

Uchrashuv yakunida ilgari surilgan tashabbuslar yaqin kelajakda amaliyotga tatbiq etilib, Agentlik Xitoy Ta’lim vazirligining ishonchli hamkoriga aylanishiga ishonch bildirildi. Tomonlar ochiq va konstruktiv muloqot uchun o‘zaro minnatdorchilik izhor etdi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

✅ Agentlik va Jahon tillari universiteti - hamkorlikning yangi bosqichi

Bugun Ixtisoslashtirilgan ta’lim muassasalari agentligi direktori Sevara Shakirova Oʻzbekiston davlat jahon tillari universiteti rektori Ilhom To‘xtasinov va universitet jamoasi bilan uchrashuv o‘tkazdi.

Uchrashuvda ikki muassasa o‘rtasida uzoq muddatli hamkorlikni yo‘lga qo‘yishning muhim yo‘nalishlari belgilab olindi:

🟡 Ilmiy va kadrlar salohiyatini birlashtirish — Agentlik va Universitet o‘rtasida ilmiy aloqalar o‘rnatish, bitiruvchilarni ishga joylashtirish bo‘yicha hamkorlikni kengaytirish;

🟡Amaliyot va darsdan tashqari faoliyat — bitiruvchi kurs talabalarining mutaxassisligiga mos ravishda pedagogik va darsdan tashqari amaliyotlarini tashkil etish bo‘yicha kelishuv;

Uchrashuv yakunida ikki tomon o‘zaro anglashuv va hamkorlikni rivojlantirishga tayyorligini bildirdi. Bu qadam ta’lim muassasalari o‘rtasidagi integratsiyani mustahkamlash, o‘qituvchi professorlar va talabalar uchun yangi imkoniyatlar yaratishda muhim ahamiyat kasb etadi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal